Morgunblaðið - 10.12.2007, Side 8
8 MÁNUDAGUR 10. DESEMBER 2007 MORGUNBLAÐIÐ
FRÉTTIR
RÍKISSTJÓRNIN hefur samþykkt
að tillögu menntamálaráðherra að
skipa starfshóp til að koma með til-
lögur um framtíð og skipan skóla-
halds á Hólum í Hjaltadal og mál-
efni Hólastaðar.
Samkvæmt frumvarpi til laga um
tilfærslu verkefna innan Stjórn-
arráðs Íslands er gert ráð fyrir því
að stjórnvaldslegt forræði gagn-
vart Landbúnaðarháskólanum á
Hvanneyri og Hólaskóla færist frá
landbúnaðarráðuneyti til mennta-
málaráðuneytis.
Starfshópinn skipa Guðmundur
Árnason, ráðuneytisstjóri í mennta-
málaráðuneyti, sem jafnframt er
formaður hópsins, og alþing-
ismennirnir Sigurður Kári Krist-
jánsson, Guðfinna S. Bjarnadóttir,
Guðbjartur Hannesson og Anna
Kristín Gunnarsdóttir.
Fram kemur í fréttatilkynningu
að starfshópurinn skal setja fram
tillögur er stuðla að frekari upp-
byggingu og eflingu Hólaskóla. „Í
tillögum sínum skal starfshópurinn
miða við að tryggilega verði haldið
um málefni Hólastaðar og Hólar
haldi reisn sinni og stöðu sem mið-
stöð mennta, menningar og kirkju-
legra málefna.“
Hólar haldi reisn sinni
og stöðu sem miðstöð
Morgunblaðið/Skapti Hallgrímsson
UM átta þúsund grunnskólabörn í 4. og 7. bekk hafa enn ekki fengið ein-
kunnir sínar úr samræmdum prófum sem átti að skila í nóvemberlok.
Slæmt ástand í starfsmannamálum hjá Námsmatsstofnun hefur gert það að
verkum að einkunnaskil hafa dregist og eru foreldrar og börn farin að
ókyrrast.
Erfiðlega gengur að fá fólk í sérhæfð störf
Sigurgrímur Skúlason, forstöðumaður Námsmatsstofnunar, segir að allt
kapp verði lagt á að senda einkunnirnar út fimmtudaginn 13. desember.
„Okkur hefur gengið illa að fá inn starfsmenn,“ bendir hann á. „Það er erf-
itt að fá fólk í sérhæfð störf um þessar mundir.“ Um er að ræða störf á sviði
úrvinnslu og bakgrunnsvinnu, að sögn Sigurgríms.
Að sögn hans voru einkunnaskil líka á eftir áætlun í fyrra þegar verið
var að draga úr yfirvinnu starfsfólks. Hann bendir á að um sé að ræða gíf-
urlegt álag í skamman tíma.
Hann segir ekki mikið um að fólk hafi hringt til að spyrjast fyrir um ein-
kunnir en eitthvað sé þó farið að bera á því nú.
Einkunnir úr samræmdu próf-
unum væntanlegar 13. desember
SAMKVÆMT skoðanakönnun sem
Capacent Gallup gerði fyrir Nátt-
úruverndarsamtök Íslands á tíma-
bilinu 31. október til 11 nóvember
sl. telja 95,4% aðspurðra að stór-
iðjufyrirtæki eigi að greiða fyrir
losun sína á gróðurhúsaloftteg-
undum, 3,3% voru ósammála og
1,3% tóku ekki afstöðu.
Þetta kemur fram í fréttatilkynn-
ingu, sem samtökin hafa sent frá
sér. Til samanburðar taldi þorri að-
spurðra, 82,9%, að öll fyrirtæki
ættu að greiða fyrir losun sína á
gróðurhúsalofttegundum. 49% telja
að almenningur eigi að greiða fyrir
losun sína á gróðurhúsaloftteg-
undum, 44,6% voru því ósammála
og 6,3% tóku ekki afstöðu.
Morgunblaðið/Þorkell
Losun 82,9% vilja að öll fyrirtæki
greiði fyrir losun gróðurhúsa-
lofttegunda.
