Morgunblaðið - 22.02.2008, Blaðsíða 4
4 FÖSTUDAGUR 22. FEBRÚAR 2008 MORGUNBLAÐIÐ
FRÉTTIR
SKOÐUN á mögu-
leikum lestarsam-
gangna í Reykjavík fer
fram á vettvangi
Reykjavíkurborgar ef
tillaga minnihlutans í
borgarstjórn verður
samþykkt, að sögn
Dags B. Eggertssonar.
Tillagan var lögð fyrir
fund borgarráðs sem
haldinn var í gær og
hlaut tillagan jákvæð viðbrögð í borg-
arráði. Henni var vísað til umsagnar um-
hverfis- og samgönguráðs en búist er við
að borgarráð afgreiði hana eftir viku.
Skoðun á möguleikum lestarsamgangna
var m.a. studd eftirfarandi rökum:
Ein meginniðurstaða nýafstaðinnar
hugmyndasamkeppni um heildarskipulag
Vatnsmýrarinnar er að fjölmargir þátt-
takendur tefla fram lestarsamgöngum
sem framtíðarsamgöngumáta fyrir
Reykjavík, höfuðborgarsvæðið og tengslin
við alþjóðaflugvöllinn í Keflavík. […]
Tilkoma Tónlistar- og ráðstefnuhússins
við Austurhöfn, stóraukinn fjöldi ferða-
manna og fullkomin ráðstefnuaðstaða
hlýtur enn fremur að kalla á að kostir þess
að hraðlest gangi milli Keflavíkurflug-
vallar og miðborgar Reykjavíkur verði
skoðaðir. Áður en varir verður litið á slík-
ar lestar sem sjálfsagðan hluta af ferða-
lagi til og frá flugvöllum.
Lestarsamgöng-
ur verði skoðaðar
Dagur B.
Eggertsson
EINN umsækjandi um stöðu forstjóra
Tryggingastofnunar hefur óskað eftir
rökstuðningi vegna ráðningar í embættið.
Félagsmálaráðherra skipaði 6. febrúar
Sigríði Lillý Baldursdóttur í embættið, en
skipunin er til fimm ára.
Að sögn Ragnhildar Arnljótsdóttur,
ráðuneytisstjóra í félagsmálaráðuneytinu,
hefur Þórey S. Þórðardóttir for-
stöðumaður óskað eftir að ráðherra rök-
styðji ráðninguna, en alls sóttu fimm um
starfið.
Ragnhildur segir að umsækjendum um
stöður sem þessar sé ávallt bent á það í
bréfi eftir að ákvörðun hefur verið tekin
um ráðningu að hægt sé að óska eftir rök-
stuðningi. Veittur er tveggja vikna frest-
ur til að senda inn ósk um rökstuðning og
rann sá frestur út 20. febrúar, að sögn
Ragnhildar.
Hún segir að ráðuneytið hafi nú tvær
vikur til að svara óskinni um rökstuðning
og það verði að sjálfsögðu gert innan
þeirra tímamarka.
Vill rökstuðning
vegna ráðningar
„ÞAÐ var ákveðið að slá til og kanna
þetta. Ég held að flestöllum finnist þetta
frábær aðstaða og þetta kemur mjög vel
út,“ segir Skúlína Hlíf Guðmundsdóttir,
trúnaðarmaður hjá HB Granda á Akra-
nesi, en 20 konum, sem nýlega var sagt
upp störfum hjá fyrirtækinu, var í gær
boðið að kynna sér starfsemi Hrafnistu-
heimilanna, en þar vantar fólk til starfa.
Skúlína segir að Verkalýðsfélagi
Akraness hafi borist skeyti um hvort
þær konur sem sagt var upp hjá HB
Granda á dögunum hefðu áhuga á að
kynna sér starfsemi Hrafnistuheim-
ilanna.
