Morgunblaðið - 09.07.2007, Blaðsíða 13

MORGUNBLAÐIÐ MÁNUDAGUR 9. JÚLÍ 2007 13
ERLENT
Orkuveitan efnir til göngu- og fræðslu-
ferðar um Elliðaárdal undir leiðsögn
Guðríðar Helgadóttur, líffræðings, þriðju-
dagskvöldið 10. júlí. Skoðað verður
margbreytilegt gróðurfar í
dalnum, blómplöntur og
byrkningar. Þátttakendur eru
hvattir til að hafa með sér
stækkunargler. Gangan hefst kl. 19:30 við Minjasafnið í Elliðaárdal.
• Orkuveita Reykjavíkur rekur stærstu jarðvarmaveitu í heimi. www.or.is
Íslenska
flóran
í Elliðaárdal
ÍS
L
E
N
S
K
A
S
IA
.I
S
O
R
K
3
80
05
0
7.
2
0
0
7
Port Harcourt. AP, AFP. | Mannræn-
ingjar í helsta olíuhéraði Nígeríu
við óshólma Níger í sunnanverðu
landinu slepptu í gær Margaret
Hill, þriggja ára, breskri stúlku
sem þeir rændu sl. fimmtudag. Þeir
höfðu áður krafist þess að faðir
hennar greiddi lausnargjald og hót-
uðu að myrða barnið yrði hann ekki
við kröfum þeirra.
Ekki var ljóst gær hvort lausnar-
gjald var greitt. Ránið vakti mikinn
óhug í Nígeríu og var beðið fyrir
Margaret um landið allt. Forseti
Nígeríu beitti sér í málinu og geysi-
legur þrýstingur var á ræningjana
um að sleppa barninu, ekki síst af
hálfu annarra hópa vígamanna sem
sumir hverjir berjast fyrir því að
fólkið á svæðinu fái stærri hlut af
olíutekjunum. Fordæmdu þeir
ákaft framferði barnsræningjanna.
Þetta er í þriðja sinn á sex vikum
sem barni er rænt til að fá lausnar-
gjald. Hinum tveim, sem bæði voru
börn háttsettra Nígeríumanna, var
sleppt eftir nokkra daga án þess að
gjaldið væri greitt. Síðustu tvö árin
hefur um 200 útlendingum verið
rænt á svæðinu.
Faðirinn, Bretinn Mike Hill, hef-
ur búið árum saman í landinu og
rekur þar veitingastað, móðir
stúlkunnar, Oluchi Hill, er nígerísk.
Ræningjarnir lögðu til atlögu þegar
verið var að aka barninu í leikskóla
í borginni Port Harcourt, bíllinn
var fastur í umferðarhnút. Bílstjór-
inn var stunginn hnífi þegar hann
reyndi að verja stúlkuna.
Mannræningjar í Nígeríu
slepptu litlu stúlkunni
Moskva. AFP. |
Garrí Kasparov,
fyrrverandi
heimsmeistari í
skák, hvatti í
gær andstæð-
inga Vladímírs
Pútíns forseta til
að sameinast um
einn forseta-
frambjóðanda.
Sagði hann markmið samtakanna
Annað Rússland, sem hann stýrir
ásamt fleiri leiðtogum, vera að
fjarlægja stjórn „sem er að teyma
okkur út í skelfilegt hrun“.
Nýlega hætti Míkhaíl Kasjanov,
fyrrverandi forsætisráðherra og
áður liðsmaður Pútíns, samstarfi
við samtök Kasparovs og lýsti síð-
an yfir framboði sínu til embættis
forseta á næsta ári. Samtökin hafa
ekki enn komið sér saman um
stefnuskrá og hafa frestað fram í
október ákvörðunum um hana.
Tveir aðrir menn, Viktor Ger-
asjenko, fyrrverandi seðlabanka-
stjóri, og Vladímír Búkovskí, er
var þekktur andófsmaður í tíð
sovétstjórnarinnar, hafa einkum
verið orðaðir við forsetaframboð
gegn samherja Pútíns. Ekki er
enn vitað hver það verður en sjálf-
ur má Pútín ekki bjóða sig fram
þar sem hann hefur setið tvö kjör-
tímabil.
