Morgunblaðið - 03.07.2007, Blaðsíða 19
MORGUNBLAÐIÐ ÞRIÐJUDAGUR 3. JÚLÍ 2007 19
AKUREYRI
Bíldudalur | Fjölskylduhátíðin
nefnd Bíldudalsgrænar var haldin á
Bíldudal helgina, í þriðja skipti.
Talið er að um 2.000 manns hafi
sótt hátíðina sem fram fór í ein-
muna veðurblíðu.
Arnfirðingafélagið heldur hátíð-
ina. Hljómsveitin Farfuglarnir
frumflutti hátíðarlagið, Fyllum dal-
inn af söng, við setningu hátíðar-
innar. Fjölbreytt dagskrá var alla
dagana. Má þar nefna miðnætur-
siglingu um Arnarfjörð, skoð-
unarferð að kumlinu í Hringsdal,
Leikfélagið Baldur sýndi leikritið
Rauðhettu og úlfinn og heimsmeist-
aramót í kalkþörungakappakstri
var haldið. Boðið var upp á rækju
úr Arnarfirði sem gestir pilluðu
sjálfir. Börnin fundu einnig margt
sér til skemmtunar, eins og hoppu-
kastala, karaókí og dorgveiði-
keppni. Fjölmörg tónlistaratriði
voru í boði alla helgina.
Atriði í keppninni Vestfjarðavík-
ingurinn fléttaðist svo inn í hátíð-
ina, en keppt var í kútakasti og
bændagöngu á laugardaginn.
Morgunblaðið/Guðlaugur Albertsson
Kveðið Kveðið var við undirleik á vísnakvöldi á Bíldudalsgrænum.
Keppt í kalkþörungaakstri
LANDIÐ
MJÖG vel heppnuðu aldurs-
flokkameistaramóti í sundi lauk á
Akureyri á sunnudagskvöldið með
glæsilegu lokahófi. Íþróttabandalag
Reykjanesbæjar (ÍRB) sigraði
örugglega í stigakeppni félaganna,
líkt og undanfarin ár. Um 2. sætið
börðust Sundfélagið Ægir úr
Reykjavík og Sundfélagið Óðinn, lið
heimamanna, og þar hafði Ægir bet-
ur á lokasprettinum.
ÍRB hlaut 1.451 stig á mótinu,
Ægir 1.134 og Óðinn fékk alls 1.039
stig.
Sunddeild KR varð í 4. sæti með
687 stig, Sundfélag Hafnarfjarðar í
5. sæti með 664 og í 6. sæti varð
Sundfélag Akraness með 650 stig.
Ásta Birgisdóttir, formaður Óð-
ins, var jafnframt annar af móts-
stjórum AMÍ og var að vonum him-
insæl með helgina, bæði með
framkvæmd mótsins og ekki síður
frammistöðu síns fólks – sem hefur
aldrei náð svona góðum árangri.
„Þetta gekk framar okkar björtustu
vonum. Eftir að hafa vermt 5. sætið í
stigakeppni félaganna undanfarin ár
bættum við heldur betur í og náðum
bronssætinu. Óðinn er því í dag 3.
sterkasta sundfélag landsins í yngri
aldursflokkum,“ sagði Ásta.
Á fyrsta AMÍ náðu þrír kepp-
endur frá Óðni lágmarki inn á mótið,
fyrir sjö árum voru þeir átta en á
AMÍ 2007 voru þeir 33. „Þar fyrir
utan gekk framkvæmd mótsins eins
og best verður á kosið í fínu veðri.
Við fengum mikið hrós fyrir frá hin-
um félögunum. Ef við horfum á ár-
angur Akureyringa á íþróttasviðinu
í dag er alveg ljóst að á landsvísu
stöndum við framar í sundi en flest-
um öðrum greinum. Það væri því
óskandi að Akureyringar færu að
bera þá virðingu fyrir sundíþróttinni
og Sundfélaginu Óðni sem við eigum
skilið,“ segir Ásta Birgisdóttir, for-
maður félagsins.
Keppendur voru rúmlega 280 og
auk þess fjöldi þjálfara og farar-
stjóra. Margir foreldrar voru á
staðnum og um eitt hundrað sjálf-
boðaliðar störfuðu á mótinu.
