Morgunblaðið - 22.10.2007, Blaðsíða 8
8 MÁNUDAGUR 22. OKTÓBER 2007 MORGUNBLAÐIÐ
FRÉTTIR
Mannskilningur kristinnar trúar er raunsær. Og
sá skilningur hennar á forsendur í heildarsýn, sem
er vakin og mótuð af þeirri tiltrú til hinsta veru-
leiks, til Guðs, sem Jesús Kristur skapar og gefur.
Þess vegna getur kristið raunsæi aldrei orðið
svartsýnt.
En ekki nægir að vera raunsær á galla sem
kosti mannanna.
Mannlegt raunsæi er, í fyrsta lagi, auðblekkt. Í
öðru lagi sýnir reynslan, að þeim, sem vilja aðeins
beina raunsæisaugum að náunganum, hættir til að
verða fundvísir um of á lýtin í fari hans og vægð-
arlausir í dómum.
Án samúðar með manninum verður allt raunsæi
gagnvart honum sjónskert eða blint.
Og ekkert er hverjum manni nauðsynlegra en að
eiga einhvers staðar samúð, hvernig sem honum
farnast í lífinu.
Það finnur hver maður, að þá er fokið í öll skjól
og hvert sund lokað, ef hann á hvergi samúð lengur
í neinum barmi.
Trúin, sem Kristur gefur, er vitund um að eiga
óbrigðula samúð í sjálfu hjarta tilverunnar.
Sú samúð er skilyrðislaus dómur yfir öllu, sem
blekkir og flekkar mannshjartað og eitrar lífið, –
dómur, sem er innsiglaður með sjálfsfórn hinnar
heilögu samúðar til bjargar blekktum, sekum
manni.
Sigurbjörn Einarsson
Hvað viltu, veröld? (23)
SÖNGUR, leikfimi, ljóðalestur og
fleiri listir voru meðal þess sem í
boði var á afmælishátíð Hrafnistu í
Reykjavík og Hafnarfirði í gær.
Hátíðin var haldin í salarkynnum
Fjölbrautaskólans í Garðabæ og
var stemning feikilega góð. Meðal
atriða var söngur Hrafnistukórsins
undir stjórn Böðvars Guðmunds-
sonar en meðalaldur kórfélaga er
88 ár og er elsti félaginn 97 ára.
Enn eldri er Leifur Eiríksson,
sem flutti ljóð við góðan orðstír
ásamt Ingibjörgu Björnsdóttur.
Leifur varð 100 ára á sjómanna-
daginn síðasta en gæti verið 35 ár-
um yngri.
„Ég var íþrótta- og sundkennari
og var bæði til sjós og lands. Þetta
var lífsbarátta allan tímann,“ segir
hann. „Á yngri árum mótaðist ég
mjög af Atlas- og Mullersæfing-
um.“
Á svið steig einnig fjallhress
Hrafnistumaður, Ásgeir Hraundal,
og lék á sög, – Stradivarius-sög
eins og hann nefnir hljóðfæri sitt.
„Ég fékk dellu fyrir hljóðfærinu
eftir að hafa hlustað á flokk hvíta-
sunnumanna leika á sög,“ rifjar
hann upp. Hann spilar á ýmis hjóð-
færi og segist sjálflærður. Eitt sinn
bjargaði hann dansleik fyrir norð-
an þegar tvær togaraáhafnir slóg-
ust grimmdarlega og lögreglan réð
ekki við neitt. Tókst honum að
svæfa mannskapinn með því að
leika á sögina og fékk lof lögregl-
unnar fyrir framtakið.
Listir og
leikfimi í
fyrirrúmi
Hátíðarstemning
Hrafnistufólks
KIRKJUÞING 2007 hefur í dag um-
ræður um tvö þingmál sem rædd
verða saman. Annars vegar er 8.
mál: Tillaga til þingsályktunar um
þjóðkirkjuna og staðfesta samvist.
Hins vegar 15. mál: Tillaga til þings-
ályktunar um að prestar verði
vígslumenn staðfestrar samvistar.
Í báðum tillögunum er lagt til að
prestum sem svo kjósa verði veitt
heimild til að framkvæma staðfesta
samvist. Biskup Íslands er flutnings-
maður 8. máls. Þar er lagt til að
Kirkjuþing lýsi stuðningi við megin-
atriði ályktunar kenningarnefndar
um þjóðkirkjuna og staðfesta sam-
vist. Einnig að þjóðkirkjan standi við
hefðbundinn skilning á hjónaband-
inu sem sáttmála karls og konu.
Verði lögum um staðfesta samvist
breytt þannig að prestar fái heimild
til að staðfesta hana styður Kirkju-
þing að prestum sem svo kjósa verði
það heimilt. Samviskufrelsi presta í
þessum efnum verði virt.
vígja í staðfesta samvist, verði trú-
félögum veitt slík lagaheimild. Jafn-
framt samþykki Kirkjuþing að helgi-
siðanefnd útbúi form fyrir athöfnina.
Fyrir Kirkjuþingi 2007 liggja alls
19 mál.
Flutningsmenn 15. máls eru
Hulda Guðmundsdóttir, Jón Helgi
Þórarinsson og Kristín Þórunn Tóm-
asdóttir. Þar er lagt til að Kirkjuþing
samþykki að prestum þjóðkirkjunn-
ar, sem það kjósa, verði heimilt að
Staðfesting samvistar
á Kirkjuþingi í dag
Morgunblaðið/Ómar
Kirkjuþing Biskup Íslands flutti stefnuræðu við setningu Kirkjuþings 2007
í Grensáskirkju á laugardag. Reiknað er með að þingið standi í u.þ.b. viku.
