Morgunblaðið - 20.06.2007, Blaðsíða 36

Hún segir Parton vera
eina af sínum uppá-
halds tískugoðsögnum … 41
»
reykjavíkreykjavík
NÝLISTASAFNIÐ hefur nú hleypt
af stokkunum nýrri vefsíðu sinni
sem Ólafur Breiðfjörð hannaði. Á
síðunni má finna upplýsingar um
sýningar safnsins frá árinu 2000 og
myndir af sýningum sem haldnar
hafa verið undanfarin tvö ár ásamt
umfjöllunum og hugleiðingum um
það sem er á dagskrá hverju sinni.
Sýningartíma safnsins hefur verið
breytt og er nú opið frá miðvikudegi
til sunnudags frá kl. 12-17 og á
fimmtudögum til 21. Með því vill Ný-
listasafnið gefa gestum og gangandi
tækifæri á því að nýta eitt kvöld vik-
unnar til þess að heimsækja safnið
sem býður upp á léttar veitingar
gegn vægu gjaldi.
Ýmsar uppákomur verða
framvegis á fimmtudögum og þær
auglýstar sérstaklega. Hægt er að
gerast félagsmaður á nýju vefsíð-
unni hvenær sem er, allan ársins
hring. Jafnframt verður árlegur
fagnaður félagsmanna haldinn nú í
haust. Valinn er einn félagsmaður
sem félagsmaður mánaðarins, en
þann heiður hlaut myndlistarmað-
urinn Haraldur Jónsson í maí-
mánuði, en er þó enn nefndur fé-
lagsmaður mánaðarins þó kominn sé
júní. Skemmtilegan og örstuttan
texta eftir Harald má lesa á síðunni,
en þar lýsir hann því hvernig hann
reyni að halda íbúð sinni eins hreinni
og mögulegt sé. „Ég forðast að
kaupa hluti og mér líður frekar illa
þegar ég fæ óvæntar gjafir. Um leið
og eitthvað er komið upp á vegg er
líka meira en að segja það að ná því
niður aftur,“ segir Haraldur.
Frítt er inn á Nýlistasafnið.
Nýló með nýja vefsíðu
Malerískt rýmisverk Frá sýningu Önnu Sigmond, Bread and Animals, sem
nú stendur yfir í Nýló. Hún málaði öll hólf og gólf safnsins.
www.nylo.is
 Rás 2 leitar um
þessar mundir að
Stuðbolta ársins
2007. Í því felst að
finna aðila sem
kann að koma
fólki í gott stuð
með söng, hljóðfæraleik, góðu gríni
eða skemmtilegri nærveru. Kunn-
átta fólks í söng eða hljóðfæraleik
skiptir ekki öllu máli í því sambandi.
Stuðboltarnir skrá sig með því að
hringja í síma 595-6655, kynna sjálfa
sig og syngja brot úr lagi á einni
mínútu. Á hverjum fimmtudegi fram
að verslunarmannahelgi mun Magn-
ús R. Einarsson svo hringja í þá þrjá
þátttakendur sem komast í keppn-
ina hverju sinni. Þremur helgum
fyrir verslunarmannahelgi hefjast
svo undanúrslit. Allar nánari upplýs-
ingar á www.studboltinn.is.
Óli Palli og félagar
leita Stuðboltans
 Hljómsveitin Í svörtum fötum
lék fyrir dansi á útskriftarballi
Menntaskólans á Akureyri á
þjóðhátíðardaginn. Það væri svo
sem ekki í frásögur færandi nema
fyrir þá staðreynd að um var að
ræða fimmta útskriftarballið sem
sveitin spilar á hjá MA á síðustu sex
árum. Að sögn Einars Arnar Jóns-
sonar, hljómborðsleikara, eru bæði
hann og Jónsi söngvari gamlir MA-
ingar og því sé það mikill heiður
fyrir þá að spila á þessu balli.
Nú er bara spurning hvort MA-
ingar muni ekki æviráða þá félaga
til tónleikahalds 17. júní ár hvert...
Æviráðnir hjá MA?
 Þrjár hljómsveitir hafa bæst í
hóp þeirra sem koma fram á tón-
listarhátíðinni Iceland Airwaves
sem fer fram 17. til 21. október.
