Morgunblaðið - 22.02.2008, Blaðsíða 13
MORGUNBLAÐIÐ FÖSTUDAGUR 22. FEBRÚAR 2008 13
ERLENT
Eftir Boga Þór Arason
bogi@mbl.is
JOHN McCain, sem verður að öllum
líkindum forsetaefni repúblikana,
hefur sakað dagblaðið The New
York Times um ófrægingarherferð á
hendur sér eftir að blaðið birti grein
um að hann kynni að hafa verið í
óviðurkvæmilegu sambandi fyrir
átta árum við konu sem var þá hags-
munavörður bandarískra fyrirtækja
í Washington.
McCain og umrædd kona, Vicki
Iseman, sem er nú fertug, neituðu
því að þau hefðu verið í ástarsam-
bandi en aðstoðarmenn þingmanns-
ins reyndu að stía þeim í sundur af
ótta við að náið samband hans við
fulltrúa þrýstihóps gæti valdið hon-
um álitshnekki þegar hann sóttist
eftir því að verða forsetaefni repúbl-
ikana í kosningunum árið 2000.
The New York Times sagði að á
þessum tíma hefði Iseman starfað
fyrir fyrirtæki sem hefðu átt hags-
muna að gæta í viðskiptanefnd öld-
ungadeildar Bandaríkjaþings.
McCain var þá formaður nefnd-
arinnar. Blaðið sagði að skjólstæð-
ingar Iseman hefðu gefið tugi þús-
unda dollara í kosningasjóð
McCains.
Iseman var tíður gestur á skrif-
stofu McCains á árunum 1999-2000
og var oft á samkomum sem tengd-
ust kosningabaráttu hans, sótti með-
al annars fjáröflunarkvöldverð í
Flórída og fór þaðan með honum til
Washington í einkaþotu í eigu skjól-
stæðings hennar.
„Þar sem þeir voru sannfærðir um
að þau væru farin að draga sig sam-
an skárust nokkrir af helstu ráð-
gjöfum hans í leikinn til að vernda
hann frá sjálfum sér,“ sagði í grein
The New York Times. Blaðið hafði
þetta eftir nokkrum ónafngreindum
mönnum sem tóku þátt í kosninga-
baráttu McCains.
Starfsliði öldungadeildarþing-
mannsins var sagt að halda Iseman
frá honum á opinberum samkomum
og takmarka aðgang hennar að
skrifstofu hans. Tveir fyrrverandi
samstarfsmenn hans ræddu málið
við hann nokkrum sinnum. „Báðir
sögðu þeir að McCain hefði viður-
kennt að hegðun hans hefði verið
óviðeigandi,“ sagði The New York
Times.
Talsmaður McCains brást hart við
greininni og sakaði blaðið um smán-
arlega „ófrægingarherferð“ og
„göturæsispólitík“. „McCain hefur
þjónað landinu í 24 ár með sæmd og
ráðvendni. Hann hefur aldrei brugð-
ist trausti almennings, aldrei gert
sérhagsmunahópum eða hags-
munavörðum greiða og ætlar ekki að
láta ófrægingarherferð draga at-
hyglina frá málefnunum sem eru í
veði í kosningunum.“
Talið er nánast öruggt að McCain
verði forsetaefni repúblikana og nýj-
asta skoðanakönnun Reuters og
Zogby International bendir til þess
að hann myndi sigra Hillary Clinton
en tapa fyrir Barack Obama verði
kosið á milli þeirra í komandi for-
setakosningum.
Verst „ófrægingarherferð“
McCain sakaður
um óviðeigandi
samband við
hagsmunavörð
»Ný skoðanakönnun
bendir til þess að
McCain myndi sigra
Hillary Clinton en tapa
fyrir Barack Obama
verði kosið á milli þeirra
í forsetakosningunum í
nóvember.
