Morgunblaðið - 27.06.2007, Blaðsíða 15
MORGUNBLAÐIÐ MIÐVIKUDAGUR 27. JÚNÍ 2007 15
Eftir Ásgeir Sverrisson
asv@mbl.is
SÍÐUSTU árin hefur hún verið talin
í hópi valdamestu kvenna í heimi
hér; í fyrra mun hún hafa verið í 30.
sæti Forbes-tímaritsins, sem birtir
slíkan lista á ári hverju. Christine
Lagarde hefur notið velgengni í
störfum sínum enda hefur hún jafn-
an reynst tilbúin að takast á við ný
verkefni. Reynsluleysið kann hins
vegar að há henni að þessu sinni;
Lagarde hefur nú tekið við embætti
fjármála- og efnahagsráðherra
Frakklands.
Lagarde er fyrst kvenna til að
hafa þetta embætti með höndum í
Frakklandi. Og raunar teljast tíðind-
in stærri en svo, að þau beri að binda
við samfélag Frakka; í sjö helstu iðn-
ríkjum heims hefur kona aldrei áður
stýrt ráðuneytum fjár- og efnahags-
mála.
Nicolas Sarkozy, nýkjörinn for-
seti, hefur boðað víðtækar breyting-
ar, ef ekki beinlínis „umbætur“, í
Frakklandi og Lagarde mun án
nokkurs vafa gegna lykilhlutverki
við að koma þeim umskiptum í fram-
kvæmd. „Ég mun breyta öllu því
sem ég lofaði að breyta. Til þess höf-
um við hlotið umboð fólksins,“ sagði
Sarkozy forseti í ávarpi í liðinni viku.
Forsetinn gerði þá breytingar á
nýrri ríkisstjórn sinni, sem nauðsyn-
legar urðu eftir að niðurstaða þing-
kosninga hafði ekki reynst UMP-
stjórnarflokknum jafn hagfelld og
spár höfðu gefið til kynna. Alain
Juppe, umhverfisráðherrra (og for-
sætisráðherra Frakklands 1995-
1997), tapaði þingsæti sínu í Bord-
eaux og sagði af sér þegar sú nið-
urstaða lá fyrir. Við starfi hans tekur
Jean-Luis Borloo, sem Sarkozy hafði
áður skipað ráðherra fjár- og efna-
hagsmála. Christine Lagarde, sem
hafði hinn 18. maí verið skipuð land-
búnaðarráðherra í hinni nýju ríkis-
stjórn Francois Fillon forsætisráð-
herra, hefur nú tekið við starfi
Borloo. Ljóst er að upphafning La-
garde á kostnað Borloo er tilkomin
vegna mistaka þess síðarnefnda í
kosningabaráttunni. Ráðherrann
missti út úr sér að í ráði væri að
hækka virðisaukaskatt um fimm
prósentustig en Sarkozy og nánustu
undirsátar hans höfðu áður ákveðið
að ræða það viðkvæma mál ekki fyrr
en á næsta ári.
Christine Lagarde býr að sönnu
yfir nokkurri reynslu af störfum inn-
an franska stjórnkerfisins en ferill
hennar hefur engan veginn mótast af
lögmálum framapots og atvinnu-
mennsku á hinu pólitíska sviði. La-
garde hafði náð að klífa hæstu tinda
á sviði sinna fræða þegar kallið barst
óvænt fyrir tveimur árum; Dominiq-
ue de Villepin, þáverandi forsætis-
ráðherra, fékk hana þá til að láta af
störfum sem stjórnarformaður einn-
ar stærstu lögmannastofu í heimi
hér, Baker & McKenzie, og gerast
viðskiptaráðherra Frakklands.
„Hnattræn“ lögfræðistörf
Lagarde, sem er 51 árs, hafði fram
til þess tíma einbeitt sér að lög-
mennsku og átti að sönnu afar glæsi-
legan feril að baki. Hún gekk til liðs
við Baker & McKenzie árið 1981. Tíu
árum síðar var hún ráðin sem yfir-
maður skrifstofu fyrirtækisins í Par-
ís. Árið 1995 var hún valin í stjórn
þess og fjórum árum síðar var hún
kjörin formaður. Fyrirtæki þetta
varð eitt hið fyrsta til að gerast
„hnattrænt“ á sviði lögmennsku og
mun hafa meira en 3.000 lögfræðinga
á sínum snærum í 38 ríkjum.
