Morgunblaðið - 12.02.2008, Blaðsíða 16
16 ÞRIÐJUDAGUR 12. FEBRÚAR 2008 MORGUNBLAÐIÐ
AKUREYRI
STEFNT er að því að hefja fram-
kvæmdir við byggingu líknardeildar
við Sjúkrahúsið á Akureyri í vor og
taka deildina í notkun snemma á
næsta ári. Sjúkrahúsið á Akureyri
(FSA) og Hjúkrunarþjónusta Eyja-
fjarðar ehf. (HE) hafa undirritað
viljayfirlýsingu þess efnis að FSA og
HE geri samning um þjónustu og
rekstur líknardeildar við FSA.
Heilbrigðisráðuneytið hefur falið
stofnuninni að undirbúa og hefja
rekstur líknardeildar, Alþingi hefur
heimilað FSA að gera leigusamning
um húsnæði fyrir starfsemina, og á
fjárlögum 2007 og 2008 voru fjárveit-
ingar til að undirbúa reksturinn.
Hjúkrunarþjónusta Eyjafjarðar
byggist á starfsemi Heimahlynning-
ar á Akureyri og er sérhæft þjón-
ustufyrirtæki í líknandi meðferð.
Bryndís Þórhallsdóttir, fram-
kvæmdastjóri HE, segir að líknar-
deild muni breyta mjög miklu fyrir
þann sjúklingahóp sem ekki hefur
átt í nein hús að venda nema bráða-
deildir, en þær henti ekki vel. „Við
leggjum áherslu á að líknardeild er
ekki bara fyrir deyjandi sjúklinga ,“
sagði Bryndís við Morgunblaðið.
HE er í eigu sjö hjúkrunarfræð-
inga sem standa að Heimahlynningu
á Akureyri. Bryndís segir markmið
fyrirtækisins að veita öfluga sér-
hæfða hjúkrunarþjónustu við ein-
staklinga með lífsógnandi sjúkdóma,
og fjölskyldur þeirra. Þjónustan sé
sjúklingum að kostnaðarlausu og
veitt eftir þörfum, á öllum stigum
sjúkdóms. Samhliða rekstri líknar-
deildar mun Hjúkrunarþjónusta
Eyjafjarðar ehf. veita sérhæfða
hjúkrun í heimahúsum, sem byggir á
núverandi starfsemi Heimahlynn-
ingar á Akureyri.
Deiliskipulag lóðar FSA sem nú er
til umfjöllunar hjá skipulagsyfirvöld-
um bæjarins gerir ráð fyrir að nýtt
húsnæði fyrir líknardeild verði sunn-
an við nýbyggingu sjúkrahússins. Að
skipulaginu samþykktu verður unnt
að hefjast handa við frekari hönnun
húsnæðis og undirbúning bygging-
arframkvæmda. Vonast er til þess að
sú vinna geti hafist mjög fljótlega.
Líknardeildin
í notkun í byrjun
næsta árs?
Árvakur/Skapti Hallgrímsson
Uppbygging Líknardeildin verður
á þessu svæði, sunnan við FSA.
Í HNOTSKURN
»Bjarmi líknarfélag ehf. varstofnað 2005 til að standa að
byggingu og rekstri fasteignar
fyrir líknardeild í samvinnu við
FSA. Að félaginu standa KEA,
Sparisjóður Norðlendinga, Odd-
fellowstúkurnar á Akureyri,
Lionsklúbbar, Minningarsjóður
Heimahlynningar á Akureyri,
Soroptimistaklúbbur Akureyrar
og Sjúkrahúsið á Akureyri.
HÚSIÐ að Hafnarstræti 86a er mikið skemmt eftir að
heitt vatn flæddi um aðra hæð þess og niður á þá fyrstu.
Slökkviliði var gert viðvart um að reyk legði undan
þaki hússins, en það reyndist gufa. Skemmda húsið er
það með bláa þakinu á myndinni, beint neðan við Sig-
urhæðir. Húsið hefur verið mannlaust um tíma.
Árvakur/Skapti Hallgrímsson
Ónotað hús mikið skemmt
ÖLLUM varúðarráðstöfunum hefur
verið aflétt varðandi flutninga á
hrossum til og frá bænum Hringsholti
í Dalvíkurbyggð. Hross á bænum
veiktust en að sögn dýralæknis er
ekki lengur talin hætta á að um smit-
sjúkdóm sé að ræða.
