Morgunblaðið - 20.06.2007, Blaðsíða 17

MORGUNBLAÐIÐ MIÐVIKUDAGUR 20. JÚNÍ 2007 17
LANDIÐ
Eftir Björn Björnsson
Sauðárkrókur | Náttúrulækninga-
félag Íslands minntist þess á dögun-
um að sjötíu ár eru liðin frá því að
hópur fólks á Sauðárkróki, að frum-
kvæði Jónasar Kristjánssonar lækn-
is, kom saman og stofnaði með sér
formlegt félag með þessu nafni, þar
sem höfuðmarkmiðið var „að efla og
útbreiða þekkingu á lögmálum heil-
brigðs lífs og heilsusamlegum lifn-
aðarháttum“. Stofnfundurinn var
haldinn á Hótel Tindastóli 5. júlí
1937.
Í tilefni þessara tímamóta var, að
viðstöddu fjölmenni, meðal annars
mörgum afkomendum Jónasar
Kristjánssonar, svo og forystufólki
NLFÍ, afhjúpaður minnisvarði um
brautryðjandann Jónas Kristjáns-
son og stofnfélaga. Er um að ræða
veglegan húnvetnskan steindrang
með skildi og lágmynd af Jónasi. Þá
var afhjúpaður skagfirskur stein-
drangur með skildi, með áletruðum
nöfnum stofnfélaga hins skagfirska
náttúrulækningafélags. Einnig var
formlega afhentur stuðlabergs-
drangur sem útbúinn er sem vatns-
póstur, og er hann gjöf NLFÍ til
Heilsustofnunarinnar á Sauðár-
króki.
Minnisvarðarnir tveir og vatns-
pósturinn eru settir niður sunnan
Heilsustofnunarinnar og eru minn-
ismerkin mjög falleg, hönnuð af Guð-
brandi Ægi Ásbjörnssyni myndlist-
armanni.
Unnið að framfaramálum
Jónas Kristjánsson var héraðs-
læknir í Skagafirði í 27 ár. Hann var
hugsjónamaður og á starfsárum sín-
um þar kom hann að fjölmörgum
málum sem til framfara horfðu, með-
al annars stofnaði hann Framfara-
félag Sauðárkróks og var forseti
þess frá árinu 1914 til 1938 er hann
flutti úr héraði. Þá stofnaði hann
skátafélagið Andvara árið 1922, og
árið 1929 var hann frumkvöðull að
stofnun Tóbaksbindindisfélags, sem
talið er vera hið fyrsta hérlendis, og
þó víðar væri leitað.
Jónas var mikill baráttumaður
fyrir bættum húsakosti landsmanna,
heilbrigðara fæðuvali og lifnaðar-
háttum og lagði hvarvetna til góð ráð
svo þessum markmiðum yrði náð.
Þegar spánska veikin barst til Ís-
lands ákvað Jónas að freista þess að
verja Norðurland fyrir þessum vá-
gesti og með aðstoð yfirvalda fékk
hann sett samgöngubann um Holta-
vörðuheiði, og með því meðal annars
náðist það markmið að þessi mann-
skæða veiki barst ekki til Norður- og
Austurlands og er því ljóst að þessi
ákvörðun bjargaði fjölmörgum íbú-
um þessara svæða, en fjöldi Íslend-
inga lést í hinum skæða faraldri.
Stofnaði heilsuhæli NLFÍ
Þegar Jónas lét af störfum í
Skagafirði, sextugur, og flutti til
Reykjavíkur hefði mátt ætla að eftir
svo drjúgt dagsverk mundi Jónas
njóta ævikvölds í ró, en því fór víðs
fjarri, því nú tók hann að sinna sínu
hjartans máli sem var að stofna
heilsuhæli sem rekið væri sam-
kvæmt náttúrulækningastefnunni,
og þeim áfanga náði hann þegar
Heilsuhæli Náttúrulækningafélags
Íslands, nú Heilsustofnun NLFÍ,
var opnað í Hveragerði hinn 24. júní
1955.
Við athöfnina fluttu ávörp Gunn-
laugur K. Jónsson forseti NLFÍ, Jan
Tribel yfirlæknir og Jón Ormar
Ormsson dagskrárgerðarmaður
flutti erindi sem hann nefndi: Nokk-
ur orð um Jónas Kristjánsson. Það
var svo barnabarn og nafni, Jónas
Bjarnason, sem afhjúpaði minnis-
varðann.
Minnisvarði um
hugsjónamann
Morgunblaðið/Björn Björnsson
Afhjúpun Jónas Bjarnason afhjúp-
aði minnisvarða um afa sinn.
Í HNOTSKURN
»Jónas Kristjánsson fæddistá Snæringsstöðum í Svína-
dal í Austur-Húnavatnssýslu
árið 1870.
