Morgunblaðið - 23.06.2007, Blaðsíða 27

Fréttir
í tölvupósti
úr bæjarlífinu
MORGUNBLAÐIÐ LAUGARDAGUR 23. JÚNÍ 2007 27
Eftir afar kaldan maímánuð má segja að veðr-
áttan hafi brosað við Húnvetningum í júní,
hlýtt og sólríkt flesta daga, en afar þurrt.
Sláttur er þegar hafinn á Vatnsnesi og spretta
góð, á túnum sem hafa verið friðuð fyrir vor-
beit. Sauðburður er genginn yfir og almennt
talinn hafa gengið vel. Margir bændur stýra
burðartíma ánna þannig að láta talsverðan
hluta þeirra bera 2-3 vikum fyrir hefðbundinn
tíma. Þannig er álagi létt af aðalsauðburði og
snemmborin lömb betur búin undir kalda tíð,
sem oft einkennir veðurfar í maímánuði. Einn-
ig má reikna með að góður markaður verði fyr-
ir sumarslátruð lömb.
  
Selasetur Íslands á Hvammstanga opnaði 2.
áfanga í starfsemi sinni þann 3. júní. Er um að
ræða fjölbreytta myndrænar sýningar á lifn-
aðarháttum selsins, neðansjávar sem ofan.
Lóð setursins er að taka á sig endanlega
mynd, m.a. með skemmtilegri girðingu. Öflugt
starf er komið á við fræðimenn og áhugamenn,
sem beinist að rannsóknum á lifnaðarháttum
selsins, m.a. með merkingum sela á Vatnsnesi.
Áki ehf býður upp á selaskoðun á innanverðum
Húnaflóa á góðum farþegabát, í samvinnu við
Selasetrið. Minnismerki um drukknaða sjó-
menn er á lóð setursins og var lagður blóm-
sveigur að því á við messu á sjómannadaginn.
  
Fjöruhlaðborð er í Hamarsbúð í kvöld, 23.
júní. Um árabil hafa Húsfreyjurnar á Vatns-
nesi boðið upp á afar sérstætt hlaðborð, þar
sem uppistaðan er matur unninn með gömlum
aðferðum úr hráefni sem tengist sjó og sveit.
Réttirnir skipta tugum og er ýmislegt fágætt á
borðum, í bland við hefðbundnari rétti. Mat-
seðil kvöldsins má sjá á nordwest.is. Ýmis
skemmtiatriði eru um kvöldið, en að deginum
er boðið upp á tvær gönguleiðir fyrir gesti, úr
Þorgrímsstaðadal, nokkuð erfiða leið, hins
vegar fjörugöngu frá Stöpum, um 7 km. Fjöru-
hlaðborðið er undir merkjum Bjartra nátta.
  
Laxveiðitíminn hófst í Miðfirðinum þann 22.
júní, fyrsta hálfa daginn veiddust 6 laxar og
þykir það lofa góðu. Eins er um veiðisvæði
bleikju í óshólmum Miðfjarðarár, þar hafa
veiðimenn verið kátir með sitt. Mikill áhugi er
fyrir laxveiði almennt og hátt verðlag virðist
ekki draga úr eftirspurn. Margar laxveiðiár
eru í Húnaþingi og skiptir samfélagið miklu að
vel takist til með ástand laxastofnanna í ánum
og sölu laxveiðileyfa.
HVAMMSTANGI
Karl Sigurgeirsson fréttaritari
Hallmundur Kristinsson bregður á
leik með yrkisefni:
Oft má nýta andans ruður.
Er það margra siður
að yrkja bæði út og suður
en allramest þó niður.
Hann rifjar einnig upp úr
Þjóstólfi þegar Jörundur
Friðbergsson á Húsatóftum í
Vestari-Miðfirði kom á
heilsugæsluna á Rauðasandi til
skoðunar. Þá var hann spurður
hvort hann væri ekki fastandi, svo
sem fyrir hann hefði verið lagt, og
svaraði hann með þessari vísu:
Fæðið skerða fráleitt vil;
frjálslegt er það orðið.
Matnum gerði makleg skil
við morgunverðarborðið.
Var þetta í fyrsta og eina skiptið
sem hann heyrðist mæla stöku af
munni fram og höfðu menn raunar
aldrei til þess vitað að hann væri
hagmæltur. Það er hinsvegar
alkunna að Auðunn Bragi
Sveinsson er hagmæltur. Hann
yrkir um verkamann með
alvarlegan breyskleika:
Sá var galli á góðum rekk,
og gerði hann illa settan,
að út úr honum ekki gekk
árans sígarettan.
Rúnar Kristjánsson á
Skagaströnd orti um daginn eftir
að hafa lesið Morgunblaðið um
kunnan sjónvarpsmann:
Egill breytir eftir tíð,
áfram þreytir málin stríð.
Ólík heiti eru að smíð
Efstaleiti og Skaftahlíð!
Og áfram yrkir Rúnar:
Sitthvað kynnir þörf og þrá,
þelið spinnur gruninn.
Páll er vinnur eitthvað á,
Ari finnur muninn.
Loks yrkir hann hringhendu:
Margir frétta fæðu í gogginn
fá og mettir verða þá.
En hvort það rétta ritar Mogginn
rólar þetta til og frá.
VÍSNAHORNIÐ
Ort út og
suður
pebl@mbl.is
Útsölusta›ir Málningar: Byko Kópavogi • Byko Hringbraut • Litaver Grensásvegi • Byko Hafnarfir›i • Málningarbú›in Akranesi
• Byko Akranesi • Axel fiórarinsson, málarameistari, Borgarnesi • Verslunin Hamrar, Grundarfir›i • Litabú›in Ólafsvík
• Núpur byggingavöruverslun Ísafir›i • Vilhelm Gu›bjartsson, málarameistari, Hvammstanga • Verslunin Eyri, Sau›árkróki
• Byko Akureyri • Verslunin Valberg, Ólafsfir›i • Byko Rey›arfir›i • Verslunin Vík, Neskaupsta› • Byko Selfossi
• Mi›stö›in Vestmannaeyjum • Byko Keflavík • Rúnar Sig. Sigurjónsson, málarameistari, Grindavík • Fóðurblandan á Selfossi,
Hvolsvelli og Egilsstöðum
„Hjá Málningu hf. vita menn að það þarf rannsóknir, prófanir og þróunarvinnu til að framleiða
bestu fáanlega útimálningu fyrir íslenskar aðstæður. Það er grunnurinn sem ég treysti á.“
Baldvin Már Frederiksen, málarameistari
Jón Árni
rannsóknarmaður
Sérfræðingar
í útimálningu
fyrir íslenskt veðurfar
Jón Bjarnason
efnaverkfræðingur
Baldvin Már Frederiksen
málarameistari
ÍS
L
E
N
S
K
A
/S
IA
.I
S
/M
A
L
3
26
63
0
6/
07