Morgunblaðið - 05.03.2008, Blaðsíða 15

MORGUNBLAÐIÐ MIÐVIKUDAGUR 5. MARS 2008 15
MENNING
BRESKA mynd-
listarkonan og
Turner-verð-
launahafinn Trac-
ey Emin hefur
fest kaup á húsa-
þyrpingu í Spit-
alfields í aust-
anverðri
Lundúnaborg
fyrir fjórar millj-
ónir punda. Með
þessu vill Emin bjarga bygging-
arsögulegum verðmætum og halda
áfram listrænni starfsemi á svæðinu.
Um helmingur fjárhæðarinnar fer
í að gera upp gamla vefnaðarverk-
smiðju, Tenter Ground, sem sett var
á laggirnar á 17. öld af flæmskum
innflytjendum. Þegar endurreisn er
lokið ætlar Emin að koma sér upp
gríðarstórri vinnustofu. Emin segist
í samtali við dagblaðið Observer
ætla að bjarga byggingunni frá því
að verða breytt í hótel eða veit-
ingastað. Emin er einnig talin hafa
keypt leigusamninga af þeim lista-
mönnum sem eiga vinnustofur fyrir í
Tenter Ground. Nýja vinnustofan
hennar Tracey Emin mun að öllum
líkindum hækka verð á húseignum í
nágrenninu en hverfið er þekkt fyrir
listastarfsemi og verður því fram-
taki hennar eflaust tekið fagnandi,
þ.e. hjá þeim sem vilja halda slíkri
starfsemi áfram í Spitalfields. Emin
segir kaupin í raun algjöra vitleysu,
hún hefði vel getað keypt sér mun
ódýrara húsnæði undir vinnustofu
en hún hefði viljað halda skapandi
starfsemi innan veggja verksmiðj-
unnar fyrrverandi. Hún flutti í
hverfið árið 1982 og notar tvær
vinnustofur nú þegar í hverfinu,
önnur þeirra er fyrir „þurr verk“ og
hin fyrir „blaut“. Tenter Ground er
um 743 fermetrar þannig að það ætti
ekki að vera þröngt um listakonuna.
Verðmæt
vinnustofa
Emin gerir upp
vefnaðarverksmiðju
Tracey
Emin
ÍTALSKI ten-
órsöngvarinn
Giuseppe di Stef-
ano er látinn, 86
ára að aldri. Di
Stefano var einn
mesti tenór óp-
eruheimsins á 20.
öldinni, m.a.
þekktur fyrir
stórkostlegan
söng við hlið
Mariu Callas. Hann kom 185 sinnum
fram í La Scala í Mílanó í 43 sýn-
ingum, kom þar fyrst fram árið 1947.
Di Stefano
látinn
Giuseppe di
Stefano heitinn
Í KVÖLD stendur Alliance
française fyrir dagskrá til
minningar um franska rithöf-
undinn og kvikmyndagerð-
armanninn Alain Robbe-
Grillet, sem lést 18. febrúar sl.
Thor Vilhjálmsson rithöfundur
og Torfi Tulinius, prófessor við
Háskóla Íslands, fjalla um verk
Robbe-Grillet og segja frá
kynnum sínum af honum. Þá
verður sýndur hluti heimildar-
myndar um hann sem kvikmyndagerðarmaðurinn
Ari Alexander vinnur að þessa dagana. Dagskráin
fer fram á frönsku og íslensku og hefst kl. 20.30.
Allir velkomnir og aðgangur ókeypis.
Alliance française er að Tryggvagötu 8.
Fræði
Robbe-Grillet
minnst
Alain Robbe-
Grillet
Í KVÖLD verða haldnir tón-
leikar í Þorlákskirkju sem eru
hluti af tónleikaröðinni Tónar
við hafið. Þar mun Kamm-
ersveit Reykjavíkur flytja verk
eftir Beethoven, Þorkel Sig-
urbjörnsson og Mozart.
Kammersveitina skipa
Jósef Ognibene og Emil H.
Friðfinnsson á horn, Einar Jó-
hannesson á klarinett, Rut
Ingólfsdóttir og Sigurlaug Eð-
valdsdóttir á fiðlu, Sarah Buckley og Herdís Anna
Jónsdóttir á víólu og Sigurgeir Agnarsson og
Hrafnkell Orri Egilsson á selló. Tónleikarnir hefj-
ast klukkan átta og kostar 1.500 krónur inn en
aldraðir, öryrkjar og tónlistarnemar fá afslátt.
Tónleikar
Beethoven, Mozart
og Þorkell
Ludwig van
Beethoven
SÝNINGU á verkum Hrafn-
hildar Ingu Sigurðardóttur, Í
forsal vinda, lýkur í dag í Start
Art að Laugavegi 12b.
