Morgunblaðið - 22.10.2007, Blaðsíða 4

4 MÁNUDAGUR 22. OKTÓBER 2007 MORGUNBLAÐIÐ
FRÉTTIR
Nú bjóðum við síðustu sætin í sólina á Kanaríeyjum 4. desember í
15 nætur á frábæru sértilboði. Bjóðum frábær sértilboð á Dorotea,
Liberty og Roque Nublo, þremur af allra vinsælustu gististöðum
okkar á Kanarí. Gríptu tækifærið og njóttu lífsins á þessum vinsæla
áfangastað við góðan aðbúnað.
Skógarhlíð 18 • sími 595 1000 • www.heimsferdir.is
Kanarí
4. desember
frá kr. 49.990
Frábær sértilboð - 15 nætur
Munið Mastercard
ferðaávísunina
Verð kr. 49.990
Netverð á mann, m.v. 2-5 í búð á Dorotea 4.
des. í 15 nætur. Gisting á Liberty og Roque
Nublo kostar kr. 5.000 aukalega.
Eftir Hjört Gíslason
hjgi@mbl.is
BJÖRN Ingi Hrafnsson borgar-
fulltrúi hefur ákveðið að taka ekki
sæti í starfshópi sem á að fara yfir
samruna REI og GGE. Óskar
Bergsson, varamaður Björns Inga,
tekur því sæti í hópnum í hans stað.
Samstarfsfólk Björns Inga telur
þetta skynsamlega ákvörðun.
„Samkvæmt fyrstu tillögu var
gert ráð fyrir að forystumenn allra
flokka skipuðu starfshópinn. Hún
hafði meðal annars verið borin undir
Vilhjálm Vilhjálmsson, oddvita sjálf-
stæðismanna. Síðan kom það í ljós á
fundi borgarráðs að sjálfstæðismenn
höfðu aðrar hugmyndir um það og
skipuðu Hönnu Birnu Kristjánsdótt-
ur í hópinn. Um það vissum við ekki
fyrr en á þeim fundi. Þá var auðvitað
komin upp ný staða auk þess sem
sjálfstæðismenn gerðu athugasemd-
ir við það að ég sæti í hópnum. Ég
hef sagt að í þessu máli eigi allt að
koma upp á yfirborðið og að ég hafi
ekkert að fela. Því vildi ég bara
reyna að tryggja að starf starfshóps-
ins yrði hafið yfir allan vafa.
Þess vegna tekur Óskar Bergsson
varaborgarfulltrúi sætið í hópnum,
líkt og hjá Sjálfstæðisflokknum. Það
er maður númer tvö sem fer inn. Þó
að langflest hafi þegar komið í ljós í
þessu máli er það engu að síður
markmiðið að þetta liggi allt til
grundvallar og málið verði opnað.
Þess vegna tók ég
þessa ákvörðun
sjálfur með hags-
muni starfshóps-
ins í huga,“ segir
Björn Ingi
Hrafnsson.
„Þessi starfs-
hópur er settur
þannig saman að
þar er einn úr
hverjum flokki.
Það finnur hver flokkur út úr því fyr-
ir sig hvernig hann telur því bezt
fyrir komið. Björn Ingi hefur sjálfur
gert grein fyrir því að hann telji hóp-
inn verða starfhæfari og betur haf-
inn yfir vafa með því að hann standi
utan hans. Mér finnst það bara vel
rökstutt af hans hálfu. Við höfum
þegar hitzt einu sinni, á föstudaginn,
og ég hef heyrt í öllum fulltrúunum
núna um helgina. Menn eru að vinna
frá morgni til kvölds í þessu máli.
Við höfum ekki allan tímann í heim-
inum og þegar talað er um lokaskil í
júní 2008 erum við auðvitað bara að
tala um stefnumótunarhlutann.