»Að loknu læknanámi gerð-ist hann héraðslæknir
Fljótsdalshéraðs og síðar hér-
aðslæknir í Skagafirði frá
1911 til 1938.
»Eftir það vann hann aðuppbyggingu Heilsuhælis
Náttúrulækningafélags Ís-
lands sem opnað var í Hvera-
gerði 1955.
»Jónas dvaldist síðustu áriná Heilsuhælinu og lést þar
á árinu 1960.
Selfoss | Miðbæjarfélagið á Sel-
fossi (MBF) boðar til opins fundar á
morgun, fimmtudag, um skipulags-
mál í miðbæ Selfoss og svonefndu
Mjólkurbúshverfi. Fundurinn verð-
ur haldinn í Hótel Selfossi og hefst
klukkan 20.
Veruleg óánægja er með hug-
myndir að skipulagi miðbæjarins,
einkum það mikla byggingarmagn
sem gert er ráð fyrir og húsagerð-
ina. Forsvarsmönnum meirihluta
bæjarstjórnar er boðið að gera
grein fyrir stefnu sinni varðandi
skipulagið á fundinum og fulltrúar
Miðbæjarfélagsins og íbúar lýsa
sínum skoðunum og áhrifum tillög-
unnar á umhverfi miðbæjarins.
Opinn fundur
um skipulag
Selfoss | Engu líkara en lofrárás
hafi verið gerð á miðbæ Selfoss
gegnt Ölfusárbrú en þar standa nú
yfir framkvæmdir við niðurrif á hús-
um. Um er að ræða undirbúning fyr-
ir framkvæmdir eigenda lóðanna en
samkvæmt nýju deiliskipulagi sem
hefur verið í vinnslu eru áform um
byggingu nýrra húsa á lóðunum allt
upp í 10 hæðir. Um er að ræða gömul
hús þar sem áður var sláturhús og
frystigeymsla og verslunarhús sem
síðast hýsti verslun Krónunnar.
Nýjasta deiliskipulagstillagan hef-
ur ekki verið kynnt íbúum en hún
var lögð fyrir skipulags- og bygg-
inganefnd Árborgar síðastliðinn
fimmtudag en afgreiðslu var frestað
þar sem tillaga og greinargerð er
enn í vinnslu. Tveir fulltrúar minni-
hluta bæjarstjórnar létu bóka að
þeir treystu því að breytingar sem
gerðar hafa verið frá kynningarfundi
verði kynntar íbúum áður en sam-
þykkt verður að auglýsa tillöguna.
Hið nýja skipulag miðbæjarins á
Selfossi hefur fengið mikla andstöðu
einkum fyrir hið mikla bygginga-
magn sem hún felur í sér og er bund-
ið í samningi sem fyrrverandi bæj-
arstjórn gerði við Miðjuna ehf. fyrir
síðustu bæjarstjórnarkosningar en
Miðjan ehf. er eigandi að lóðum í
miðbænum og starfaði með bæjar-
stjórn að deiliskipulagi svæðisins.
Miðbæjarfélagið á Selfossi hefur
lagst gegn fyrirhuguðu skipulagi.
Miðbær Selfoss eins og eftir loftárás
Morgunblaðið/Sigurður Jónsson
Rústir Strákarnir voru að skoða rústirnar sem eru í miðbænum á Selfossi
eftir atgang stórra vinnuvéla við niðurbrot húsanna þar.
-hágæðaheimilistæki
Ef þú kaupir Miele þvottavél eða þurrkara færðu
kaupverðið endurgreitt með betri meðferð á þvottinum
Íslenskt stjórnborð
Ný og betri tromla
Verð frá kr.106.600
Hreinn sparnaður
vi
lb
or
ga
@
ce
nt
ru
m
.is
1.
verðlaun
í Þýskalandi
W2241WPS
Baldursnes 6, Akureyri | Suðurlandsbraut 20, Reykjavík Sími 588 0200 | www.eirvik.is
Þurrkari T223
Verð frá kr. 78.540
Kverkfjöll | Slysavarna-
félagið Landsbjörg, lög-
reglan á Seyðisfirði og
Ferðafélag Fljótdalshér-
aðs hafa komið upp við-
vörunarskilti við íshell-
inn í Kverkfjöllum eftir
að fregnir bárust af
hruni úr honum. Fólk er
hvatt til að sýna aðgát er
ferðast er um þetta
svæði.
Í tilkynningu kemur
fram að skemmst er að
minnast þess að erlendur
ferðamaður lést í íshell-
inum við Hrafntinnusker
fyrir um ári þegar hann
varð undir hruni úr hell-
inum.
Varað
við hruni
í íshelli