Morgunblaðið - 23.06.2007, Blaðsíða 47

MORGUNBLAÐIÐ LAUGARDAGUR 23. JÚNÍ 2007 47
árnað heilla
ritstjorn@mbl.is
Félagsstarf
Aflagrandi 40 | Fimmtudaginn 28. júní kl. 13.30
verður farið í Árbæjarsafn á sýninguna: Heil öld til
heilla. Saga ÍR í 100 ár. Kaffi í Dillonshúsi (ekki inni-
falið í verði). Rútugjald 400 kr. Skráning í Afla-
granda 40 og í síma 411 2700.
FEBÁ, Álftanesi | Opið hús í Litlakoti kl. 14-17,
laugardaginn 23. júní í tilefni af 10 ára afmæli fé-
lagsins. Kaffi og kleinur. Allir velkomnir.
Félag eldri borgara Kópavogi, ferðanefnd | 3 daga
Vestmannaeyjaferð 2.-4. júlí. Skráningarlistar og
nánari ferðalýsing í Gullsmára og Gjábakka. Gist á
Hótel Þórshamri. Boðið upp á skoðunarferðir um
Heimaey og á sjó umhverfis Heimaey. Brottför frá
Gullsmára kl. 10 og Gjábakka kl. 10.15.
Félagsheimilið Gjábakki | Krummakaffi kl. 9. Hana-
nú ganga kl. 10.
Félagsstarf Gerðubergs | Alla virka daga er opið kl.
9-16.30. Aðgangur að púttvelli við Breiðholtslaug
er daglega kl. 9 -17, leiðsögn frá Vinnuskóla Reykja-
víkur hefst þriðjud. 26. júní kl. 13. Aðstaða og afnot
af búnaði er að kostnaðarlausu. Allir velkomnir. S.
575 7720.
Hæðargarður 31 | Gönguferðir alla morgna kl. 9 á
laugardögum kl. 10. Listasmiðjan opin. Tölvusveitin
hittist á þriðjud. og miðvikud. kl. 13-15. Púttvöll-
urinn opnaður 20. júní. Kennsla í pútti alla miðviku-
daga í sumar kl. 17-18. Hádegismatur, síðdegiskaffi.
Kíkið við og fáið alla dagskrána. S. 568-3132.
Kirkjustarf
Vídalínskirkja, Garðasókn | Opið hús í Vídal-
ínskirkju. Vettvangsferð á Byggðasafn Akraness
þriðjudaginn 26. júní. Kaffi á staðnum. Lagt verður
af stað kl. 13, áætluð heimkoma kl. 17. Þeir sem
óska að koma með láti Nönnu Guðrúnu vita í síma
895 0169. Verið velkomin.
Hlutavelta | Þessar duglegu stúlkur heimsóttu
Barnaspítala Hringsins nýlega og færðu honum
13.000 kr. að gjöf, sem er ágóði af tombólu, sem þær
héldu af miklum krafti og dugnaði og eiga skilið hrós
fyrir. Nöfn þeirra eru: Tekla Eir Hallgrímsdóttir
Kúld, Þórunn Stefánsdóttir, Krista Líf Gunnlaugs-
dóttir og Kolbrún Alda Stefánsdóttir.
60ára afmæli. AgnesMagnúsdóttir er sex-
tug í dag. Af því tilefni verður
boðið upp á veitingar í sam-
komusal Kaupfélagsins á
Hvammstanga kl. 16 í dag.
dagbók
Í dag er laugardagur 23. júní, 174. dagur ársins 2007
Orð dagsins: Þú hefur elskað réttlæti og hatað ranglæti. Því hefur Guð, þinn Guð, smurt þig gleðinnar olíu fram yfir þína jafningja.
(Hebr. 1, 9.)
Íslandsnefnd Fróðskaparseturs Fær-
eyja og Færeyjanefnd Háskóla Íslands
efna til ráðstefnunnar Frændafundar
dagana 26. til 28. júní í Þórshöfn, Fær-
eyjum.
