Morgunblaðið - 03.07.2007, Blaðsíða 6

6 ÞRIÐJUDAGUR 3. JÚLÍ 2007 MORGUNBLAÐIÐ
FRÉTTIR
NÚ ER verkefnið EuroRAP að fara
af stað þriðja árið í röð. Verkefnið
gengur út á að rannsaka öryggi vega
á landinu og er unnið að evrópskri
fyrirmynd. Rétt eins og bílar fá
stjörnugjöf fyrir öryggisbúnað sinn
munu íslenskir þjóðvegir nú fá
stjörnur eftir því hversu vegirnir
sjálfir og umhverfi þeirra stuðla að
öryggi fólks. Af þessu tilefni hafa
Félag íslenskra bifreiðaeigenda og
Umferðarstofa undirritað sam-
starfssamning.
Ætlunin er að rannsaka rúmlega
1.000 kílómetra af þjóðvegum í ár,
klára hringveginn og taka nokkra
fjölfarna vegi sem liggja út frá hon-
um, eins og Grindavíkurveginn og
alla leiðina úr Hrútafirði til Bolung-
arvíkur.
Ný hugsun í öryggismálum
FÍB mun standa að úttektinni
með fjárhagsstuðningi frá Umferð-
arstofu. Þá styrkja ýmis fyrirtæki
verkefnið einnig, en forsvarsmenn
Öskju afhentu í gær lyklana að sér-
útbúnum bíl sem notaður verður við
verkefnið. Bíllinn er útbúinn mæli-
tækjum af ýmsum gerðum, mynda-
vélum og staðsetningarbúnaði. Þá er
hann búinn tölvu sem starfsmaður
FÍB getur notað til að skrá niður allt
sem hann sér á og við vegi.
Runólfur Ólafsson, framkvæmda-
tjóri FÍB, segir nýja hugsun í um-
ferðaröryggi innleidda með Euro-
RAP-verkefninu. „Verulegur árang-
ur hefur sést á svona verkefnum í
nágrannalöndum okkar. Bílarnir eru
margir mjög öruggir og unnið hefur
verið markvisst að því að bæta og
breyta ökukennslu. Það sem hefur
hins vegar setið lengst á hakanum er
vegakerfið okkar. Með þessari nýju
hugsun verður hægt að tryggja mun
meira öryggi án mikils tilkostnaðar,
til dæmis með því að fjarlægja
ákveðna hluti úr umhverfi veganna
og staðsetja vegrið með réttum
hætti,“ segir Runólfur.
Hefur áhrif á forgangsröðun
Við tilefnið sagði Kristján L. Möll-
er samgönguráðherra að verkefnið
væri mjög spennandi og þarft, en
jafnframt þarft aðhald til að halda
mönnum á réttri braut. Nú yrði
„haldið áfram með verkefnið eins og
gert hefur verið undanfarin ár. Með
þessu er ekki bara ástand veganna
sjálfra skoðað heldur allt umhverfi
þeirra einnig. Allt snýst þetta um að
auka umferðaröryggið í landinu,
sem er mjög mikilvægt verkefni“.
Ráðherrann sagði fullt tilefni til
þess að taka niðurstöðurnar úr
EuroRAP-verkefninu alvarlega og
vinna út frá þeim. Hann segir þær
upplýsingar koma til með að hafa
mikil áhrif á áætlanir í vegamálum.
„Já ég er alveg viss um það. Það þarf
að taka tillit til fleiri þátta við hönn-
un á vegum en venja er, t.d. um-
hverfis veganna. Þetta á ekki síst við
á þekktum slysastöðum og -svæðum.
Betur má ef duga skal,“ sagði Krist-
ján.
Stjörnugjöf fyrir íslenska
þjóðvegi fer aftur í gang
Í HNOTSKURN
»Verkefnið hófst fyrst árið2005 í tilraunaskyni. Því
var haldið áfram í fyrra.
»Þegar er búið að rannsakastóran hluta hringvegar-
ins en ekki búið að birta gögn-
in nema um stutta kafla.
