Morgunblaðið - 12.06.2007, Blaðsíða 26
26 ÞRIÐJUDAGUR 12. JÚNÍ 2007 MORGUNBLAÐIÐ
MINNINGAR
✝ Svanhvít UnnurÓlafsdóttir
fæddist í Reykjavík
19. júní 1916. Hún
lést á heimili sínu,
Hjúkrunarheimilinu
Sóltúni, 25. maí síð-
astliðinn. Foreldrar
hennar voru Pálína
Þorfinnsdóttir, f.
1879, d. 1924 og
Ólafur Sæmundsson
sjómaður frá
Reykjavík, f. 1886,
d. 1953. Svanhvít
var yngst í hópi
fjögurra alsystkina en átti einnig
þrjú yngri hálfsystkin. Alsyskinin
eru Jónína húsmóðir, f. 1908, d.
1972, Sigurfinnur húsgagnasmið-
ur, f. 1912, d. 2003 og Anna Ástrós,
f. 1914. Hálfsystkin hennar eru
Svanhvít Stella Ólafsdóttir, f.
27.10. 1921, Guðlaug Ólafsdóttir, f.
8.9. 1924 og Ólafur Sverrir Ólafs-
son, f. 11.10. 1925, d. 31.8. 2000.
Svanhvít giftist 1943 Páli Frið-
skólastjóra, f. 1954 og átti með
henni tvö börn, Guðmund Pál ráð-
gjafa, f. 1974 og Theodór við-
skiptafræðing, f. 1981. Börn
Fanneyjar eru Sandra Baldvins-
dóttir héraðsdómari, f. 1970 og
Sigurjón Þorvaldsson verk-
fræðinemi, f. 1975. 4) Leó sölu-
stjóri, f. 22.7. 1955, kvæntur Ing-
unni M. Þorleifsdóttur
hárgreiðslumeistara, f. 1957.
Börn þeirra eru Þorleifur Fannar
hársnyrtir, f. 1977 og Unnur Ósk,
f. 1987.
Svanhvít ólst upp í Reykjavík
og á Blöndholti í Kjósarsýslu. Hún
fór til náms í Gagnfræðaskólanum
að Laugarvatni og útskrifaðist
þaðan. Hún fluttist til Suðureyrar
við Súgandafjörð 1941 og bjó þar
til 1984 er hún flutti að Miðleiti 7 í
Reykjavík. Síðasta æviárið bjó
hún á hjúkrunarheimilinu Sóltún í
Reykjavík. Á Suðureyri tók hún
virkan þátt bæði í atvinnulífinu
þar og eins í félagsmálum. Kenndi
þar á tímabili bæði prjónaskap og
vefnað.
Útför Svanhvítar verður gerð
frá Bústaðakirkju í dag og hefst
athöfnin klukkan 15.
bertssyni frá Súg-
andafirði, versl-
unarmanni og síðar
útgerðarmanni, f.
1916, d. 1992. Svan-
hvít eignaðist fjóra
syni, þeir eru: 1) Sæv-
ar, f. 19.1.1942, d.
1998. 2) Gunnar, f.
11.7. 1946. Núver-
andi maki Hafdís
Pálmadóttir. Gunnar
var kvæntur Gerði
Pálmadóttur og eign-
uðust þau tvö börn,
Pálma Þór viðskipta-
fræðing, f. 1969 og Svanhvíti
rekstrarfræðing, f. 1971. Börn
Hafdísar eru Linda Björk Þor-
grímsdóttir snyrtifræðingur, f.
1970 og Hrafnhildur Heiða Þor-
grímsdóttir naglafræðingur, f.
1973. 3) Friðbert viðskiptafræð-
ingur, f. 28.4. 1951, kvæntur Fann-
eyju Gísladóttur framkvæmda-
stjóra, f. 1953. Friðbert var
kvæntur Margréti Theodórsdóttur
Nú þegar kveðjustund er runnin
upp og ég hugsa um hana Svönu
ömmu koma fram góðar minningar
eingöngu. Amma var ákaflega góð
manneskja sem helst vildi aldrei láta
neitt fyrir sér hafa en var alltaf tilbú-
in að gera eitthvað fyrir aðra.
Ég eyddi nokkrum sumrum hjá
henni og Palla afa á Súganda þegar
ég var lítill. Þegar ég rifja upp þenn-
an tíma kemur ýmislegt skemmti-
legt í ljós. Þegar ég fór í leikskólann
á daginn útbjó hún nesti fyrir mig.
