Morgunblaðið - 05.03.2008, Blaðsíða 4
4 MIÐVIKUDAGUR 5. MARS 2008 MORGUNBLAÐIÐ
FRÉTTIR
Í HNOTSKURN
»E-301-vottorðin nýtast semkunnugt er einstaklingum
sem hyggja á atvinnuleit í öðru
EES-landi til að sýna fram á að
þeir hafi verið atvinnuleys-
istryggðir á Íslandi.
Eftir Silju Björk Huldudóttur
silja@mbl.is
„ATVINNUÁSTANDIÐ er að
breytast. Það er ekki jafnauðvelt að
ráða erlenda starfsmenn í vinnu hér-
lendis, því atvinnurekendur geta í
auknum mæli gert kröfu um ís-
lenskukunnáttu, þannig að við reyn-
um frekar að miðla þeim úr landi,“
segir Dröfn Haraldsdóttir, verkefn-
isstjóri EURES, evrópskrar vinnu-
miðlunar. Fjöldi útgefinna E-301-
vottorða að undanförnu sýni að
gegnumstreymi erlends vinnuafls sé
mikið.
Hjá Jóngeiri H. Hlinasyni, deild-
arstjóra atvinnuleysistrygginga hjá
Vinnumálastofnun, fengust þær
upplýsingar að samtals hefðu í febr-
úar sl. verið gefin út 303 E-301-vott-
orð, þar af 286 til Póllands. Það sem
af er árinu hafa því alls verið gefin út
673 E-101-vottorð, en til samanburð-
ar má nefna að árið 2007 voru alls
gefin út 1.208 slík vottorð. Að sögn
Jóngeirs eru nokkur hundruð um-
sókna um E-101-vottorð fyrirliggj-
andi.
Að sögn Drafnar hafa fleiri Pól-
verjar komið til landsins það sem af
er ári en á sama tíma í fyrra. Bendir
hún á að fæstir þeirra hafi hug á að
setjast hér að og komi hingað aðeins
fyrir uppgripavinnu. Fái þeir ekki
vinnu hér fari þeir annaðhvort frek-
ar heim aftur eða til annarra EES-
landa þar sem skortur er á vinnuafli
heldur en að fara á atvinnuleysis-
bætur hérlendis.
104 nýskráðir á
atvinnuleysisskrá
Dröfn segist vita um að minnsta
kosti eitt byggingarfyrirtæki á höf-
uðborgarsvæðinu sem sé á leið í
gjaldþrot, en hjá því störfuðu alls
fimmtán Pólverjar og eru fjórir
þeirra þegar komnir á atvinnuleys-
isskrá Vinnumálastofnunar. Að sögn
Drafnar voru alls 152 erlendir starfs-
menn skráðir á atvinnuleysisskrá á
höfuðborgarsvæðinu í janúar og
febrúar sl. en voru til samanburðar
122 á sama tímabili í fyrra. Nýskráð-
ir erlendir starfsmenn fyrstu tvo
mánuði þessa árs voru 104 en 73
sömu mánuði í fyrra.
Að sögn Drafnar eru Pólverjar um
70% af erlendum starfsmönnum hér-
lendis. Samkvæmt upplýsingum frá
henni voru samtals 57 Pólverjar á at-
vinnuleysisskrá á höfuðborgarsvæð-
inu fyrstu tvo mánuði ársins saman-
borið við 21 sömu mánuði í fyrra. Þar
af voru 48 nýskráðir þetta árið en 16
í fyrra. Aðspurð segir Dröfn þetta
mjög eðlilegar tölur í samhengi við
breytt atvinnuástand, samdrátt í
efnahagskrefinu og þann mikla
fjölda erlends vinnuafls sem hér hafi
dvalið í kjölfar þeirrar atvinnustefnu
sem hérlendis hafi verið rekin.
Reyna frekar að útvega út-
lendingum vinnu í útlöndum
Að minnsta kosti eitt byggingarfyrirtæki á höfuðborgarsvæðinu stefnir í gjaldþrot
" #" $% &'
()
*
**, -.
/. -/0112. 011%
3&0
300
!"
# $%&
'
!" # Eftir Steinunni Ásmundsdóttur
steinunn@mbl.is
VILHJÁLMUR Egilsson, framkvæmdastjóri
Samtaka atvinnulífsins, hélt kynningarfund
um nýja kjarasamninga fyrir atvinnurek-
endur á Hótel Héraði í gærkvöld. Tíu manns
mættu til fundarins.
Viðstaddir virtust almennt ánægðir með
samningana og sögðu svo vera í sínum röðum.
Umræður um samningana væru líflegar.
Vilhjálmur var spurður út í ákvæði um nýj-
an Endurhæfingarsjóð, sem gerir ráð fyrir að
sérstakt 1,13% launatengt gjald leggist á at-
vinnurekendur frá 1. júní nk. og er endurhæf-
ingargjald sem lífeyrissjóðir innheimta.
Þ.á m. hvort fólk þurfi að vera í verkalýðs-
félögum til að fá fé úr sjóðnum. „Allir eiga
réttindi sem borga í Endurhæfingarsjóðinn
og það verða fyrirtækin sem borga í hann en
ekki launþegarnir,“ svaraði Vilhjálmur um
hæl. Spurt var hvort starfsmenn gætu, ef og
þegar samningarnir tækju gildi, komið til at-
vinnurekanda og krafist launahækkunar, ella
færu þeir annað. Vilhjálmur segir samn-
ingana ekki koma í veg fyrir það en hann
teldi eftirspurn eftir vinnuafli vera miklu
minni en til skamms tíma. „Við tökum eftir
því fyrir sunnan að fyrirtæki sem mikið hafa
þurft að hafa fyrir að ná í fólk verða nú fyrir
ásókn í störf hjá sér. Þetta er að gjörbreytast
á örfáum vikum, sem gefur miklu meiri
möguleika á að þetta ævintýri okkar með
þessa samninga gangi upp.“
Vilhjálmur sagði að líklega fái engir meira
út úr samningunum en erlendir starfsmenn.