Það var um miðjan janúar að fór að
bera á veikindum í hrossum í Hrings-
holti og í nokkrum hesthúsum á Ak-
ureyri. Hrossin sýndu hrossasóttar-
einkenni, þó misalvarleg, voru
listarlítil og með hita. Sýni voru tekin
til bakteríuræktunar og fleiri rann-
sókna en ekkert hefur enn greinst í
þeim sem útskýrt getur veikindin.
Veikindi eins og að framan er lýst
geta verið af ýmsum orsökum og eru í
raun ekki óalgeng í hrossum á gjöf.
Frá því hitasóttin gekk yfir landið, og
varð að líkindum landlæg, má einnig
reikna með því að sú veirusýking geti
stungið sér niður í hrossum sem ekki
hafa myndað ónæmi gegn henni. Ekki
er mögulegt að staðfesta það eða af-
sanna að hitasótt sé hér á ferðinni en
ekkert bendir til að hætta sé á að far-
aldur breiðist út á ný af völdum hita-
sóttar.
Í byrjun febrúar var á ný tilkynnt
um nokkur veik hross í Hringsholti og
er líklega um svokallaða hræeitrun að
ræða; fóðureitrun af völdum bakteríu.
Hræeitranir eru ekki óþekktar á Ís-
landi þó svo þær séu ekki algengar.
Þær eru mjög alvarlegar og valda yf-
irleitt mjög miklu tjóni þar sem þær
koma upp, jafnvel geta heilu hrossa-
stóðin farist. Ekki hefur áður orðið
vart við hræeitrun í Eyjafirði svo vit-
að sé, en hún hefur í seinni tíð valdið
tjóni á afmörkuðum stöðum í Skaga-
firði og Vestur-Skaftafellssýslu. Ekki
hefur orðið vart hræeitrunar í öðrum
húsum að Hringsholti.
Ekki talin hætta á faraldri
Líklega ekki um smitsjúkdóm að ræða í Hringsholti
Egilsstaðir | Alþjóðlega mynd-
bands- og kvikmyndahátíðin 700IS
Hreindýraland 2008 er nú í undir-
búningi. Hún hefst 29. mars n.k. og
stendur til 5. apríl. Þetta verður í
þriðja sinn sem hátíðin er haldin og
nýtur hún mjög vaxandi athygli með-
al listafólks á vettvangi sjónlista.
Kristín Scheving er framkvæmda-
stjóri og upphafsmaður hátíðarinnar
og segir hún mikinn áhuga vera fyrir
viðburðinum og mörg góð verk hafa
borist frá öllum heimshornum.
Dagskráin er í burðarliðnum og
verður að vanda viðamikil. Til stend-
ur að opna hátíðina í menningarhús-
inu Sláturhúsinu á Egilsstöðum með
verkum Tom Goulden (Jiroe) og Sig-
rúnar Lýðsdóttur.
Erlendir nemar og kennarar
„Þetta verður vikulöng veisla með
sýningum á verkum í Sláturhúsinu á
Egilsstöðum; gjörningum, innsetn-
ingum og öðru skemmtilegu,“ segir
Kristín. „Í Galleríi Bláskjá á Egils-
stöðum geta listamennirnir hist og
talað saman, lesið orð hinna lista-
mannanna og bækur. Á Eiðum verð-
ur vikulangt námskeið, ásamt öðrum
viðburðum, á Skriðuklaustri verða
þrjár myndir sýndar þar og á Höfn í
Hornafirði er dagská samstarfsaðila
okkar í San Francisco. Síðast en ekki
síst verður dagskrá á Café Valný á
Egilsstöðum þar sem vídeóljós-
myndir úr vídeóverkunum verða til
sýnis.“
Kristín segir sérstaklega spenn-
andi á hátíðinni í ár að fá nema og
kennara frá listaháskóla í Manchest-
er, Englandi (MMU), Arizona,
Bandaríkjunum (ASU), og einnig
nemendur úr lista- og kvikmynda-
skólum í Noregi og Íslandi. „Þetta er
út af námskeiði sem haldið verður á
Eiðum í tengslum við hátíðina og er
það með þemanu leikur á mynd,
(Performance on Camera). Enn er-
um við að fá staðfest hverjir kenna,
þannig að við munum setja það á vef-
inn okkar, www.700.is, eins fljótt og
auðið er.
