Morgunblaðið - 22.02.2008, Blaðsíða 33
Þú varst ekki lengi að bjóða þeim að
koma með þeim á golfvöllinn á æf-
ingasvæðið. Ógleymanlegur tími sem
þau eiga í minningunni.
Ég er líka svo þakklát fyrir Sóley
og Isabellu sem hafa verið með ykkur
uppá næstum hvern dag síðastliðin 2
ár. Það var alltaf svo mikil gleði í
kring um þig og ömmu, þið hlóguð
svo að Isabellu að dansa og sunguð
með henni.
Elsku afi, við eigum ávallt eftir að
minnast þín með bros á vör og gleði í
hjarta. Megi Guð veita okkur styrk til
að komast í gegn um þessa erfiða
tíma. Góða ferð.
Rakel Dögg.
Elsku besti afi minn.
Þá ertu farinn og eigum við öll eftir
að sakna þín mikið.
Ég á eftir að sakna hlátursins og
fíflagangsins, allar þær stundir sem
ég hef átt með þér hafa verið frábær-
ar. Það var alltaf gaman að fylgjast
með þér og ömmu leika við hana Isa-
bellu Sigrúnu, þér þótti svo vænt um
hana og henni um þig. Á sunnudeg-
inum áður en þú kvaddir okkur þá
komu þú og amma til mín og Gísla í
heimsókn og kíktuð á nýju íbúðina
okkar. Ég er svo þakklát fyrir þær
stundir því aldrei hefði mér dottið i
hug að það væri síðasta skiptið sem
ég fengi að sjá þig. Ég var mikil afa-
stelpa þegar ég var lítil og voru það
ófáar stundirnar sem ég og Hulda
áttum hjá ykkur og þú sast í stólnum
þínum og leyfðir okkur að greiða hár-
ið þitt klukkustundum saman.
En alltaf varstu í góðu skapi, afi
minn, og er það einhvað sem við öll
eigum að taka til fyrirmyndar enda
lifðirðu mjög góðu lífi, áttir frábæra
konu, stóra fjölskyldu sem þykir svo
vænt um þig og góða vini. En ég rifja
alltaf upp jólin, afi minn, þegar hart
var barist um möndlugjöfina og vor-
um við farin að halda og höldum enn
að þú hafir alltaf haft aukamöndlu
upp í þér, því að einhvernveginn
tókst þér alltaf að vinna möndlugjöf-
ina jól eftir jól. Einnig er einn
skemmtilegasti tími ársins þegar við
fjölskyldan förum í bingó hjá ykkur á
jóladag, þar situr þú með þína jóla-
húfu og jólabindi sem spilar tónlist og
ert ótrúlega stoltur bingóstjóri.
Ég á alltaf eftir að hugsa til þín
þegar við stelpurnar erum að keppa í
körfubolta því alltaf á heimaleikjum
þá varst þú fyrstur á svæðið til að
hvetja okkur áfram, enda varstu svo-
kallað lukkutröllið okkar, sérstaklega
mitt.
Elsku afi minn, ég á eftir að sakna
þín svo mikið, en ég veit að þú átt allt-
af eftir að vera hjá mér alla tíð.
Blessuð sé minning þessa meist-
ara.
Sigríður Dóra.
Það hafði alltaf virst svo fjarstæðu-
kennt og erfitt að ímynda sér heim-
inn án Alberts afa. Því fannst okkur
sá dagur sem kjaftshögg, þegar við
neyddumst til að horfast í augu við þá
staðreynd að nú væri kveðjustund.