Ég man sérstaklega eftir kakómal-
tinu sem hún blandaði og tappaði á
kókflösku úr gleri. Þetta tók maður
svo með sér, alsæll. Einnig voru
heimabökuðu vínarbrauðin, með
bleikasta glassúr sem sögur fara af
(þótt víða væri leitað), alltaf gómsæt
og lifa sterkt í minningunni.
Sennilega hlær amma enn að því
þegar mér tókst að selja henni fiski-
mjöl sem áburð í garðinn hennar.
Þetta fiskimjöl var búið til úr fullum
hjólbörum af marhnút sem ég og
Njalli, vinur minn, veiddum í höfn-
inni. Við fórum nefnilega með mar-
hnútana í beinamjölsverksmiðjuna,
og fengum mjöl í staðinn, sem ég
seldi ömmu. Hún rifjaði þetta oft
upp með mér og sagðist ekki hafa
heyrt af neinum sem hefði tekist að
koma marhnútum í verð! Þetta eru
ljúfar æskuminningar sem koma til
með að fylgja mér. Mér þótti þetta
gott hrós.
Amma hefur verið svo ómissandi
hluti af tilverunni, bæði á Súganda-
fjarðarárunum og síðar eftir að hún,
afi og Sævi fluttu til Reykjavíkur.
Það verður tómlegra á samveru-
stundum fjölskyldunnar eftir að hún
er farin. Hún setti alltaf sinn svip á
þær með góðri nærveru sinni og oft
óborganlegum húmor.
Ég mun alltaf hugsa hlýlega til
hennar Svönu ömmu fyrir allar góðu
minningarnar sem ég á um hana.
Guðmundur Páll Friðbertsson.
Nú ertu farin, elsku amma mín.
Söknuðurinn er mikill en ég á jafn-
framt fjölmargar góðar minningar
um þig. Ég er búinn að hugsa mikið
til þín síðustu daga og það er skrýtið
að hugsa til þess að þú sért farin. Ég
hugsa einnig með bros á vör til allra
þeirra frábæru stunda sem við átt-
um saman og ég mun alltaf minnast
þín í huganum þegar fjölskyldan
hittist. Þú varst hógvær og vildir
aldrei láta snúast of mikið í kringum
þig. Þú varst svo góðhjörtuð og ert
sennilega sterkasta fyrirmynd mín
þegar talað er um að betra sé að gefa
en þiggja.
Ég man eftir þér fyrst þegar ég
var fjögurra ára þegar þú, afi og
Sævi voruð að flytja í Miðleitið. Sævi
var auðvitað stressaður að flytja,
enda var nýja umhverfið allt öðruvísi
en Suðureyri. Mér er minnisstætt
þegar ég kom í heimsókn til ykkar
því alltaf voru rúllaðar pönnsur og
mjólk á boðstólum. Dótakassinn var
á sínum stað við hliðina á prjónavél-
inni og oft hlustaði ég á snældur
(eins og þú kallaðir þær) sem Sævi
átti.
Ég man þegar ég tók upp á því
heima hjá þér í Miðleitinu að taka
upp símann og gera símaat. Það
gekk nú ekki betur en svo að ég
hringdi óvart í lögregluna og skellti
strax á. Eftir fimmtán mínútur
hringdi svo dyrabjallan og í anddyr-
inu stóð hávaxinn lögreglumaður í
einkennisbúningi og spurði hvort
það hefði ekki einhver hringt á lög-
regluna. Afi var á þessum tíma
hjartasjúklingur og lögreglan hefur
ekki þorað annað en að senda mann
á staðinn. Það tók ekki langan tíma
að finna út hvað var í gangi þar sem
ég stóð mjög skömmustulegur í for-
stofunni. Þú varst nú ekki mjög
ánægð með þetta og sagði við mig að
núna færi ég bara í fangelsi. Ég varð
svo rosalega hræddur að ég hljóp
inn á klósett hágrenjandi og lokaði á
eftir mér. Eftir stutta stund komst
þú svo inn til mín, faðmaðir mig,
kysstir og sagðist ekki vera reið en
að ég mætti ekki gera þetta aftur.
Ég kunni vel að meta þetta þótt ég
hafi aldrei sagt það beint við þig.
Ég er rosalega þakklátur fyrir það
að hafa kynnst þér nánar í seinni tíð.