Þar sýnir Hrafnhildur 22 ol-
íumálverk en umfjöllunarefnið
er veðurfar síðustu mánaða,
þ.e. rigning og rok og mikill
sjógangur sem því fylgir.
Mikil aðsókn hefur verið að
sýningunni að því er segir í til-
kynningu frá Start Art, um
1.500 manns hafa barið verkin augum, m.a. ferm-
ingarbörn úr Rangáþingi eystra og börn af leik-
skólum borgarinnar í fylgd fullorðinna. Start Art
er opið frá kl. 13-17 alla daga nema sunnudaga og
mánudaga.
Myndlist
Veðurofsinn
málaður á striga
Hluti málverks
eftir Hrafnhildi.
Eftir Einar Fal Ingólfsson
efi@mbl.is
Á MIÐVIKUDAGINN kemur verða
120 ár liðin frá fæðingu Þórbergs
Þórðarsonar rithöfundar. Í tilefni af-
mælisins verður um helgina haldin
Þórbergssmiðja í Háskóla Íslands,
með margbreytilegum erindum, tón-
listarflutningi, Müllersæfingum og
Skrímslastofu fyrir börnin. Halldór
Guðmundsson, sem er nýskipaður
verkefnisstjóri vegna þátttöku Ís-
lands á Bókastefnunni í Frankfurt
árið 2011, segir að byrjað sé að halda
upp á afmælið, þar sem ákveðið hef-
ur verið að Fisher Vorlag muni hefja
útgáfu á verkum Þórbergs á þýsku.
„Íslenskur aðall kemur út í nýrri
þýðingu Kristofs Magnússonar,“
segir Halldór.
Stytt útgáfa af Íslenskum aðli
kom út á þýsku fyrir um 40 árum,
byggð á danskri útgáfu með völdum
köflum úr sögunni.
„Nú kemur öll bókin út. Einn út-
gáfustjóra Fischer kom á Bók-
menntahátíð í fyrra. Hann varð svo
upptekinn af Þórbergi að hann tók
sig til og ók alla leið austur að Þór-
bergssetri á Hala og heillaðist.“
Halldór segir að rætt hafi verið
um framhald á útgáfunni, jafnvel
þrjár bækur alls, en það velti þó á
viðtökum þessarar fyrstu bókar.
„Þetta getur orðið að mjög mynd-
arlegri kynningu á Þórbergi. Fyrir
utan þessa gömlu sýnisbók úr Ís-
lenskum aðli hefur ekkert komið út
eftir hann á þýsku og reyndar mjög
lítið á öðrum málum. Oft hefur verið
sagt að Þórbergur sé óþýðanlegur
en ég hef ekki trú á því. En nú reyn-
ir á það!“
Halldór segir ljóst að mörg þýsk
bókaforlög sé spennt fyrir Íslandi,
þar sem landið verði í sviðsljósinu
árið 2011 og það muni ráða úrslitum
um útkomu á mörgum bókum.
„Þetta þýðir líka að Íslendingar
muni styðja miklu betur við þessar
útgáfur en ella hefði verið gert.“
Næg verkefni fyrir þýðendur
Hann segir ljóst að þýðendur á
þýsku fái nóg að gera næstu miss-
erin, það taki langan tíma að þýða
bækur, ekki síst Þórberg.
Halldór skrifaði bókina Skáldalíf,
um Þórberg og Gunnar Gunnarsson,
og hann segist nú finna fyrir aukn-
um áhuga á verkum Þórbergs og það
sé ekki síst að þakka Þórbergssetr-
inu og nýrri bók Péturs Gunn-
arssonar. „Gagnrýnin umræða
hjálpar höfundum. Ekkert er verra
fyrir rithöfund en að vera hafinn á
stall. Þórbergur er það víðfemur að
lesendur geta fundið ótrúlegustu
hluti í verkum hans, kostulegt sam-
band af viti og vitleysu. Það mót-
sagnakennda er svo hrífandi.“
Myndarleg kynning á verkum Þórbergs Þórðarsonar á döfinni í Þýskalandi
Íslenskur aðall á þýsku
Morgunblaðið/Ólafur K. Magnússon
Samræður Þórbergur Þórðarson ásamt Einari Sigurðssyni ríka, en hann
skráði ævisögu Einars í þremur bindum á sjöunda áratugnum.
Í tilefni af Þórbergssmiðju í Há-
skóla Íslands um helgina, koma
tvær af bókum Þórbergs Þórð-
arsonar út í nýrri kiljuútgáfu nú í
vikunni. Eru það Bréf til Láru, sem
kom fyrst út árið 1924, og Stein-
arnir tala, sú fyrsta af Suðursveit-
arbókunum þremur. Kom hún fyrst
út árið 1956.