Christine Lagarde bíður nú m.a.
það erfiða verkefni að tryggja stuðn-
ing á þingi við breytingar þær á sviði
skatta og atvinnumála, sem Sarkozy
forseti boðaði og almennt er talið að
tryggt hafi sigur hans. Forsetinn
hefur einsett sér að blása nýju lífi í
hagkerfi Frakklands og boðar m.a.
róttækar aðgerðir til að draga úr at-
vinnuleysi enda telur hann vandann
að stórum hluta „kerfislægan“. Eitt
fyrsta verk Lagarde í nýju embætti
var að greina frá þeim áformum
stjórnvalda að selja fimm prósenta
hlut, hið minnsta, í símafyrirtækinu,
France Telecom. Franska ríkið á
þriðjungshlut í fyrirtækinu og verð-
ur þessum fjármunum varið til að
greiða niður skuldir ríkissjóðs.
Ýmsir telja að skortur á „pólitísku
baklandi“ muni reynast henni fjötur
um í viðskiptum við þingheim og
„hagsmunaaðila“. Líkt og Dominque
de Villepin, sem hóf hana til póli-
tískra metorða, hefur Christine La-
garde aldrei verið kjörin til að hafa
með höndum svo valdamikið emb-
ætti; sóknarfæri vegna umboðsleysis
hennar kunna að vera til staðar.
Talsmenn verkalýðsfélaga hafa þeg-
ar látið í ljósi þá skoðun að Lagarde
sé úr hófi fram vinveitt viðskiptalíf-
inu og óttast að halla muni á hina
stritandi alþýðu manna þegar boð-
aðar breytingar verða innleiddar.
Reynsla Frakka er aukinheldur sú
að fjármálaráðherrum, sem komið
hafa til þeirra starfa úr einkageir-
anum, hefur gengið heldur illa að
hrinda áætlunum um breytingar í
framkvæmd. Tregða innan „kerfis-
ins“ mun ekki síður en viðspyrna
hagsmunahópa hafa unnið gegn því
að markmið næðu fram að ganga.
Voldug og enn á uppleið
Christine Lagarde, sem tekið hefur við embætti ráðherra efnahags- og fjármála fyrst franskra
kvenna, á að baki afar glæsilegan feril á sviði alþjóðlegrar lögspeki en skortir pólitíska reynslu
Í HNOTSKURN
»Christine Lagarde er fædd1. janúar 1956 í París. For-
eldrar hennar voru mennta-
menn. Hún nam stjórnspeki
við „Sciences Po“, eina af lyk-
ilstofnunum frönsku valda-
stéttarinnar, en lagði síðar
stund á lögfræði við Par-
ísarháskóla. Hún lauk fram-
haldsnámi á sviði samkeppnis-
og vinnuréttar og hefur einnig
lokið mastersprófi í ensku.
»Afrek hennar eru að sönnufjölþætt; hún vann 15 ára
gömul bronsverðlaun á lands-
móti í samræmdu sundi og var
um skeið í landsliði Frakka í
þeirri stórmerku íþrótt.
Reuters
Umskipti Christine Lagarde, efnahags- og fjármálaráðherra, kemur
ásamt Jean-Louis Borloo til ríkisstjórnarfundar í forsetahöllinni í París.
EYKTARÁS 4 - REYKJAVÍK
Opið hús í dag kl. 20 -21
Mjög vel staðsett og snyrtilegt einbýli í Árbæ. Húsið er samtals 329,6 fm.
Íbúðin á efri hæð er 131,2 fm. og bílskúr 33,6. Neðri hæðin er 164,8 fm. Góð-
ur möguleiki á aukaíbúð. Verð 59.9 millj.
Verið velkomin.
Sölumaður: Sigurður, sími 898-3708.