Morgunblaðið - 22.02.2008, Blaðsíða 44
„Nei, við höfum enga
veikleika,“ segir Andri
kokhraustur. 49
»
reykjavíkreykjavík
ÞAÐ hefur oft verið sagt um stærstu
kvikmyndastjörnur heims að árang-
ur þeirra sé ekki síður kominn til
vegna gífurlegrar vinnusemi en ein-
stakra leikhæfileika. Hæfileikar
mexíkóska leikarans Gaels García
Bernal eru ótvíræðir eins og hann
hefur sýnt fram á í myndum á borð
við The Motorcycle Diaries og The
Science of Sleep – og nú á sviði
Borgarleikhússins í Kommúnunni –
en vinnusemi Bernals er ekki minni.
Þannig situr leikarinn ekki með
hendur í skauti á daginn heldur und-
irbýr tökur á stuttmynd sem hann
hefur verið fenginn til að gera fyrir
Sameinuðu þjóðirnar. Lítið er vitað
um eiginlegan söguþráð mynd-
arinnar en þó er talið að hún muni
fjalla um mikilvægi menntunar.
Myndin verður tekin upp hér á landi
í næsta mánuði og mun Bernal vera
á fullu þessa dagana við að skima
eftir hentugum tökustöðum auk þess
sem hann leitar að íslenskum leik-
urum fyrir myndina.
Leikur með Bill Murray
Næsta stóra verkefni Bernals er
ekki af verri toga en það er vega-
kvikmyndin The Limits of Control í
leikstjórn hins bandaríska leikstjóra
Jims Jarmusch (Down By Law,
Ghost Dog, Coffee and Cigarettes,
Broken Flowers).
Kvikmyndin er enn á undirbún-
ingsstigi en handritið sem er skrifað
af Jarmusch fjallar um dularfullan
einfara. Kvikmyndin verður tekin
upp á Spáni, nánar tiltekið í Madrid,
Sevilla og Almeria en auk Bernals
mun stórleikarinn Bill Murray leika
í myndinni og breska leikkonan
Tilda Swinton.
Þá hafa Isaach De Bankole og
franski leikarinn Jean-Francois
Stevenin einnig tekið að sér hlutverk
í myndinni.
Líkt og í mörgum fyrri myndum
Jarmusch verða ekki minni stjörnur
í litlum aukahlutverkum og heyrst
hefur að Javier Bardem sem hlaut
Golden Globe og BAFTA verðlaunin
fyrir hlutverk sitt í No Country For
Old Men og pólski leikstjórinn Rom-
an Polanski, komi lítillega við sögu í
kvikmyndinni.
Situr ekki auðum höndum
Árvakur/Brynjar Gauti
Eftirsóttur Mexíkóski leikarinn Gael García Bernal leitar tökustaða.
Vinnur að stuttmynd fyrir SÞ um mikilvægi menntunar
Söngvararnir
Magni og Birgitta
voru gestir morg-
unþáttarins
Zúúber á Fm 95,7
í gær í tilefni af
flutningi sínum á
lagi Hafdísar Huldar í Laugardags-
lögunum annað kvöld. Bæði voru
þau bjartsýn á árangur lagsins sem
þau sögðu bæði einstaklega fallegt
og ekki síður skemmtilegt. Hins
vegar lýsti Magni ákveðnum
áhyggjum yfir því að ef svo færi að
lagið færi alla leið í keppninni gæti
það reynst stórhættulegt því nú
væru Serbar víst brjálaðir út í Kró-
ata vegna sjálfstæðisyfirlýsingar
þeirra síðarnefndu og allt eins lík-
legt að stríð myndi skella á í miðri
úrslitakeppni Evróvisjón. Líklega
hefur Magni verið með hugann við
næsta smell Á móti sól þegar hann
fylgdist með fréttum því ekki voru
það Króatar sem lýstu yfir sjálf-
stæði heldur íbúar Kosovo. Eins
gott að smellurinn verði góður.
Skyldi stríð skella á
í miðri Evróvisjón?