Þessar útgáfur marka upphaf
nýrrar ritraðar hjá Forlaginu sem
kallast Íslensk klassík. Ætlunin er
að gefa út klassískar íslenskar bæk-
ur sem hafa verið ófáanlegar. Einn-
ig verður hrundið af stað ritröðinni
Erlend klassík, með vönduðum bók-
menntum sem eru til í þýðingu.
Svartfugl Gunnars
í nýrri þýskri útgáfu
Í gær fréttist af því að Gunn-
arsstofnun hefði gengið frá fyrsta
samningnum um nýja erlenda út-
gáfu á verki eftir Gunnar Gunn-
arsson síðan stofnunin tók við höf-
undarréttinum. Að sögn Skúla
Björns Gunnarssonar er um að
ræða Svartfugl, sem kemur út í
nýrri þýðingu Karls Ludwig Wetzig
hjá bókaforlaginu Reklam.
„Þetta verður innbundin útgáfa í
nýrri röð heimsbókmennta,“ sagði
Skúli Björn. Meðal annarra höf-
unda eru Dickens og Oscar Wilde.
Aðventa er eina saga Gunnars
Gunnarssonar sem hefur að stað-
aldri verið til á þýskum bókamark-
aði, en um 500.000 eintök af bókinni
hafa verið prentuð á þýsku síðan
um miðja síðustu öld.
Klassískar
út að nýju
SÍFELLT fleiri taka bloggið í sína þjónustu.
Fyrir flesta er það miðill til að viðra skoðanir og
birta dagbók, en notin eru þó margs konar.
Einn bloggaranna er Gísli Sigurðsson, mynd-
listarmaður, rithöfundur og fyrrum umsjón-
armaður Lesbókar Morgunblaðsins. Hann not-
ar bloggið til að sýna málverkin sín.
„Ég held að þetta sé það sem koma skal í
kynningarmálum,“ segir Gísli, sem hefur síð-
ustu árin málað og unnið að bókum jöfnum
höndum. „Á netinu er svo margháttuð kynning
og sala á hinu og þessu að mér datt í hug að at-
huga hvort ekki mætti nota netið til að kynna
það sem ég er að gera í myndlistinni. Þessi
bloggheimur er stórmerkilegur. Þetta er þver-
skurður af því sem fólkið hugsar í landinu.“
Gísli ætlar þó ekki að nota bloggsíðu sína til
að tjá sig heldur einungis fyrir málverkin.
„Ég hef svo mikið að gera við að mála að ég
kemst ekki yfir meira. Ég hef orðið að draga úr
skrifum. Ég er mikið að vinna úr því sem ég hef
aflað á síðustu árum með myndavélinni. Nátt-
úra landsins er viðfangsefni númer eitt en svo
hnýti ég gjarnan við það einhverju, ef hægt er.
Nú nýlega var ég með fallegt mótíf innan frá
Hofsjökli, þar sem heitir Hreysiskvísl. Það var
einn af þeim stöðum þar sem Fjalla-Eyvindur
og Halla voru og þar fundust merkilegir hlutir
eftir þau. Postilla Jóns biskups Arasonar og
tvær þungar bækur aðrar, bundnar í leður, og
askur. Þau hafa ekki treyst sér til að taka þetta
með sér en mér finnst gaman að velta fyrir mér
augnablikum, eins og því þegar þau ákveða að
skilja þessar bækur eftir.“
Sækir meira í Tungurnar
Í vetur kom út bók með málverkum og ljóð-
um eftir Gísla, Ljóðmyndalindir, en þar eru
æskuslóðir hans í Biskupstungum í forgrunni.
„Þegar tíminn líður er eins og maður sæki
meira í Tungurnar og sérstaklega inn á afrétt.
Kjalvegur er mitt eftirlæti, staðir eins og
Hveravellir og Hvítárvatn. Og Jarlhetturnar
hef ég málað oftar en nokkuð annað. Þær eru
makalausar.“
Gísli segir að fyrir fullorðinn myndlist-
armann sé það stórt skref að vinna með nýjan
miðil eins og bloggið.
„Ég hef áður farið þessa venjulegu leið og
haldið 12 stórar sýningar, það er mikið tilstand.
Gaman væri að geta selt myndir og sýnt á
þennan hátt, án stússins við sýningarhald.
Svo er annað hvort sá hluti þjóðarinnar sem
horfir mest á tölvur vilji annars konar myndlist.
Það verður bara að koma í ljós. En ég breyti
minni myndlist ekki út frá því.“
Það sem koma skal
í kynningarmálum
Morgunblaðið/Jim Smart
Bloggari „Þverskurður af því sem fólkið hugs-
ar í landinu,“ segir Gísli Sigurðsson um blogg-
heima, en hann sýnir málverk sín á blogginu.
Gísli Sigurðsson, myndlistarmaður og rithöfundur, nýtir nú bloggið til að sýna málverkin
TENGLAR
...........................................................
www.gislisigurdsson.blog.is
♦♦♦