Morgunblaðið - 26.09.2007, Blaðsíða 9
MORGUNBLAÐIÐ MIÐVIKUDAGUR 26. SEPTEMBER 2007 9
FRÉTTIR
Eftir Rúnar Pálmason og Gísla Árnason
ÖRYRKJABANDALAG Íslands
(ÖBÍ) kynnti í gær áherslur sínar
vegna fjárlagagerðar Alþingis og í
tengslum við kjarasamninga á al-
mennum vinnumarkaði.
Sigursteinn R. Másson, formaður
ÖBÍ, benti við það tækifæri á að und-
anfarið hefði hátekjuskattur verið
felldur niður og almennir launaskatt-
ar og skattar á fyrirtæki verið lækk-
aðir. Nú væri komið að lágtekjufólki,
öldruðum og öryrkjum að njóta
skattalækkana.
Áherslur ÖBÍ eru fjórþættar. Í
fyrsta lagi verði grunnlífeyrir (ör-
orkulífeyrir) tvöfaldaður frá því sem
nú er og hækkaður úr tæplega 25.000
krónum í 50.000 krónur. Samanlagð-
ur grunnlífeyrir og tekjutrygging
nemur í dag 104.000 kr. Að sögn Sig-
ursteins er grunnlífeyririnn sá bóta-
flokkur sem síðast skerðist og því
væri hækkun grunnlífeyris hvatning
til aukinnar atvinnuþátttöku. Þá
myndi þetta einfalda mjög bótakerfið
Í öðru lagi telur ÖBÍ rétt að skatt-
leysismörk verði miðuð við launavísi-
tölu og hækki upp í 140.000 krónur í
stað 90.000 króna nú.
Skattalækkun skilar tekjum
Varðandi hækkun skattleysis-
markanna sagði Sigursteinn að vissu-
lega kostaði þetta ríkissjóð peninga.
Á hinn bóginn mætti minna á að þeg-
ar skattar á fyrirtæki og á laun hefðu
verið lækkaðir, hefðu menn haldið því
fram að lækkunin myndi á endanum
skila ríkissjóði auknum tekjum. Hið
sama myndi gerast ef skattleysis-
mörkin yrðu lækkuð því þá myndu
umsvif, tekjur og skattar af hinum
tekjulægri aukast. „Nú er komið að
því að farin verði leiðin frá botninum
og upp. Nú er komið að því að tekju-
lægsta fólkið fái sína skattalækkun og
leiðin til hennar er í gegnum skatt-
leysismörkin,“ sagði hann og minnti á
að þrjár af fjórum tillögum ÖBÍ mið-
uðust við að auka atvinnuþátttöku.
Þriðja áhersluatriði ÖBÍ er að frí-
tekjumark verði hækkað úr 300.000
krónum í 900.000 krónur. Sigursteinn
minnti á að frítekjumarkið hefði verið
sett á um síðustu áramót og þótt upp-
hæðin væri ekki há, 25.000 krónur á
mánuði, hefði verulega munað um
hana. Því væri mikil áhersla lögð á að
auka frítekjumarkið þannig að ör-
yrkjar gætu unnið sér inn 75.000
krónur, sem þó væri ekki ýkja há fjár-
hæð, áður en bætur almannatrygg-
inga færu að skerðast.
Í fjórða lagi leggur ÖBÍ áherslu á
að heilbrigðisþjónustan verði notend-
um að kostnaðarlausu því aðeins
þannig verði hægt að ná markmiðum
ríkisstjórnarinnar um að hér verði
heilbrigðisþjónusta á heimsmæli-
kvarða, forvarnir verði stórauknar,
lyfjaverð lækkað og greiðsluþátttaka
hins opinbera einfölduð.
Sigursteinn telur að hækkun
grunnlífeyris til öryrkja myndi kosta
ríkissjóð um þrjá milljarða en um 13
milljarða ef aldraðir væru taldir með.
Menn yrðu þó að reikna með ávinn-
ingnum líka, s.s. auknum umsvifum
og líka því að fólk sem hefði fjárhags-
legt öryggi veiktist síður o.fl. Þá væri
eftir að reikna með hækkun skatt-
leysismarka, frítekjumarks og kostn-
aðarlausri heilbrigðisþjónustu en
þessi atriði snertu auðvitað allt sam-
félagið.
