Morgunblaðið - 12.02.2008, Blaðsíða 8

8 ÞRIÐJUDAGUR 12. FEBRÚAR 2008 MORGUNBLAÐIÐ
FRÉTTIR
KJÖR íþróttamanns Seltjarn-
arness fór fram með viðhöfn í
lok janúar. Fyrir valinu að
þessu sinni urðu Anna Kristín
Jensdóttir sundkona og Snorri
Sigurðsson frjálsíþróttamað-
ur.
Anna Kristín hefur æft sund
hjá ÍFR sl. átta ár og unnið til
fjölda verðlauna bæði hér-
lendis og erlendis. Hún hamp-
ar nú 6 Íslandsmetum, 4 Ís-
landsmeistaratitlum og einu
Norðurlandameti. Hún stund-
ar nám við Valhúsaskóla og
mun ljúka 10. bekk í vor.
Snorri Sigurðsson er einn
efnilegasti hlaupari landsins
um þessar mundir og er afar
upprennandi frjálsíþróttamað-
ur, segir í tilkynningu. Hann
hefur sett fjölda Íslandsmeta
og auk þess unnið til margra
annarra verðlauna. Snorri
stundar nú nám við MR.
Ásamt kjöri á íþróttamanni
ársins voru aðrar viðurkenningar veittar ungum íþróttamönnum fyrir
ástundun og árangur.
Kjör íþróttamanns Seltjarnarness hefur verið árviss viðburður frá
árinu 1993 í umsjón íþrótta- og tómstundaráðs Seltjarnarness, sem vill
með þessum viðburði vekja athygli á gildi íþrótta, stuðla enn frekar að
öflugu íþróttalífi á Seltjarnarnesi, forvörnum og að láta íþróttafólk vita
að bæjarfélagið styður við bak þess.
Anna Kristín og Snorri
íþróttamenn Seltjarnarness
Viðurkenning Snorri Sigurðsson, Anna
Kristín Jensdóttir og Lárus B. Lárusson,
formaður ÍTS.
DANSKI blaðaljósmyndarinn Erik Refner hjá Berlingske Tidende hlaut
fyrir helgi verðlaun World Press Photo-samkeppninnar fyrir ljósmyndaröð
sína af Glitnis-maraþoninu í Kaupmannahöfn. Veitt voru verðlaun fyrir
þrjú efstu sætin í tíu flokkum og hlaut Refner verðlaun í flokki íþrótta-
mynda. Um er að ræða tíu myndir af þátttakendum í maraþoninu sem
teknar voru við endamark hlaupsins hinn 18. maí 2007.
Hinn árlega blaðaljósmyndakeppni World Press Photo er ein virtasta
keppni sinnar tegundar í heiminum, segir í tilkynningu. World Press Photo
er sjálfstæð og óháð samtök sem stofnuð voru árið 1955 í Hollandi. Verð-
launamyndirmar verða í kjölfarið sýndar í 45 löndum þar sem er áætlað að
ríflega 2 milljónir manna muni líta þær augum auk þess sem verðlauna-
myndir hvers árs eru birtar í veglegri bók sem er gefin út á sex tungu-
málum. Myndirnar má sjá á heimasíðu World Press Photo.
Átök Á marklínunni í maraþoninu, mynd eftir Erik Refner.
Verðlaun fyrir Glitnis-maraþon
GRUNNSKÓLAHÁTÍÐ ÍTH verður haldin í Hafnarfirði á morgun og
fimmtudag. Hátíðin er ein sú umfangsmesta sem krakkar í Hafnarfirði
standa fyrir og í öllum undirbúningi er lögð mikil áhersla á frumkvæði
krakkanna sjálfra, sem hafa staðið sig vel, segir á hafnarfjordur.is. Í ár
er 100 ára afmæli Hafnarfjarðarkaupstaðar og litast undirbúningurinn
af því.
