Morgunblaðið - 13.02.2008, Page 6

6 MIÐVIKUDAGUR 13. FEBRÚAR 2008 MORGUNBLAÐIÐ
FRÉTTIR
KVENRÉTTINDAFÉLAG Íslands
(KRFÍ) hefur haft þann háttinn á
undanfarin ár að vekja sérstaka
athygli landsmanna á því þegar
kona velst til forystustarfa á sviði
þar sem karlar hafa eingöngu
gegnt forystu fram að því.
Sigríður Lillý Baldursdóttir var
fyrir skemmstu skipuð forstjóri
Tryggingastofnunar ríkisins,
fyrst kvenna, og fulltrúar úr
stjórn KRFÍ færðu henni af því
tilefni blómvönd í viðurkenning-
arskyni.
Þess má til gamans geta að
Sigríður Lillý var formaður
Kvenréttindafélags Íslands á ár-
unum 1997-1999. Morgunblaðið/Valdís Thor
Blóm til
fyrsta
kvenfor-
stjóra TR
Eftir Rúnar Pálmason
runarp@mbl.is
IÐGJALD kaskótrygginga tekur að vissu marki
mið af verðmæti bílanna sem eru tryggðir, sam-
kvæmt upplýsingum frá Sjóvá og Vátrygginga-
félagi Íslands. Bæði félögin hafa það til skoðunar
hvort hugsanlega þurfi að kveða fastar að þessu.
Það hefur væntanlega ekki farið fram hjá nein-
um að dýrum bílum og lúxusjeppum hefur fjölgað
gríðarlega á undanförnum árum og er hlutfall
fjölgunarinnar a.m.k. í réttu hlutfalli við uppsveifl-
una í efnahagslífinu og auðveldara aðgengi að
bílalánum. Það er að sjálfsögðu ekkert grín þegar
slíkar drossíur skemmast í umferðaróhöppum og
reikningurinn frá verkstæðinu getur verið hár.
Þannig kosta t.d. framljós á ákveðna bíltegund
260.000 kr. og það getur auðveldlega kostað um
300.000 kr. að skipta um framhurð á lúxusjeppa.
Flestir rándýru bílanna eru kaskótryggðir,
bæði vegna þess að eigendurnir vilja ekki greiða
dýrar viðgerðir beint úr eigin vasa og bílalána-
stofnanir gera kröfu um að bílarnir þeirra séu
kaskótryggðir.
Að sögn Guðmundar Arnar Gunnarssonar, for-
stjóra Vátryggingafélags Íslands, tekur iðgjald
kaskótrygginga mið af verðmæti bílsins sé hann
dýrari en sex milljónir, þ.e.a.s. iðgjaldið hækkar
þegar sex milljóna króna markinu er náð, í hlut-
falli við verðmæti bílsins. Hjá Sjóvá byrja bíleig-
endur að borga aukaálag á iðgjald af bílum sem
kosta átta milljónir eða meira.
Mikið tap varð af kaskótryggingum trygginga-
félaganna árið 2006 eða alls um 720 milljónir á
meðan um eins milljarðs króna hagnaður varð af
lögbundinni ábyrgðartryggingu ökutækja. Þessar
tölur eiga við um öll tryggingafélögin samanlagt.
Að sögn Guðmundar var rekstrarniðurstaða
kaskótrygginga betri á árinu 2007, þótt þessi
tryggingagrein hafi verið rekin með tapi. Í sama
streng tekur Auður Daníelsdóttir, framkvæmda-
stjóri tjónasviðs Sjóvár. Þau segja bæði að hagn-
aður af lögbundnu tryggingunum sé ekki notaður
til að niðurgreiða kaskótryggingar.
Lögboðin ábyrgðartrygging ökutækja tekur að-
eins að takmörkuðu leyti mið af verðmæti bílanna.
Guðmundur bendir á að um 70% af tjóna-
greiðslum vegna lögbundnu trygginganna séu
vegna líkamstjóns. „Tölfræðin segir okkur að
stóru og dýru bílarnir koma ekki endilega verr út
