Morgunblaðið - 23.06.2007, Blaðsíða 19

MORGUNBLAÐIÐ LAUGARDAGUR 23. JÚNÍ 2007 19
FULLYRT var í breska blaðinu The
Guardian í gær að Tony Blair hygð-
ist taka kaþólska trú eftir að hann
lætur af embætti forsætisráðherra
Bretlands nk. miðvikudag.
Blair mun eiga fund með Bene-
dikt XVI. páfa, líklegast í dag, og er
formleg skýring fundarins sú, að
þeir muni þar ræða trúmál á tímum
spennu í samskiptum múslíma og
kristinna manna í Evrópu. Blair
mun ekki hafa í hyggju að tilkynna
um ákvörðun sína eftir þann fund,
en hann er sagður búinn að gera
upp hug sinn.
Kona Blairs, Cherie Blair, er
kaþólsk en Blair hefur tilheyrt mót-
mælendakirkjunni bresku. Hann
hefur oftsinnis farið með konu sinni
í kaþólska messu,
en aldrei viljað
svara spurn-
ingum um trú-
mál.
Hvers vegna
skiptir það máli,
að Blair hyggist
hugsanlega ger-
ast kaþólikki? Jú,
kaþólikki hefur
aldrei setið á valdastóli í Bretlandi
og fyrr á öldum guldu menn varhug
við þeim möguleika, m.a. vegna
ítrekaðra stríða við kaþólsku þjóð-
irnar á meginlandi Evrópu, Frakk-
landi og Spáni. Raunar voru stjórn-
arskrárhömlur á því að kaþólikki
gæti sest á valdastól í Bretlandi.
Tony Blair sagður hafa
ákveðið að taka kaþólska trú
Tony Blair
FJÖLMIÐLAR í
Bandaríkjunum
fullyrtu í gær að
bandarísk
stjórnvöld væru
við það að til-
kynna lokun
fangabúðanna
umdeildu í
Guantanamo og
flutning á föng-
um í herfangelsi
annars staðar. Alls hafa um 770
meintir hryðjuverkamenn verið
vistaðir í Guantanamo-herstöðinni
á Kúbu, en nú eru fangarnir um
380. Embættismenn vildu í gær
ekki staðfesta að ákvörðun um lok-
un lægi fyrir.
Búðunum
senn lokað?
Enginn fanganna
hefur hlotið dóm.
FULLYRT var í gær að 25 óbreyttir
borgarar, þ. á m. níu konur og þrjú
ung afgönsk börn, hefðu fallið í
loftárásum NATO á meintar búðir
talibana í Helmand-héraði í fyrri-
nótt. Tuttugu talibanar féllu einnig.
Börn biðu bana
GEIMFERJAN Atlantis lenti heilu
og höldnu með sjö manna áhöfn í
Kaliforníu í gærkvöldi. Lauk þar
með tveggja vikna för hennar til al-
þjóðlegu geimstöðvarinnar.
Atlantis lent
BRESK samtök um borgaraleg
réttindi, ORG, segja það geta grafið
undan lýðræði í landinu að taka
upp rafrænar kosningar, t.d. sé úti-
lokað að kanna hvernig talningin
hafi farið fram.
Lýðræðið í hættu
FRÉTTASKÝRING
Eftir Davíð Loga Sigurðsson
david@mbl.is
PERVEZ Musharraf, forseti Pakist-
ans, gerði sig sekan um mistök þegar
hann tók sig til í mars og rak forseta
hæstaréttar landsins, Iftikhar Mo-
hammed Chaudry, úr embætti.
Chaudry vísaði máli sínu fyrir stjórn-
lagadómstól og grunsemdir um að
Musharraf gangi það eitt til, að gera
þær breytingar á stjórnarskrá sem
þarf til að hann geti setið óáreittur
áfram í embætti, jafnframt því sem
hann situr sem æðsti yfirmaður pak-
istanska hersins, hafa valdið því að
óánægjubylgja hefur skollið yfir.
Jafnvel í röðum stuðningsmanna for-
setans er nú pískrað um það, að staða
hans sé veik.
Það má færa rök fyrir því að Pak-
istan, ekki Írak, sé mikilvægasti víg-
völlur hryðjuverkastríðsins svo-
nefnda. Pakistan á enda landamæri
að Afganistan, þar sem rætur al-
Qaeda-hryðjuverkasamtakanna
liggja, og raunar hafa trúarskólar í
Pakistan sjálfu reynst gróðrarstía
róttækni meðal múslíma hvaðanæva.
Samstarfsvilji Musharrafs gagnvart
bandarískum ráðamönnum hefur því
ekki skipt svo litlu fyrir hið hnatt-
ræna stríð þeirra.
Máli skiptir í þessu samhengi einn-
ig að Pakistan er kjarnorkuríki og því
mikilvægt fyrir veröldina alla, að þar
ríki pólitískur stöðugleiki og hófsöm
öfl séu við völd.