María Anna Garðarsdóttir, aðjunkt
við HÍ, situr í Færeyjanefnd: „Frænda-
fundur hefur verið haldinn þriðja hvert
ár, til skiptis í Færeyjum og á Íslandi,
frá árinu 1992,“ segir María. „Umfjöll-
unarefni ráðstefnunnar er iðulega mjög
fjölbreytt, en markmið þessara við-
burða er að efla samband landanna og
miðla af reynslu og þekkingu á hinum
ýmsu fræðasviðum. Færeyjar og Ís-
land eru þjóðir sem eiga margt sameig-
inlegt í menningu og tungu, og víst að
við getum lært margt hvert af öðru.“
Samkynhneigð og innflytjendur
Fjallað verður um fjölbreytt málefni
á ráðstefnunni að þessu sinni: „Við höf-
um þann háttinn á að um nokkur um-
fjöllunarefni ræða tveir fyrirlesarar,
einn frá hvoru landi. Meðal umræðu-
efna má nefna barnabókmenntir, þar
sem Turið Sigurðardóttir frá Fær-
eyjum og Sigþrúður Gunnarsdóttir frá
Íslandi veita yfirlitssýni yfir barnabók-
menntir hvorrar þjóðar fyrir sig, og
gefa þannig kost á áhugaverðum sam-
anburði,“ segir María.
Þannig munu Beinta í Jákupsstovu
og Reynhard Reynisson fjalla um sam-
einingar sveitarfélaga, Bogi Davidsen,
K. Hulda Guðmundsdóttir og Þóra
Björk Hjartardóttir fjalla um samkyn-
hneigð, og Firouz Gaini og Einar
Skúlason fjalla um stöðu útlendinga í
færeysku og íslensku samfélagi.
„Málvísindi, bókmenntir, saga og
listir hafa löngum skipað stóran sess í
dagskrá Frændafunda,“ segir María
sem sjálf fjallar um málstefnu ásamt
Katrínu Axelsdóttur og Árna Dahl:
„Malan Marnersdóttir og Aðalsteinn
Ingólfsson fjalla um myndlist síðasta
áratugar, Ólavur Hátún og Bjarki
Sveinbjörnsson segja frá samskiptum
þjóðanna á tónlistarsviði og Osva Olsen
og Áslaug Sverrisdóttir fjalla um hann-
yrðir fyrr og nú.“
Finna má nánari upplýsingar um
dagskrá Frændafundar á heimasíðu
Hugvísindastofnunar HÍ, á slóðinni
www.hugvis.hi.is. Er ráðstefnan öllum
opin og aðgangur ókeypis.
Fræði | Fjölfræðileg íslensk-færeysk ráðstefna í Þórshöfn 26. til 28. júní
Frændafundur í Færeyjum
 María Anna
Garðarsdóttir
fæddist í Reykja-
vík 1963. Hún lauk
stúdentsprófi frá
MS 1983, BA-prófi
í íslensku frá Há-
skóla Íslands 1987
og lagði stund á
meistaranám í ís-
lenskri málfræði við sama skóla. Hún
hefur kennt íslensku fyrir erlenda
stúdenta við HÍ frá 1992 og setið í
Færeyjanefnd Háskólans frá 2004.
María er gift Mads Holm, verkefn-
isstjóra hjá Norræna húsinu. Dóttir
Maríu er Ugla Egilsdóttir.
Tónlist
Hallgrímskirkja | Björn Steinar
Sólbergsson, organisti í Hall-
grímskirkju, leikur á hádegistón-
leikum í dag, 23. júní, kl. 12. Tón-
list eftir Buxtehude, Pál Ísólfsson
og Couperin.
Stykkishólmskirkja | Strengja-
kvartett úr Reykjavík, Júlí-
kvartettinn, heldur tónleika
sunnudaginn 24. júní kl. 16.
Fulltrúar Stykkishólms verða Lilja
Margrét Riedel á flautu og Sigrún
Björk Sævarsdóttir sem syngur.
Flutt verður tónlist eftir Brahms,
Mendelssohn, Mozart, Pál Ísólfs-
son og Schubert.
