Morgunblaðið - 12.02.2008, Blaðsíða 17
MORGUNBLAÐIÐ ÞRIÐJUDAGUR 12. FEBRÚAR 2008 17
SUÐURNES
Suðurland | Eigendur Hótel Sólar,
sem eiga og reka nokkur hótel
víðs vegar um landið, hafa keypt
allt hlutafé í Islandia Hotel ehf.
fyrir milligöngu Saga Capital
Fjárfestingarbanka. Islandia Hotel
rekur Islandia Hótel Núpa sem er
staðsett í landi jarðarinnar Núpa
við Lómagnúp, um miðja vegu á
milli Kirkjubæjarklausturs og
Skaftafells.
Islandia Hótel Núpar er þriggja
stjörnu hótel, reist og tekið í notk-
un árið 2006. Hótelið hefur ein-
göngu verið opið yfir sumarmán-
uðina en það er búið 60
herbergjum og er fyrirhugað að
stækka um tuttugu.
Björgvin Þorsteinsson og Sverr-
ir Hermannsson eru eigendur Hót-
el Sólar.
Nýir eigendur
að Hótel Núpum
Eftir Guðfinnu Hreiðarsdóttur
Vigur | Tæplega aldargömul fjárhús
í eyjunni Vigur í Ísafjarðardjúpi
skemmdust mikið í aftakaveðrinu
sem gekk yfir landið síðasta föstu-
dag.
Vigur er í eigu þeirra bræðra Sal-
vars og Björns Baldurssona og segir
sá síðarnefndi að um fjórðungur
þaksins hafi fokið af húsunum og
dreifst um eyjuna. Ekki varð tjón á
öðrum mannvirkjum eða búfénaði en
húsin hafa ekki verið notuð í nokkur
ár.
Segir Björn að fjárhúsin, sem
rúma 120 til 140 fjár, hafi verið
byggð upp úr 1910 af langafa hans,
séra Sigurði Stefánssyni. Var hann
sóknarprestur í Ögurþingum um
áratuga skeið og alþingismaður fyrir
Ísafjörð og Ísafjarðarsýslu nær
óslitið frá 1886 til 1923. Séra Sig-
urður var mikill áhugamaður um bú-
skap og útgerð og jókst vegur eyj-
unnar mjög í hans búskapartíð.
Líklegt að húsin verði rifin
Björn segir að fjárhúsin hafi stað-
ið af sér nánast öll veður síðan þau
voru byggð fyrir tæpum 100 árum.
„Reyndar fauk hluti þaksins af fyrir
um 15 árum og síðustu ár hefur ein
og ein þakplata tínst af í vondum
veðrum en það hefur verið lagfært
jafnóðum. Það er hins vegar allsend-
is óvíst hvort gert verður við húsin
núna þar sem þau eru ekki notuð
lengur. Þetta er talsvert tjón og við-
gerð yrði kostnaðarsöm. Það er því
allt eins líklegt að fjárhúsin verði rif-
in,“ segir Björn að lokum.
Ljósmynd/Björn Baldursson
Gömlu fjárhúsin Nærri aldar gömul fjárhús í Vigur skemmdust í óveðrinu.
Hluti þaksins fauk af þeim og óvíst er talið að það borgi sig að gera við.
Skemmdir á aldar-
gömlum fjárhúsum
Hornafjörður | Bæjarráð og at-
vinnumálanefnd Sveitarfélagsins
Hornafjarðar hafa samþykkt að
leggja áherslu á verkefni tengd
matvælaframleiðslu við ráðstöfun
þeirra fjármuna sem félagsmála-
ráðuneytið úthlutar vegna mót-
vægisaðgerða í kjölfar samdráttar
í þorskveiðum.
Samþykkt var að 5,8 milljónir
kr. færu til matvælaframleiðslu og
að sérstök áhersla yrði að þessu
sinni lögð á verkefni á sviði sjáv-
arútvegs.
Þá var ákveðið að tvær milljónir
færu til að undirbúa vinnslu og út-
flutning á vatni úr héraðinu og ein
milljón rynni til atvinnuuppbygg-
ingar í tengslum við stofnun
Vatnajökulsþjóðgarðs.
Styðja verkefni
í sjávarútvegi
Eftir Ólaf Bernódusson
Skagaströnd | Samstarfssamningur
hefur verið undirritaður milli Sela-
seturs Íslands á Hvammstanga og
BioPol á Skagaströnd. Samningur-
inn kveður á um samstarf fyrirtækj-
anna við rannsóknir á líffræði og lifn-
aðarháttum sela.
Félögin hafa að undanförnu unnið
að könnun á möguleikum til sam-
starfs á sviði rannsókna. Markmið
þeirra með samningnum er að skil-
greina og fjármagna sameiginlega
ný rannsóknarverkefni sem snúa að
líffræði og lifnaðarháttum sela. Í
þessu sambandi hyggjast fyrirtækin
horfa til rannsóknarsjóða innanlands
og erlendis.
Samstarfssamninginn undirrituðu
í Selasetrinu á Hvammstanga þeir
Pétur Jónsson, framkvæmdastjóri
Selasetursins, og Halldór G. Ólafs-
son fyrir hönd BioPol.
BioPol og Sela-
setrið starfa saman
Ljósmynd/Guðmundur Jóhannesson
Samið Pétur Jónsson og Halldór G. Ólafsson innsigla samninginn.
Nýjar rannsóknir á lifnaðarháttum sela
LANDIÐ
FERÐAMÁLASAMTÖK Suður-
nesja vinna að því að gera alla
helstu ferðamannastaði svæðisins
aðgengilega fyrir hreyfihamlaða.