Vill einingu
Garrí Kasparov
NICOLAS Sarkozy, forseti Frakk-
lands, hyggst ekki fylgja þeirri
hefð að náða hóp fanga á Bastillu-
daginn 14. júlí. Segir hann rangt að
forsetinn nýti völd sín með þessum
hætti til að leysa húsnæðisvanda
franskra fangelsisyfirvalda.
Náðar ekki
STJÓRN Ísraels samþykkti í gær
að láta lausa 250 palestínska fanga
og er ætlunin að styrkja þannig í
sessi Mahmoud Abbas, forseta Pal-
estínu, í baráttu hans við Hamas-
samtökin. Allir fangarnir verða úr
röðum Fatah, flokks Abbas.
Sleppa föngum
MIKIÐ mannfall er sagt hafa orðið í
harðri orrustu á Srí Lanka milli
flota landsins og báta tamílsku
Tígranna við austurströnd landsins
í gær. Vitað er 28 féllu í land-
bardögum í norður- og austurhluta
landsins um helgina.
Hörð sjóorrusta
VILLIHESTAR kljást á „Rapa Das Bestas“, hefðbundinni hátíð sem nú er
haldin í þorpinu Sabucedo á norðvestanverðum Spáni. Hundruðum villi-
hesta er smalað saman í fjöllum Galicíu fyrir hátíðina, hraustmenni snúa
þá niður svo að hægt sé að snyrta þá en síðan er þeim sleppt aftur lausum.
Hestar kljást á Spáni
Reuters
Eftir Kristján Jónsson
kjon@mbl.is
EFTIRLÝSTIR hryðjuverkamenn
frá öðrum ríkjum með tengsl við al-
Qaeda eru meðal leiðtoga uppreisn-
armanna íslamista í Lal Masjid
(Rauðu moskunni) í Islamabad, að
sögn ráðamanna í Pakistan í gær.
Hópi kvenna og barna væri haldið í
gíslingu í moskunni og svo gæti farið
að harðlínumenn myrtu gíslana. Tal-
ið er að 24, aðallega nemar á tán-
ingsaldri, hafi nú fallið í átökum við
moskuna frá því stjórnarherinn um-
kringdi hana sl. þriðjudag.
Óttast var í gærkvöldi að herinn
myndi breyta um stefnu og beita öllu
afli til að ryðja staðinn sem gæti
kostað mikið blóðbað. Ejaz ul-Haq,
ráðherra trúmála, sagði um 250
herskáa íslamista, þ.á m. nokkra út-
lenda er tengdust hryðjuverkamál-
um í öðrum löndum, stýra barátt-
unni gegn stjórnarhernum. Frétta-
maður breska útvarpsins, BBC, í
Islamabad hefur eftir heimildar-
mönnum sínum að liðsmenn hinna
ólöglegu Jaish-e-Mohammad-sam-
taka stjórni líklega aðgerðum upp-
reisnarmanna. Samtökin hafa m.a.
staðið fyrir nokkrum banatilræðum
við Pervez Musharraf, forseta Pak-
istans.
Rauða moskan er í miðborginni.
Þar hafa voldugustu menn landsins
áratugum saman látið börn sín
sækja menntun í skóla sem fylgir
kenningum salafista, hóps sem boð-
ar upprunalega gerð íslams eins og
trúarbrögðin voru fyrstu öldina eftir
dauða Múhameðs. Abdul Rashid
Ghazi, næstæðsti klerkur moskunn-
ar, er hámenntaður guðfræðingur,
hann starfaði um tíma hjá Menning-
arstofnun Sameinuðu þjóðanna,
Unesco. En Ghazi snerist síðar til
harðlínustefnu þótt hann neiti því nú
að hafa ennþá samband við Osama
bin Laden og aðra hryðjuverka-
menn. Ghazi segir að átján hundruð
manns séu í moskunni og að þeir séu
reiðubúnir fyrir píslarvættisdauða.
Gæti styrkt Musharraf í sessi
Musharraf forseti krafðist þess í
gær að harðlínumenn sendu allar
konur og börn út úr moskunni. Hann
hvatti þá til að leggja niður vopn og
gefast upp og sagði þá að öðrum
kosti geta týnt lífinu. „Við látum
okkur að sjálfsögðu fyrst og fremst
annt um konur og börn og þeirra
vegna höfum við sýnt mikla þolin-
mæði og sjálfstjórn,“ sagði forset-
inn.