FÉLAGAR í Brúðuleikhúsi Jiangxi-héraðs í Kína láta hér brúðurnar leika
listir sínar fyrir börn í menningarhöll unglinga í Hanoi í Víetnam en þar
fer nú fram fyrsta alþjóðlega brúðuleikhúshátíðin. Hófst hún síðastliðinn
laugardag og lýkur á morgun. Eru þátttakendur frá 11 löndum, þar á með-
al frá Kína, Egyptalandi, Brasilíu, Taílandi, Singapore, Svíþjóð, Belgíu,
Indónesíu, Filippseyjum og Víetnam.
AP
Brúðurnar bregða á leik
á fyrstu alþjóðahátíðinni
SEX mánaða vopnahléi íraska sjíta-
klerksins Moqtada al-Sadrs og
hreyfingar hans, Mahdi-hersins, lýk-
ur á laugardag og er þess beðið með
mikilli eftirvæntingu hvaða ákvörð-
un hann tekur um framhaldið. Hann
hefur verið Bandaríkjamönnum erf-
iður ljár í þúfu en víst er, að vopna-
hléð hefur átt stóran þátt í, að veru-
lega hefur dregið úr ofbeldisverkum
í Írak og einkanlega í Bagdad.
Sadr skipaði fyrir um vopnahléð í
ágústlok og síðan hefur hann notað
tímann til að treysta tökin á Mahdi-
hernum og losa sig við þá, sem ekki
fóru eftir fyrirmælum hans. Hazim
al-Aajari, einn helsti ráðgjafi Sadrs,
segir, að Sadr sé nú að ráðfæra sig
við klerka, þingmenn og háttsetta
menn innan hreyfingarinnar og
muni ekki taka neina ákvörðun nema
að vel athuguðu máli. Sagði Aajari,
að herinn, um 60.000 manns, hefði
verið endurskipulagður og óæskileg-
um öflum bolað burt.
Eins og fyrr segir voru litlir kær-
leikar með Sadr og Bandaríkja-
mönnum en nú hrósa þeir honum á
hvert reipi fyrir samfélagslega
ábyrgð og þátt hans í að draga úr
væringum og ofbeldi í landinu. Ljóst
er hins vegar, að Sadr ætlar sér stór-
an hlut í Írak á næstu árum og hann
virðist tilbúinn til að berjast um for-
ystuna meðal sjíta við aðra sjíta-
hreyfingu, Íslamska æðstaráðið,
undir forystu Abdel Aziz al-Hakims.
Hefur oft komið til blóðugra átaka
milli þeirra.
Aajari sagði, að Mahdi-herinn
hefði ekki fengið neitt í staðinn fyrir
vopnahléð, þvert á móti hefðu
Bandaríkjamenn og stjórnvöld fang-
elsað um 1.000 liðsmenn hans, pynt-
að aðra og drepið. Hann lagði samt
áherslu á, að þótt liðsmenn Mahdi-
hersins væru bardagaglaðir, myndu
þeir fara eftir fyrirmælum foringja
síns. Sagði hann unnt að beita öðrum
vopnum en byssunum einum, til
dæmis allsherjarverkfalli, sem
myndi lama allt líf í Bagdad.
Breski blaðamaðurinn Patrick
Cockburn, höfundur bókarinnar
„Moqtada al-Sadr, uppgangur sjíta
og átökin um Írak“, sem kemur út í
maí, telur það ólíklegt, að Sadr muni
aflýsa vopnahléinu. Enn um sinn
þjóni það best hagsmunum hans
hans að halda friðinn.
Vopnahléi al-
Sadrs að ljúka
Afstöðu hans beðið með eftirvæntingu
VÍSINDAMENN í París hafa fundið
upp efni sem líkist gúmmíi, en hefur
þann nýstárlega eiginleika að rifni
það í sundur er unnt að gera við það
með því einu að þrýsta rifnu end-
unum saman í tiltekinn tíma. Ekki er
þörf á að hita efnið eða meðhöndla
það sérstaklega og engin samskeyti
myndast þar sem rifan var.
Efnið hefur ekki enn hlotið nafn,
en eiginleikar þess eru fengnir með
samsetningu sameindanna, sem líkja
mætti við litlar hendur er seilast
hver eftir annarri þegar efnið rifnar.
