Morgunblaðið - 02.07.2007, Blaðsíða 2

2 MÁNUDAGUR 2. JÚLÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir,
dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
SÉRSTAKT greiningarpróf vegna gáttatifs, sem
er algengur undanfari heildablóðfalls, var form-
lega sett á markað í gær, en greiningarprófið
byggist á uppgötvun vísindamanna hjá Íslenskri
erfðagreiningu og samstarfsaðila þeirra.
Í nýjasta hefti hins virta vísindatímarits Nature
er fjallað um niðurstöður fyrstu rannsóknarinnar
sem leiðir til uppgötvunar algengra erfðaþátta
sem auka áhættu á gáttatifi, samkvæmt fréttatil-
kynningu ÍE.
Gáttatif er algeng takttruflun í hjarta og er talið
að yfir 5% þeirra sem komnir eru yfir 65 ára aldur
og 10% þeirra sem eru eldri en 75 ára hafi einhvern
tíma fengið gáttatif. Nýgengi og algengi gáttatifs
fer vaxandi og er spáð að tilfellum gáttatifs eigi eft-
ir að fjölga verulega á næstu áratugum, sér í lagi
hjá þeim sem eldri eru. Sjúkdómurinn er einnig al-
geng orsök heilablóðfalls vegna blóðreks frá
hjarta. Erfðaþættirnir eru tveir og eru staðsettir
nálægt erfðavísi á litningi 4, sem vitað er að gegnir
mikilvægu hlutverki í þroskun hjartans. Annar
breytileikanna eykur hættu á gáttatifi um 70% fyr-
ir hvert eintak og hinn eykur áhættuna um 40%
fyrir hvert eintak miðað við meðaláhættu. Um það
bil þriðjungur fólks af evrópskum uppruna hefur
a.m.k. eitt eintak af öðrum hvorum áhættuþætt-
inum. Ennfremur hefur verið sýnt fram á að þeir
sem bera í sér tvö eintök af þeim breytileika sem
meiri áhrif hefur eru 250% líklegri til að fá gáttatif
en þeir sem hafa hvorugan breytileikann.
Erfðabreytileikarnir fundust þegar meira en
300 þúsund breytileikar í erfðamenginu voru skoð-
aðir í meira en 550 sjúklingum með gáttatif og/eða
gáttaflökt. Niðurstöður rannsóknarinnar voru
staðfestar með frekari rannsóknum á yfir þrjú
þúsund sjúklingum frá Íslandi, Bandaríkjunum og
Svíþjóð.
Uppgötva erfðabreytileika
sem auka hættu á gáttatifi
Greiningarpróf á markað sem byggist á uppgötvun ÍE og samstarfsaðila
VEGNA þess hve gáttatif er algengur undanfari
heilablóðfalls hjá fólki telur Íslensk erfðagrein-
ing að sérstakt greiningarpróf sem byggist á
uppgötvuninni muni hafa notagildi fyrir lækna
til þess að greina þá einstaklinga sem ættu að
vera undir meira lækniseftirliti en aðrir. Var
greiningarprófið formlega sett á markað í gær.
Fyrsti höfundur að vísindagreininni í Nature er
Daníel F. Guðbjartsson tölfræðingur.
Notagildi fyrir lækna
TVEGGJA hreyfla breiðþota frá
bandaríska flugfélaginu Delta lenti
á Keflavíkurflugvelli um hálfþrjú-
leytið í gær á einungis öðrum
hreyflinum. Hafði vélin misst afl á
hinum hreyflinum er hún var
skammt frá Íslandi og ákvað flug-
stjórinn að halda til Keflavíkur í ör-
yggisskyni. Um borð voru 225 far-
þegar.
Vélin er af gerðinni Boeing 767,
og var í áætlunarflugi frá Þýska-
landi til Bandaríkjanna. Farþegum
var boðið í skoðunarferð að Bláa
lóninu. Ekki var óskað eftir að þeim
yrði boðin áfallahjálp. Önnur vél frá
Delta var væntanleg til að sækja
farþegana seint í gærkvöldi.
Þota lenti
með bilað-
an hreyfil
BÍLL fór út af veginum í Önund-
arfirði í gærkvöldi og valt.
Tveir voru fluttir á sjúkrahús og
er bifreiðin gjörónýt. Tildrög slyss-
ins eru óljós en lögregla telur hugs-
anlegt að ökumaðurinn hafi sofnað
undir stýri.
Velta í Ön-
undarfirði
„NEI, ÞAÐ er best að hafa þetta svona, sjáðu,“ gæti stúlkan hafa sagt við
drenginn um leið og hún lagaði fimum fingrum örlítinn agnúa á sandbygg-
ingunni sem grunnur hafði verið lagður að. „En … þetta er ekki nógu slétt,
sko,“ gæti hann hafa svarað um leið og hann pressaði sandinn með lófanum.
Gusugangur og busl í öðrum börnum megnuðu ekki að trufla þessa hús-
byggjendur framtíðarinnar þar sem þau nutu lífsins í Nauthólsvíkinni í gær.