Myndlist
Gerðuberg | Ég bið að heilsa.
Sýning á bútasaumsverkum í til-
efni af 200 ára fæðingarafmæli
Jónasar Hallgrímssonar. Sýningin
stendur til 9. september og er
opin virka daga í júní frá kl. 11-17.
Sjá www.gerduberg.is.
Kaffi Sólon | Myndlistarkonan
Jane María Sigurðardóttir opnar
sína 4. sýningu kl. 17 á Kaffi Sólon
á Laugaveginum. Sýningin stend-
ur yfir í til 21. júlí. Öll verkin á sýn-
ingunni eru til sölu.
Söfn
Lyfjafræðisafnið | Neströð á Sel-
tjarnarnesi. Opið er á þriðjudög-
um, fimmtudögum, laugardögum
og sunnudögum í allt sumar kl.
13-17. Aðgangur er ókeypis og öll-
um heimill. Nánari upplýsingar
gefur Sólveig Ólafsdóttir, safn-
vörður s. 8921215.
ÞAU Halldór Blöndal og Guðfríður Lilja
Grétarsdóttir reyndu með sér í tafli á
dögunum.
tefla á útitaflinu við Lækjargötu. Til-
efnið var opnun útitaflsins og var það
Hrafn Jökulsson, forseti skákfélagsins
Hróksins, sem stóð fyrir einvíginu.
Aðstoðarkona Halldórs var Sigríður
Björg Helgadóttir, en aðstoðarmenn Guð-
fríðar voru þeir Mikael Luis Gunn-
laugsson og Jón Nordal.
Guðfríður Lilja og aðstoðarmenn henn-
ar báru sigur úr býtum í viðureigninni en
í samtali við Morgunblaðið sagðist Hall-
dór vera svokallaður „kaffihúsaskákmað-
ur“.
„Ég tefldi talsvert í menntaskóla og
þegar ég vann í hvalstöðinni. Það fer eft-
ir vinnustöðum hvað ég tefli mikið,“
sagði Halldór.
Útitaflið komið í gagnið
Morgunblaðið/G. Rúnar
FRÉTTIR
MEÐ sérstökum samningi, sem undirritaður var nýlega dag, hefur
Athygli ehf. gerst einn samstarfsaðila Barnaheilla og mun fyrirtækið
styrkja samtökin með endurgjaldslausu framlagi vegna ímyndar- og
kynningarmála á árinu 2007. Samningurinn er liður í þeirri stefnu
stjórnar fyrirtækisins að leggja sitt af mörkum til samfélagsmála.
Haft er eftir Petrínu Ásgeirsdóttir, framkvæmdastjóra Barna-
heilla í fréttatilkynningu að samstarfið við Athygli sé afar þýðingar-
mikið fyrir samtökin. Valþór Hlöðversson framkvæmdastjóri At-
hygli segir að með þessu vilji félagið styrkja það mannræktarstarf
sem fram fari hjá Barnaheillum.
Samningur Frá undirritun styrktarsamnings Athygli við Barnaheill.
Valþór Hlöðversson, framkvæmdastjóri Athygli, og Petrína Ásgeirs-
dóttir, framkvæmdastjóri Barnaheilla, undirrita samninginn.
Athygli styrkir Barnaheill
NÚ hefur fyrsti nemendahópurinn útskrifast frá verkfræðideild HÍ
með MPM-gráðu og verður formleg athöfn í hátíðarsal HÍ í dag, laug-
ardaginn 23. júní, kl. 14, til að fagna þessum tímamótum.
Í fréttatilkynningu segir að haustið 2005 hafi dr. Helgi Þór Ingason,
lektor í verkfræði, og dr. Haukur Ingi Jónasson guðfræðingur sett á
laggirnar MPM-nám við Háskóla Íslands. MPM (Master of Project
Management) er stjórnunarnám með sérstakri áherslu á verkefna-
stjórnun og leiðtogafræði með einkunnarorðin hugvit, siðvit, verksvit,
að leiðarljósi. MPM-nám er vel þekkt erlendis en er hið eina sinnar
tegundar hér á landi.