Talið er að sú ákvörðun hans að
leggja til atlögu gegn íslamistunum í
Rauðu moskunni verði til að styrkja
hann í sessi. Musharraf hefur verið
sakaður um að sýna íslamistunum í
moskunni linkind, þeir hafa gengið á
lagið og m.a. sent vopnað fólk út á
göturnar til að tryggja betra siðgæði
í anda bókstafstrúar með því að loka
tónlistarverslunum. Konur hafa
einnig verið handteknar fyrir meint
vændi, þ.á m. tvær kínverskar konur
er unnu á nuddstofu.
Musharraf hefur ávallt sagt að
yrði öllu afli beitt til að rýma mosk-
una myndu ofstækismenn svara með
fjölda sjálfsvígsárása. En hik forset-
ans hefur orðið til að hleypa æ meiri
kjarki í nemana í moskunni og klerk-
ana. Fjölmiðlar hafa krafist aðgerða.
Musharraf var og er æðsti hers-
höfðingi Pakistans, hann rændi völd-
um fyrir átta árum með aðstoð hers-
ins, að sögn sérfræðinga einu
stofnunar landsins sem er nógu vel
öguð og skipulögð til að geta gegnt
hlutverki sínu.
Forsetinn hefur átt í vök að verj-
ast og ekki víst að hann nái endur-
kjöri eftir þingkosingar í haust. Ísl-
amistar fordæma hann fyrir að
styðja stríð Bandaríkjamanna gegn
alþjóðlegum hryðjuverkum og aðrir
saka hann um einræðishneigð. Þing-
ið kýs forseta landsins og háværar
kröfur eru um að forsetinn segi af
sér embætti yfirmanns heraflans, of
mikið sé að sami maður gegni báðum
embættum.
Segja al-Qaeda ráða
í Rauðu moskunni
Stjórn Pakistans talin undirbúa umfangsmikla árás
Í HNOTSKURN
»Nemar í trúarskólum hafahaft Rauðu moskuna á
sínu valdi í sex mánuði. Þeir
sækja innblástur í stjórnar-
hætti talíbana í Afganistan.
»Nemarnir fylgja fyrirmæl-um klerka sem krefjast að
sharia, ströng útgáfa af lögum
íslams, gildi í Pakistan.
Reuters
Árás? Herlið í grennd við Rauðu
moskuna í Islamabad í gær.
MINNST átta manns létu lífið er
tvær sprengjur sprungu á sama tíma
í Bagdad, höfuðborg Íraks, í gær.
Blaðið The New York Times segir að
allt að 155 manns hafi á laugardag
fallið í bænum Amirli, sunnan við
Kirkuk í norðurhluta Íraks, í mann-
skæðasta tilræði sem framið hefur
verið í landinu frá því í apríl. Bærinn
er að mestu byggður fátækum
Túrkmenum úr röðum sjíta.
Embættismenn í Amirli töldu til-
ræðið á laugardag bera þess merki
að uppreisnarmenn úr röðum
súnníta hefðu verið að verki. Þeir
hefðu látið til skarar skríða í lítilli
borg eftir að Bandaríkjamenn hefðu
hrakið þá frá borginni Baquba.
Fjölgað hefur verið um 30.000
manns í herliði Bandaríkjamanna
síðustu vikurnar. Yfirmaður alls her-
afla þeirra í Írak, David Petraeus
hershöfðingi, sagði í gær að búast
mætti við mörgum tilræðum af sama
tagi og í Amirli næstu vikurnar, of-
stækismenn úr röðum súnníta
myndu reyna allt sem þeir gætu til
að láta fjölmiðla taka eftir sér.
The New York Times birti í gær
leiðara þar sem blaðið hvatti til að
Bandaríkin drægju strax her sinn
frá Írak þar sem ljóst væri að stefna
George. W. Bush forseti myndi ekki
leiða til sigurs.
Segja 155
hafa fallið
í Amirli
Uppreisnarhópum
súnníta kennt um
NÝR ráðherra öryggismála í Bret-
landi, sir Alan West, segir að taka
muni 10-15 ár að yfirbuga ofstæk-
is- og hryðjuverkamenn. Mikil-
vægast sé að koma í veg fyrir að
breskir múslímar falli fyrir öfga-
stefnu.
Tekur tíma