Stóriðjufyr-
irtæki greiði
fyrir losun
SNORRI Már Skúlason hefur verið ráðinn deildarstjóri
upplýsingar- og kynningardeildar hjá Alþýðusambandi Ís-
lands. Ráðning Snorra endurspeglar skipulagsbreytingar
á skrifstofu ASÍ, þar sem þessar deildir eru sameinaðar í
eina. Samtímis verður sett sérstök ritnefnd undir forystu
Snorra. ASÍ hyggst leggja aukna áherslu á ímynd sína.
Snorri Már hefur m.a. starfað sem fréttamaður á Stöð 2 og
Bylgjunni, sem kynningarstjóri Þjóðminjasafnsins og á
vegum friðargæslunnar á Srí Lanka.
Snorri Már til starfa hjá ASÍ
Snorri Már
Skúlason
BORIST hefur eftirfarandi yfirlýs-
ing frá bæjarfulltrúum A-listans í
Reykjanesbæ:
„Í umræðum á Alþingi Íslendinga
6. desember sl. varð Bjarna Harð-
arsyni þingmanni Framsókn-
arflokksins á mismæli sem hann
leiðrétti samdægurs á Alþingi,
meira að segja í ræðustól Alþingis,
strax sama dag.
Árni Sigfússon bæjarstjóri huns-
ar þessa leiðréttingu þingmannsins
á sínum mismælum og sakar m.a.
Bjarna um að segja ósatt og krefst
þess að þeir leiðrétti ósannindin í
sinn garð.
Þessi viðbrögð Árna eru með
ólíkindum, ekki síst í ljósi þess að 8.
nóvember sl. birtist grein eftir
Árna Sigfússon í Víkurfréttum þar
sem hann sakar þrjá bæjarfulltrúa
A-listans í Reykjanesbæ, (Eysteinn
Jónsson, Guðbrandur Einarsson og
Ólafur Thordersen), um að vera að
bera út lygasögur um tengsl Árna
við fjármálastofnanir og aðra. Ólaf-
ur Thordersen spurði bæjarstjóra
um þetta á bæjarstjórnarfundi og
ákvað bæjarstjórinn að svara ekki.
Ef Árni fer fram á að ósannindi
eða öllu heldur mismæli séu löguð,
hvað eigum við þrír að gera?
Það að vera ásakaður opin-
berlega af bæjarstjóra Reykjanes-
bæjar, um að vera bera út lygasög-
ur er ærumeiðandi og ber að líta á
þessi ummæli sem slík. Árni ætti að
líta sér nær áður en hann kastar
steini úr glerhúsi.
Ólafur Thordersen
Guðbrandur Einarsson
Eysteinn Jónsson
Bæjarfulltrúar í Reykjanesbæ.“
Árni kastar
steini úr glerhúsi
OPINBER stefna hefur oft áhrif til
hins verra á hag þeirra tekjulægstu í
samfélaginu. Skattbyrði þeirra hef-
ur vaxið úr því að vera engin árið
1995 í tæp 14 prósent á síðasta ári
samkvæmt rannsókn Hörpu Njáls-
dóttur félagsfræðings. Hún nefnir
einnig að mjög fáir fái óskertar
barnabætur sem eiga að vera stuðn-
ingur við börn og barnafólk, ekki síst
hina verr settu.
Skattleysi fyrir tólf árum
Harpa hélt fyrirlestur hjá Mæðra-
styrksnefnd á dögunum þar sem hún
tók dæmi af 25 ára gömlum ófag-
lærðum starfsmanni á lægstu laun-
um. Fyrir tólf árum fékk slíkur ein-
staklingur laun sín óskipt í vasann,
en í fyrra þurfti hann að sjá á bak
tæplega 14 prósentum launa sinna
til hins opinbera. „Skattprósentan
hefur heldur lækkað frá árinu 1995,
en persónuafslátturinn hefur alveg
staðið í stað. Hann fylgir ekki þróun
launavísitölu eða öðru í þjóðfélaginu
og það er það sem veldur því að þótt
skattprósentan sé lækkuð dugir það
ekki til.“ Harpa bendir á að umtals-
verð launahækkun hafi komið til
2001, en hún hafi að stærstum hluta
farið í skatt. „Þetta er fólk sem hefur
verið í harðri baráttu við að láta
enda ná saman, fólk sem hefur búið
við verulega fátækt á þessum árum.