Á blaðamannafundinum í gær
gerði Sigursteinn athugasemdir við
hugmyndir um áfallatryggingasjóð
og taldi að réttarstaða inni í slíku
einkakerfi væri ekki eins örugg.
Komið að tekjulágum
Öryrkjabandalagið kynnir áherslur vegna fjárlagagerðar Búið að lækka
skatta á fyrirtæki og almenn laun Nú er komið að hinum tekjulægstu
Morgunblaðið/Golli
Tímabært Sigursteinn R. Másson, formaður Öryrkjabandalags Íslands,
segir að nú sé komið að öryrkjum og öldruðum að njóta skattalækkana.
Í HNOTSKURN
» ÖBÍ vill að grunnlífeyrirverði tvöfaldaður.
» Skattleysismörk verðimiðuð við launavísitölu og
hækkuð upp í 140.000 krónur.
» Frítekjumark verði hækk-að úr 300.000 krónum í
900.000 krónur.
» Heilbrigðisþjónusta verðinotendum að kostn-
aðarlausu.
Eftir Gunnar Pál Baldvinsson
gunnarpall@mbl.is
„ÞAÐ væri allt í háa lofti ef hér væri
vatnsaflsvirkjun sem vannýtti mikið
af því vatni sem henni væri ætlað að
virkja. Hér á landi bjóðast mörg
tækifæri til að nýta mannauðinn
miklu betur.“ Þetta segir Margrét
Jónsdóttir, verkefnastjóri verkefnis-
ins Mannauður, en því var hleypt af
stokkunum í gær.
Um er að ræða verkefni sem kem-
ur í framhaldi af verkefninu Auður í
krafti kvenna en að þessu sinni verð-
ur sjónum beint að samspili vinnu og
fjölskyldulífs og þeim breytingum
sem eru að verða á íslenskum vinnu-
markaði. Háskólinn í Reykjavík,
Landsbankinn, Deloitte, Morgun-
blaðið og Nýsköpunarsjóður At-
vinnulífsins standa að verkefninu en
Landsbankinn er meginstyrktaraðili
þess. Margs konar viðburðir, s.s.
fyrirlestrar, námskeið, tónleikar og
ráðstefnur, verða haldnir í tengslum
við verkefnið auk þess sem sérstakt
rannsóknarsvið verður starfrækt í
tengslum við það. Fyrsti viðburður
verkefnisins var ráðstefnan Barátt-
an um besta fólkið en hún var haldin
á Nordica hóteli í gær. Veittu þar
tveir sérfræðingar, dr. Dominique
Turcq og Sir John Whitmore, ís-
lenskum stjórnendum innsýn í þær
breytingar sem eru að verða á al-
þjóðlegum vinnumarkaði og hlut-
verki stjórnenda.
Margrét Jónsdóttir er fram-
kvæmdastjóri Mannauðs. Hún segir
markmið þeirra aðila sem standa að
verkefninu vera að skapa umræður
um hvernig nýta megi og virkja
mannauðinn í samfélaginu sem allra
best. „Og þá óháð aldri, kynferði og
þjóðerni. Um leið og við getum
reiknað út hvað það kostar fyrirtæk-
in í landinu að nota ekki alla þá hæfi-
leika sem starfsfólk býr yfir þá
náum við að skilja hvers vegna við
þurfum að vinna betur með þessi
mál. Með verkefninu viljum við bæði
hjálpa einstaklingum að verða hæf-
ari í lífinu sjálfu og einnig fyrirtækj-
unum að ná forskoti í samkeppni
með því að nýta starfsmenn sína
betur.“
Skilin á milli vinnu og
fjölskyldulífs hafa dofnað
Ein af megináherslum verkefnis-
ins er á samspil vinnu og fjölskyldu-
lífs og segir Margrét að í því felist
að mörgu leyti lykill að bættri virkj-
un mannauðsins. „Það er a.m.k.
margt sem fyrirtækin geta gert.
Samkeppnin um starfsfólk hér á
landi er gríðarlega hörð og nú er
ekki síður mikilvægt að halda í það.