Leikritið Kommúnan var frum-
sýnd í gærkvöldi í Borgarleikhús-
inu. Sýningin þótti takast vel upp
enda höfðu prufusýningar verið
haldnar alla vikuna til að fínpússa
verkið en leikritið er, eins og komið
hefur fram, byggt á sænsku kvik-
myndinni Tillsammans. Að lokinni
sýningu gafst gestum kostur á að
fagna með aðstandendum sýning-
arinnar í forsal Borgarleikhússins
en í takt við tíðaranda verksins var
boðið upp á indverska hippakássu
með ofnbökuðu, lífrænu rót-
argrænmeti og himnesku salati auk
ástarávaxta sem baðaðir voru í líf-
rænu súkkulaði. Þetta kallar maður
alvöru hippa-veislu.
Hippa-veislumatur
Eftir Höskuld Ólafsson
hoskuldur@mbl.is
HIPHOP-mógúllinn Ómar Ómar hélt því fram á
síðum Morgunblaðsins fyrir nokkrum vikum að
árið 2008 gæti vel orðið árið sem markaði end-
urkomu hiphops-ins. Hvað sem þeim spádómi líð-
ur markar 2008 ákveðin tímamót fyrir rapparann
Sævar Daníel Kolandavelu sem einnig gengur
undir nafninu Poetrix, því út er kominn hans
fyrsta plata Fyrir lengra komna.
Að sögn Poetrix hefur platan verið í smíðum í
tvö og hálft ár en sumt efnið á plötunni er eldra og
annað „fjörgamalt“ eins og hann orðar það.
Poetrix segist hafa byrjaði að semja rapptexta
þegar hann var 16 ára gamall en fram að því hafði
hann eins og svo margir rapparar leikið sér að því
að semja ljóð. Spurður um áhrifavalda nefnir
hann bandaríska rapparann Sage Francis en það
var plata hans Personal Journals sem atti honum
á sínum tíma út í rappið. Aðspurður hvað hafi ver-
ið í Francis sem hafi heillað hann nefnir hann
trylltan ljóðheim svo stóran og mikinn að víðáttu-
brjálæðið hafi verið allsráðandi í textagerðinni.
„Það er líka mikla sál að finna í textunum hans og
hann notar orðin á mjög sérstakan máta sem ég
kann að meta.“
Margt gengið á
Á MySpace síðu Poetrix kemur fram að rapp-
arinn hefur ekki alltaf átt sjö dagana sæla og á
yngri árum sínum barðist hann bæði við eitur-
lyfja- og áfengisfíkn og komst oftar en einu sinni í
kast við lögin meðan á því tímabili stóð. Eftir ní-
undu meðferðina á Vog ákvað hann hins vegar að
nú væri komið gott. Hann sneri við blaðinu og hóf
að einbeita sér að tónlistinni.
„Því miður hefur maður komið sér í þá aðstöðu
að þurfa að ræða þessi mál opinskátt í fjölmiðlum
en ég kýs þó heldur að lögin og textarnir tali sínu
máli og segi mína sögu. Þrátt fyrir allt sem hefur
gengið á í mínu lífi hefur textagerðin alltaf haldið
mér gangandi og textagerðin var það eina sem
gaf mér einskonar markmið og einhvern tilgang.“
En hvað er það við hiphop-ið sem aðrar tónlist-
arstefnur hafa ekki?
„Það er lýríkin og þessi kraftur sem leysist úr
læðingi í hiphop-inu. Þetta er hrá músík og beint
áfram en um leið svo einlæg. Í henni er alla vega
eitthvað, ... einhver kraftur sem ég hef ekki fund-
ið annars staðar.“
Lýrískur kraftur
Rapparinn Poetrix gefur út sína fyrstu plötu, Fyrir lengra komna
Árvakur/Kristinn
Hrátt og einlægt „Þetta er hrá músík og beint áfram en um leið svo einlæg,“ segir rapparinn Poetrix um hip hop-tónlist.
www.myspace.com/poetrixmusic