»Stefnt er að því að klárahringveginn og meira til á
þessu ári, en 1.065 kílómetrar
verða skoðaðir í sumar.
Litríkur Benz mun
keyra um landið í
sumar og meta ástand
þjóðvega og umhverfis
þeirra. Önundur Páll
Ragnarsson kynnti sér
verkefnið.
Morgunblaðið/Frikki
Græja Kristján L. Möller afhendir Ólafi Guðmundssyni, verkefnisstjóra EuroRAP, lyklana. Bíllinn er sérútbúinn
með ýmsum hætti. Farþegi fylgist með því sem er á og við veginn og merkir við það með sérútbúnu tölvuborði.
Myndavél tekur allt upp sem fyrir augu ber. Vegurinn fær svo stjörnur fyrir öryggið, frá einni upp í fjórar.
RÁÐAMENN í Bretlandi hafa
hækkað vástig þar í landi upp í
„bráða hættu“ eftir að hryðjuverka-
menn freistuðu þess að sprengja
þrjár sprengjur þar í landi um síð-
ustu helgi, þar á meðal á flugvell-
inum í Glasgow. Það mun þó ekki
hafa áhrif á ferðir Íslendinga, að
sögn talsmanna flugfélaganna.
Talsmenn Icelandair og Iceland
Express segja að farþegar þeirra
þurfi ekki að óttast að truflanir verði
á ferðum þeirra. Engar tilkynningar
hafi borist um hert öryggiseftirlit frá
breskum flugvöllum og því viðbúið
að flugsamgöngur gangi sinn vana-
gang.
Hækka ekki vástig hér
Greiningardeild ríkislögreglu-
stjóra hefur jafnframt gefið út til-
kynningu þar sem því er lýst yfir að
embættið fylgist náið með atburðun-
um í Bretlandi en telji ekki nauðsyn-
legt að hækka vástig Íslands að svo
stöddu enda liggi engar upplýsingar
fyrir sem gefi ástæðu til þess. Engu
að síður verði fylgst vel með því
hverju fram vindi í Bretlandi. Jafn-
framt mælist embættið til þess að ís-
lenskir öryggisaðilar sýni aukna ár-
vekni í starfi, svo sem á alþjóða-
flugvöllum.
Truflar
ekki ferðir
Íslendinga
INGIBJÖRG Sólrún Gísladóttir
utanríkisráðherra hitti António
Guterres, aðalframkvæmdastjóra
Flóttamannahjálpar Sameinuðu
þjóðanna (UNHCR), á einkafundi í
tengslum við leiðtogafund Afríku-
sambandsins í Gana. Í tilkynningu
frá utanríkisráðuneytinu segir að til-
efni fundarins hafi verið flótta-
mannavandi Íraka og versnandi að-
stæður almennings í landinu.
Að sögn ráðuneytisins staðfesti
Guterres, að tvær milljónir manna
væru nú án athvarfs og á flótta í Írak
og aðrar tvær milljónir á flótta utan
landamæranna í nágrannaríkjum.
Þau Guterres og Ingibjörg Sólrún
ræddu ítarlega viðbrögð alþjóða-
samfélagsins og ráðherrann frædd-
ist um hvers konar aðgerðir Flótta-
mannastofnun SÞ teldi æskilegastar
til að bæta aðstæður fólkins sem í
hlut á.
Ræddu
vanda Íraka
UNHCR Ingibjörg Sólrún Gísladótt-
ir ræðir við António Guterres.
Eftir Evu Bjarnadóttur og
Arndísi Þórarinsdóttur
eva@mbl.is og arndis@mbl.is
„ÞAÐ eru allir í sjokki,“ segir ís-
lensk kona, sem býr í raðhúsahverfi
rétt hjá Árósum, þar sem hús
sprakk um fjögurleytið í fyrrinótt.
