Morgunblaðið - 02.07.2007, Blaðsíða 37

MORGUNBLAÐIÐ MÁNUDAGUR 2. JÚLÍ 2007 37
SÍÐASTLIÐIÐ föstudagskvöld fóru
fram tónleikar Sinfóníuhljómsveitar
Íslands og Dúndurfrétta þar sem
ellefta plata Pink Floyd, The Wall,
var flutt í heild sinni. Öll umgjörð
tónleikanna var til fyrirmyndar; tón-
leikarnir voru „sitjandi“ og var ekki
annað að sjá en að gestum í Laug-
ardalshöll liði ákaflega vel þetta
kvöld.
Flutningur Dúndurfrétta var óað-
finnanlegur – söngvararnir deildu
röddum mjög vel á milli sín og fór
þar fremstur meðal jafningja Pétur
Guðmundsson. Innkoma Sinfón-
íuhljómsveitarinnar í verkið þótti
mér ekki alltaf nægilega sterk, ég
hefði viljað heyra meira í henni og
þá sérstaklega í einstökum sveitum
hennar í einu. Skjáir fyrir ofan sviðið
sýndu brot úr kvikmyndinni The
Wall sem jók á dýpt tónlistarinnar.
Ekki má gleyma að nefna dýrindis
tilburði ljósamanna Laugardalshall-
arinnar, ljósasýningin spilaði stórt
og gott hlutverk þetta kvöld.
Styrkur tónleikanna fólst helst í
einlægri aðdáun Dúndurfrétta á
verkinu sem var augljós og sú að-
dáun geislaði af andlitum þeirra og
spilamennsku og hreif áhorfendur
með. Þrátt fyrir að tónleikarnir
væru „sitjandi“ sýndu áhorfendur
hrifningu sína óspart, mörg laganna
fengu standandi lófaklapp og mátti
sjá bros leika á vörum ánægðra tón-
leikagesta. Tónleikar á borð við
þessa eru líka fyrst og fremst fyrir
aðdáendur. Við hin njótum þess að
hlusta á góða tónlist í vönduðum
flutningi á meðan aðdáendur Pink
Floyd eiga kvöldstund með tónlist
sem hefur djúpa þýðingu í hjörtum
þeirra.
Dúnd-
urtón-
leikar!
TÓNLEIKAR
Laugardalshöll
Dúndurfréttir og Sinfóníuhljómsveit Ís-
lands fluttu The Wall eftir Roger Waters
(David Gilmour og Bob Ezrin). Stjórnandi
var Bernharður Wilkinson. Föstudagurinn
29. júní – síðari tónleikar af tvennum.
The Wall  Helga Þórey Jónsdóttir
Morgunblaðið/Sverrir
Ljósadýrð Umgjörð tónleikanna var til fyrirmyndar og ekki var annað að sjá en að áhorfendur nytu tónleikanna til hins ýtrasta. Myndbrot úr kvikmynd-
inni The Wall voru sýnd á risaskjáum og jók það enn við upplifunina sem og ljósadýrðin sem var allt um leikandi.
Morgunblaðið/Sverrir
Söngvararnir Matthías Matthíasson (t.v.) stundum kenndur við Papa og Pétur Guðmundsson
(sitjandi) oftar kenndur við Jesú leystu sitt verk með prýði á föstudagskvöldið.
Morgunblaðið/Sverrir
Stjórinn Bernharður Wilkinson stýrði Sinfón-
íuhljómsveitinni og Dúndurfréttum af myndarbrag.
VARMÁRSAMTÖKIN héldu upp á góða veðrið
með því að blása til útiskemmtunar í Álafoss-
kvosinni í gær. Bryndís Schram las upp „Nýju
fötin keisarans“ eftir Hans Christian Andersen
við undirleik þeirra Áshildar Haraldsdóttur
flautuleikara og Bryndísar Höllu Gylfadóttur
sellóleikara, sem eftir lesturinn tóku dúett eftir
Ludwig van Beethoven. Þá spiluðu einnig tveir
ungir trúbadorar, þær Mirra og Elín Ey.
Í takt við illútreiknanlegt íslenskt veðrið var
skemmtunin ákveðin með dags fyrirvara og
skartaði Kvosin sínu fegursta, sem Sigrún Páls-
dóttir úr Varmársamtökunum sagði staðfesta
hversu mikil firra væri að leggja hraðbraut
þarna. „Þetta sýnir hversu mikils virði lands-
lagið og fegurðin á þessum stað eru.“ Áhorf-
endur höfðu náttúrulega leikhúspalla til að sitja
í sem myndaðir eru í brekkurnar og ljóst að lítið
þyrfti að gera til þess að endurreisa útileikhús
það sem eitt sinn var starfrækt í Álafosskvos.
Fyrst þurfa þó Varmársamtökin að berjast við
að fá veginn umdeilda á brott, annars er ljóst að
ýmsir íbúanna fara á brott í staðinn, en þeirra
þekktastir eru líklega piltarnir í Sigur Rós sem
eiga þarna upptökuver. Orri Páll Dýrason, liðs-
maður sveitarinnar, fullyrti að ef vegurinn kæmi
færu þeir.
Umdeild Mörgum
þykja full margir
bílar á leiðinni í
Kvosina.
Deilt um nýju fötin kvosarinnar
Morgunblaðið/ÓmarÆvintýri Bryndís Schram les við
undirleik Álfhildar Haraldsdóttur.
SÝNINGAR Á
SÖGULOFTI
MR. SKALLAGRIMSSON
- höf. og leikari Benedikt Erlingsson
5/7 kl 20 uppselt, 13/7 kl. 20 uppselt,
14/7 kl 15 laus sæti, 14/7 kl. 20 uppselt,
11/8 kl. 20 laus sæti, 12/8 kl. 20 laus sæti,
18/8 kl. 20 laus sæti, 19/8 kl. 20 laus sæti,
25/8 kl. 20 laus sæti, 26/8 kl. 20, 30/8 kl. 20
laus sæti, 31/8 kl. 20 laus sæti
Miðaverð kr. 2900 - ATH! Staðfesta þarf
miða með greiðslu viku fyrir sýningu
Leikhústilboð í mat:
Súpa, fiskréttur og kaffi kr. 2600
Súpa, kjötréttur og kaffi kr. 3200
Miða- og borðapantanir í síma 437 1600
Nánari upplýsinar www.landnamssetur.is