Þau skref sem hafa verið stigin til
þess að bæta kjör hafa ekki skilað
sér nema að hluta vegna þess að
skattheimtan hefur verið svo mikil.
Ríkið réttir með annarri hendinni og
tekur með hinni, það er bara stað-
reynd,“ segir Harpa.
Lítill stuðningur við barnafólk
Hún segir stuðning við barnafólk
afskaplega lítinn á Íslandi. „Af
Norðurlöndunum þá er Ísland það
eina sem tengir barnabætur við
tekjur foreldra. Annars staðar á
Norðurlöndum fær fólk greiddar
barnabætur sem eru ætlaðar sem
stuðningur við barnið, burtséð frá
foreldrum. Ég hef ekki talað fyrir
því að það eigi að afnema allar tekju-
tengingar, en þær verða að vera inn-
an skynsamlegra marka, að það
verði byrjað að skerða barnabætur
þegar fólk hefur fyrir lágmarks-
framfærslu.“ Nú byrja barnabætur
að skerðast þegar tekjur einstæðs
foreldris fara yfir 92.967 krónur á
mánuði. Skerðingarmörk hjá hjón-
um og sambýlisfólki eru tvöfalt
hærri og liggja við 185.933 krónur.
Harpa segir að þar sem grunnkostn-
aður, eins og húsnæði og leikskóla-
gjöld, sé svipaður hjá einstaklingum
og pörum sé eðlilegt að skerðing-
armörk tekna hjá einstæðu foreldri
séu meira en helmingur á við for-
eldra í sambúð. „Það veit enginn
hvernig þessi upphæð varð til upp-
haflega, og síðan hefur hún verið
hækkuð smám saman í prósentum í
stað þess að stíga skrefið til fulls
eins og þarf,“ segir Harpa.
Skattbyrði þeirra tekju-
lægstu meiri en áður
!" "
#$!% "
& ! "
'$(!(#%
''"!%)
''#!()(
'"#!&#"
! "
! "
! #!
" "
"
* +
! !
,
!" "
%!%$
&"!&%'
!)
%#! &"
'$$!&#
'$%!"))
-
$
'!$("
!&%'
')! "'
'#!$ "
'!&
'&!'
. " /
„VIÐ erum rosalega stolt af þessu
ritverki,“ sagði Sveinn Runólfsson
landgræðslustjóri þegar hann
kynnti útgáfu bókarinnar Sáðmenn
sandanna sem gefin er út í tilefni
þess að eitt hundrað ár eru liðin frá
upphafi skipulegs landgræðslu-
starfs hér á landi. Í bókinni er sögð
saga landgræðslustarfs á Íslandi,
Friðrik G. Olgeirsson tók saman og
Landgræðslan gefur út. Á blaða-
mannafundi upplýsti Sveinn jafn-
framt að bókin yrði einnig gefin út
á ensku.
„Reynsla okkar Íslendinga og
þekking á þessu sviði er að okkar
mati mikið útrásarefni. Hundrað
ára samfelld saga þessarar jarð-
vegsverndar vekur mikla athygli
og við teljum að sú saga sé sú elsta í
heiminum,“ sagði Sveinn. Land-
græðsla á vegum ríkisins hófst
sumarið 1907. Til marks um þann
árangur sem náðst hefur er nú talið
að landgræðsla og sjálfgræðsla sé
meiri en eyðingin. Sveinn tók fram
að verkefni þau sem framundan eru
muni „sannarlega endast næstu öld
við endurheimt landkosta sem hafa
glatast í áranna rás“.
Talið óvinnandi vegur
þegar hafist var handa
Einar Kristinn Guðfinnsson land-
búnaðarráðherra og Níels Árni
Lund, ráðuneytisstjóri landbún-
aðarráðuneytisins fengu, við þetta
tækifæri, afhent fyrstu eintökin af
bókinni Sáðmenn sandanna.
