Morgunblaðið - 21.06.2007, Blaðsíða 39

MORGUNBLAÐIÐ FIMMTUDAGUR 21. JÚNÍ 2007 39
Félagsstarf
Aflagrandi 40 | Vinnustofan opin frá kl. 9-16.30.
Boccia kl. 10.
Árskógar 4 | Kl. 9.30 bað. Kl. 8-16.30 handavinna.
Kl. 9-16.30 smíði/útskurður, kl. 9.30 boccia. Kl. 11
leikfimi.
Bólstaðarhlíð 43 | Hárgreiðslustofa, böðun, al-
menn handavinna, fótaaðgerð, morgunkaffi/
dagblöð, hádegisverður, kaffi. Kl. 12.30 verður farið
að Skógum undir Eyjafjöllum. Upplýsingar í síma
535-2760.
Félag eldri borgara, Reykjavík | Brids spilað kl. 13.
Dagsferð í Landmannalaugar 7. júlí. Skráning hafin,
upplýsingar í s. 588-2111.
Félagsheimilið Gjábakki | Handavinnustofan opin,
rammavefnaður kl. 9.15. Í Gjábakka er t.d. hægt að
kíkja í blöðin, taka í spil og spjalla við náungann.
Hádegisverður kl. 11.40. Heitt á könnunni og heima-
bakað meðlæti til kl. 16.
Félagsmiðstöðin Gullsmára 13 | Kl. 9 handavinna,
kl. 10 ganga, kl. 11.40 hádegisverður, kl. 13 handa-
vinna. Kaffi og meðlæti alla virka daga. Dagblöð
liggja frammi. Aðstaða til að taka í spil.
Félagsstarf eldri borgara, Garðabæ | Æfing í Ás-
garði fyrir landsmót í Boccia. Skráning hafin á
púttnámskeið hjá Önnu Díu í síma: 691 5508.
Félagsstarf Gerðubergs | Alla virka daga er opið kl.
9-16.30. Aðgangur að púttvelli við Breiðholtslaug
er kl. 9-17, leiðsögn frá Vinnuskóla Reykjavíkur
hefst þriðjud. 26. júní kl. 13, leiðsögn, aðstaða og
afnot af búnaði er að kostnaðarlausu. Allir vel-
komnir. Allar upplýsingar á staðnum og s. 575-
7720.
Hraunbær 105 | Kl. 9 kaffi, spjall, dagblöðin, opin
vinnustofa. Kl. 10 boccia (Bergþór). Kl. 10-16 pútt.
Kl. 11 leikfimi (Bergþór). Kl. 12 hádegismatur. Kl. 14
félagsvist. Kl. 15 kaffi.
Hvassaleiti 56-58 | Félagsvist kl. 13.30, kaffi og
meðlæti í hléi. Böðun fyrir hádegi. Hádegisverður
kl. 11.30. Fótaaðgerðir 588-2320. Hársnyrting 517-
3005/849-8029. Blöðin liggja frammi.
Hæðargarður 31 | Gönguferðir alla morgna kl. 9 á
laugardögum kl. 10. Listasmiðjan opin. Tölvusveitin
hittist á þriðjud. og miðvikud. kl. 13-15. Púttvöllur-
inn opnaður 20. júní. Kennsla í pútti alla miðviku-
daga í sumar kl. 17-18. Hádegismatur, síðdegiskaffi.
Kíkið við og fáið alla dagskrána. S. 568-3132.
Langahlíð 3, félagsmiðstöð | Boccia, karlaklúbbur,
kl. 10.30. Handverks- og bókastofa kl. 13. Boccia,
kvennafl., kl. 13.30. Kaffiveitingar kl. 14.30.
Vesturgata 7 | Kl. 9-16 hárgreiðsla og fótaaðgerðir.
Kl. 9-12 aðstoð v/böðun. Kl. 9.15-15.30 handavinna.
Kl. 9-10 boccia, Sigurrós (júní). Kl. 11.45-12.45 há-
degisverður. Kl. 13-14 leikfimi, Janick (júní-ágúst).
Kl. 14.30-15.45 kaffiveitingar.
Vitatorg, félagsmiðstöð | Smiðja kl. 9, morgun-
stund kl. 9.30, handavinnustofa opin, hárgreiðslu-
og fótaaðgerðarstofur opnar allan daginn, frjáls
spilamennska kl. 13-16.30.
Þórðarsveigur 3 | Kl. 10 bænastund og samvera.
Kl. 13 leikfimi (Bergþór). Kl. 14 boccia (Bergþór).
Kirkjustarf
Akureyrarkirkja | Kvöldkirkjan er opin frá kl. 17-
22. Sr. Jóna Lísa Þorsteinsdóttir er til viðtals í
kirkjunni og eftir samkomulagi í síma 858-7282.
Kvöldbænir kl. 20. Allir velkomnir.
Áskirkja | Göngum til góðs. Leggjum af stað frá
Áskirkju, Laugarásmegin, kl. 14 inn í Laugardalinn.
Tveir gönguhraðar: skjaldbökur og hérar. Verið vel-
komin.