Fyrsta hlutann, að skoða stöðuna
eins og hún er núna og þessar
ákvarðanir, sem teknar hafa verið á
mislöglegum fundum, verður að
vinna mjög hiklaust. Við hröðum
þessu eins og hægt er en þó ekki
þannig að við brennum okkur eina
ferðina enn á því að vinna svo hratt
að fólk sé „meðvitundarlaust“ við
ákvarðanatökur. Það gekk ekki vel
upp síðast,“ segir Svandís Svavars-
dóttir, borgarfulltrúi Vinstri
grænna.
„Ég er mjög sátt við þessa ákvörð-
un Björns Inga. Hún er skynsamleg
enda kom það ekki mjög á óvart að
þetta yrði að einhverju leyti gagn-
rýnt. Uppleggið var að oddvitar allra
flokkanna sætu í starfshópnum.
Þegar það kom hins vegar í ljós að
Vilhjálmur yrði ekki þar horfði málið
öðruvísi við. Mér finnst þetta skyn-
samleg og rökrétt afstaða hjá hon-
um,“ segir Margrét Sverrisdóttir,
borgarfulltrúi Frjálslyndra og
óháðra.
Ekki náðist í Dag B. Eggertsson
borgarstjóra í gær.
Björn Ingi ekki í starfshópi
um samruna REI og GGE
Tók þessa ákvörð-
un með hagsmuni
hópsins í huga
Björn Ingi
Hrafnsson
Margrét
Sverrisdóttir
Svandís
Svavarsdóttir
MYNDLISTARSÝNING á verkum Magnúsar heitins
Kjartanssonar myndlistarmanns var opnuð í Graf-
arvogskirkju við guðsþjónustu í gær.
Að guðsþjónustunni lokinni flutti Aðalsteinn Ingólfs-
son listfræðingur erindi um listamanninn. Einnig var
stofnað Listfélag Grafarvogskirkju og ný Biblía afhent.
Myndir Magnúsar í Grafarvogskirkju
Morgunblaðið/Ómar
GUNNAR I.
Birgisson, bæjar-
stjóri í Kópavogi,
telur það sjálf-
sagt mál að ræða
við Reykjavíkur-
borg um bygg-
ingu sundlaugar í
Fossvogsdal og
segir að hug-
myndin hafi fyrst
komið fram 1994.
Gunnar sagði að sjálfstæðismenn í
Kópavogi hefðu fyrst sett fram hug-
mynd um sundlaug á mörkum Kópa-
vogs og Reykjavíkur fyrir sveitar-
stjórnarkosningarnar 1994.
„Sundlaugin var á málefnaskránni
hjá okkur. Forsagan var sú að við
Sigurður [Geirdal] höfðum rætt við
þáverandi meirihluta í Reykjavík
1990-94 og við vorum langt komnir
með að ganga frá því að þarna yrði
byggð sundlaug fyrir kosningarnar
’94. Síðan kom R-listinn og vildi ekk-
ert við okkur tala,“ sagði Gunnar.
„Síðan setur Framsóknarflokkurinn
[í Kópavogi] þetta fram í sinni kosn-
ingastefnuskrá 2002. Síðan var bæj-
arstjóra þáverandi falið að skrifa
bréf til borgarinnar og þeir gerðu
ekkert með það.“
Gunnar sagði að málaleitan
Reykjavíkurborgar varðandi sund-
laugina yrði skoðuð. Kópavogsbær
væri nú að ljúka við að byggja tvær
nýjar sundlaugar í vesturbæ Kópa-
vogs, bæði innisundlaug og litla
barnalaug. Þá er nýbúið að byggja
sundlaug í Versölum og á að fara að
byggja sundlaug í Kórahverfi.
Meiningin var að sundlaugin í
Fossvogsdal yrði nálægt Snælands-
skóla. Nú er komin þar félags- og
búningsaðstaða fyrir HK og um ára-
mótin má reikna með að byrjað verði
á byggingu íþróttahúss fyrir HK.
Gunnar sagði það spurningu hvort
hægt væri að flétta byggingu sund-
laugar einhvern veginn saman við
þessi íþróttamannvirki. Einnig taldi
hann koma til greina að staðsetja
sundlaugina innar í Fossvogsdal.
Hugmynd að sundlaug í
Fossvogsdal frá 1994
Gunnar I.
