Morgunblaðið - 20.06.2007, Blaðsíða 4
4 MIÐVIKUDAGUR 20. JÚNÍ 2007 MORGUNBLAÐIÐ
FRÉTTIR
VEL fór á með forsætisráðherrum
Norðurlandanna á fundi þeirra í gær
og í fyrradag í Punkaharju í Finn-
landi. Geir H. Haarde, forsætisráð-
herra Íslands, segir umræðurnar
hafa verið gagnlegar og samhljómur
hafi verið um þau mál sem rædd
voru.
Geir segir fundinn hafa verið hefð-
bundinn en sumarfundir ráð-
herranna eru fremur óformlegir.
Formlegir fundir voru þó haldnir um
mörg mál og segir Geir að framboð
Íslands til öryggisráðs Sameinuðu
þjóðanna (SÞ) hafi m.a. verið rætt.
„Forsætisráðherrarnir ítrekuðu
stuðning sinn við okkar framboð en
það hefur alltaf legið fyrir að þetta er
sameiginlegt framboð en Finnar
verða síðan í framboði fjórum árum
síðar.“ Ríkin hafa yfirleitt reynt að
stilla strengi sína saman hvað varðar
málefni SÞ og ræddu forsætisráð-
herrarnir einnig um mögulegar um-
bætur á stofnuninni.
Vilja ryðja úr vegi hindrunum
Mikið var rætt um loftslagsmál og
segir Geir að þær umræður hafi verið
mjög áhugaverðar en m.a. var rætt
um loftslagsráðstefnu SÞ sem haldin
verður í Kaupmannahöfn eftir tvö ár.
„Við samþykktum einnig ítarlega
tilkynningu um almenna stefnumót-
un Norðurlandanna vegna alþjóða-
væðingarinnar. Þetta er nokkuð sem
er búið að vera í undirbúningi í nokk-
urn tíma og búið er að ákveða að setja
til hliðar fjármuni í fjárlögum Norð-
urlandanna til að fylgja því eftir,“
segir Geir.
Tilkynningin varð Halldóri Ás-
grímssyni, framkvæmdastjóra Nor-
rænu ráðherranefndarinnar, tilefni
til að lýsa því yfir að nýr áfangi í nor-
rænu samstarfi væri að hefjast. Sagði
Halldór að loftslagsmál, umhverfis-
mál, orkumál, rannsóknir, menntun
og nýsköpun, landamærahindranir
og aukin kynning á Norðurlöndunum
væru svið sem norrænu ríkisstjórn-
irnar vildu leggja áherslu á í framtíð-
inni til að geta tekist á við áskoranir
hnattvæðingarinnar.
Halldór benti einnig á að norræna
ráðherranefndin skipaði lykilstöðu
þegar lagðar væru áherslur í
tengslum við hnattvæðinguna.
Kanna á möguleika á því að skipa ný-
sköpunarfulltrúa í Asíu en einnig
vilja forsætisráðherrarnir samræma
norræna raforkumarkaðinn og
styrkja fjárfestingar í fjarskiptanet-
um og framleiðslu. Ríkisstjórnirnar
eiga einnig að koma með tillögur að
aðgerðum til að ryðja úr vegi kerf-
ishindrunum sem gera borgurum og
fyrirtækjum erfitt fyrir að starfa
saman yfir landamæri á Norðurlönd-
unum.
Ætla að bregðast við
alþjóðavæðingunni
Lehitkuva/Pekka Sakki
Sæti á verðlaunapalli Geir H. Haarde stóð sig einkar vel fyrir Íslands hönd á trjákubbaröðunarmóti forsætisráð-
herranna. Geir stjórnaði vinnuvél sem notuð er til timburflutninga og taldi að hann hefði a.m.k. lent í öðru sæti.
