Morgunblaðið - 23.06.2007, Blaðsíða 25
daglegt líf
MORGUNBLAÐIÐ LAUGARDAGUR 23. JÚNÍ 2007 25
É
g hef gefið þessum húsgögnum
nafnið „Gróðurhús-gögn“ sem gef-
ur til kynna að þau eru sambland af
húsgögnum og gróðurhúsum,“ seg-
ir Dagný Bjarnadóttir landslags-
arkitekt. Hún er einn fjögurra eigenda Lands-
lags þar sem 15 manns starfa við
landslagshönnun. „Við fengum það verkefni að
leysa landslagsþáttinn hér á sýningunni og erum
með innsetningu, ofið eða fléttað grasteppi á
réttunni og röngunni. Við köllum það Litlatún
sem vex út úr Miklatúni inn að Kjarvalsstöðum.
Grasfléttan er unnin úr íslenskum móþökum á
réttunni og úthagaþökum á röngunni. Það var
Guðmundur í Túnþökuvinnslunni sem sá til þess
að þetta gæti orðið að veruleika, með þessum
hætti, en þarna er búið að flytja íslenska náttúru
inn á torg Kjarvalsstaða. Síðan eru gulir fánar
við eitt hornið sem skapa lifandi vegg á móti
suðri við torgið. Lengra úti á túninu eru tveir
fánar sem beina augum að styttu Einars Bene-
diktssonar. Hún hefur ákveðna tenginu við
Landslag því Reynir Vilhjálmsson, sem stofnaði
fyrirtækið, hannaði Miklatún og þegar koma
þurfti fyrir styttu skáldsins í tilefni 100 ára af-
mælis hans fóru framkvæmdir á túninu fyrst á
fullan skrið.“
Yndislegur ilmur
Snúum okkur að gróðurhús-gögnunum. Dagný
segist hafa fengið hugmyndina þegar hún sá stól
með plastblómi í setunni. „Ég fór aðhugsa hvort
ekki mætti hanna húsgagn með lifandi gróðri. Í
húsgagninu gætu verið kryddjurtir og líka
blómstrandi lágur gróður og hér er helluhnoðri
með gulum blómum, sítrónublóðberg, snædrífa
og fjóla.“
Í þessum gróðursælu húsgögnum birtist ekki
einungis litrík náttúra heldur gefur gróðurinn frá
sér yndislegan ilm á svölum eða á veröndinni.
Þegar sólin skín má lyfta stólsetum og borð-
plötum svo gróðurinn fái nægilegt súrefni en
þegar íslensk veðrátta sýnir á sér verri hliðar er
gott að geta skellt lokinu aftur og um leið eru
plönturnar komnar inn í notalegt „gróðurhús“.
Fyrirtækið Logoflex tók þátt í húsgagna-
framleiðslutilrauninni með Dagnýju og hún full-
vissar okkur um að stólarnir geti borið hvern
sem er. Styrkurinn hafi verið kannaður hjá
Logofex! Vel getur verið að Dagný breyti til ef
húsgögnin fara í framleiðslu og hafi þá fætur og
ramma úr áli. Það sé eins konar skírskotun til
hefðbundinna gróðurhúsa sem séu úr áli og gleri.
„Húsgagnahönnunin er algjörlega ný fyrir
mér,“ segir Dagný. „Sem landslagsarkitekt er ég
ekki vön framleiðsluferlinu sem fylgir henni og
nú er ég að þreifa fyrir mér um framhaldið.“
Þess má geta að Dagný hannaði leiksvæðið á
Miklatúni, leikskólalóðir, m.a. við leikskólann í
Sandavaði á Norðlingaholti og garðútfærslu við
þjónustubyggingu Alþingis. Einu sinni hannaði
hún líka spírandi boðskort fyrir teiknistofu sem
upp af átti að vaxa karsi og hún hannaði „ís-
lenska“ lopapeysu með íslenska hestinum á tölti,
sem hún prjónað á börn og fullorðna, en hefur
ekki komið á framfæri að öðru leyti.
Blóm og
krydd í
borðum
og stólum
Morgunblaðið/Frikki
Lifandi veggur Dagný Bjarna dóttir við fánavegginn sem minnir á sóleyjar og fífla á túninu.
Handhægt Garðeigendur geta núbara teygt sig ofan í borðið til að ná í
ferskar kryddjurtirnar beint á sumarlegan matardiskinn.
Þessa dagana er útiræktað íslenskt
grænmeti að byrja að koma í versl-
anir. Íslenskur vorlaukur er þegar
kominn í búðir, svo og íslenskt sal-
atkál eða pak choi öðru nafni.
Að sögn Þórhalls Bjarnasonar
formanns Sambands garð-
yrkjubænda eru horfurnar góðar í
sumar í útiræktun hér á landi.
Íslenska fánaröndin
„Við erum komin með íslenska
fánarönd á alla íslenska framleiðslu
sem hjálpar neytendum að sjá hvað-
an varan kemur og oft eru pakkn-
ingarnar einnig merktar einstökum
framleiðendum. Íslenskir garð-
yrkjubændur finna geysilega mik-
inn meðbyr með íslensku grænmeti
og auðvitað eykst framleiðslan með
aukinni eftirspurn íslenskra neyt-
enda,“ sagði hann.
Hreint vatn
„Við búum svo vel að hafa hreint
vatn til ræktunarinnar, góða og
næringarríka mold og þó það sé
ekki lengur mjög svalt á sumrin þá
er þó það svalt að það þarf ekki að
nota óspart af eiturefnum því flór-
an af skorkvikindum er ekki viðlíka
og í útlöndum.“
Næst er kínakálið væntanlegt á
markað þann 27. júní, svo blómkál
og spergilkál um 10. júlí, þá hvítkál,
gulrætur, jöklasalat, hnúðkál, sell-
erí, rófur, rauðkál og að lokum
blöðrukál um miðjan ágústmánuð.
Morgunblaðið/Kristinn
Íslenskt útiræktað grænmeti er að
koma í verslanir og nýlega bættust
við klasatómatar á markaðinn segir
Þórhallur Bjarnason formaður
Sambands garðyrkjubænda
Íslenskur
vorlaukur
og salatkál í
verslanir
Kaffiboð á gróðurhúsinu Borð og stólar – gróðurhús-gögn sem geta
geymt sumarblóm, kryddjurtir eða jafnvel steina og skeljar.
Á sýningunni Íslensk samtíma-
hönnun á Kjarvalsstöðum fékk
Fríða Björnsdóttir tækifæri til
að dást að nýstárlegum hús-
gögnum sem eru allt í senn,
gróðurhús, matarkista og
húsgögn fyrir garð og svalir.
Landið er fallegra á löglegum hraða