NÝR bankastjóri Alþjóðabankans, Robert
Zoellick, kemur til Reykjavíkur snemma á
næsta ári, að því er segir í tilkynningu ut-
anríkisráðuneytisins. Þar mun hann ræða
málefni bankans með ráðherrum ríkja
Norðurlandanna og Eystrasaltsríkjanna.
Ingibjörg Sólrún Gísladóttir sat um
helgina fund þróunarnefndar bankans og
stýrði afgreiðslu yfirlýsingar fyrrnefndra
ríkja til nefndarinnar.
Bankastjóri Alþjóða-
bankans til Íslands
INGIBJÖRG Sólrún Gísladóttir utanrík-
isráðherra ávarpaði á föstudagskvöld Wo-
men’s Foreign Policy
Group (WFPG) í Wash-
ington.
Við sama tækifæri
var hún gerð að heið-
ursfélaga í WFPG sem
er öflugt tengslanet
bandarískra kvenna
sem starfa að alþjóða-
málum. Fundurinn var
fjölsóttur og viðstaddir
voru m.a. sendiherrar
og aðrir fulltrúar er-
lendra ríkja í Wash-
ington, að því er segir í tilkynningu.
Í ávarpi sínu talaði utanríkisráðherra um
forsendur og mikilvægi pólitískra áhrifa
kvenna á alþjóðavettvangi og lýsti því
hvernig það tryggði betri árangur að flétta
kynjapólitískri sýn inn í alþjóðastjórnmálin.
Utanríkisráðherra svaraði fjölmörgum
spurningum viðstaddra, m.a. um framboð
Íslands til öryggisráðsins, Kósóvó, Mið-
Austurlönd, loftslagsmál, endurnýjanlega
orkugjafa og sögu Kvennalistans á Íslandi.
Heiðursfélagi í
samtökum banda-
rískra kvenna
Ingibjörg Sólrún
Gísladóttir
HÉRAÐSDÓMUR Norðurlands
eystra hefur dæmt karlmann á sex-
tugsaldri til tveggja mánaða fangels-
isvistar fyrir brot á vopnalögum en
frestað fullnustu refsingarinnar
haldi hann skilorð til tveggja ára.
Manninum var jafnframt gert að
greiða 250 þúsund krónur í máls-
varnarlaun skipaðs verjanda síns.
Maðurinn, sem var fyrirsvarsmað-
ur Meindýravarna Íslands efh., áður
en það varð gjaldþrota á fyrri hluta
árs 2005, hafði í húsnæði félagsins á
annan tug skotvopna, skotvopna-
hluta og skotfæra án þess að tryggja
geymslu þeirra nægilega. Einnig var
um að ræða fjölda vopna sem stolið
hafði verið af heimili mannsins í inn-
broti í nóvember árið 2005. Þar á
meðal var veiðibogi, nokkrir rifflar,
skammbyssur, haglabyssur og loft-
rifflar.
Í niðurstöðu dómsins kemur fram
að eiganda eða vörsluaðila skotvopna
og skotfæra beri að tryggja vörslu
þeirra þannig að óviðkomandi aðili
komist ekki til þeirra, t.a.m. í sér-
útbúnum vopnaskáp.
Fangelsi í tvo mánuði
fyrir brot á vopnalögum
ÞJÓÐKIRKJAN sér ekki ofsjónum
yfir því þótt íbúar landsins skipi sér
á fleiri bása í trúarlegum efnum en
lengstum hefur verið, að því er kom
fram í ræðu Péturs Kr. Hafstein,
forseta Kirkjuþings, við setningu
þingsins á laugardaginn var. Hann
benti á að þjóðkirkjan nyti liðveislu
um 82% landsmanna, sem megi telj-
ast öflugur bakhjarl í samtímanum.
Pétur vék að umræðu um að
launagreiðslur til starfsmanna kirkj-
unnar feli í sér misrétti og mannrétt-
indabrot gagnvart öðrum trú-
félögum. Hann benti á samning
ríkisins og þjóðkirkjunnar um eigna-
skipti frá 1997. Í honum fólst m.a.
tilfærsla kirkjujarða til ríkisins og er
hún grundvöllur launagreiðslna
presta og starfsmanna þjóðkirkj-
unnar. Pétur sagði stöðu þjóðkirkj-
unnar í þessu efni vera sérstaka og
eiga sér bæði sögulegar rætur og
ekki síður eignarréttarlegar. Staða
þjóðkirkjunnar annars vegar og
annarra trúfélaga í þessu efni væri
langt frá að vera sambærileg.
Þá vék Pétur
að málum sem
liggja fyrir
Kirkjuþingi 2007,
m.a. því er varðar
samvist ein-
staklinga af sama
kyni og aðkomu
þjóðkirkjunnar
að henni. „Þegar
við blasir að lög-
gjafinn veiti trúfélögum í landinu
heimild til að staðfesta samvist sam-
kynhneigðra verður Kirkjuþing að
bregðast við því af yfirvegun og
skynsemi og kosta kapps um að
þjóðkirkjan komi ósködduð frá þeim
svigurmælum, sem eru látin dynja á
henni, þótt hún sé í hópi þeirra lút-
ersku kirkna á heimsbyggðinni, sem
lengst ganga í þessum efnum,“ sagði
Pétur. Hann sagði að í sjónmáli væri
sú sáttargjörð að einstaklingar af
sama kyni gætu fengið þau borg-
aralegu réttindi sem nú fylgja stað-
festri samvist á vettvangi þjóðkirkj-
unnar.
Sáttargjörð felst í
staðfestri samvist
Pétur Kr. Hafstein
Sagarspil Ásgeir Hraundal lék á sögina en svæfði engan að þessu sinni.
Morgunblaðið/Ómar
Stemmning Mjög góð þátttaka var á hátíðinni sem haldin var í Fjölbrautaskólanum í Garðabæ.