„Við vitum að unnið hefur verið
þrekvirki í að snúa við eyðingu
landsins sem var í hugum margra,
þegar hafist var handa fyrir einni
öld, óvinnandi vegur,“ sagði Einar
m.a. þegar hann tók við bókinni.
„Við sjáum hins vegar árangurinn
hvarvetna og það hefur auðvitað
tekist vegna frumkvæðis Land-
græðslunnar og aðkomu íslenskra
bænda og góðs skilnings þeirra á
þýðingu þess að græða landið. Og
auðvitað ekki síst með stuðningi ís-
lensku þjóðarinnar sem ætíð hefur
verið til staðar í þessum efnum,“
sagði Einar enn fremur.
Níels Árni Lund sagðist í gegnum
störf sín í landbúnaðarráðuneytinu
hafa séð hversu vel hafi miðað við
græðslu landsins. „Ég vil bara enda
þetta á því að segja, Sveinn minn,
að ég vona að þótt þér takist að
græða óskaplega mikið að aldrei
verði svo að við vitum ekki hvað átt
var við þegar ort var „Yfir kaldan
eyðisand,“ sagði Níels Árni og upp-
skar hlátur viðstaddra.
Um 260 ljósmyndir, teikningar
og kort prýða bókina en í henni hef-
ur verið dreginn saman marg-
víslegur fróðleikur sem lýtur að
uppgræðslu Íslands síðustu öldina.
Kemur fram að samanlögð framlög
hins opinbera til landgræðslu í 100
ára sögu landgræðslustarfs nema
um 14 milljörðum króna fram-
reiknuð á verðlagi ársins 2006.
Morgunblaðið/Eggert
Sáðmenn sandanna Friðrik G. Olgeirsson, höfundur bókarinnar, Sveinn
Runólfsson landgræðslustjóri, Einar Kr. Guðfinnsson landbúnaðarráð-
herra og Níels Árni Lund, ráðuneytisstjóri í landbúnaðarráðuneytinu.
Jarðvegsverndin
vekur athygli víða
SKÝRSLU um vist barna á Breiða-
víkurheimilinu verður skilað í janúar
á næsta ári. Formaður nefndarinnar,
Róbert R. Spanó, lagaprófessor við
HÍ, segir vinnuna ganga vel og að
nefndin ætti að geta haldið sig innan
áætlaðs tímaramma.
Nefndin, sem kallast „nefnd um
könnun á vist- og meðferðarheimil-
um á árunum 1950-1980“, var skipuð
af forsætisráðherra síðastliðið vor.
Verkefni nefndarinnar eru sam-
kvæmt Róbert bundin ákvörðun for-
sætisráðherra og var Breiðavík eina
heimilið sem henni var falið að kanna
í þetta sinn.
Í framhaldi af Breiðavíkurrann-
sókninni muni nefndin gera tillögur
um hvort framhald verði á sambæri-
legum rannsóknum á öðrum vist-
heimilum og jafnframt leggja til
hvaða heimili frá þessu tímabili verði
skoðuð. Það mat verði hluti af skýrsl-
unni sem skilað verði í janúar.
Breiðavík-
urskýrsla
í janúar
TÆP 94% telja mjög eða frekar
mikla þörf á upplýsingamiðstöð fyrir
innflytjendur samkvæmt könnun
Capacent Gallup um ímynd og vit-
und um alþjóðahús. Aukning í heild-
ina er 2% frá seinasta ári en þeim
hefur fjölgað um 10% sem telja mjög
mikla þörf á upplýsingamiðstöð.
Mjög jákvæð gagnvart
starfsemi Alþjóðahúss
Mjög jákvæð afstaða birtist í nið-
urstöðum könnunarinnar gagnvart
starfseminni en 88% eru mjög eða
frekar jákvæð gagnvart Alþjóðahúsi.
Konur eru jákvæðnari en karlar og
eykst jákvæðni frekar með aldri og
menntun.
Könnunin fór fram dagana 12.-26.
september. Úrtakið var 1.350 manns
valdir af handahófi. Svarhlutfall var
62%.
Telja mikla
þörf á upp-
lýsingum
♦♦♦