Í tilefni afmælisins bauð afmælisnefnd bæjarins frítt á hátíðina, en að
frumkvæði krakkanna sjálfra var ákveðið að aðgangseyrir yrði 100 kr.,
ein króna fyrir hvert ár, og að öll innkoma rynni til góðgerðarmálefna.
Ákveðið var að styrkja starfsemi sem snýr að börnum og ungmennum.
Þá stendur til að bjóða sérstaklega öllum áhugasömum íbúum Hafn-
arfjarðar að koma á leiksýningar sem haldnar verða 13. febrúar í
íþróttahúsinu við Strandgötu. Fimmtudaginn 14. febrúar er svo haldinn
risadansleikur í íþróttahúsinu og er búist við um 1.000 krökkum.
Grunnskólahátíð á afmælisári
BÆJARRÁÐ Akraness hefur samþykkt,
að tillögu menningarmála- og safna-
nefndar, samkomulag við Snorrastofu í
Reykholti sem gilda mun árin 2008-2010.
Framlag Akraneskaupstaðar til Snorra-
stofu mun verða um 2,3 milljónir í heild
sinni á tímabilinu.
Í samkomulaginu er gert ráð fyrir
samstarfi á milli Snorrastofu og Byggða-
safnsins að Görðum sem snúi að sameig-
inlegum málefnum beggja staðanna.
Jafnframt gerir samningurinn ráð fyrir að Snorrastofa standi fyrir við-
burðum á Akranesi í tengslum við Vökudaga sem höfði sérstaklega til
tengsla Akraness við Snorra Sturluson, en móðir Snorra var frá Akranesi,
segir í frétt á akranes.is.
Samvinna við Snorrastofu
Reykholt Snorrastofa og kirkj-
an setja sterkan svip á staðinn.
STUTT
KRISTINN Hallgrímsson, hrl og
lögmaður Kers hf., segir að dómur
Hæstaréttar í máli Reykjavíkur-
borgar og olíufélaganna sé einstak-
ur „og ekki líklegur til að gefa for-
dæmi í öðrum málum, enda er
engum öðrum svipuðum málum til
að dreifa,“ segir hann. „Það er
rangt sem haldið hefur verið fram
að Hæstiréttur slái því föstu að ol-
íufélögin hafi hagnast af samráðinu
í umrætt sinn, heldur eru olíufélög-
in einfaldlega látin bera halla af því
að sönnun tókst ekki um hið gagn-
stæða, sem er allt annar hlutur,“
segir Kristinn.
„Ég reikna með að olíufélögin
muni setja fyrir þann leka með enn
ítarlegri dómkvöddum mötum í
framtíðinni ef á þetta reynir,“ bætir
hann við.
Lækkun um 50-60 milljónir
Kristinn bendir einnig á að það
sé rangt sem haldið hafi verið fram
í fjölmiðlum að Hæstiréttur hafi
staðfest héraðsdóm í þessu máli.
Niðurstaða Hæstaréttar feli í sér
lækkun krafna um 50 til 60 millj-
ónir vegna þess að dráttarvaxta-
krafa sé leiðrétt í Hæstaréttar-
dómnum. „Bara þessi eina forsenda
út af fyrir sig réttlætir áfrýjun
málsins,“ segir Kristinn.
Haft hefur verið eftir lögmanni
Samkeppniseftirlitsins að olíufélög-
in geti ekki haldið því fram að þau
hafi ekki hagnast á ólöglegu sam-
ráði eftir að Hæstiréttur dæmdi
borginni skaðabætur. Kristinn segir
vegna ummæla lögmannsins að í
máli olíufélaganna gegn Samkeppn-
iseftirlitinu reyni á ýmsar forsend-
ur í útreikningum Samkeppniseft-
irlitsins og Áfrýjunarnefndar
samkeppnismála. „Þar liggja fyrir
niðurstöður dómkvaddra mats-
manna sem staðfesta að útreikn-
ingar Samkeppniseftirlitsins eru
rangir og niðurstöðurnar eru því
rangar. Í sömu matsgerð er því
einnig slegið föstu að ávinningur af
samráði hafi verið óverulegur eða
enginn, sem er mergur málsins
þegar kemur að skaðabótamálun-
um. Þess vegna segi ég að dómur
Hæstaréttar í máli Reykjavíkur-
borgar gegn olíufélögunum breytir
engu um málshöfðun olíufélaganna
gegn Samkeppniseftirlitinu. Því er
eiginlega drepið á dreif af ríkinu
sjálfu vegna þess að núna er verið
að vinna að matsgerð að þeirra
beiðni, sem mun taka marga mán-
uði. Ef Samkeppniseftirlitið ætlar
að vera samkvæmt sjálfu sér miðað
við yfirlýsingu lögmanns þess þá
ætti að fella þessar matsgerðir nið-
ur og kalla eftir dómi í málinu
strax, sem ég reikna ekki með að
þeir hafi áhuga á,“ segir Kristinn.