Hús Mar-
grétar Sæberg,
námsmanns í
Danmörku, er
aðeins í um einn-
ar mínútu fjar-
lægð frá húsinu
sem sprakk að-
faranótt mánu-
dagsins. Margrét
segist ekki hafa
heyrt þegar
sprengjan
sprakk en hópur lögreglumanna
hafi verið úti á götu þegar hún
vaknaði í gærmorgun. „Þetta er allt
mjög óhugnanlegt. Húsið var alger-
lega jafnað við jörðu og það eru
múrsteinar úti um allt,“ segir Mar-
grét, sem bjóst ekki við slíku í ró-
legu raðhúsahverfi rétt fyrir utan
Árósa. Enginn var í húsinu en fjöl-
skylda sem hafði búið þar flutti
burtu fyrir um fjórum dögum. Með-
al fjölskyldumeðlima var 31 árs
gamall maður sem var dæmdur fyr-
ir morð fyrir 11 árum.
Sprengjusérfræðingar dönsku
lögreglunnar segja að bersýnilega
hafi viðvaningar í sprengjugerð
verið að verki.
Margrét segir svæðið hafa verið
tryggilega girt af og hvorki lög-
regla né leigufélagið sem á húsið
hafa viljað tala við fjölmiðla sem
flytja þrátt fyrir það fréttir frá at-
vikinu í beinni útsendingu.
Enginn slasaðist í sprengingunni
en fjögur hús í kring voru raf-
magnslaus um tíma, samkvæmt
frétt Jyllands-Posten.
„Allt mjög
óhugnanlegt“
Margrét Sæberg býr í næsta nágrenni
við hús sem sprakk í Árósum
Margrét Sæberg
Þórðardóttir
Sprengjurústir Sprengt var upp
hús í úthverfi Árósa.
TOYOTA á Íslandi hefur fengið fag-
gilda vottun samkvæmt hinum al-
þjóðlega ISO 14001-umhverfisstaðli,
fyrst íslenskra bílaumboða.
Í tilkynningu frá fyrirtækinu seg-
ir að vottunin þýði að óháður aðili
hafi staðfest að Toyota uppfyllir öll
skilyrði samnefnds staðals. Toyota á
Íslandi hafi stutt dyggilega við valin
verkefni á sviði umhverfismála enda
hafi fyrirtækið haft þá stefnu að
leiðarljósi að vera í fararbroddi þró-
unar á sífellt umhverfisvænni bílum
og tækninýjungum sem er ætlað að
draga úr umhverfisáhrifum allt frá
framleiðslu bíls til förgunar.
Aðeins þrjú íslenskt fyrirtæki,
Actavis, Línuhönnun og Alcan, hafa
hingað til hlotið faggilda vottun
samkvæmt kröfum ISO 14001. Þessi
alþjóðlegi staðall gerir skýrar
kröfur til fyrirtækja um að þróa og
innleiða gagnlega stefnu og
markmið í umhverfismálum með
hliðsjón af umhverfisþáttum, laga-
legum kröfum og fleiru. Vottunin sé
mikil viðurkenning fyrir Toyota því
hún feli í sér að fyrirtækið hefur
lokið stefnumótun á sviði umhverf-
ismála og ítarlegri skoðun á um-
hverfisáhrifum starfsemi fyrir-
tækisins.
Ljósmynd/Árni Torfason
Vottun Úlfar Steindórsson, forstjóri Toyota á Íslandi (t.v.), tók við skjali til
staðfestingar á vottuninni hjá Árna H. Kristinssyni, frkvstj. BSI á Íslandi.
Toyota fær
umhverfisvottun
LÖGREGLAN á höfuðborgar-
svæðinu var kölluð út að nýbygg-
ingu í Mosfellsbæ í gærmorgun þar
sem grunur lék á að vinnuveitandi
hefði gengið í skrokk á einum
starfsmanni sínum. Starfsmaður-
inn var fluttur á slysadeild Land-
spítala – háskólasjúkrahúss þar
sem gert var að sárum hans. Mað-
urinn var ekki alvarlega slasaður.
Samkvæmt upplýsingum frá lög-
reglu er málið til rannsóknar og
ekki hægt að staðfesta tildrög
árásarinnar. Vinnuveitandinn hafði
ekki verið yfirheyrður síðdegis í
gær.
Gekk í
skrokk á
starfsmanni
♦♦♦