úr tjónum en ódýru bílarnir,“ segir hann. Þar af
leiðandi séu ekki forsendur til þess að láta iðgjald
lögbundinna trygginga taka meira mið af verð-
mæti bílanna.
Iðgjald tekur mið af verði
 Eigendur dýrra bíla greiða hærri iðgjöld af kaskótryggingum  Ný hurð á
lúxusjeppa kostar um 300.000 krónur og framljós geta kostað 260.000 krónur
Í HNOTSKURN
» Verðmunur á bílum hefur aukist mjög.» Fyrir um áratug voru fáir á dýrum bílumog það var á margra vitorði ef einhver
keypti dýran lúxusbíl. Nú eru fjölmargir bílar
í umferð sem kosta langt yfir 10 milljónir.
» Þetta er ein ástæðan fyrir því að verið erað endurskoða gjaldskrá kaskótrygginga.
UMHVERFISRÁÐUNEYTIÐ hef-
ur auglýst eftir framkvæmdastjóra
Vatnajökulsþjóðgarðs, en umsókn-
arfrestur rennur út 18. febrúar nk.
Framkvæmdastjóri starfar með
stjórn þjóðgarðsins og fylgir eftir
ákvörðunum stjórnar í umboði
hennar, auk þess sem hann vinnur
náið með þjóðgarðsvörðum garðsins.
Starfið er auglýst án staðsetning-
ar, en áskilið er að búseta hans þjóni
hagsmunum þjóðgarðsins. Í fundar-
gerð stjórnar þjóðgarðsins frá des-
ember sl. kemur fram að það sé
sameiginlegur skilningur stjórnar-
manna að orðalag auglýsingarinnar
feli í sér að framkvæmdastjóri verði
staðsettur í einu af þeim átta sveit-
arfélögum, sem eiga land að þjóð-
garðinum eða á höfuðborgarsvæð-
inu. Jafnframt var samþykkt að
staðsetning framkvæmdastjóra yrði
endurskoðuð um sama leyti og end-
urskoða á stjórnfyrirkomulag fyrir
Vatnajökulsþjóðgarð, þ.e. fyrir 1.
janúar 2013.
Leita fram-
kvæmda-
stjóra
♦♦♦
ÞÓRUNN Svein-
bjarnardóttir
hyggst, að sögn
Önnu Kristínar
Ólafsdóttur, að-
stoðarmanns ráð-
herra, ekki tjá sig
í fjölmiðlum um
væntanlegan rök-
stuðning sinn
vegna ráðningar í
stöðu forstjóra
Umhverfisstofnunar. „Við munum
svara þessum beiðnum um rökstuðn-
ing eins og lög gera ráð fyrir,“ segir
Anna Kristín.
Eins og greint var frá í blaðinu í
gær hefur einn umsækjenda þegar
óskað eftir rökstuðningi auk þess
sem Árni Bragason náttúrufræðing-
ur hefur lýst því yfir að hann hyggist
óska eftir rökstuðningi ráðherra.
Rökstuðn-
ingur kemur
Þórunn Svein-
bjarnardóttir
♦♦♦
LÖGREGLAN á höfuðborgarsvæð-
inu upplýsti nýverið stuld á jeppa-
bifreið í Hafnarfirði. Bifreiðinni
hafði verið stolið fyrir utan heimili
eigandans um nótt, en strax daginn
eftir að kæran barst fékk lögreglan
ábendingu um að sést hefði til
þriggja ungra pilta á bifreiðinni í Ás-
landshverfi.
Eftir að lögregla grennslaðist fyr-
ir um bifreiðina var rætt við ungan
pilt. Kom upp úr krafsinu að þrír sex-
tán ára piltar höfðu tekið jeppann,
ekið honum um hverfi Hafnarfjarðar
og í kjölfarið upp að Hvaleyrarvatni,
þar sem bifreiðin festist í snjóskafli.
Sextán ára á
stolnum jeppa
Á SÍÐASTA ári dró nokkuð úr
flutningum fólks til landsins miðað
við fyrri ár og nam fjöldi aðfluttra
umfram brottflutta erlenda rík-
isborgara 3.352 einstaklingum en
brottfluttir íslenskir ríkisborgarar