Konurnar hætta störfum hjá HB
Granda 1. júní næstkomandi. Um er að
ræða konur á öllum aldri og flestar hafa
starfað hjá HB Granda „frá fimm og upp
í fjörutíu ár“.
Að sögn Skúlínu eru konurnar farnar
að líta í kringum sig eftir annarri vinnu
á Akranesi en þar séu ekki mörg störf á
lausu sem flokkast geti sem hefðbundin
kvennastörf.
Fiskverkunarkonum hjá HB Granda boðið að kynna sér Hrafnistu
Árvakur/Valdís Thor
„Ákveðið að
kanna þetta“
Kynning Starfskonur HB Granda kynntu sér starfsaðstöðu á Hrafnistu í gær.
ÁTAKI á vegum Umhverfisstofn-
unar Sameinuðu þjóðanna (UNEP)
um að stefna að kolefnishlutleysi
var sett af stað á ráðherrafundi sem
haldinn var í Mónakó í gær. Ísland
er eitt af fjórum ríkjum sem taka
þátt í átakinu. Þórunn Sveinbjarn-
ardóttir umhverfisráðherra sat
fundinn.
Tilgangur átaksins er að vekja at-
hygli á dæmum um lausnir á sviði
loftslagsmála og sagði Þórunn við
tækifærið að þótt loftslagsbreyting-
ar væru alvarleg ógn væri mikil-
vægt að ganga bjartsýn til verks við
að finna lausn á vandanum. Það
kallaði á nýsköpun og tækniþróun.
Auk Íslands taka þátt í átakinu
Kosta Ríka, Noregur og Nýja-Sjá-
land. Þá taka þátt fjórar borgir og
fimm fyrirtæki sem stefna að því að
verða kolefnishlutlaus.
Ráðherra hafði einnig á orði að
Ísland teldi sig eiga heima í fram-
varðasveit ríkja í baráttunni gegn
loftslagsbreytingum. Mikið hefði
verið gert hér á landi en þó væri
mikið verk framundan við að afkola
alla þætti samfélagsins. í því sam-
hengi minntist hún t.a.m. á mikla
losun frá samgöngum. Þórunn sagði
spennandi verk að halda áfram á
leið til kolefnishlutleysis og Íslandi
gæti lært margt af öðrum, rétt eins
og að miðla af reynslu sinni, t.d. á
sviði jarðhitanýtingar.
Achim Steiner, framkvæmda-
stjóri UNEP, sagði m.a. að átakinu
væri ætlað að styðja við alþjóðlegar
samningaviðræður í kjölfar Balí-
fundarins um loftslagsmál í lok síð-
asta árs og byggja upp trú á að
hægt væri að ná árangri með
áþreifanlegum dæmum um afkolun.
Með afkolun og kolefnishlutleysi
er átt við að starfsemi hafi ekki í för
með sér nettólosun á koltvísýringi
og öðrum gróðurhúsalofttegundum.
Átak sem kallar á ný-
sköpun og tækniþróun
Framvarðarsveit Þórunn Sveinbjarnardóttir umhverfisráðherra sat ráð-
herrafundinn. Henni á hægri hönd er Erik Solheim og Achim Steiner.
„STARFSENDURHÆFINGIN á Kleppi
hefur dugað vel sl. áratugi, en við teljum að
nú sé kominn tími fyrir annars konar þjálfun
og að hún hafi forgang í bili,“ segir Hannes
Pétursson, sviðsstjóri lækninga á geðsviði
Landspítalans. Vísar hann þar til þess að í
stað starfsendurhæfingar og atvinnustarf-
semi í Bergiðjunni verði í endurhæfingarmið-
stöð á Kleppi aukin áherslu á iðjuþjálfun og
færniþjálfun sem geri fólk betur í stakk búið
til þess að búa utan spítalans og sjá um sig
sjálft. Segir hann þetta haldast í hendur við
aukin búsetuúrræði sem boðað hefur verið að
skila muni sér inn í kerfið á næstu þremur
árum.