Lehtikuva/Pekka Sakki
Einn nýliði Forsætisráðherrarnir sátu fyrir svörum á blaðamannafundi í
gær. Fredrik Reinfeldt, forsætisráðherra Svía (2. f.v.), hefur ekki áður
mætt á fund ráðherranna en hann tók við embætti síðasta haust.
Eftir Örlyg Stein Sigurjónsson
orsi@mbl.is
ÓSKAR J. Sigfússon vitavörður í
Stórhöfða í Vestmannaeyjum hlaut í
gær umhverfisverðlaun bandarísku
sjávar- og loftslagsstofnunarinnar
NOAA (National Oceanic and
Atmospheric Administration) og hef-
ur hann með verðlaununum verið út-
nefndur hetja umhverfisins. Sendi-
herra Bandaríkjanna, Carol van
Voorst, hafði það hlutverk að afhenda
Óskari verðlaunin fyrir hönd stofn-
unarinnar.
Verðlaunin hlaut Óskar fyrir störf
sem hafa gert rannsóknastofu NOAA
kleift að framkvæma kolefnismæl-
ingar og aðrar loftmælingar sleitu-
laust í 15 ár frá Stórhöfðavita.
Hefur tekið veðrið frá 1952
Í Stórhöfða hefur Óskar starfað
sem veðurathugunarmaður frá árinu
1952. Segir Óskar að verkefnin fyrir
NOAA feli í sér um tíu mismunandi
mælingar aukalega fyrir utan veð-
urathuganir og gengur vinnan þannig
fyrir sig að einu sinni í viku er lofti
dælt á þar til gerða glerkúta með sér-
stökum búnaði og er sýnunum komið
til Veðurstofu Íslands. „Bandaríska
sendiráðið sér síðan um að koma sýn-
unum til Bandaríkjanna,“ segir Ósk-
ar.
„Mér fannst ágætt að taka þessi
störf að mér til að auka fjölbreytnina
við veðurathugunarstarfið. Það kem-
ur mér mjög á óvart að maður skuli
vera sæmdur einhverri sérstakri
nafnbót fyrir þessi störf. Ég gerði
mér ekki grein fyrir því að þetta væri
það hátt metið að ástæða væri til
þess. En það er mjög ánægjulegt
þegar störf manns eru metin,“ segir
hann.
Óskar segir ekki ljóst hvernig
framhaldið verði á þessum vettvangi
en hann fer á eftirlaun um næstu ára-
mót. Hann hefur alla sína ævi búið í
Stórhöfða og fór ungur að vinna með
föður sínum sem var veðurathug-
unarmaður þar.
Vindasamt í Eyjum í vetur
Á þeirri hálfu öld sem liðin er frá
því Óskar byrjaði að taka veðrið fyrir
Veðurstofuna, segist hann hafa
merkt þær breytingar á veðri að á
undanfarin ár hafa verið hlý og er það
samhljóða öðrum mælingum víða um
heim. Hann segir þó erfitt að merkja
varanlegar loftslagsbreytingar og
mjög misjafnt sé milli ára hvernig t.d.
vindar hegða sér á þessu svæði. Síð-
astliðinn vetur var til að mynda mjög
vindasamur, en á hinn bóginn komu
engin stórviðri, segir hann.
Þess má geta að verðlaunin hetja
umhverfisins voru fyrst veitt árið
1995. Verðlaunahafar eru tilnefndir
af starfsmönnum NOAA sem eru
12.500 talsins. Óskar er eini verð-
launahafinn sem ekki er af banda-
rísku þjóðerni og einungis níu aðrir
einstaklingar hlutu verðlaunin á
þessu ári. Í tilkynningu sendiráðsins
segir að verðlaunin séu veitt þeim
einstaklingum sem vinna að verk-
efnum sem hjálpa NOAA að þróast
sem stofnun sem er í fararbroddi með
þekkingu á umhverfismálum.