Þetta eru Annuals frá Bandaríkj-
unum, Bonde de Role frá Brasilíu
og kanadíski rafdúettinn Chromeo.
Áður hafa sveitir á borð við Bloc
Party, !!! og of Montreal boðað
komu sína.
Bandarískt, brasilískt
og kanadískt
Eftir Ingveldi Geirsdóttur
ingveldur@mbl.is
REGGÍHLJÓMSVEITIN Hjálmar mun spila á
Nasa á laugardaginn ásamt meisturunum Meg-
asi og KK.
Ekki er langt síðan andláti Hjálma var lýst yf-
ir og því er fyrsta spurningin sem brennur á
blaðamanni þegar hann hringir í Hjálma-
meðliminn Guðmund Kristinn Jónsson hvort
þessir tónleikar séu dauðakippur eða þeir séu
alkomnir aftur? „Jú, við vorum hættir,“ svarar
Guðmundur. „Svo föttuðum við hvað það er
gaman að spila og komum saman aftur enda er-
um við allir á lífi og því ekkert sem stóð í vegi
fyrir okkur. Við fengum líka góða hvíld á hver
öðrum í þetta hálfa ár sem við vorum hættir. Ég
held að það verði voðalega erfitt að hætta aftur
héðan í frá,“ segir hann og gleður eflaust marg-
an Hjálmaaðdáandann með þeim orðum.
Spurður hvort nýtt efni sé í deiglunni segir
Guðmundur að Hjálmar eigi örugglega eftir að
gefa eitthvað meira út í framtíðinni en getur lít-
ið sagt um það hvort áherslur í tónlistarflutn-
ingi eigi eftir að breytast.
„Þetta á allt eftir að koma í ljós, við höfum
verið fastir í reggíinu en getum alveg spilað
öðruvísi tónlist. Kannski komum við á óvart á
næstu plötu en við erum ekki byrjaðir á henni
svo ég veit ekki.“
Það verður engin lognmolla í kringum
Hjálma í sumar því eftir hálfan mánuð fara þeir
til Noregs að spila á reggífestivali rétt fyrir ut-
an Bergen. „Okkur var boðið á þessa tónlist-
arhátíð og neituðum því auðvitað ekki, þarna
koma líka fram mörg stór nöfn í reggítónlist-
arheiminum.“
Ómetanleg lífsreynsla
Eins og áður segir kemur KK fram með
Hjálmum á Nasa en Guðmundur segir þá hafa
spilað með honum áður enda um æskuvin hljóm-
sveitarinnar að ræða. Styttra er síðan þeir kom-
ust í kynni við Megas en fjórir meðlimir Hjálma
hafa nýlokið við að gera plötu með honum
ásamt Guðmundi Péturssyni og kemur sá gripur
út í lok sumars. Á plötunni eru aðeins lög eftir
Megas og segir Guðmundur það hafa verið
ómetanlega lífsreynslu að fá að vinna með hon-
um.
„Megas er mjög skipulagður og mætir með
allt á nótum. Vanalega á fólk um tuttugu lög
þegar það fer að taka upp plötu en Megas mætti
með yfir hundrað svo það var virkilega
skemmtilegt að vinna með honum.“
Á tónleikunum á laugardaginn munu áheyr-
endur fá að heyra eitthvað af lögum af vænt-
anlegri Megasarplötu. Auk þess munu Hjálmar
spila eldra efni sitt ásamt því sem KK leikur
með þeim. „Þetta verður allsherjar kássa, allir
munu spila með öllum og það er aldrei að vita
nema við náum að fá KK og Megas til að syngja
saman,“ segir Guðmundur og bætir við að það
yrði nú gaman að sjá þá saman í dúett.
Nasa opnar kl. 23 á laugardagskvöld og byrj-
ar tónlistin að óma um miðnættið svo þetta
verða sannkallaðir jónsmessutónleikar og að
þeim loknum geta allir farið út á Austurvöll og
velt sér upp úr dögginni.
Upprisa Hjálmanna
Morgunblaðið/Eggert
Saman Hjálmar á tónleikum á Nasa áður en þeir hættu fyrir hálfu ári síðan. Þeir eru nú komnir saman aftur og líklega til frambúðar.
Hjálmar, Megas og KK með Jónsmessutónleika á Nasa