Morgunblaðið - 26.09.2007, Blaðsíða 36

Fjöldamorðingi
leikur lausum hala á Íslandi
og skotmörk hans eru
gæsaskyttur… 39
»
reykjavíkreykjavík
Eftir Jóhann Bjarna Kolbeinsson
jbk@mbl.is
„Í GRUNNINN er þetta myndlíking
á því þegar einhver tekur afstöðu um
að einhver sé orðinn öðruvísi en ein-
hver annar, og hvað það er stutt í að
við snúum baki við fólki við ákveðnar
aðstæður.“ Þannig lýsir Gísli Örn
Garðarsson Hamskiptunum eftir
Franz Kafka, en uppfærsla Vest-
urports á verkinu verður frumsýnd í
Þjóðleikhúsinu annað kvöld. Gísli er
annar leikstjóra verksins, auk þess
sem hann leikur aðalhlutverkið og er
höfundur leikgerðar.
Um er að ræða sömu uppfærslu og
Vesturport sýndi í Lyric Hammers-
mith-leikhúsinu í Lundúnum í fyrra,
en uppfærslan hlaut góða dóma og
mikla aðsókn. Þá fóru Gísli Örn,
Ingvar E. Sigurðsson, Nína Dögg
Filippusdóttir og tveir Bretar með
hlutverkin í sýningunni, en í stað
Bretanna hafa þau Ólafur Egill Eg-
ilsson og Elva Ósk Ólafsdóttir bæst í
hópinn.
Timburmenn að morgni
Hamskiptin komu út í nýrri þýð-
ingu Ástráðs Eysteinssonar og Ey-
steins Þorvaldssonar í fyrra, en Jón
Atli Jónasson þýddi hins vegar um-
rædda leikgerð. „Hún er dálítið frá-
brugðin bókinni, þótt þetta sé auðvit-
að sama sagan. Fyrst gerðum við
leikgerð á ensku upp úr breskri þýð-
ingu og svo var gerð íslensk þýðing á
þeirri leikgerð, og þá er maður kom-
inn svolítið langt frá bókinni,“ segir
Gísli, og bætir við að fyrir utan
tungumálið sé nokkurn veginn um
sömu sýningu að ræða og sett var
upp í Lundúnum. „Þetta er mjög
formsterk sýning og mjög líkamleg
þannig að hún býður ekki upp á mik-
ið svigrúm í breytileika. En að gera
þetta á nýju tungumáli er alltaf mikið
stökk.“
Síðasta sýning Vesturports í
Lundúnum var í nóvember á síðasta
ári og að sögn Gísla er svolítið skrítin
tilfinning að byrja aftur eftir svo
langt hlé. „Sérstaklega þar sem þetta
er líklega það líkamlega erfiðasta
sem ég hef gert, og ég finn mikið fyr-
ir því persónulega. Maður er gjör-
samlega dauður eftir sýningar,“ seg-
ir hann. „Ég var búinn að koma mér í
gott form þegar við gerðum þetta á
Englandi, en svo líður tíminn hratt
og núna er allt í einu komið að þessu
aftur og ég hef ekki haldið mér eins
vel við og ég hefði viljað,“ segir Gísli
og viðurkennir að hann hafi ekki ver-
ið nógu duglegur í ræktinni að und-
anförnu. „Ég hef eiginlega ekki haft
tíma til þess,“ segir hann og hlær.
„Ég ætlaði að nota æfingaferlið til
þess að koma mér í gang, en svo varð
það aðeins styttra en ég hélt. Ég er
alltaf með harðsperrur og það er eins
og maður sé þunnur þegar maður
vaknar daginn eftir sýningu.“
Ásamt Réttarhöldunum eru Ham-
skiptin trúlega þekktasta verk
Kafka, en bókin kom fyrst út árið
1915, fyrir hartnær hundrað árum
síðan. „Við setjum þetta hins vegar
upp rétt fyrir seinni heimsstyrjöld
þannig að þessi saga gæti líka verið
undanfari þess sem gerist í helför-
inni,“ segir Gísli. „Þetta er ákveðin
hryllingsmynd, eða martröð, því fjöl-
skyldan heldur að einn meðlimur
hennar sé orðinn að einhvers konar
pöddu, eða einhverju kvikindi. Þann-
ig að þetta er mikið leikhús.“
Gísli telur verkið eiga fullt erindi
við Íslendinga í upphafi 21. ald-
arinnar. „Já engin spurning, Gregor
Samsa gæti þess vegna verið alkó-
hólisti, hann getur verið myndlíking
fyrir hvað sem er,“ segir hann og
bætir við að ólíkt því sem margir
haldi sé mikill húmor í verkinu.