MPM er tveggja ára nám samhliða starfi, nemendahópurinn hefur
breiðan bakgrunn og gegnir ólíkum störfum í þjóðfélaginu en á það
sameiginlegt að hafa lokið grunnnámi á háskólastigi hvort sem það er
BS, BA eða annað sambærilegt nám og viljað efla sig í leik og starfi.
Brautskráningarhópurinn hefur undirgengist alþjóðlega vottun verk-
efnastjórnar og ber titilinn „Certified Project Management Assoc-
iate“. Að auki er hluti hópsins að undirgangast efri stig alþjóðlegrar
vottunar í verkefnastjórnun, nokkrir munu innan skamms bera tit-
ilinn „Certified Project Manager“ og þrír nemendur munu hljóta
næstefsta stig hinnar alþjóðlegu vottunar og bera titilinn „Certified
Senior Project Manager“.
Margir kennarar hafa leiðbeint hópnum, bæði innlendir og erlend-
ir. Á síðasta misserinu hefur hópurinn unnið að lokaverkefnum og í
misserislok skiluðu nemendur skýrslum í formi ráðstefnugreinar og
kynntu þau á opinni ráðstefnu á Hótel Loftleiðum 11. maí síðastliðinn.
Útskrift nemenda með
MPM-gráðu frá HÍ
MORGUNBLAÐINU hefur borist eftirfarandi athugasemd frá
Vinnumálastofnun:
Vegna viðtals við skrifstofustjóra Eflingar stéttarfélags á forsíðu
Morgunblaðsins 20. júní síðastliðinn vill Vinnumálastofnun koma eftir-
farandi á framfæri:
Hinn 31. mars 2007 rann út þjónustusamningur milli Atvinnuleys-
istryggingasjóðs og Eflingar um útreikning og afgreiðslu atvinnuleys-
isbóta. Fullt samráð var haft við Eflingu um breytt fyrirkomulag, enda
á félagið fulltrúa í stjórnum Vinnumálastofnunar og Atvinnuleysis-
tryggingasjóðs. Umsýsla atvinnuleysisbóta fer nú öll fram á þjónustu-
skrifstofu Vinnumálastofnunar á Skagaströnd en fór áður fram hjá níu
úthlutunarnefndum.
Með nýju fyrirkomulagi hefur þegar orðið töluverð hagræðing svo
sem samræming vinnubragða, aukin sérhæfing starfsmanna og lækk-
un á rekstrarkostnaði. Staðsetning skattkortanna á Skagaströnd er til
að tryggja að afgreiðslan sé sem réttust, enda eðlilegt fyrirkomulag að
öll gögn séu á sama stað. Það þarf ekki nema eitt símtal á skrifstofuna á
Skagaströnd og þá fær viðkomandi skattkortið sent í pósti daginn eftir.
Ásökun þess efnis að stofnunin sé að bjóða upp á lakari þjónustu en
áður á því ekki við rök að styðjast. Það hefur þvert á móti verið stefna
Vinnumálastofnunar að bjóða upp á fljóta, örugga og skilvirka þjón-
ustu. Fyrrgreind breyting er liður í þeirri stefnu.
Samráð var haft við Eflingu
FLUGDAGURINN verður haldinn
á Flúðum í fyrsta skipti í dag, laug-
ardag. Þá koma saman flugmenn
víða af á landinu, einkaflugmenn,
fisflugmenn og fleiri til að skemmta
sér og öðrum á flugvellinum á Flúð-
um. Boðið verður upp á dagskrá
fyrir almenning frá kl 14 til 17.
Meðal atriða á Flugdeginum á
Flúðum er ókeypis útsýnisflug fyrir
börnin, grænmetisbændur á Flúð-
um bjóða gestum upp á nýja tóm-
ata, paprikur, gúrkur og sveppi
auk þess sem bændur og búalið
keppa í dráttarvélaspyrnu.
Flugdagurinn
á Flúðum