Musharraf hefur yfir það heila
stuðlað að slíkum stöðugleika, allt frá
því að hann – sem yfirmaður pakist-
anska hersins – rændi völdum í land-
inu 1999. Á móti kemur að Musharraf
braust ekki til valda með lýðræð-
islegum hætti og þó að hann hafi síð-
ar fengið umboð í kosningum er það
umboð umdeilt og fæstir telja það
ganga lengur, að hann sinni bæði
starfi forseta og yfirmanns hersins.
Samningar við Bhutto?
Musharraf er sagður hafa ætlað að
sjá til þess að núverandi þing lands-
ins, sem er hliðhollt honum, kysi hann
til fimm ára í viðbót á forsetastóli í
september. Síðan hugðist hann efna
til þingkosninga í landinu. Í ljósi þess
mótstreymis sem hann mætir nú – og
það felst bæði í mikilli undiröldu
heimafyrir, með tilheyrandi stjórn-
leysi og ofbeldi, og hótunum frá
stjórnvöldum í Washington um að
þau dragi úr fjárhagsstuðningi leggi
stjórn hans ekki harðar að sér í bar-
áttunni gegn íslömskum öfgahópum –
mun hann hins vegar vera að hug-
leiða að halda þingkosningar fyrst og
biðja nýtt þing svo um að endurnýja
umboð sitt á forsetastóli. Vandinn er
sá að Musharraf getur ekki treyst því
að nýtt þing verði honum hliðhollt –
nema til komi umfangsmikið kosn-
ingasvindl af hans hálfu eða sam-
komulag við svarna andstæðinga, s.s.
Benazir Bhutto, fyrrverandi forsætis-
ráðherra, en flokkur hennar er líkleg-
ur sigurvegari í næstu kosningum.
Endanleg niðurstaða er engan veginn
örugg, fæstir reikna að vísu með að
Musharraf missi tökin á valdataum-
unum, en víst þykir að hann verður að
spila vel úr sínum spilum.
Musharraf í kröppum
dansi í Pakistan
AP
Aukið mótstreymi Stuðningsmenn Nawaz Sharif, forsætisráðherrans sem
Pervez Musharraf ýtti úr sessi 1999, mótmæla embættisfærslu forsetans.
Washington. AP. | Bandaríska leyni-
þjónustan, CIA, hyggst gera opinber
leyniskjöl frá árunum eftir seinna
stríð og fram á áttunda áratug síð-
ustu aldar en þar er að finna upplýs-
ingar um framgöngu sem berlega
stangaðist á við lög; s.s. hleranir á
samtölum blaðamanna, mannrán og
húsleitir án heimilda.
Gögnin verða gerð aðgengileg í
næstu viku en í sex blaðsíðna sam-
antekt á efni þeirra, sem gerð var op-
inber á fimmtudag, kemur fram að
þar má lesa um ýmis samsæri um
morð á erlendum þjóðarleiðtogum,
s.s. Fidel Castro Kúbuleiðtoga. Þá
eru þar, svo dæmi séu tekin, upplýs-
ingar um hleranir á samtölum ým-
issa blaðamanna, eftirlit með blaða-
manni Washington Post, Mike
Getler, árið 1971 og eftirlit með pósti
sem barst frá Kína og Sovétríkjun-
um fram til 1973. Mun stundum hafa
verið opnaður póstur sem barst frá
þessum löndum til Bandaríkjanna.
„Fæst af þessu varpar jákvæðu
ljósi en þetta er saga CIA,“ sagði
Michael Hayden, forstjóri CIA, þeg-
ar hann tilkynnti um ákvörðunina.
Ekki kemur allt í gögnunum á óvart,
um það hefur lengi verið rætt og rit-
að, en menn hafa aldrei áður fengið
aðgang að hinum eiginlegu gögnum.
AP
Samsæri CIA hafði áform um að
myrða Fidel Castro Kúbuleiðtoga.
CIA ætlar
að birta
leyniskjöl
Nánari upplýsingar á www.landsvirkjun.is og í síma 515 9000.
Jónsmessutónleikar
Kvaka hópinn skipa þau Þorvaldur Kristinn Þorvaldsson; bassi, Geirþrúður Ása
Guðjónsdóttir; fiðla, Matthildur Anna Gísladóttir; píanó og Björg Þórsdóttir; sópran,
en þau stunda öll nám við Listaháskóla Íslands.
Dagskrá tónleikanna samanstendur eingöngu af íslenskri tónlist, t.d. eftir Karl O.
Runólfsson, Tryggva M. Baldvinsson, Jórunni Viðar ofl.
Allir velkominir – aðgangur ókeypis.
Tónlistarhópurinn Kvaka heldur tónleika í Ljósafossstöð,
sunnudaginn 24. júní kl. 15.
P
IP
A
R
•
S
ÍA
•
7
12
10
Kynnist okkur af eigin raun
Heimsækið Landsvirkjun í sumar.
Stöðvarnar eru opnar alla eftirmiðdaga í sumar.