Morgunblaðið/Ómar
Piltur og stúlka í framkvæmdum í Nauthólsvík
♦♦♦
FLÓTTAMENNIRNIR sem áhöfn-
in á Eyborginni bjargaði fyrir helgi
og flutti til Möltu höfðu lagt frá
ströndum Líbýu á fimmtudag og velt
opnum flóttabát sínum í ólgusjó með
þeim afleiðingum að tíu manns
drukknuðu. Er þetta haft eftir þeim
sem komust lífs af úr sjávarháskan-
um í maltneska blaðinu The Sunday
Times. Fólkinu tókst að klifra upp á
túnfiskflotkvíarnar sem Eyborgin
var að sækja, alls 21 flóttamaður, en
ein kona úr hópnum lést. Eftir voru
16 karlar og fjórar konur, þar á með-
al systir hinnar látnu. Í hópnum
missti einn flóttamaðurinn eigin-
konu sína.
Fólkið mun vera frá Erítreu, Eþí-
ópíu, Nígeríu og Sómalíu.
Skipstjóri Eyborgarinnar er Ólaf-
ur Ragnarsson og stýrir hann níu
manna erlendri áhöfn skipsins.
Að sögn Birgis Sigurjónssonar,
útgerðarmanns Eyborgarinnar, hef-
ur framganga íslenska utanríkis-
ráðuneytisins verið til mikillar fyr-
irmyndar.
„Nú hefur rödd Íslands, þessa
friðelskandi lands, heyrst og mér
finnst ráðuneytið hafa tekið mjög
faglega á málinu,“ segir hann. Ekki
hafi þá komið til greina annað en að
hlúa að fólkinu um borð, en sum skip
taki ekki við flóttafólki.
Útgerðarmaður Eyborgarinnar
Rödd Íslands
hefur heyrst
SKRÍLSLÆTI og fyllerí á ung-
mennum á tjaldstæðinu við Hellis-
hóla í Rangárvallasýslu um helgina
hafa orðið til þess að forsvarsmenn
tjaldstæðisins ætla að banna ung-
mennum að tjalda þar í framtíðinni
nema í fylgd með fullorðnum. Jafn-
vel verður fólki um tvítugt bannað
að vera þar ef hópar eru á ferð.
Að sögn Lailu Ingvarsdóttur, for-
svarsmanns tjaldsvæðisins, slapp
eiginmaður hennar naumlega undan
misþyrmingum þegar hann ætlaði
að stugga við hluta hópsins sem
hafði þá stolist ofan í heitan pott eft-
ir lokun. „En þá komu hnefarnir á
loft,“ segir hún. „Það voru þrír sem
ætluðu að ráðast á hann en sonur
minn brá snöggt við og forðaði hon-
um í burtu.“
Velti jeppa út í Þverá
Alls voru krakkarnir um 50 tals-
ins og segir Laila að innbyrðis hafi
brotist út slagsmál, auk þess sem
ökumenn hafi ekið drukknir um
svæðið, þar af einn sem velti jeppa
út í Þverá og annar sem velti fólks-
bíl. Munaði litlu að bíllinn lenti á
fjölskyldutjaldi í leiðinni að sögn
Lailu. Mikil læti fylgdu krökkunum,
sem að sögn Lailu fóru um svæðið
og kíktu meðal annars inn um
glugga á sumarbústöðum í nágrenn-
inu þá um nóttina. Sagðist hún hafa
haft fregnir af því að hópurinn hefði
samanstaðið af ungmennum úr
Garðabæ sem þekkt væru fyrir læti.
„Þau slógust og görguðu og það
stafaði mikill ófriður af þeim,“ segir
hún.
Lögreglan á Hvolsvelli var kölluð
til og tók einn ökumann próflausan
og tvo fyrir ölvunarakstur um nótt-
ina og stóð vakt við svæðið uns dag-
aði.
„Við stílum eingöngu inn á fjöl-
skyldufólk og golffólk. Hingað til
höfum við ekki hleypt ungmennum
inn á svæðið og það verður ennþá
strangara héreftir,“ segir Laila.
Ungmenni með
skrílslæti á tjaldstæðinu
Ógnuðu tjaldverði með hnefa á lofti og slógust innbyrðis
TALSVERÐ umferð var í átt til höf-
uðborgarinnar í gærkvöldi en að
sögn lögreglu gekk hún þokkalega
og án sérstakra óhappa. Einnig var
mikil umferð á Vesturlandsvegi og
voru lögreglumenn sendir til að
stjórna umferð af Þingvallavegi inn á
Vesturlandsveg. Þyrla Landhelgis-
gæslunnar tók þá þátt í eftirliti.
Þá valt bíll á mótum Hringbrautar
og Tjarnargötu í Reykjanesbæ eftir
harðan árekstur tveggja bíla um ell-
efuleytið í gærmorgun. Ekki urðu al-
varleg slys, en farþegi úr bílnum sem
valt var fluttur á slysadeild.
Mikill um-
ferðarþungi
♦♦♦