Morgunblaðið - 05.03.2008, Blaðsíða 14
14 MIÐVIKUDAGUR 5. MARS 2008 MORGUNBLAÐIÐ
ERLENT
Eftir Boga Þór Arason
bogi@mbl.is
LÍKLEGT er að ráðamennirnir í
Ísrael fyrirskipi fleiri mannskæðar
árásir á Gaza-svæðið áður en þeir
átta sig á því að þær duga ekki til að
binda enda á flugskeytaárásir Ham-
as, að sögn sérfræðinga í málefnum
Miðausturlanda.
Yfir 120 Palestínumenn, þeirra á
meðal 22 börn, hafa beðið bana í
árásum Ísraela frá því á miðvikudag.
Þótt tugir liðsmanna Hamas liggi í
valnum eftir hernaðinn hefur hreyf-
ingin getað haldið áfram nær dag-
legum flugskeytaárásum á Suður-
Ísrael. Tveir ísraelskir hermenn
hafa fallið í átökunum og Ísraeli beið
bana í einni flugskeytaárása Hamas.
Nokkrir fréttaskýrendur spáðu
því að stjórn Ísraels myndi fyrir-
skipa fleiri árásir á Gaza-svæðið áð-
ur en hún áttaði sig á því að hún
kæmist ekki hjá því að hefja viðræð-
ur við leiðtoga Hamas.
Yaakov Amidror, fyrrverandi for-
ingi í leyniþjónustu Ísraelshers,
sagði að stjórnin virtist staðráðin í að
„sýna íbúum Gaza, Hamas og heims-
byggðinni að ef hún á einskis annars
úrkosti verði hafinn enn mannskæð-
ari hernaður“. Hann bætti við að
stjórnin myndi þó að lokum átta sig á
því að hún hefði aðeins tvo kosti: að
hertaka allt Gaza-svæðið aftur eða
hefja viðræður við leiðtoga Hamas.
Menachem Klein, sérfræðingur í
málefnum Miðausturlanda við Bar
Ilan-háskóla í Tel Aviv, sagði árás-
irnar til marks um gremju stjórn-
arinnar yfir því að geta ekki bundið
enda á flugskeytaárásir Hamas sem
hafa kostað 14 ísraelska borgara lífið
síðan í september 2000. „Ísrael hegð-
ar sér eins og blindur Golíat sem
bregst harkalega við án pólitískra
markmiða.“
Margir styðja viðræður
Annar sérfræðingur í málefnum
Miðausturlanda, Emmanuel Sivan,
sagði að tími væri kominn til að Ísr-
aelar féllu frá þeirri stefnu sinni að
sniðganga leiðtoga Hamas og
reyndu þess í stað að semja um
vopnahlé. „Eina lausnin er að semja
við Hamas, ekki um friðarsamning,
sem er ómögulegt í ljósi viðhorfa
hreyfingarinnar, heldur um vopna-
hlé sem er báðum aðilum í hag,“
sagði Sivan í sjónvarpsviðtali.
Í stofnskrá Hamas kemur fram að
hreyfingin stefnir að því að stofna
íslamskt ríki í allri Palestínu en leið-
togar hennar hafa þó léð máls á
vopnahléi sem standi í 50 ár eða jafn-
vel lengur.
Viðhorfskannanir benda til þess
að margir Ísraelar séu hlynntir við-
ræðum um vopnahlé. Í könnun, sem
dagblaðið Haaretz birti fyrir viku,
sögðust 64% aðspurðra telja að Ísr-
aelar ættu að hefja viðræður við ísl-
amistana í Hamas.
Nokkrir varnarmálasérfræðingar
í Ísrael hafa þó látið í ljós efasemdir
um þessa lausn. Þeir telja að vopna-
hlé geti gert Hamas kleift að styrkja
stöðuna sína og birgja sig upp af
langdrægari flugskeytum.
Ísraelska dagblaðið Yediot Aharo-
not sagði að Ísraelar þyrftu að velja
á milli allsherjarstríðs á Gaza og við-
ræðna við Hamas. „Valið á milli
þessara kosta er eins og að velja á
milli svartadauða og kóleru. Það
virðist samt vera óhjákvæmilegt.“
Allsherjarinnrás eða
viðræður við Hamas
Kostunum líkt við
val á milli svarta-
dauða og kóleru
AP
Blóðsúthellingar Ættingjar við útför Hamas-manns sem féll í einni árása
Ísraelshers á Gaza-svæðið. Yfir 120 manns liggja í valnum, þar af 22 börn.