700IS 2007 fór í skemmtilegt
ferðalag í fyrra og gengu sýningarn-
ar mjög vel og hafa þessir samstarfs-
aðilar í St. Pétursborg í Rússlandi,
Manchester í Englandi og Arizona í
Bandaríkjunum óskað eftir áfram-
haldandi samstarfi. Við stefnum á
það, sem þýðir að flest þeirra verka
sem valin verða til sýninga munu
fara í ferðalag til þessara landa
ásamt norræna túrnum sem við
stefnum á.“
Kristín hefur kynnt hátíðina er-
lendis með fyrirlestrum, m.a. í Rúss-
landi hjá Filmcentre Bodina, í Man-
chester Metropolitan University og
Englandi og University of Phoenix í
Bandaríkjunum.
Alþjóðlegur listvafn-
ingur á 700IS í mars
Ljósmynd/Katarina Mistal
Auðn Úr nýrri stuttmynd sænska listamannsins Katarinu Mistal, Hunter.
Hún tekur þátt í 700IS Hreindýraland sem hefst 29. mars á Egilsstöðum.
Rússar, Bretar og
Bandaríkjamenn á
Hreindýralandi ’08
Í HNOTSKURN
»Myndbands- og kvik-myndahátíðin 700IS Hrein-
dýraland verður haldin í lok
mars á Egilsstöðum.
»Hátíðin vekur alþjóðlega at-hygli og berast nokkur
hundruð verk árlega, en hún var
fyrst haldin árið 2006.
»700IS stendur í viku og ferfram á Egilsstöðum, Eiðum, í
Fljótsdal og Höfn í Hornafirði.
Neskaupstaður | Íþróttamaður Þróttar árið 2007 er Miglena Apostolova,
sem spilar blak með Þrótti og íslenska landsliðinu.
Þrír voru tilnefndir auk Miglenu; Rajko Rajkovic fyrir knattspyrnu,
Marteinn Þór Pálmason skíðamaður og Hrönn Hilmarsdóttir fyrir sund.
Miglena hefur undanfarin ár verið ein af sterkustu blakkonum landsins
og þjálfari yngri flokka Þróttar. Blakdeild félagsins hefur lengi verið afar
sterk á landsvísu. Miglena var nýlega útnefnd blakkona ársins hjá BLÍ.
Ljósmynd/Þróttur
Framúrskarandi Hrönn Hilmarsdóttir, Marteinn Þór Pálmason, Miglena
Apostolova og Rajko Rajkovic eru bestu íþróttamenn Þróttar Neskaupstað.
Miglena efst hjá Þrótti
Egilsstaðir | Ferðafélag Fljótsdals-
héraðs áformar að byggja skála í
Loðmundarfirði. Fyrir á það gisti-
skála í Húsavík og Breiðuvík sunnan
Borgarfjarðar.
Ferðafélagið hefur sótt um lóð í
landi Klyppstaðar, ríkisjarðar í Loð-
mundarfirði, og vill byggja þar
snyrtingu og aðtöðuhús fyrir skála-
vörð, ásamt gistiskála. Hreppsnefnd
Borgarfjarðarhrepps fjallaði nýverið
á fundi um málið og segir m.a. að
bæði framkvæmdir og umgengni á
vegum félagsins í hreppnum hafi
verið til sóma. Mælt er með því að
ferðafélagið fái lóðina á Klyppstað til
uppbyggingar þjónustu fyrir ferða-
fólk í Loðmundarfirði. Þar var til
skamms tíma rekin ferðaþjónusta í
Stakkahlíð en er nú aflögð eftir að
jörðin var seld í fyrra.
Klyppstaður stendur fremur inn-
arlega í í Loðmundarfirði og var þar
kirkjustaður og prestsetur. Fjörður-
inn lagðist í eyði á sjöunda tug síð-
ustu aldar. Landbúnaðarráðuneytið
fer með forræði Klyppstaðar eins og
annarra ríkisjarða.
Vilja byggja skála
í Loðmundarfirði
AUSTURLAND