Háteigskirkja | Taizé-messur. Lágstemmdir söngv-
ar, bænir og Guðs orð lesið alla fimmtudaga kl. 20.
Laugarneskirkja | Kl. 12 síðasta kyrrðarstundin
fyrir sumarleyfi. Ljúfir orgeltónar munu heyrast frá
kl. 12. Sigurbjörn Þorkelsson fr.stj. kirkjunnar hefur
stutta hugvekju og leiðir fyrirbænir. Máltíð í boði í
safnaðarheimilinu á eftir. Allir velkomnir. Kl. 21 AA-
fundur í safnaðarheimilinu.
Vídalínskirkja Garðasókn | Kyrrðar- og fyrirbæna-
stund er hvert fimmtudagskvöld í Vídalínskirkju kl.
21. Tekið er við bænarefnum af prestum og djákna.
Boðið upp á kaffi í lok stundarinnar.
Hlutavelta | Þessar duglegu stúlkur á Vopnafirði, þær Gabríela Sól
Magnúsdóttir, Bryndís Gísladóttir, Hugrún Ingólfsdóttir og Steindóra
Huld Gunnlaugsdóttir, héldu tombólu til styrktar ABC barnahjálp. Þær
söfnuðu 12.385 krónum sem verður varið til uppbyggingar heimilis fyrir
munaðarlaus börn í Afríku.
Hlutavelta | Þessir krakkar heita Hafþór Berg, Erla Kolfinna, Ragna
Lind og Ísak Andri. Þau héldu tombólu til styrktar Rauða krossinum í
Krónunni á Reyðarfirði og söfnuðu 4.064 krónum.
MORGUNBLAÐIÐ birtir
til kynningar um afmæli,
brúðkaup, ættarmót og fleira
les-endum sínum að kostnað-
arlausu. Tilkynningar þurfa
að berast með tveggja daga
fyrirvara virka daga og
þriggja daga fyrirvara fyrir
sunnudags- og mánu-dags-
blað.
Samþykki afmælisbarns
þarf að fylgja afmæl-
istilkynningum og eða nafn
ábyrgðarmanns og síma-
númer.
Hægt er að hringja í síma
569-1100, senda tilkynningu
og mynd á netfangið ritstjorn-
@mbl.is, eða senda tilkynn-
ingu og mynd í gegnum vef-
síðu Morgunblaðsins,
www.mbl.is, og velja liðinn
Senda inn efni. Einnig er hægt
að senda vélritaða tilkynningu
og mynd í pósti.
Bréfið skal stíla á
Árnað heilla,
Morgunblaðinu,
Hádegismóum 2
110 Reykjavík.
dagbók
Í dag er fimmtudagur 21. júní, 172. dagur ársins 2007
Orð dagsins: Og orð hans býr ekki í yður, því að þér trúið ekki þeim, sem hann sendi. (Jóh. 5, 38.)
Alþjóðlegi sjómælingadagurinner í dag, 21. júní. Árni Þór Vé-steinsson er deildarstjórikortadeildar Sjómælinga-
sviðs Landhelgisgæslu Íslands: „Alþjóð-
legi sjómælingadagurinn er nú haldinn í
annað sinn, en Sameinuðu þjóðirnar
samþykktu á síðasta ári, á 85 ára afmæli
Alþjóðasjómælingastofnunarinnar, að
minna á þessum degi á mikilvægi sjó-
mælinga,“ segir Árni.
Ábótavant á sumum stöðum
Góðar sjómælingar eru mikið örygg-
ismál fyrir allar siglingar og vönduð sigl-
ingakort lykilöryggisbúnaður í jafnt
stórum sem smáum skipum, að sögn
Árna: „Hins vegar er stöðu mælinga og
útgáfu sjókorta ábótavant á sumum
stöðum. Í sumum tilvikum hafa þjóðir
ekki burði eða fjármagn til mælinga, og
á öðrum stöðum, þar sem mælingar hafa
áður farið fram, þarf að endurmæla, til
að mæta ríkari kröfum nútíma sigl-
ingatækni um nákvæmni upplýsinga.“
Alþjóðlegi sjómælingadagurinn er að
þessu sinni helgaður rafrænum sjókort-
um: „Stafræn kort eru mjög þægileg í
notkun, vinsældir þeirra fara vaxandi og
er tæknin vissulega komin til að vera.
Hins vegar eru mörg þau stafrænu sjó-
kort sem fáanleg eru á markaðinum í
dag framleidd af einkaaðilum sem bera
takmarkaða ábyrgð á gæðum kort-
anna,“ segir Árni. „Sjókort eru í raun
opinbert skjal, og leggja lög um sigl-
ingar skyldu á sjófarendur að hafa sjó-
kort um borð, og leggja um leið ríka
skyldu á sjómælingastofnanir um ýtr-
ustu nákvæmni og gæði kortanna. Flest
þeirra stafrænu korta sem seld eru, eru
ekki viðurkennd sem staðgenglar prent-
aðra sjókorta frá mælingastofnunum.“
Ætíð prentað kort til taks
Árni segir algengt að sjófarendur
stóli eingöngu á rafrænu kortin: „Vitað
er um dæmi þess hér á landi að einungis
séu stafræn kort um borð. Hins vegar
krefjast öryggisreglur þess að ætíð sé
prentað sjókort til taks.“
Fræðast má nánar um sjókort á
heimasíðu Landhelgisgæslunnar á slóð-
inni www.lhg.is
Samgöngur | Rafræn kort í sviðsljósinu á alþjóðlega sjómælingadeginum
Mikilvægt öryggistæki
 Árni Þór Vé-
steinsson fæddist
á Akranesi 1960.