London. AP. | Winston Churchill trúði
ekki á vísindin en sendi eigi að síður
stjörnuspámanninn Louis de Wohl
til fundar við bandarísk yfirvöld um
mitt ár 1941 til að sannfæra þau um
að nasistar myndu tapa stríðinu ef
bandaríski herinn skærist í leikinn.
Þetta sérkennilega skref Churc-
hills er tíundað í skýrslum bresku
leyniþjónustunnar, MI5, sem leynd
hefur verið svipt af og fjalla öðrum
þræði um hvernig de Wohl var ráð-
inn til að sjá fyrir næstu skref Adolfs
Hitlers þegar síðari heimsstyrjöldin
var í algleymingi.
Þegar ekkert virtist geta stöðvað
framrás þýsku stríðsvélarinnar fyllt-
ust starfsmenn bresku leyniþjónust-
unnar örvæntingu og tóku að leita
allra leiða til að reyna að skyggnast í
hinn óútreiknanlega huga Hitlers.
Það var í þessu andrúmslofti
taugaveiklunar sem de Wohl var
fenginn til að skyggnast fram í tím-
ann og sjá fyrir orrustur og útkomu
þeirra, líkt og stjörnuspámennirnir í
þjónustu Hitlers.
De Wohl hafði starfað sem banka-
starfsmaður og rithöfundur þegar
hann flúði 32 ára gamall til Bret-
lands, af ótta við að hann yrði ofsótt-
ur vegna ætternis síns, en hann var
fæddur inn í gyðingafjölskyldu.
De Wohl var frjór í hugsun og
kom ýmist fram sem ungverskur að-
alsmaður, skyldmenni austurrísks
hljómsveitarstjóra, barnabarn
bresks bankajöfurs eða skyldmenni
borgarstjóra Lundúna, þegar hann
var inntur eftir bakgrunni sínum.
Eiginkonan þóttist vera
prinsessa frá Rúmeníu
Eiginkona hans, Alexandra, var
einnig skrautlegur persónuleiki og
kom fram sem rúmensk prinsessa í
Santiago, Chile, þangað sem hún
flúði hildarleikinn í Evrópu.
Gekk hún jafnan undir nafninu
„La Baronessa“ syðra, enda kon-
ungborin að eigin sögn.
De Wohl var sem fyrr segir rithöf-
undur og nýtti tækifærið í Lund-
únum til að gera grein fyrir þessari
náðargáfu sinni í sjálfsævisögunni
„Ég fylgi stjörnunum mínum“,
óvenjulegu verki sem kom út 1937,
árið áður en hann gaf út aðra bók um
sama efni, „Leyniþjónusta himinvíð-
áttanna“, þar sem rök voru færð fyr-
ir því að stjörnurnar gætu gegnt
hlutverki njósnara ef rétt var í
hreyfingar þeirra ráðið.
Bækurnar juku á orðspor de
Wohls sem greip tækifærið í mat-
arboði í spænska sendiráðinu í
Lundúnum þegar spænsk kona af
aðalsættum bað hann um að lesa
stjörnuspá Hitlers fyrir utanrík-
isráðherrann Lord Halifax.
Það var svo stuttu síðar sem leyni-
þjónustan leitaði krafta de Wohls,
sem var úthlutað hótelíbúð við Park
Lane. Hafði hann sig þar mikið í
frammi en þótti að sama skapi held-
ur óljós í spádómum, þvert á það
sjálfsmat að hann væri „Nostrada-
mus nútímans“.
Á bandarískri ráðstefnu stjörnu-
spekinga sem voru hallir undir Þjóð-
verja var því spáð að Hitler myndi
hafa sigur í stríðinu. De Wohl taldi
sem fyrr segir það gagnstæða, en ör-
lögin höguðu því hins vegar svo að
það var árás Japana á Perluhöfn
1941 sem sannfærði Bandaríkja-
stjórn um að blanda sér í stríðið,
ekki forspá de Wohls, sem af eðl-
islægu lítillæti hélt því fram í bók-
inni „Stjörnur stríðs og friðar“ að
hann hefði barist við Hitler frá lúx-
usíbúð sinni með „stjörnuhernaði“.