Við sjáum afa fyrir okkur stand-
andi á golfvellinum, með töffarasól-
gleraugun á andlitinu og sveiflandi
kylfunni í átt að sigri. Golfið átti vel
við hann afa, enda jarðbundinn mað-
ur með einstakt jafnaðargeð. Þó hafði
hann gaman af að gantast og sprella
og átti aldrei í erfiðleikum með að
hlæja að sjálfum sér. Stundirnar sem
við áttum með afa voru oft á tíðum við
hversdagslega iðju eins og uppvask,
en þar virtist hann hafa fundið sína
köllun í heimilishaldinu. Hér er upp-
vaskið nefnt sérstaklega, því þær eru
ófáar stundirnar sem við barnabörn-
in hjálpuðum afa að ganga frá leir-
tauinu. Nú, þegar hugsað er til baka,
þá rifjast þessi samvera með afa sér-
staklega upp. Svona hversdagslegir
hlutir virðast harla ómerkilegir en
geta skipt öllu, því við áttum okkur
ekki á því strax hversu dýrmætur
hann er.
Afi, enginn gerði ráð fyrir að þurfa
að kveðja þig þennan dag. Daginn áð-
ur hafði staðið til að fjölskyldan hitt-
ist öll en því hafði verið frestað, við
höfðum líka hlakkað til að fara með
litlu strákana okkar á golfvöllinn þinn
í smá sýnikennslu í sumar, eins og
rætt hafði verið um. Þín verður sárt
saknað, en nú taka minningarnar við,
þær glæða þig áfram lífi og við geym-
um þig í hugum okkar og hjörtum.
Við þökkum kærlega fyrir þann dýr-
mæta tíma sem við fengum með þér.
Fjóla, Kristján og fjölskyldur.
Látum hugann reika til ársins
1971, nokkrir áhugasamir eldhugar
taka sig saman og ráðast í það stór-
virki að undirbúa gerð golfvallar á
Hamri í Borgarbyggð. Undirbún-
ingsnefnd er stofnuð, samið við Borg-
arneshrepp um afnot af túnunum og
Golfklúbbur Borgarness stofnaður
tveimur árum síðar. Menn setja af
stað vinnu við undirbúning fram-
kvæmda og fyrstu golfhöggin eru
slegin á norðurtúnunum, menn byrja
með 3 brautir. Þrotlaus vinna fram-
undan, áhuginn óbilandi, samheldnin
og gleðin yfir hverju framfaraskrefi
öllu öðru yfirsterkari.
Einn af stofnendum golfklúbbsins,
Albert Þorkelsson, sem við kveðjum í
dag, er með frá upphafi, lætur sig
aldrei vanta, boðinn og búinn til allra
verka.
Starfið heldur áfram næstu ár,
samið er um stækkun golfvallarsvæð-
is við sveitarfélagið, Hamarshúsið
fæst fyrir félagsstarfið, breytir
miklu, kallar á enn meiri sjálfboða-
vinnu, hlúð er að gróðri, umhverfið
snyrt, trjárækt hefst. Á árinu 1995 er
9 holu golfvöllur tekinn í notkun,
menn halda áfram vegferðinni, stefn-
an er mörkuð, 18 holu golfvöllur skal
rísa á Hamri og ekki er linnt látum
fyrr en takmarkinu er náð og fullbú-
inn golfvöllur er formlega tekinn í
notkun sumarið 2007.
Hvað er þá betur til fundið en að
heiðursfélagi klúbbsins slái fyrsta
höggið við þessi tímamót? Enginn
annar en Albert Þorkelsson kemur til
greina og hann bregst við þegar hann
er beðinn á jafn jákvæðan hátt og
alltaf þegar til hans er leitað. Þegar
kappinn slær vígsluhöggið halda fjöl-
margir viðstaddir niðri í sér andan-
um, boltinn stefnir beint á holu en
skoppar síðan rétt aftur fyrir, hann
er hársbreidd frá því að fara holu í
höggi.
Aðrir munu rekja lífshlaup Alberts
nú þegar við kveðjum heiðursfélaga
okkar. Hitt er víst að saga Golfklúbbs
Borgarness og Alberts og eiginkonu
hans Sigríðar er samofin öll þessi ár
og eiga félagsmenn Golfklúbbsins
þeim hjónum ótal margt að þakka
fyrir gifturík störf.