voru 255 fleiri en aðfluttir. Þetta
kemur fram í nýjum tölum Hagstofu
Íslands.
Árin 2005 og 2006 var flutnings-
straumur fólks frá útlöndum óvenju
mikill og árið 2006 voru aðfluttir
umfram brottflutta 5.255 manns. Ef
einungis er litið til erlendra rík-
isborgara nam þessi tala 5.535
manns árið 2006. Flutningsjöfnuður
meðal íslenskra ríkisborgara var
aftur á móti neikvæður; brottfluttir
voru 280 fleiri en aðfluttir.
Það mikla þensluskeið sem ríkt
hefur hér á landi undanfarin ár dró
til sín mun fleiri karla en konur frá
útlöndum, segir í samantekt Hag-
stofunnar. Þannig fluttu hingað
meira en tvöfalt fleiri karlar en kon-
ur árin 2005 og 2006. Þetta var mik-
il breyting frá því sem verið hafði
tvo síðustu áratugi þar á undan en
þá komu allajafna fleiri konur en
karlar. Árið 2007 má aftur merkja
breytingu en þá var flutningsjöfn-
uður meðal karla og kvenna nær
jafn.
Allmiklar breytingar hafa líka
orðið á flutningum innanlands und-
anfarin ár. Í fyrra voru flutningar
innanlands 58.136 talsins. Þetta er
nokkur fjölgun frá árinu áður en þá
voru innanlandsflutningar 51.060.
Áberandi breytingar hafa orðið á
flutningum milli landsvæða und-
anfarin ár. Mikið hefur dregið úr
því forskoti sem höfuðborgarsvæðið
hafði á aðra landshluta. Ef einungis
er litið til innanlandsflutninga flytj-
ast nú fleiri frá höfuðborgarsvæð-
inu en til þess.
Eins og undanfarin ár draga Suð-
urnesin til sín flesta íbúa en þar var
flutningsjöfnuður 50 á hverja 1.000
íbúa. Flutningsjöfnuður er jákvæð-
ur á Suðurlandi og Vesturlandi og
munar þar mest um flutninga til
sveitarfélaga í nágrenni höfuðborg-
arsvæðisins. Eins og mörg und-
anfarin ár fluttust hlutfallslega
fleiri frá Vestfjörðum en nokkru
öðru landsvæði. Breyting hefur orð-
ið í flutningsjöfnuði í milli-
landaflutningum til einstakra land-
svæða frá síðasta ári, einkum þó á
Austurlandi. Í hlutfalli við íbúa-
fjölda fluttu mun fleiri einstaklingar
til Austurlands frá útlöndum en til
annarra landsvæða árin 2004-2006.
Nú er þessu öfugt farið og flutnings-
jöfnuður í millilandaflutningum er
þar nú neikvæður.
Tvöfalt fleiri karlar en konur fluttu hingað árin 2005 og 2006


    

       
     

  
  
 





 



  
 


  
 


    



  
 !

    



























 





 














       


Dregur úr flutningum til landsins
TAKMÖRKUN andaveiða á linda-
svæðum verður skoðuð í tengslum
við aðrar tillögur um friðanir, eink-
um þær er snúa að fuglum. Þetta
segir Anna Kristín Ólafsdóttir, að-
stoðarmaður umhverfisráðherra.
Í grein sinni sl. sunnudag rifjaði
Halldór Blöndal upp að þáverandi
umhverfisráðherra, Sigríður Anna
Þórðardóttir, leitaði á sínum tíma
eftir umsögn Náttúrufræðistofnunar
á málinu. Í skýrslu Náttúrufræði-
stofnunar frá 2005 leggur hún til að
vetrarveiðar á fuglum verði bannað-
ar á alls sex votlendis- og lindasvæð-
um sem talin eru upp í skýrslunni.
Til skoðunar
í ráðuneytinu
♦♦♦