Fram hefur komið í umræðunni að breyt-
ingin á starfsemi Bergiðjunnar sé hluti af
sparnaðaraðgerð á geðsviði Landspítalans.
Aðspurður vísar Hannes þessu á bug og
bendir á að boðuð breyting á búsetuúrræðum
fyrir geðsjúka verði ekki ódýrari en vistun á
spítalanum. Spurður um hvað taki við hjá
starfsmönnum Bergiðjunnar eftir 1. maí,
þegar boðuð lokun starfseminnar tekur gildi,
leggur Hannes áherslu á að engum hjá Berg-
iðjunni hafi verið sagt upp, þó einn hætti af
persónulegum ástæðum, enda sé ekki verið
að loka Bergiðjunni, aðeins breyta um hlut-
verk hennar. Bendir hann á að í stað starfs-
endurhæfingar verði boðið upp á færniþjálf-
un. Spurður hvort þeir starfsmenn sem nú
þegar búi utan spítalans og starfi hjá Berg-
iðjunni þurfi á slíkri þjálfun að halda svarar
Hannes því neitandi.
Vísar á félagsmálaráðuneytið
Spurður hvort einhver önnur starfsúrræði
bíði þessara starfsmanna þegar Bergiðjunni
verði lokað nú núverandi mynd segist Hann-
es vonast til þess að þeir geti ráðið sig hjá
fyrirtækjum á almennum markaði í stað þess
að vinna á vernduðum vinnustað á Kleppi.
Spurður hvort búið sé að undirbúa farveg
fyrir slíkt segist Hannes ekki þekkja það þó
það væri vissulega ákjósanlegt og vísar á fé-
lagsmálaráðuneytið um nánari svör og út-
færslu. Spurður hvort til tals hafi komið að
flytja starfsemi Bergiðjunnar til félagsmála-
ráðuneytisins svarar Hannes því neitandi.
Undirbúa boðuð búsetuúrræði
Sviðsstjóri lækninga á geðsviði segir að Bergiðjunni sé ætlað nýtt hlutverk
Í stað starfsþjálfunar ætlar Landspítalinn að leggja áherslu á færniþjálfun
Árvakur/Golli
ÚTHLUTUN fjárveitinga til að-
gerða í starfsmannamálum hefst um
næstu mánaðamót. Þetta kemur
fram í fréttatilkynningu frá skrif-
stofu borgarstjóra. Þar er rifjað upp
að borgarráð samþykkti 7. febrúar
sl. tillögu borgarstjóra um að verja
65 milljónum króna aukafjárveitingu
til sérstakra aðgerða í starfsmanna-
málum Reykjavíkurborgar á árinu
2008. Þetta fjármagn kemur til við-
bótar við þær 180 milljónir króna
sem áður hafði verið tekin ákvörðun
um og nemur því upphæðin samtals
245 milljónum króna.
Undanfarnar vikur hefur mann-
auðsskrifstofa í samráði við fagsvið
Reykjavíkurborgar unnið að nánari
útfærslu á því hvernig fénu skuli
skipt milli hinna ólíku fagsviða. Ráð-
gert er að 160 milljónir renni til
grunnskóla, 40 milljónir til leikskóla,
15 milljónir til velferðarsviðs, 15
milljónir til íþrótta- og tómstunda-
sviðs og 15 milljónir til annarra sviða
og skrifstofa.
Í fréttatilkynningunni kemur
fram að markmið aukafjárveiting-
anna sé að þakka starfsmönnum góð
viðbrögð við álagi vegna manneklu
síðustu mánaða og ítreka mikilvægi
þeirrar þjónustu sem starfsmenn
Reykjavíkurborgar inna af hendi við
borgarbúa.
Álagsgreiðslum
úthlutað fljótlega
Morgunblaðið/G. Rúnar