Það kemur margt upp í hugann frá
þessum árum. Albert sat í fyrstu
stjórn klúbbsins, var gjaldkeri árin
1973 til 1983 og aftur 1988-1989. Sig-
urvegari var hann oft í sínum flokki á
meistaramótum klúbbsins og núver-
andi meistari í öldungaflokki. Hann
tók þátt í ótal golfmótum á lífsleiðinni
og vann til fjölda verðlauna.
Albert var ótrúlega ern á efri árum
og spilaði golf sem aldrei fyrr, orðinn
85 ára gamall, og síðasta golfsumarið
lækkaði kappinn í forgjöf, geri aðrir
betur.
Hugtök eins og jákvæði, bjartsýni,
eljusemi, nægjusemi, traust og áreið-
anleiki eru allt hugtök sem okkur fé-
lögum hans koma í hug í dag. Alltaf
tilbúinn að starfa og það voru ekki
margir dagarnir sem hann kom ekki
að Hamri til þess að gantast við
starfsmenn og félaga, leggja gott til
mála og fylgjast með. Slá nokkur
högg ef viðraði, vera félagi.
Við leiðarlok þakkar Golfklúbbur
Borgarness fyrir samfylgdina, braut-
ir Alberts og Golfklúbbs Borgarness
hafa legið saman í 37 ár.
Sigríði og öðrum aðstandendum
eru færðar samúðarkveðjur.
F.h. Golfklúbbs Borgarness,
Guðmundur Eiríksson
formaður.
Fallinn er frá okkur góður vinur
sem hafði mikil áhrif á okkur og var
stór hluti af því umhverfi sem við lif-
um og hrærumst í.
Albert Þorkelsson (Berti bakari)
var frumkvöðull í orðsins fyllstu
merkingu. Hann var ekki einungis
upphafsmaður hinna einu sönnu
súkkulaðisnúða, eftir því sem við best
vitum, því hann var ekki síst frum-
kvöðull í íþróttalífi Borgnesinga.
Hann var í framvarðarsveit í badmin-
tondeildinni og mikill skíðamaður að
ekki sé talað um golfið.
Þegar við kynnumst Berta þá var
hann komin á fullt í golfið og var að
sjálfsögðu komin í fremstu röð frum-
kvöðla þar. Minningarnar sem við
eigum um samskipti okkar við Albert
í Golfklúbbi Borgarness eru efni í
heila bók. Sögurnar um litla kallinn í
bláu peysunni verða geymdar og
sagðar á meðan við lifum, í það
minnsta.
Eins og við þekktum Albert þá var
hann ætíð brosandi, kátur, skemmti-
legur og alltaf tilbúinn til hjálpar
hvar og hvenær sem þurfti.
„Sumir eru betri en aðrir“ var oft
viðkvæðið hjá Berta þegar hann náði
góðum höggum á golfvellinum og
undirparaði holuna. Þau voru sann-
arlega mörg gullkornin sem komu af
vörum þessa einstaka félaga okkar.
Við minnumst þín með söknuði,
bros á vör og yl í hjarta. Þú hafðir
mikil og góð áhrif á okkur og alla í
kringum þig.
Blessuð sé minning þín, kæri vin-
ur.
Elsku Sigga, við sendum þér og
fjölskyldu þinni okkar innilegustu
samúðarkveðjur.
Stefán Haraldsson og
Haraldur Már Stefánsson.
MORGUNBLAÐIÐ FÖSTUDAGUR 22. FEBRÚAR 2008 33
Til afa míns.
Ég man hvernig þú komst
mér til að brosa þegar ég var
leið.
Hvernig þú fullvissaðir
mig um að allt færi vel.
Nú ertu farinn upp í
stjörnuheim. Þar vakir þú yf-
ir mér.
Hulda Loftsdóttir.
Elsku besti langafi. Mér
fannst svo gaman þegar ég
fékk að fara með þér á golf-
völlinn og keyra golfbílinn
fyrir þig. Þú kenndir mér
líka að spila golf. Mér fannst
gaman þegar ég svaf hjá
ykkur langömmu. Þú varst
alltaf svo góður við mig.