Með því að auka sveigjanleika í
vinnutíma geta fyrirtæki laðað til sín
starfsfólk og þau geta aukið fram-
leiðslu með því að meta afköst frem-
ur en þann tíma sem eytt er á vinnu-
staðnum.“ Bendir Margrét á að
lengi hafi tíðkast í íslensku atvinnu-
lífi að þeir sem hafi viljað ná frama í
starfi hafi þurft að vinna langt fram
eftir degi. „Við ætlum allavega að
ræða nýjar leiðir í þessu verkefni.“
Hún segir að margt af því sem fyr-
irtæki geti gert þurfi ekki endilega
að kosta neitt aukalega. „Það er oft
nóg að hugsa bara út fyrir kassann.“
Raunar segir Margrét að skilin á
milli vinnu og einkalífs séu sífellt að
verða óskýrari og það þurfi síður en
svo að vera neikvætt þar sem sveigj-
anleikinn sem því fylgi sé af hinu
góða. „Reynslan frá útlöndum sýnir
að það er ekki endilega skynsamlegt
að klippa á tengslin þarna á milli.“
Í HNOTSKURN
» Haldnir verða hádegisfyr-irlestrar, ýmiss konar nám-
skeið, Háskóli fjölskyldunnar,
ferðir og alþjóðlegar ráð-
stefnur í tengslum við verk-
efnið Mannauður.
» Rannsóknarsvið verkefn-isins mun skoða jafnvægi
vinnu og einkalífs og mat
stjórnenda á hugsanlegum
áskorunum stjórnenda á 21.
öldinni.
Vilja virkja
mannauðinn
Morgunblaðið/G. Rúnar
Mannauður Oddný Guðmundsdóttir, Atli Atlason, Finnbogi Jónsson, Svafa
Grönfeldt og Þorvarður Gunnarsson hleyptu verkefninu af stokkunum.
HÉRAÐSDÓMUR Reykjaness
hefur dæmt karlmann á sextugs-
aldri í 45 daga fangelsi fyrir akstur
undir áhrifum áfengis. Maðurinn
var að auki sviptur ökurétti ævi-
langt og gert að greiða 127 þúsund
krónur í sakarkostnað.
Lögregla hafði afskipti af mann-
inum í tvígang vegna ölvunarakst-
urs, annars vegar 10. mars sl. og
svo á nýjan leik 27. júní. Í bæði
skipti var vínandamagn í blóði yfir
1,50‰. Þrátt fyrir það krafðist
maðurinn sýknu.
Kvaðst vera ódrukkinn
Fyrir dómi kvaðst maðurinn
ekki hafa drukkið áfengi, hvorki
fyrir né eftir að lögregla stöðvaði
hann. Óyggjandi gögn frá lögreglu
vísuðu til annars og var maðurinn
sakfelldur.
Í niðurstöðu dómsins kemur
fram að maðurinn hefur áður hlot-
ið refsingu vegna ölvunaraksturs.
Því þótti 45 daga fangelsisvist
hæfileg refsing, en ekki þótti
ástæða til að skilorðsbinda refs-
inguna.
Halldór Björnsson settur hér-
aðsdómari kvað upp dóminn. Lauf-
ey Kristjánsdóttir fulltrúi lög-
reglustjórans á höfuðborgar-
svæðinu sótti málið og Jónas Þór
Guðmundsson hdl. varði manninn.
45 daga
fangelsi
fyrir ölvun-
arakstur
Var tekinn tvívegis
verulega ölvaður
AÐ gefnu tilefni leggur stjórn sam-
takanna Landsbyggðin lifi áherslu
á að íslenska verði lögfest hið
fyrsta sem þjóðtunga Íslendinga,
segir m.a. í ályktun stjórnarinnar
sem samþykkt var samhljóða á
fundi sem haldinn var á Ökrum í
Reykjadal.
Í ályktuninni segir ennfremur:
Einnig verði áfram markmið ís-
lenska menntakerfisins að sinna
góðri kennslu erlendra tungumála
en jafnframt að gleyma því ekki að
góð íslenskukunnátta er grunn-
urinn að því að læra önnur tungu-
mál.
Íslenskan verði lögfest
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
Ný sending frá
Öryrkjar, lágtekjufólk og aldraðir
VEFVARP mbl.is