Morgunblaðið/Skapti Hallgrímsson
Frábær stemmning Sundmenn fá ætíð gríðarlega hvatningu; það var mikið hrópað, kallað og klappað við laugarbakkann á Akureyri um helgina.
Vel heppnað AMÍ á Akureyri
Morgunblaðið/Skapti Hallgrímsson
Tilþrif Krakkarnir á AMÍ sýndu glæsilega takta í lauginni á Akureyri.
Í HNOTSKURN
»Stigahæstu einstaklingar íhverjum flokki voru; meyja:
Eygló Ósk Gústafsdóttir Ægi;
sveinn: Kristófer Sigurðsson
ÍRB, telpa: Soffía Klemensdóttir
ÍRB; drengur: Anton Sveinn
McKee Ægi; stúlka: Sigrún Brá
Sverrisdóttir úr Fjölni og piltur:
Sindri Þór Jakobsson Óðni.
BALDVIN H.
Sigurðsson, odd-
viti Vinstri
grænna í bæjar-
stjórn Akureyrar,
undrast „ójafn-
vægi“ í samning-
um sem gerðir
eru við íþrótta-
félögin KA og
Þór.
Á fundi bæjar-
ráðs var á dögunum samþykkt að
fela bæjarstjóra að ganga frá viðbót-
arsamningum við rekstarsamninga
félaganna KA og Þórs. Baldvin lét
bóka eftirfarandi: „Síðast þegar bæj-
arsjóður hljóp undir bagga með
íþróttafélögunum var fjárhagsstaða
KA verri og fékk því KA hærri upp-
hæðir, en nú þegar fjárhagsstaða
Þórs er verri fá félögin sömu upp-
hæð undrar mig þetta ójafnvægi sem
þessum íþróttafélögum er sýnt.“
Kristján Þór Júlíusson, fyrrver-
andi bæjarstjóri og nú forseti bæj-
arstjórnar, lét bóka á móti: „Bæjar-
fulltrúi Baldvin Halldór Sigurðsson
staðhæfir að fjárhagsstaða KA hafi
verið verri en Þórs á þessum tíma.
Þess er óskað að hann leggi þær
upplýsingar fram og skýri á næsta
fundi bæjarráðs.“
Segir
„ójafnvægi“
í samningum
Baldvin H.
Sigurðsson
Ísafjörður | Háskólinn á Bifröst
hefur opnað útibú á Ísafirði. Er
þetta annað útibú háskólans því
fyrir skömmu opnaði hann útibú á
Egilsstöðum.
Útibúið í húsnæði Háskólaseturs
Vestfjarða. Forstöðumaður há-
skólasetursins Peter Weiss en
Martha Lilja Olsen kennslustjóri
sér um útibú Háskólans á Bifröst.
Útibúinu á Ísafirði er ætlað að
gera Vestfirðingum auðveldara að
kynna sér starfsemi og stunda nám
við Háskólann á Bifröst. Þar eru
veittar upplýsingar um nám og
kennslu og er þessi þjónusta ætluð
nýjum nemendum sem og þeim sem
þegar stunda þar ýmist stað- eða
fjarnám.
Bifröst opnar
útibú á Ísafirði
Borgarnes | Nýr átján holu golf-
völlur var um helgina opnaður á
Hamri við Borgarnes. Albert Þor-
kelsson, einn af stofnendum og
heiðursfélagi Golfklúbbs Borg-
arness, átti fyrsta höggið.
Albert verður áttatíu og fimm
ára í sumar og spilar enn golf á
hverjum degi, alla daga ársins, að
því er fram kemur á vef Skessu-
horns. Unnið hefur verið að stækk-
un vallarins frá því á árinu 1992.
Nýr átján holu
golfvöllur
STOFNAÐUR var Norðurlands-
hópur Amnesty International ný-
verið, í kjölfar námskeiðs sem Ís-
landsdeild Amnesty International
hélt á Akureyri. Þar var m.a. farið
yfir sögu, uppbyggingu og mann-
réttindaáherslur Amnesty Inter-
national.
Norðurlandshópurinn stefnir að
því að hittast reglulega, vinna að
verkefnum og skrifa bréf til varnar
fórnarlömbum mannréttindabrota.
Einnig stefnir hópurinn að því að
standa fyrir aðgerðum og uppá-
komum til styrktar herferðum
Amnesty International, að því er
fram kemur í tilkynningu.
Norðurlands-
hópur Amnesty
♦♦♦