Þinn afastrákur
Andri Snær.
Kæri langafi.
Ég sakna þín ofboðslega
mikið. En þú ert alltaf hjá
mér í hjartanu. Það var alltaf
svo gaman að koma til þín og
langömmu og þú varst alltaf
búinn að kaupa ís þegar við
komum. Það var svo gaman
að við náðum að vera með
þér á jólunum. Það var líka
gaman að fara með þér á
golfvöllinn. Ég elska þig.
Þín,
Annabella.
HINSTA KVEÐJA
REYNSLA • UMHYGGJA • TRAUST
Þegar andlát ber að höndum
Önnumst alla þætti útfararinnar
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
✝
Innilegar þakkir færum við öllum þeim sem sýndu
okkur samúð og hlýhug vegna andláts og
útfarar móður okkar, tengdamóður, ömmu og
langömmu,
ÓSKAR ÁGÚSTSDÓTTUR
frá Reykjum í Hrútafirði.
Guðrún Einarsdóttir, Guðjón Sigurðsson,
Þóra Jóna Einarsdóttir, Karl Emil Ólafsson,
Helga Einarsdóttir, Ásbjörn Björnsson,
Jóhanna G. Einarsdóttir, Halldór Ari Brynjólfsson,
Þórhildur Rut Einarsdóttir, Hallgrímur Bogason,
Hulda Einarsdóttir, Ólafur H. Stefánsson,
barnabörn og barnabarnabörn
✝
Útför bróður okkar og frænda,
SKÚLA SKÚLASONAR
ættfræðings
frá Hólsgerði,
Lindargötu 64,
Reykjavík,
verður gerð frá Fossvogskirkju mánudaginn
25. febrúar kl. 15.00.
Kristveig Skúladóttir,
Þorkell Skúlason
og systkinabörn.
✝
Innilegar þakkir til allra sem sýndu okkur samúð og
stuðning vegna andláts og útfarar ástkærrar eigin-
konu minnar, móður, dóttur, systur og tengda-
dóttur,
UNNAR FADILU VILHELMSDÓTTUR,
Hraunási 5,
Garðabæ.
Sérstakar þakkir til starfsfólks Landspítalans.
Sveinn Benediktsson, Gunnar Már Óttarsson,
Ásgerður Ágústsdóttir, Vilhelm G. Kristinsson,
Jón G. Vilhelmsson, Sigurður E. Vilhelmsson,
Jóhanna M. Vilhelmsdóttir, Benedikt Sveinsson,
Guðríður Jónsdóttir.
✝
Þökkum ástkæra og auðsýnda samúð við andlát
eiginkonu minnar, móður, tengdamóður, ömmu og
langömmu,
ÓLAFAR ÞÓRARINSDÓTTUR
til heimilis að Brúnavegi 5,
Reykjavík,
sem lést á Landsspítalanum við Hringbraut þann
1. febrúar.
Sérstakar þakkir til starfsfólks á deild 12-G,
Landspítalanum.
Ólafur Hafþór Guðjónsson,
Níels Ólafsson,
Björg Ólafsdóttir, Magnús Magnússon,
Daníel Ólafsson,
Guðjón Hafþór Ólafsson,Þuríður Edda Skúladóttir,
barnabörn og barnabarnabörn.
✝
Hjartans þakkir til ykkar allra sem sýndu samúð og
vinarþel vegna andláts og útfarar ástkæru eigin-
konu minnar, móður okkar, tengdamóður, ömmu
og langömmu,
SOFFÍU ÞORVALDSDÓTTUR,
Skarðshlíð 19,
Akureyri.
Þorsteinn Williamsson,
Jóna Lísa Þorsteinsdóttir,
Gunnar Þorsteinsson, Mjöll H. Thoroddsen,
Margrét Þorsteinsdóttir, Guðmundur Víðir Gunnlaugsson,
Þorvaldur Þorsteinsson, Helena Jónsdóttir
og fjölskyldur.