„Ef þú borar í vegg sem hefur ver-
ið meðhöndlaður með efninu mun
gatið jafnvel loka sér sjálft,“ segir
Ludwik Leibler, sem hefur stjórnað
rannsóknunum síðastliðin fimm ár.
Eiginleikar nýja efnisins þykja
byltingarkenndir og bjóða upp á
óteljandi möguleika við vöruþróun.
Barnaleikföng, málning, glervörur,
nælonsokkabuxur, dekk og bílavara-
hlutir eru meðal þess sem framleiða
mætti. Efnið er auðvelt til meðhöndl-
unar og er búist við að fyrstu vörurn-
ar komi á markað eftir tvö ár.
Hvorki lykkjuföll
né sprungin dekk?
TUGIR þúsunda
Serba söfnuðust
saman í miðborg
Belgrad í gær til að
mótmæla sjálfstæð-
isyfirlýsingu Kos-
ovo-héraðs. Skólum
var lokað í borginni
vegna mótmælanna
og boðið var upp á
ókeypis ferðir með
lestum. Mótmælin
voru friðsamleg þar
til nokkur hundruð mótmælenda
réðust inn í bandaríska sendiráðið
um kvöldið og kveiktu í því. Sendi-
ráðsstarfsmaður staðfesti við AP-
fréttastofuna í gærkvöldi að brunn-
ið lík hefði fundist eftir að eldar
höfðu verið slökktir. Ekki höfðu
verið borin kennsl á hinn látna, en
engir sendiráðsstarfsmenn munu
hafa verið við störf í gær. Einnig
var gerð atlaga að öðrum vestræn-
um sendiráðum í Belgrad.
Kveikt í sendi-
ráði í Belgrad
„ÍMYND göf-
ugmennsk-
unnar“ var yf-
irskrift mikillar
lofrullu um Ro-
bert Mugabe,
forseta Zimb-
abwe, í rík-
isrekna dag-
blaðinu Herald í
gær en þá varð
hann 84 ára. Á
það var hins vegar ekki minnst, að
verðbólgan í landinu er komin yfir
100.000%, stór hluti landsmanna
sveltur heilu hungri og drjúgur
hluti flúinn land. Efnahagslífið er
nú ein rjúkandi rúst.
Ímynd göfug-
mennskunnar
Robert Mugabe,
forseti Zimbabwe.
JARÐSKJÁLFTI, sem var 6,2 stig á
Richterskvarða, reið yfir Svalbarða
í fyrrinótt og er sá öflugasti sem
mælst hefur á norsku landsvæði, að
sögn norsku jarðvísindastofnunar-
innar Norsar.
Skjálftinn olli ekki tjóni. Skjálfta-
miðjan var undir hafsbotni um 140
kílómetra suðaustan við Longyear-
byen.
Skjálftans varð vart í Longyear-
byen og hann hefði valdið miklu
tjóni ef skjálftamiðjan hefði verið á
landi, að því er norska rík-
isútvarpið hafði eftir talsmanni
Norsar.
Mesti skjálfti í
sögu Noregs
BANNA ætti sölu
áfengis í stór-
mörkuðum í því
skyni að draga
úr drykkju, ekki
síst unglinga-
drykkju. Hefur
einn helsti ráð-
gjafi bresku
stjórnarinnar
lagt þetta til.
Julian le
Grand prófessor og formaður Heil-
brigðs Englands segir, að fólk eigi
að taka meðvitaða ákvörðun um
áfengisneyslu og því sé best, að
áfengissala sé í sérstökum versl-
unum. Nú sé því hins vegar stillt
upp eins og sælgæti í matvöruversl-
unum, stundum á niðursettu verði,
og fólk í raun tælt til að kaupa það
þótt erindið hafi verið allt annað.
Vill úthýsa
áfenginu
Áfenginu otað að
viðskiptavinum.
STUTT
Dalvegi 10-14 • Sími 5771170
Innrettingar
Drauma eldhu´s
XE
IN
N
IX
08
02
00
9
Ólga Mótmæl-
endur með fána
Serbíu.