Morgunblaðið - 02.07.2007, Blaðsíða 43
MORGUNBLAÐIÐ MÁNUDAGUR 2. JÚLÍ 2007 43
í eigin heimi og í prívat nálgun við
umhverfið, persónuleikalausar. „Það
er hluti af þeirri hugmynd að þetta sé
ímynd mannsins, ekki einhver ákveð-
in persóna heldur frekar hugurinn,
tilfinning,“ segir Steinunn.
Sonurinn fyrirmynd
Sonur Steinunnar er fyrirsæta
flestra verkanna og hefur verið það í
10-15 ár. „Í rauninni má segja að lík-
ami hans sé grunnurinn, síðan vinn
ég þetta mjög mikið, þeir líta aldrei út
eins og hann. Hann er grunnur sem
ég vinn síðan með,“ segir Steinunn.
Aðspurð hvort móðurástin sé þá hluti
af verkum hennar segir Steinunn að
mikil ást sé í verkunum.
Eftir Helga Snæ Sigurðsson
helgisnaer@mbl.is
Steinunn Þórarinsdóttirmyndlistarkona opnar hinn30. júní sýninguna Horizons,eða Sjóndeildarhringir, í
Katonah-safninu í New York. Verk
Steinunnar er innsetning í skúlptúr-
garði safnsins. Þar eru stærðar tré,
tíu talsins og eitt fyrir utan safnið, og
verða jafnmargar mannverur úr pott-
járni og gleri inni á milli þeirra.
Skúlptúrar Steinunnar af persónu-
lausum verum í ýmsum stellingum og
ólíku umhverfi ættu að vera Íslend-
ingum að góðu kunnar þar sem þær
má finna víða í Reykjavík og úti á
landi.
Steinunn segir sýninguna í Kat-
onah mikið tækifæri fyrir sig til að
kynna verk sín í Bandaríkjunum, en
sýningu á verkum hennar í Concordia
College í Bronxville í New York er
nýlokið og þriðja einkasýning hennar
á árinu verður haldin í Concordia
University-galleríinu í Ann Arbor í
Michigan í september. Þá er kvik-
myndagerðarmaðurinn Frank Can-
tor að ljúka gerð heimildarmyndar
um listakonuna, en hann hefur unnið
heimildarmyndir um þekkta mynd-
listarmenn, m.a. Frank Stella og Roy
Lichtenstein. Heimildarmyndin um
Steinunni verður frumsýnd á árinu.
Að öllu ofantöldu er ljóst að Steinunn
er eftirsóttur myndlistarmaður, enda
með umboðsmenn í Danmörku, Bret-
landi og Kanada.
Óendanleikinn
Katonah-safnið er þekkt í Banda-
ríkjunum, að sögn Steinunnar, um
klst. akstur að því frá Manhattan í
New York. „Þarna hafa sýnt þekktir
myndlistarmenn og þessi skúlptúr-
garður er mjög sérstakt rými, aflokað
en um leið undir beru lofti, rammi en
samt opinn rammi,“ segir Steinunn. Í
garðinum eru mjög gömul tré sem
gefa honum sérstakan karakter og
segir Steinunn verk sín tengjast því
umhverfi, sérstaklega búin til fyrir
garðinn. „Í þessum manneskjum, eða
mönnum, er lárétt glerlína sem fer í
gegnum þær allar, er í raun sjón-
deildarhringur, þannig upplifi ég það.
Titill sýningarinnar ber í sér ákveð-
inn orðaleik því horizons á ensku þýð-
ir líka afstaða eða sjónarmið. Menn-
irnir hallast í ýmsar áttir, eru ekki í
jafnvægi, en línan heldur þeim í jafn-
vægi og sameinar þá í þessum sjón-
deildarhring, glerlínunni sem fer í
gegnum þá alla og opnar þá fyrir
dagsljósi,“ segir Steinunn.
Hún segist tengja þetta við víð-
áttur Íslands, að standa á suður-
ströndinni og horfa á sjóndeildar-
hringinn. Tengsl manns og náttúru
megi sjá í verkunum. „Þessir menn
tengjast áferðinni á þessum trjám,
sem eru rótföst við jörðina, en um leið
bera þeir í sér sjóndeildarhringinn
sem er í huga margra óendanleiki og
ákveðin frelsistilfinning fólgin í því að
tengjast honum.“
Steinunn segir misjafnt hvernig
fólk upplifi verk hennar og reynsla
áhorfenda spili þar inn í. Mannver-
urnar, þ.e. styttur Steinunnar, séu oft
„Ég hef oft talað um það að ég hafi
pínt son minn í 15 ár, þetta er ekki
auðvelt,“ segir Steinunn og hlær.
Hann þurfi að smyrja sig með vasel-
íni svo hægt sé að taka gifsmót af
honum sem síðan er steypt upp úr.
„Þetta er ekki unnið eins og raunsæ
afsteypa af einhverjum, þetta er allt
önnur nálgun.“
Hvað heimildarmyndina varðar
segir Steinunn að gaman hafi verið að
gera hana með Cantor en um leið erf-
itt. „Þetta verður svo náið en um leið
er maður að endurupplifa ýmislegt
sem maður hefur verið að gera. Það
er hollt að vissu leyti,“ segir Steinunn
að lokum. Sýning hennar í Katonah-
safninu stendur yfir í 10 mánuði.
Frelsið í sjóndeildarhringnum
Steinunn Þórarinsdóttir sýnir mannverur sínar í skúlptúrgarði Katonah-safnsins í New York
Ljósmynd/Margaret Fox
Stjarfar Þessar styttur bíða þolinmóðar eftir að álfadísin hans Gosa geri þær mennskar.
Hugsi Skaparinn vaktar verkin.
SNIGLABANDIÐ útvarpaði á dög-
unum fyrsta þætti sumarsins á Rás
2 frá Thorvaldsenbar við Aust-
urvöll, en þaðan verður bandið með
beinar útsendingar í allt sumar.
Sniglabandið ætti að vera öllum
landsmönnum að góðu kunnugt,
enda hefur það verið starfandi með
hléum síðan 1986. Þeir taka nú upp
þráðinn aftur frá því í fyrrasumar
við útvarpsþáttinn og munu vænt-
anlega verða ófáum ökumönnum
ferðafélagar á vegum landsins. Nú
taka þeir hinsvegar upp á þeirri ný-
breytni að senda út frá Thorvald-
sen í stað þess að loka sig inni í
hljóðveri og munu vegfarendur um
Austurvöll því njóta góðs af lífs-
gleði þeirra félaga í sumarblíðunni. Morgunblaðið/Ómar
Sniglabandið brosir við sólinni