Hann lauk stúd-
entsprófi frá Fjöl-
brautaskólanum á
Akranesi 1981, BS
í landafræði frá
HÍ 1987, fram-
haldsnámi í korta-
gerð við ITC í Hollandi 1988-9 og
meistaraprófi í landafræði frá HÍ
2005. Árni hefur starfað hjá Sjó-
mælingum Íslands í tvo áratugi, og
frá 1999 verið deildarstjóri korta-
deildar Sjómælingasviðs Landhelg-
isgæslu Íslands. Árni er kvæntur
Ingibjörgu Rögnvaldsdóttur bóka-
safnsfr. og eiga þau tvö börn og eitt
barnabarn.
Tónlist
Hallgrímskirkja | Kári Þormar,
organisti Áskirkju, leikur á há-
degistónleikum í dag, 21. júní kl.
12. Tónlist eftir Couperin, Böhm,
Buxtehude, Bach og Franck.
Myndlist
Listasalur Mosfellsbæjar |
Kjarna, Þverholti 2, í Bókasafni
Mosfellsbæjar. Bergsteinn Ás-
björnsson sýnir „Bönd“ 9. júní
til 28. júlí. Opið virka daga kl.
12-19 og lau. 12-15. Aðgangur
ókeypis.
BÆVERSK bóndakona stillir sér upp fyrir tökur á dagatali sem sýnir þýskar og austurrískar bóndakonur. Tökur fóru
fram í Altenstadt, rétt hjá München.
Bæversk sveitafegurð
Reuters
BORGARSTJÓRNARFLOKKUR
Samfylkingarinnar hefur skipað
talsmenn í einstökum málaflokkum.
Þetta eru nýmæli sem miða að því að
stuðla að markvissum málflutningi
Samfylkingarinnar í öllum mála-
flokkum og að ábyrgð, forysta og
verkaskipting innan borgarstjórn-
arflokksins í stefnumótun og upplýs-
ingamiðlun sé skýr, segir m.a. í
fréttatilkynningu.
Talsmenn Samfylkingarinnar
verða sem hér segir: Dagur B. Egg-
ertsson er oddviti Samfylkingarinn-
ar í Reykjavík og verður talsmaður
flokksins um stjórn borgarinnar,
fjármál og önnur málefni sem heyra
undir borgarráð. Dagur er jafnframt
talsmaður í skipulags- og samgöngu-
málum, orkumálum og málefnum
Árbæjarhverfis. Björk Vilhelmsdótt-
ir verður talsmaður í velferðarmál-
um, málefnum Faxaflóahafna og
Laugardalshverfis. Oddný Sturlu-
dóttir verður talsmaður í mennta-
málum og menningarmálum og mál-
efnum miðborgarinnar.
Sigrún Elsa Smáradóttir verður
talsmaður í leikskólamálum, fram-
kvæmdamálum og málefnum Háa-
leitishverfis. Dofri Hermansson
verður talsmaður í umhverfismálum
og málefnum Grafarvogshverfis.
Stefán Jóhann Stefánsson verður
talsmaður í íþrótta- og tómstunda-
málum, innkaupamálum og málefn-
um Breiðholtshverfis.
Bryndís Ísfold Hlöðversdóttir
verður talsmaður í mannréttinda-
málum. Stefán Benediktsson verður
talsmaður í málefnum Hlíðahverfis.
Felix Bergsson verður talsmaður í
málefnum Vesturbæjarhverfis.
Gunnar H. Gunnarsson verður tals-
maður í málefnum Kjalarness.
Talsmenn skip-
aðir í einstökum
málaflokkum
FRÉTTIR
SAMKOMULAG milli aðildarfélaga
BHM, BSRB og KÍ annars vegar og
Reykjavíkurborgar hins vegar um
fyrirkomulag á samráði og upplýs-
ingamiðlun vegna starfsmanna
borgarinnar var undirritað 14. júní
Samkomulagið tekur gildi 1. júlí nk.
Markmið þess er að koma á skilvirku
samráði með hagsmuni beggja aðila,
borgarinnar og starfsmanna henn-
ar, að leiðarljósi. Með samráðinu
gefst tækifæri til að auka þátttöku
fulltrúa starfsmanna í ákvörðunum
sem varða störf borgarstarfsmanna,
stöðu þeirra og atvinnuöryggi, segir
í fréttatilkynningu.
Samið um samráð
og upplýsingar