Óskar vitavörður
útnefndur hetja
umhverfisins
Morgunblaðið/Árni Sæberg
Einstakur Óskar J. Sigurðsson er eini verðlaunahafinn sem ekki er af
bandarísku þjóðerni. Níu manns fengu verðlaun NOAA á þessu ári.
Eftir Andra Karl
andri@mbl.is
TVÖ vinnuslys í aðrennslisgöngum Kára-
hnjúkavirkjunar á einni viku vöktu óneitan-
lega minningar frá síðasta ári þegar þrjú bana-
slys urðu á framkvæmdasvæði virkjunarinnar
auk nokkurra alvarlegra vinnuslysa. Upplýs-
ingafulltrúi Landsvirkjunar vegna Kára-
hnjúkavirkjunar segir enga ástæðu til að ótt-
ast aðra eins hrinu slysa, gríðarlegar
ráðstafanir hafi verið gerðar sem skilað hafi
góðum árangri.
Verkamaður sem vann við steypusprautun í
aðrennslisgöngunum slasaðist um liðna helgi
þegar steypudæluvagn rann til og klemmdist
maðurinn á milli hans og veggjar. Um tíma var
talið að maðurinn væri mjaðmagrindarbrotinn
og var hann fluttur á slysadeild Landspítala –
háskólasjúkrahúss til aðhlynningar. Betur fór
en á horfðist og hlaut maðurinn aðeins slæmt
mar. Í síðustu viku fór verr í nánast eins slysi
en þá lærbrotnaði verkamaður í göngunum.
„Það var mikil slysaumræða fyrir áramót og
töluverð umræða í kringum slysahrinu sem
varð fyrir jól. Þá var farið í gríðarlegt átak hjá
verktökum og voru allir þeir sem að verkefn-
inu standa með í því,“ segir Sigurður Arnalds,
upplýsingafulltrúi hjá Landsvirkjun. Sigurður
segir að allir aðilar hafi verið sammála um að
aðgætni verkamanna hafi ekki verið nægileg
og úr því hafi verið reynt að bæta. „Það voru
settir upp sérstakir fundir þar sem farið var
yfir aðgætni og öryggismál með verkamönn-
um. Þetta virðist hafa skilað gríðarlegum ár-
angri því mjög lítið hefur verið um slys síðan
og engin alvarleg sem mér er kunnugt um frá
áramótum.“
Um vinnuslysin tvö sem urðu nýverið segir
Sigurður að þar hafi verið um að ræða alvana
menn sem einfaldlega hafi gleymt að gá að sér.
Hann segir að slysin verði aðeins til þess að nú
verði hert á þessum málum á nýjan leik. „En
það jákvæða sem ég sé er að batnandi mönn-
um er best að lifa og þetta hefur gengið mjög
vel eftir að tekið var á þessu fyrir áramót.“
Samkvæmt upplýsingum frá Vinnueftirlit-
inu voru 1.277 vinnuslys skráð á Fljótsdalshér-
aði og í Fljótsdalshreppi frá 1. janúar 2002 til
loka síðastliðins febrúarmánaðar. Það eru að
langmestum hluta vinnuslys vegna fram-
kvæmda við Kárahnjúkavirkjun. Er þá miðað
við slys sem höfðu þær afleiðingar að starfs-
maðurinn var lengur frá vinnu en í einn dag.
Vegna bilunar í tölvubúnaði Vinnueftirlits-
ins liggja hins vegar ekki fyrir tölur um vinnu-
slys frá byrjun mars.
„Batnandi mönnum er best að lifa“
Lítið um vinnuslys við Kárahnjúka eftir áramót og engin alvarleg slys, segir Sigurður Arnalds
Alls eru um 1.300 vinnuslys skráð hjá Vinnueftirlitinu frá upphafi framkvæmda til febrúarloka
Morgunblaðið/RAX
Færri slys Eftir átak hefur slysum fækkað á
framkvæmdasvæði Kárahnjúkavirkjunar.