Eftir því sem ég þroskaðist meira
gerði ég mér grein fyrir hversu ein-
stök þú varst. Það var alltaf gaman
að spjalla við þig um gamla daga,
hvernig þú kynntist afa þegar þú
vannst á Hótel Borg, þegar þú fluttir
vestur á Súgandafjörð á tímum her-
námsins og hvernig lífið fyrir vestan
var. Ég er einnig mjög þakklátur
fyrir síðasta dansinn sem við áttum
saman á árshátíð Súgfirðingafélags-
ins fyrir nokkrum árum. Þar lést þú
aldurinn ekki stoppa þig og dansaðir
vel við tónlist Geirmundar Valtýs-
sonar. Síðast en ekki síst er ég mjög
þakklátur fyrir hversu góð amma þú
varst, alltaf hlý og mikil vinkona
mín. Ég mun alltaf sakna þín mikið
en ég veit að þér líður vel þar sem þú
ert núna.
Theodór Friðbertsson.
Líf okkar Svönu fléttaðist saman
árið 1971. Þá var ég sautján ára, hún
fimmtíu og sex. Ég bankaði upp á
eitt síðsumarkvöld á Hjallaveginum
númer 13 á Suðureyri við Súganda-
fjörð til þess að skila bók sem sonur
hennar, hann Friðbert, hafði lánað
mér. Hún heilsaði mér hlýlega og
bauð mér í stofuna sína. Fyrstu
kynnin létu ekki mikið yfir sér en
þau áttu eftir að taka á sig mörg
blæbrigðin.
Nokkrum mánuðum síðar varð
hún tilvonandi tengdamóðir mín, síð-
an tengdamóðir og amma strákanna
minna tveggja. Fyrir fimm árum síð-
an tók svo við þriðji kaflinn þegar
hún varð ,,fyrrverandi“ tengdamóðir
mín. Við tvær slepptum samt alltaf
þessu ,,fyrrverandi“, það breytti
engu fyrir okkur þótt líf okkar Frið-
berts lægi ekki lengur saman og hún
hélt svo sannarlega áfram að bjóða
mér í stofu lífs síns, bæði í eiginlegri
og óeiginlegri merkingu. Lífsverkið
hennar var allt vel unnið, í einu og
öllu. Eitt stærsta viðfangsefni henn-
ar í lífinu var hann Sævar, elsti
drengurinn hennar af fjórum góðum
strákum, en Sævi var þroskaheftur.
Hann dó frá okkur árið 1998, þá 56
ára gamall. Henni tókst einstaklega
vel upp með uppeldi hans. Ég hef
alla tíð undrast og dáðst að því
hversu frábærlega henni fórst það
úr hendi. Þegar Sævi fæddist var sú
þekking sem nú er til staðar ekki til,
þekking sem hjálpar vissulega þeim
foreldrum sem eru nú í hennar spor-
um forðum, að ég tali nú ekki um að-
stoð samfélagsins. Ef ég man rétt
var hann ekki skráður opinberlega
sem þroskaheftur fyrr en um fer-
tugt. Væntingar til þeirra sem fædd-
ust þroskaheftir voru gjarnan mjög
litlar á árum áður og þess vegna var
hennar uppeldisaðferð ennþá merki-
legri fyrir vikið – en sem betur fer
hafa orðið stórstígar framfarir á því
sviðinu.
Sævi var mikill gleðigjafi alla tíð.
Þegar ég kynntist fjölskyldunni
góðu á Hjallaveginum; Palla, Svönu,
Berta, Sæva, Gunnari og Leó, komst
ég að raun um hversu mikil þraut-
seigja, vinna og tími fólst í að gera
Sæva að þeim gullmola sem hann
varð. Svana gerði ávallt til hans
miklar kröfur, setti honum skýran
ramma og stuðlaði að því að hann
tæki þátt, bæði í atvinnulífinu í
plássinu svo og litskrúðugu mannlíf-
inu. Hún varð honum úti um verk-
efni og kenndi honum að bera
ábyrgð, vera óaðfinnanlega til fara,
vera sjálfstæður og þannig mætti
lengi telja. Að fylgjast með þessu
öllu saman var heilmikil lífsreynsla
fyrir mig – og um leið varð Sævi
einnig einn eftirminnilegasti ein-
staklingur sem ég hef kynnst. Það er
mikið Svönu að þakka.
Nú hefur hún kvatt, blessunin,
eftir rúmlega níu áratuga lífsgöngu.
