Morgunblaðið - 20.06.2007, Blaðsíða 12

12 MIÐVIKUDAGUR 20. JÚNÍ 2007 MORGUNBLAÐIÐ
VIÐSKIPTI/ATHAFNALÍF
   




   





 

 




























● MAREL hefur aukið hlut sinn í hol-
lenska iðnaðarfyrirtækinu Stork í
tæp 11% í gegnum félagið LME Hold-
ing, að því er fram kemur í dag-
blaðinu Financieele Dagblad. Sam-
kvæmt heimildum blaðsins er Marel
að ná fram breytingum á stjórn
Stork. Financieele Dagblad greinir
jafnframt frá því að það geti verið að
Stork verði skipt upp en stjórn Stork
hafnaði í fyrra samþykkt hluthafa-
fundar um að skipta upp félaginu, en
áður hafði stjórnin sagt að hún væri
ekki bundin af samþykkt fundarins.
Segir blaðið einnig frá orðrómi þess
efnis að Storki muni jafnvel selja frá
sér eininguna er framleiðir tæki til
matvælaframleiðslu, en Marel átti
einmitt í óformlegum viðræðum við
Stork í fyrra um að kaupa þann hluta
fyrirtækisins.
Marel eykur við sig í
iðnfyrirtækinu Stork
● HLUTABRÉF hækkuðu í verði í
Kauphöll Íslands í gær. Úrvals-
vísitalan hækkaði um 0,2% og var
8.180 stig við lokun markaða. Bréf
Atlantic Petrolium hækkuðu um
2,25%, bréf Atorku um 0,74% og
bréf Marels um 0,46%. Bréf Flögu
lækkuðu um 2,46%.
Gengisvísitala krónunnar hækk-
aði lítillega í gær samkvæmt upplýs-
ingum frá Glitni, og lækkaði gengi
krónunnar sem því nemur. Var vísital-
an 113,01 stig við lokun markaða í
gær. Kaupgengi Bandaríkjadals er
62,17 krónur, evru 83,29 krónur og
pundsins 123,56 krónur.
Áframhaldandi lækk-
un í kauphöllinni
Í ENDURSKOÐAÐRI þjóðhags-
spá, sem fjármálaráðuneytið hefur
sent frá sér, er gert ráð fyrir því að
atvinnuleysi aukist úr um 1,6% í ár í
um 4,5% árið 2009, og er það nokkru
meiri aukning en gert var ráð fyrir í
spá ráðuneytisins frá því í apríl á
þessu ári. Þá er því spáð að lands-
framleiðslan dragist saman um 0,1%
í ár þrátt fyrir stóraukinn útflutning
áls. Einnig er gert ráð fyrir því að
verðbólga verði að meðaltali 3,7% í
ár, komist á 2,5% verðbólgumarkmið
Seðlabanka Íslands síðar á árinu og
verði nálægt markmiði árin 2008 og
2009.
Segja ójafnvægi minnkandi
Spáð er að áframhaldandi bati í ut-
anríkisviðskiptum og samdráttur í
þjóðarútgjöldum skili 2% hagvexti
árið 2008 og að þjóðarútgjöld hætti
að dragast saman árið 2009 þegar
hagvöxtur verði 2,1%. Í eldri spá
ráðuneytisins, frá því í apríl á þessu
ári, var gert ráð fyrir 3% hagvexti
bæði árin.
Fjármálaráðuneytið segir að skýr
merki séu komin fram um að ójafn-
vægi í hagkerfinu sé að minnka.
Raunstýrivextir hafi hækkað um-
talsvert og viðbúið að áhrif peninga-
stefnunnar fari vaxandi.
Atvinnuleysi, sem áætlað er að
hafi numið 1,3% af vinnuafli árið
2006, er spáð að aukist í 1,6% í ár
þegar hægir á í efnahagslífinu.
Vegna samdráttar í innlendri eftir-
spurn er því spáð að atvinnuleysi
verði 3,9% af vinnuafli á næsta ári og
4,5% árið 2009, sem er nokkru meira
en gert var ráð fyrir í spánni í apríl.
Spáir nær þreföldun
atvinnuleysis
Morgunblaðið/ÞÖK
Atvinnuleysi Í endurskoðaðri þjóðhagsspá fjármálaráðuneytisins er gert
ráð fyrir því að atvinnuleysi verði orðið 4,5% árið 2009, en var 1,3% í fyrra.
Gert ráð fyrir að
verðbólgumark-
mið náist á árinu
Í HNOTSKURN
» Upphafleg þjóðhagsspáráðuneytisins var gefin út í
endaðan apríl og hefur nú ver-
ið endurskoðuð.
» Athygli vakti í aprílhversu mikill munur var á
spám fjármálaráðuneytis og
Seðlabanka Íslands, en bank-
inn var öllu svartsýnni í sinni
spá.
VIÐRÆÐUR um fríverslunarsamn-
ing milli Kína og Íslands halda áfram
hér á landi í vikunni, að því er fram
kom í máli Gunnars Snorra Gunn-
arssonar, sendiherra Íslands í Pek-
ing og formanns íslensku samninga-
nefndarinnar, á morgunverðarfundi
Útflutningsráðs og utanríkisráðu-
neytisins í gær.
Verður þetta önnur lota viðræðna
landanna, sem hófust formlega í
Peking í apríl síðastliðnum. Er
reiknað með að samningur geti kom-
ist á á næsta ári, ekki í lok þessa árs
eins og fyrstu áætlanir gerðu ráð
fyrir í utanríkisráðuneytinu.
Á fundinum greindi Gunnar
Snorri frá gangi viðræðnanna en
jafnframt ræddi Pétur Yang Li, við-
skiptafulltrúi í sendiráði Íslands í
Peking, um þróun kínversks við-
skiptalífs og hvaða tækifæri og ógn-
anir væru í þjónustuviðskiptum við
Kínverja. Mun fríverslunarsamning-
urinn taka til viðskipta með sjávaraf-
urðir og iðnaðarvörur, auk þess sem
gera á samning um þjónustuvið-
skipti milli landanna.
Áfram rætt
við Kínverja
Kína Pétur Yang Li og Gunnar
Snorri Gunnarsson á fundinum.
ÞETTA HELST ...