„Þetta er mun léttari sýning en
menn gera sér grein fyrir. Það er
mikill húmor í því hvernig Kafka
skrifar þetta allt saman og það var
mikið hlegið á sýningunum í Lund-
únum.“
Flott tónlist
Öll umgjörð sýningarinnar er eins
og best verður á kosið og til að
mynda var leikmynd Barkar Jóns-
sonar tilnefnd til verðlauna hjá dag-
blaðinu Evening Standard sem eru
ein virtustu leikhúsverðlaun Bret-
lands. „Börkur er snillingur og við
vinnum ótrúlega vel saman. Vinnu-
ferlið var eins og það verður best á
kosið, drauma hópsamstarf.“
Þá má ekki gleyma tónlistinni sem
þeir Nick Cave og Warren Ellis
sömdu sérstaklega fyrir sýninguna.
„Ef ekki annað þá er tónlistin nátt-
úrlega alveg geðveik. Hún er ótrú-
lega ljúf og flott,“ segir Gísli að lok-
um.
Líkamleg Hamskipti
Erfitt Gísli Örn í hlutverki Gregors Samsa. „Ég er alltaf með harðsperrur og það er eins og maður sé þunnur þegar maður vaknar daginn eftir sýningu.“
Þrjú á palli Nína Dögg, Elva Ósk og Ingvar E. í hlutverkum sínum.
Uppfærsla Vesturports á Hamskiptunum frumsýnd í Þjóðleikhúsinu annað kvöld
 Þær stöllur Freyja Haraldsdóttir
og Alma Guðmundsdóttir, oftar en
ekki kennd við Nylon-flokkinn,
halda úti
sameig-
inlegri
bloggsíðu á
Netinu.
Þar kem-
ur meðal
annars fram
að þær vin-
konur, sem
kynntust í
Fjölbrauta-
skólanum í
Garðabæ,
vinna nú
saman að
bók um ævi
og uppvöxt
Freyju og upplifun hennar af því að
lifa með fötlun frá fæðingu.
Vinnan við bókina hefur að sögn
staðið yfir í um tvö ár og ætlar
Salka að gefa bókina út þegar hún
verður tilbúin. Þar kemur einnig
fram að Kristján B. Jónasson hefur
tekið að sér ritstjórn bókarinnar.
Slóðin á síðuna þeirra er almaog-
freyja.blog.is.
Alma og Freyja
skrifa bók
 Glöggir sjónvarpsáhorfendur
hafa eflaust tekið eftir sjónvarps-
auglýsingum frá Landsbankanum
þar sem svokallaðar aukakrónur
eru auglýstar. Í auglýsingunni má
sjá hóp af fólki, sem allt er eins
klætt, elta einstaklinga sem nota
svokölluð aukakrónukort, og á
fólkið að tákna aukakrónurnar.
Nú hefur komið í ljós að auglýs-
ingin er „fengin að láni“ ef svo
mætti að orði komast því auglýsing
frá kreditkortafyrirtæki í Mexíkó
er sláandi lík þeirri íslensku. Hægt
er að skoða mexíkósku auglýs-
inguna á kvikmynd.is.
Landsbankaauglýsing
frá Mexíkó komin?
 Bloggarinn og þúsundþjalasmið-
urinn Dr. Gunni hefur nú gerst sér-
legur talsmaður neytenda. Hann
tekur nú við ábendingum lesenda
heimasíðu sinnar um hverskyns ok-
ur sem fyrirfinnst í íslensku sam-
félagi, og af nógu er víst að taka.
Meðal þess sem Dr. Gunni nefnir
til sögunnar er að verð á svörtum
Opal-pakka í verslun 10/11 á Egg-
ertsgötu er hvorki meira né minna
en 329 krónur.
Rándýr Opal
Eftir Franz Kafka
Leikstjórn: Gísli Örn Garðarsson
og David Farr
Þýðing:
Jón Atli Jónasson
Leikgerð:
David Farr og Gísli Örn
Garðarsson
Leikmynd:
Börkur Jónsson
Búningar: Brenda Murphy
Tónlist: Nick Cave og Warren Ellis
Leikarar: Gísli Örn Garðarsson,
Elva Ósk Ólafsdóttir, Ingvar E. Sig-
urðsson, Nína Dögg Filippusdóttir
og Ólafur Egill Egilsson
Hamskiptin
www.leikhusid.is