Birgisson
Í HNOTSKURN
»Borgarráð Reykjavíkurhefur samþykkt þá tillögu
Dags B. Eggertssonar borg-
arstjóra að óska eftir við-
ræðum við Kópavog um sam-
starf við byggingu nýrrar
sundlaugar í Fossvogsdal.
»Gunnar I. Birgisson, bæj-arstjóri í Kópavogi, nefnir
mögulega staðsetningu laugar
við íþróttaaðstöðu HK eða inn-
ar í Fossvogsdal.
UMBOÐSMAÐUR barna, Mar-
grét María Sigurðardóttir, heldur
erindi á málstofu Rannsóknarset-
urs í barna- og fjölskylduvernd og
félagsráðgjafar-
skorar Háskóla
Íslands næst-
komandi mið-
vikudag, 24.
október, og mun
þar fjalla um
þær réttarreglur
sem gilda um
rétt barna til
beggja foreldra
og þróun þeirra
mála á liðnum
árum.
Málstofan er í stofu 101 í Odda
milli klukkan 12 og 13.
Að sögn Margrétar Maríu mun
hún einnig m.a. fjalla um jafnrétt-
ismál í samhengi við réttindi barna
ásamt því að fjalla um vinnumark-
aðinn og fæðingartíðni í íslensku
samfélagi, þ.e. staðreyndir sem
tengjast hinni hversdagslegu um-
gjörð barna og foreldra þeirra.
Breyttur samfélagsveruleiki
„Ég mun einnig gera að umtals-
efni þann breytta samfélagsveru-
leika sem hefur litið dagsins ljós
m.a. með tilkomu fæðingarorlofs
beggja foreldra og hverskonar
kröfur sem eru uppi um búsetu
barna og fleira,“ segir Margrét
María.
Að hennar mati þarf sífellt að
halda réttindamálum barna inni í
umræðunni og ef til vill hefur um-
ræðan endurspeglað meiri
áherslur á réttindi foreldra en
barna.
„Núna mun ég því beina sjónum
að réttindamálin barnanna. Barna-
lög kveða skýrt á um að börn hafi
rétt til beggja foreldra auk þess
sem kveðið er á um þann rétt í
Barnasáttmála Sameinuðu þjóð-
anna.“ Margrét María segir að
samfélagsbreytingar á undanförn-
um árum hafi verið hraðari en lög-
gjöfin hafi kannski ekki alltaf fylgt
jafnhratt á eftir. „Það hefur margt
gerst, svo sem í umgengnismálum
þegar um skilnað foreldra er að
ræða,“ bendir hún á.
„Einnig má nefna fæðingarorlof
feðra og það er áhugavert við-
fangsefni að athuga hvernig lög-
gjöf hefur brugðist við þessu svo
dæmi sé tekið.“
Réttur
barna
ræddur
Margrét María
Sigurðardóttir
Börn hafa rétt til
beggja foreldra
BJÖRGUNARSVEITIR voru í
gærmorgun ræstar út í uppsveit-
um Árnessýslu til leitar að öku-
manni bifreiðar sem fannst í
skurði skammt sunnan við Stóru-
Laxá.
Ummerki bentu til að bifreiðin
hefði farið nokkrar veltur út af
Skeiða- og Hrunamannavegi áður
en hún lenti í skurðinum og að
ökumaður hennar hefði farið frá
henni fótgangandi. Hann hafði lagt
af stað frá sumarbústað á Flúðum
um klukkan 04.30 en lögregla fékk
upplýsingar um bílinn í skurðinum
um kl. 05.20.
Heill á húfi til Reykjavíkur
Laust eftir klukkan níu í gær-
morgun bárust lögreglu upplýsing-
ar um að maðurinn væri kominn til
Reykjavíkur, heill á húfi. Leit var
þá afturkölluð en lögreglan á Sel-
fossi biður þá er kunna að hafa
orðið vitni að útafakstrinum að
hafa samband í síma 480-1010.
Löregla leit-
aði bílstjóra
eftir óhapp