Verkefnið sem Ferðamálasam-
tökin hafa tekið að sér nefnist „Að-
gengi fyrir alla“ og hefur verið
undirbúið í samvinnu við Ferða-
málastofu, Öryrkjabandalag Ís-
lands og fleiri aðila. Að sögn Krist-
jáns Pálssonar, formanns
Ferðamálasamtakanna, verða
ferðamannastaðirnir teknir út með
tilliti til aðgengis fatlaðra og í
framhaldinu gerðar nauðsynlegar
úrbætur. „Við ætlum okkur að
verða fyrsta svæðið á landinu sem
vinnur þannig,“ segir Kristján.
Verkefnið nær til um þrjátíu
staða. Þegar úrbótum lýkur fá
staðirnir sérstaka merkingu frá
Ferðamálastofu og Öryrkjabanda-
laginu og segir Kristján að slíkar
merkingar geti nýst stöðunum og
svæðinu í heild við markaðssetn-
ingu.
Reykjanes efst á blaði
Fyrstu verkefnin verða við
Reykjanesvita og Valahnjúkasvæð-
ið, við Gunnuhver og Garðskaga-
vita. Stefnt er að því að reisa út-
sýnispall við Gunnuhver og að
þangað verði lögð brú sem fær er
hjólastólum. Þá er hugmyndin að
laga veginn í gegnum svæðið.
Stefnt er að því að setja upp þjón-
ustuhús við Reykjanes og leggja
brautir fyrir hjólastóla við Vala-
hnjúk og skipuleggja svæðið. Þá er
ætlunin að breikka göngubrúna að
gamla Garðskagavitanum. Þá eru
uppi hugmyndir um að setja flot-
bryggjur í Seltjörn og Kleifarvatn,
til að auka möguleika fatlaðra til
veiða. Kristján tekur fram að
nokkrir stórir ferðamannastaðir
uppfylli nú þegar öll skilyrði um
aðgengi hreyfihamlaðra, eins og til
dæmis Bláa lónið og söfn, og fái
þessir staðir viðeigandi merkingu
um leið og verkefninu verður form-
lega hleypt af stokkunum.
Lagfæringarnar eru í sumum til-
vikum afar kostnaðarsamar. Krist-
ján segir að ætla megi að heild-
arkostnaður nemi milljónatugum.
Ferðamálasamtökin munu sækja
um styrki í umhverfissjóð Ferða-
málastofu en Kristján segir að
sveitarfélögin, opinberar stofnanir
og einstök fyrirtæki muni standa
undir kostnaði af vissum úrbótum.
Bætt aðgengi að
ferðamannastöðum
Morgunblaðið/ÞÖK
Aðgengi Gunnuhver er ofarlega á
forgangslista FSS um úrbætur.
Í HNOTSKURN
»Gerð verður úttekt á aðgengiað helstu ferðamannastöðum
á Suðurnesjum og ráðist í úrbæt-
ur þar sem þörf er á.
»Staðirnir sem uppfylla skil-yrði verða merktir sér-
staklega. Talið er að verkefnið
geti nýst við markaðssetningu
staðanna og svæðisins í heild.
Eftir Helga Bjarnason
helgi@mbl.is
Vogar | „Fíkniefnaheimurinn er ótrú-
lega nálægt okkur og heggur inn í
ýmsar fjölskyldur. Hann getur snert
okkur öll,“ sagði Sveinn Alfreðsson,
skólastjóri Stóru-Vogaskóla við upp-
haf fundar um fíkniefnaforvarnir í
Vogunum sem haldinn var í Stóru-
Vogaskóla í gær.
Mikil umræða hefur verið um for-
varnamál og fíkniefnavarnir í Vogum
að undanförnu. Á fjölmennum íbúa-
fundi í janúar var ákveðið efna til ann-
ars fundar í febrúar og var hann hald-
inn í gærkvöldi. Að honum stóðu
Stóruvogaskóli, tómstunda- og for-
varnafulltrúi sveitarfélagsins og
sóknarprestur Kálfastrandarpresta-
kalls. Þá hefur verið unnið sérstak-
lega að vímuefnavörnum í Stóruvoga-
skóla.
„Við vitum að þetta er vandamál í
samfélaginu, allir krakkar kannast
við þetta á einhvern hátt,“ sagði
Sveinn í samtali við Morgunblaðið.
Unnið hefur verið að forvarnaverk-
efnum í skólanum og skólastjórinn
hefur haft beint samband við foreldra
í vissum tilvikum. „Ég tel það skyldu
okkar sem skólafólks að gera allt sem
í okkar valdi stendur til að koma í veg
fyrir að börnin lendi í þessu,“ sagði
Sveinn og benti á að enginn væri
öruggur í þessum efnum. Á fundinum
lagði hann áherslu á samstöðu um að
uppræta eiturlyfin og koma þeim út
úr bænum.
Kynntar voru áherslur þeirra sem
að fundinum stóðu. Forstöðumaður
forvarnaverkefnisins Lundar kynnti
starfsemina og ræddi um afneitun að-
standenda og meðvirkni og félagar úr
Lundi sögðu frá reynslu sinni. Þá lýsti
læknir ástandinu á slysa- og bráða-
deild og einkennum og afleiðingum
neyslu hjá vímuefnaneytendum.
Fíkniefnaheimurinn er
ótrúlega nálægt okkur
Morgunblaðið/Helgi Bjarnason
Forvarnir Erlingur Jónsson kynnti starfsemi forvarnaverkefnisins Lundar á fundi um fíkniefnaforvarnir í Stóru-
Vogaskóla í gær. Fundurinn var einkum ætlaður foreldrum en fundarmenn voru á öllum aldri.
♦♦♦