Hún lifði fallegu lífi. Hún kvaddi á
ljúfan hátt og var tilbúin að leggja
upp í ferðina sína. Ég er fyrst og
fremst þakklát fyrir að hafa átt hana
að, eiga að vini og deila með henni
öllum ánægjustundunum en líka
sorgarstundum. Allar þessar minn-
ingar eru fjársjóður sem ég varð-
veiti. Þrjátíu og sex ára samleið hef-
ur einkennst af fallegum, litríkum og
traustum mannlífsstefum. Þau voru
einnig lituð af gagnkvæmri væntum-
þykju alla okkar samveru.
Margrét Theodórsdóttir.
Svanhvít Ólafsdóttir
Fallegir legsteinar
á góðu verði
Englasteinar
Helluhrauni 10
Sími 565 2566 - www.englasteinar.is
Sendum
myndalista
✝
Elskuleg eiginkona mín, móðir okkar, tengdamóðir
og amma,
ÁSTRÍÐUR GUÐMUNDSDÓTTIR
frá Seljabrekku,
Seilugranda,
lést á líknardeild LHS, Landakoti,
sunnudaginn 10. júní.
Jarðarförin auglýst síðar.
Stefán Eiríksson,
Guðmundur Már Stefánsson, Auður Margrét Möller,
Stefán Hrafn Stefánsson, Ása Hrönn Kolbeinsdóttir,
Helga Björk Stefánsdóttir,
Ásta Hrönn Stefánsdóttir,
Hrefna Stefánsdóttir
og barnabörn.
Elsku hjartans eiginkona mín, móðir okkar, tengda-
móðir, stjúpmóðir, amma, dóttir, systir, tengdadóttir
og mágkona,
HALLDÓRA SIGRÍÐUR GUÐMUNDSDÓTTIR,
Denný,
Suðurgötu 87,
Akranesi,
lést á Landspítalanum í Fossvogi sunnudaginn 10. júní.
Útför hennar fer fram frá Fossvogskirkju mánudaginn 18. júní kl. 13.00.
Blóm og kransar afþakkaðir en þeim sem vilja minnast hennar er bent á
ABC Barnahjálp.
Magnús Finnur Jóhannsson,
Guðmundur Birgir Theodórsson,
Thelma Theodórsdóttir,
Hörður Theodórsson, Lára Eymundsdóttir,
Erla Magnúsdóttir,
Íris Magnúsdóttir,
Aron Snorri, Theodór Elmar, Brynjar Orri,
Hildur Marín, Arnór, Karen, Sonja Rán, Kristófer Elí,
Ísey og Víkingur Breki,
Guðmundur Ingvar Sveinjónsson, Valdís Árnadóttir,
Lilja Guðmundsdóttir, Guðmundur V. Hauksson,
Andrea Guðmundsdóttir, Eysteinn Sigurðsson,
Helga Guðmundsdóttir, Ævar Rafn Kjartansson,
Lára Árnadóttir,
Sigurjón Jóhannsson,
Árni Jóhannsson,
Margrét Nanna Jóhannsdóttir,
Jóhann Jóhannsson
og aðrir aðstandendur.
✝
Okkar kæri bróðir og mágur,
RAGNAR ÞÓRHALLSSON,
lést á dvalarheimilinu Felli föstudaginn 25. maí.
Útförin hefur farið fram í kyrrþey að ósk hins
látna.
Margrét Þórhallsdóttir,
Guðrún Þórhallsdóttir,
Sigurður Stefán Þórhallsson, Margrét Steingrímsdóttir,
Kristbjörg Þórhallsdóttir, Óskar Maríusson,
Guðmunda Þórhallsdóttir, Snær Karlsson.
✝
Okkar elskaða móðir, tengdamóðir, amma og
langamma,
BRYNDÍS SIGURÐARDÓTTIR,
Kríuhólum 4,
Reykjavík,
andaðist á Landspítala Landakoti 16. maí.
Útförin fór fram í kyrrþey að ósk hennar.
Þökkum auðsýnda samúð, umhyggju og vinarhug.
Anna Kristín Brynjúlfsdóttir, Elías Snæland Jónsson,
Jón Hersir Elíasson, Sigrún Arndís Hafsteinsdóttir,
Úlfar Harri Elíasson, Arnoddur Hrafn Elíasson,
Kristín Erla Jónsdóttir, Hafdís Rún Jónsdóttir.
✝
Móðir okkar, amma og langamma,
Vigdís Bjarnadóttir,
Jörfabakka 6,
Reykjavík,
lést laugardaginn 9. júní á líknardeild Landspítalans
í Kópavogi.
Útför verður auglýst síðar.
Þorgeir Ingvason, Guðrún Þorgeirsdóttir,
Margrét Ingvadóttir, Kristinn Guðmundsson,
börn og barnabörn.