„Þetta er stærsta samflotið sem hefur verið
gert hjá Samtökum atvinnulífsins,“ sagði Vil-
hjálmur. „Enga samninga er hægt að hafa
meiri allsherjarsamninga en þessa. Þeir eru
algjörlega stefnumarkandi og fullir af nýj-
ungum.“ Hann sagði samninga við flugliða
langsamlega mikilvægasta í næstu skrefum.
Fram kom á fundinum að AFL, Starfs-
greinafélag á Austurlandi, hefur verið dug-
legt að kynna samningana fyrir félagsmönn-
um sínum og hefur bæði haldið fundi á
þéttbýlisstöðum og heimsótt vinnustaði með
kynningu. Svo er einnig með Verslunar-
mannafélag Austurlands. Almennir launþegar
eru ekki allir á því að samþykkja samningana
en verkalýðsfélögin virðast ekki hafa beitt sér
í þá veru að þeir verði ekki samþykktir meðal
sinna félagsmanna.
Ástandið gjörbreyst á örfáum vikum
Morgunblaðið/Steinunn Ásmundsdóttir
Kynnir Vilhjálmur Egilsson, framkvæmdastjóri Samtaka atvinnulífsins, hélt kynningarfund
um nýja kjarasamninga á Hótel Héraði, Egilsstöðum. Tíu manns komu á fundinn.
EKKI hefur orðið vart við aukin
skil á þegar úthlutuðum lóðum.
Þannig virðist hvorki meira um skil
einstaklinga né verktaka á þegar
úthlutuðum lóðum til viðkomandi
sveitarfélags en í venjulegu árferði.
Hjá Guðfinnu Kristjánsdóttur,
upplýsingastjóra Garðabæjar,
fengust þær upplýsingar að síðast
hefði verið úthlutað í Garðabæ í
upphafi árs 2007 þegar úthlutað
var í Garðahrauni og Hraunsholti
eystra, en engri af þeim lóðum hef-
ur verið skilað.
„Auðvitað er alltaf eitthvað um
það að menn skili inn lóðum og það
geta verið svo margar ástæður fyr-
ir því, jafnvel í bullandi góðæri,“
segir Þór Jónsson, upplýsinga-
fulltrúi Kópavogsbæjar. Segist
hann hafa fengið þær upplýsingar
hjá tæknideild bæjarins að menn
verði ekki varir við aukningu í skil-
um. „Eigi samdráttur á markaði
eftir að hafa áhrif á þetta þá hefur
það ekki komið fram ennþá,“ segir
Þór.
Ekki meira
um lóðaskil
♦♦♦
FARÞEGI í vél Iceland Express á
leið frá Barcelona til Íslands í
fyrrakvöld hegðaði sér ósæmilega
á leiðinni og var handtekinn í
Prestwick í Skotlandi þar sem þot-
an millilenti til að taka eldsneyti.
Matthías Imsland, fram-
kvæmdastjóri Iceland Express, seg-
ir að ungur íslenskur karlmaður
hafi virst vera í annarlegu ástandi
og líða illa og orðbragð hans hafi
verið þess eðlis að ekki hafi verið
forsvaranlegt að hafa hann um
borð. Spurður hvort hann hafi verið
með sprengjuhótanir segir Matth-
ías að orðbragð hans hafi verið í þá
veru og því hafi hann verið tekinn
frá borði.
„Við lítum allt svona mjög alvar-
legum augum,“ segir Matthías og
leggur áherslu á að öryggi farþeg-
anna skipti öllu máli. Hann bætir
við að málið verði skoðað og
ákvörðun um framhaldið tekin í
samráði við lögregluna í Skotlandi.
Farþegi
handtekinn
Morgunblaðið/ÞÖK
STEFÁN Kristjánsson er eini Ís-
lendingurinn sem hefur unnið tvær
fyrstu skákir sínar á Reykjavík-
urskákmótinu en 2. umferð var
tefld í gærkvöldi. 10 erlendir skák-
menn eru líka með tvo vinninga.
Björn Þorfinnsson gerði jafntefli
við stórmeistarann Eishan Mora-
diabadi frá Íran, sem er 21. stiga-
hæsti skákmaður mótsins.
Annars voru konur og undrabörn
í sviðsljósinu. Antoaneta Stefanova,
fyrrverandi heimsmeistari kvenna
frá Búlgaríu, gerði jafntefli við Kín-
verjann Hao Wang, næst stiga-
hæsta mann mótsins. Tania Sach-
dev, Indlandsmeistari kvenna, vann
stórmeistarann Alojzije Jankovic
frá Króatíu og er með tvo vinninga.
Ray Robson frá Bandaríkjunum
gerði jafntefli við egypska stór-
meistarann Ahmed Adly og Illya
Nyzhnyk frá Úkraínu jafntefli við
Svíann Cristin Andersson. Undrabörn Ray Robson frá Bandaríkjunum og Illya Nyzhnyk frá Úkraínu gerðu báðir jafntefli í gærkvöldi.
Stefán í hópi
efstu manna
Undrabörn og konur í sviðsljósinu á Reykjavíkurmótinu í skák
Morgunblaðið/Ómar