Réðu stjörnuspámann til
að sjá fyrir skref Hitlers
AP
Nýr Nostradamus De Wohl flettir
í bók sinni „The Citadel of God“.
Gömul skjöl vitna um
örvæntingu bresku
leyniþjónustunnnar
RÚSSNESKI orkurisinn Gazprom
kvaðst í gær hafa minnkað gasút-
flutning sinn til Úkraínu um helm-
ing vegna vangoldinna reikninga.
Gazprom sagði að þetta kæmi ekki
niður á gasútflutningnum til Vest-
ur-Evrópu, en um það bil 80% af
gasi sem Rússar flytja þangað fara
um leiðslur í Úkraínu. Úkraínska
gasfyrirtækið Naftogaz sagði þó að
það kynni að þurfa að nota gas, sem
ætlað væri Vestur-Evrópu, ef gas-
skortur yrði í Úkraínu.
Stjórnmálaskýrendur telja að
gasdeilan geti orðið samsteypu-
stjórn flokka Viktors Jústsjenkós,
forseta Úkraínu, og Júlíu Tymós-
henkó forsætisráðherra að falli.
Eftir að Gazprom hótaði að
skrúfa fyrir gasið til Úkraínu fór
Jústsjenkó til Moskvu og náði sam-
komulagi við Vladímír Pútín Rúss-
landsforseta 12. febrúar. Tymós-
henkó hefur hins vegar neitað að
virða skilmála samkomulagsins.
Jústsjenkó og Tymóshenkó voru í
fylkingarbrjósti í appelsínugulu
byltingunni árið 2004 en hafa síðan
eldað grátt silfur saman. „Þau eru
eins og hjón sem giftust af hag-
kvæmnisástæðum en hata nú hvort
annað,“ sagði stjórnmálaskýrandi.
Gasdeila við Rússa gæti orðið
ríkisstjórn Úkraínu að falli
Júlía TymóshenkóViktor Jústsjenkó
FJÁRMÁLARÁÐHERRAR Evrópu-
sambandsins leggja nú á ráðin um
aðgerðir til að koma í veg fyrir
áframhaldandi skattsvik í gegnum
skattaparadísir Evrópu. Ríkissjóðir
Evrópuríkjanna verða fyrir gríð-
arlegu tapi ár hvert vegna þessa
og samkvæmt upplýsingum The
Independent hefur þýski fjár-
málaráðherrann upplýst að skatt-
svikin kosti þýska ríkissjóðinn sem
nemur um 3 þúsund milljörðum
króna á ári. Talið sé að Evrópu-
sambandið verði af sem nemur um
100 þúsund milljörðum króna á ári
vegna slíkra svika.
Útspil fjármálaráðherranna felst
í að herða til muna á tilskipun Evr-
ópusambandsins um skattlagningu
sparifjár sem sett var árið 2005, en
fremur auðvelt hefur reynst fyrir
viljuga að sneiða hjá tilskipuninni.
Skattasérfræðingar efast um ágæti
þessa útspils og segja ómögulegt
að koma í veg fyrir slík svik. Verði
tökin hert á skattaparadísum Evr-
ópu, streymi féð einfaldlega til
Dubai eða Singapore því peningar
streymi ávallt þangað sem skattar
eru lágir og nafnleynd ríki.
Árið 2000 setti OECD saman
lista yfir 35 ósamvinnuþýð skatta-
ríki og enn sýna þrjú þeirra lítil
merki samstarfsvilja, það eru
Mónakó, Liechtenstein og An-
dorra.
Evrópusambandið hyggst
sporna gegn skattsvikum
Kaupauki
fylgir vöru frá Oroblu
Kynningar á n‡ju vorvörunum
frá Oroblu í Lyfju
Mi›vikudag, kl. 14-18 á Smáratorgi
Fimmtudag, kl. 13-17 í Lágmúla
Föstudag, kl. 13-17 í Smáralind