Nýir eigendur hafa komið að Ol-
íufélaginu (nú N1) eftir að Sam-
keppnisstofnun gerði rannsókn
sína. Að sögn Kristins var búið að
taka ákvörðun um að skipta Olíufé-
laginu upp skömmu áður en sam-
keppnisyfirvöld gerðu húsleit hjá
olíufélögunum 18. desember 2001.
„Það var búið að taka ákvörðun um
að færa rekstur olíufélagsins
þ.e.a.s. þann hluta starfseminnar
sem laut að innflutningi og sölu á
fljótandi eldsneyti og skyldri starf-
semi, yfir í sérfélag. Nokkrum dög-
um áður, þ.e. 14. desember, var
stofnað félag sem heitir Olíufélagið
ehf. Það tók yfir þessa starfsemi
frá og með 1. janúar 2002. Það var
sú starfsemi sem var seld í febrúar
2006 þannig að nýir eigendur voru
ekki að kaupa neitt sem kom þess-
um rekstri við frá fyrri tíð. Þeir
þurfa því ekkert að hafa áhyggjur
af þessum gömlu málum. Það er
Ker sem heldur á þeim ávirðingum
og mun ljúka því máli.“
Einstakur dómur og
ekki fordæmi öðrum
Bótamálin snúa að Keri, ekki nýjum eigendum Olíufélagsins
Árvakur/Kristinn
Sala Eignarhaldsfélagið Ker ber kostnað af málarekstri sem beinist að fé-
laginu vegna verðsamráðs. Ker seldi Olíufélagið sem í dag heitir N1.
CESSNA 310 flugvélar komu fyrst fram á sjónarsviðið
snemma á 6. áratugnum og þróuðust mikið fram á þann
áttunda. Þær þykja almennt góðar og þægilegar vélar og
munu þrjár slíkar vélar vera til hérlendis. Stærsti galli
þeirra hefur falist í mjög flóknu bensínkerfi, sérstaklega
í eldri vélunum, sem krefst þess að flugmenn gjörþekki
kerfið. Gallinn hefur falist í því að töluverður hluti elds-
neytis getur runnið af vélinni um yfirfall á bensíntanki ef
annar hreyfillinn missir afl. Við þær aðstæður reynir
mjög á kunnáttu flugmanns. Þetta vandamál átti einkum
við á lengri flugleiðum og í áranna rás hafa orðið nokkuð
mörg slys í Bandaríkjum vegna þessa.
Cessna 310 er á hinn bóginn hraðskreið vél og miðað
við stærð er hún talin fljúga vel og hafa gott flugþol auk
þess sem hún þykir góð í vindi.
Einkum hafa vélar af þessari gerð verið notaðar í út-
sýnis- og leiguflug og fer vel um farþega þótt vélin teljist
ekki stór.
Saknað Þetta er flugvélin sem fór í sjóinn um 50 sjómílur vestan við Reykjanes. Vélin, sem er af gerðinni Cessna
310, var að koma frá Grænlandi og var einn maður um borð. Víðtæk leit var gerð að vélinni síðdegis í gær.
Cessna 310 þekktar fyrir
mjög flókið bensínkerfi