Morgunblaðið - 05.03.2008, Blaðsíða 21
heilsa
MORGUNBLAÐIÐ MIÐVIKUDAGUR 5. MARS 2008 21
Tæknin sem ég lærði ánámskeiðinu bjargaðilífi mínu,“ segir Lilja ogbrosir breitt, en hún
bjó lengi á erlendri grundu, bæði
í Englandi og Sviss. Það var fyr-
ir nokkrum árum, á erfiðu tíma-
bili í lífi hennar, sem hún fór á
öndunartækninámskeið hjá The
art of living-samtökunum. „Síðan
hef ég margsinnis farið á nám-
skeið hjá samtökunum og einnig
tekið þátt í framhaldsnám-
skeiðum.“
Lilja, sem starfar nú sem
hjúkrunarfræðingur á gjörgæslu-
deild Landspítalans, flutti heim
til Íslands á ný í september 2006
og hefur síðan staðið að því að fá
námskeiðin hingað. „Öndunar-
æfingarnar veita slökun, maður
verður einbeittari og fær aukna
orku. Öndunartæknin er enda
bæði góð hugar- og líkamsrækt,“
segir Lilja og bætir við að Art of
Living samtökin séu mjög virk á
meginlandi Evrópu.
„Kennd er sérstök önd-
unartækni, jóga, slökun og íhug-
un sem nýtist fólki vel. Önd-
unartæknin getur þannig hjálpað
fólki að takast á við mótbyr í líf-
inu, að taka ákvarðanir, auk þess
sem hún dregur fram fegurðina
og það góða í manninum. Mark-
miðið er að fólk haldi áfram að
stunda æfingarnar og þá er aðal-
atriðið að fólk finni sér þann
tíma dags sem því best hentar
svo að æfingarnar, ásamt slökun
og íhugun falli vel inn í rútínu
dagsins,“ segir Lilja sem er að
vinna í því að öðlast réttindi sem
„Art of Living“ kennari.
Öndun á Litla-Hrauni
„Nýlega héldum við námskeið
fyrir fanga á Litla-Hrauni sem
Regina Boensel, yfirmaður Evr-
ópudeildarinnar, stýrði. Þessi
tækni hefur reynst sérlega góð
fyrir fanga sem oft þurfa að losa
sig við sektarkennd sem og þann
stimpil sem þeir hafa fengið bæði
af samfélaginu og sjálfum sér.“
Öndunartæknin hefur einnig
verið notuð sem áfallahjálp, t.d. í
Kosovo og eins eftir flóðbylgjuna
miklu í Asíu um jólin 2004. „Ég
hef trú á að Íslendingar geti nýtt
sér hana líka,“ segir Lilja. „Önd-
unaræfingarnar gætu þannig
verið góð viðbót við endurhæf-
ingu sjúklinga eftir erfiða spít-
alavist og kvíðann sem því fylgir
að fara aftur út í þjóðfélagið.
Einnig væri tilvalið að kenna
öndunartæknina í skólum til að
sýna unga fólkinu leið til að tak-
ast á við hraðann í þjóðfélaginu á
skynsamlegan hátt.“
Listin að anda vel
Árvakur/Eggert
Listin að lifa „Öndunaræfingarnar veita slökun, maður verður ein-
beittari og fær aukna orku,“ segir Lilja Steingrímsdóttir, sem stundar
„Art of Living“-öndunaræfingar sem eru aldargamlar.
Lilja Steingrímsdóttir
er sem ný kona eftir
að hún kynntist önd-
unartækni í Sviss sem
á uppruna sinn á Ind-
landi. Tæknin er ald-
argömul en er nú
haldið á lofti af alþjóð-
legum samtökum er
nefnast The Art of
Living. Halldóra
Traustadóttir settist
niður með Lilju og
kynnti sér leið að
betra og jákvæðara
lífi í gegnum öndun.
www.artofliving.de
hjartanslist@yahoo.com
NÚ HAFA vísindamenn staðfest það sem
hin 77 ára Beverly Fike hefur lengi vitað:
Örstuttur lúr frískar upp heilann. Frá
þessu er sagt á vefmiðli MSNBC. „Ég hef
alla tíð lagt mig í tíu mínútur þegar ég finn
að heilinn hægir á sér, og það er ekki að
spyrja að því að hann virkar hraðar og bet-
ur eftir slíkan lúr. En lúrinn má ekki vara
lengur en í tíu mínútur, því annars verð ég
bara enn latari,“ segir Beverly.
Þýsk rannsókn hefur nú staðfest að þetta
er hárrétt hjá gömlu konunni, en rann-
sóknin leiddi ekki eingöngu í ljós að aðeins
sex mínútna lúr yfir daginn lætur fólki líða
miklu betur, heldur eykur það hæfni til að
læra og muna. Tengslin milli svefns og
hæfileikans til að leggja eitthvað á minnið
hafa aðeins nýlega verið negld niður af vís-
indamönnum en reynsla fólks hefur lengi
verið á þá leið að svefn frískar upp heilann.
Meira að segja stærðfræðiséní leggja sig til
að leysa reikningsþrautir. En það sem ekki
var vitað var hversu margar mínútur ná-
kvæmlega þurfti að loka augunum og hvíl-
ast, til að ná fram þessari bættu starfsemi
heilans. Rannsakendur í Dusseldorf gerðu
því nákvæma rannsókn á stúdentum, þar
sem þeir voru látnir leggja á minnið lista
með 30 orðum. Ýmist voru þeir sem tóku
þátt látnir leggja sig eða þeir voru látnir
leika tölvuleik, og niðurstöðurnar voru af-
gerandi um að þeir sem lögðu sig, mundu
betur listann. Með nákvæmari rannsóknum
komust þeir að því að eingöngu þurfti sex
mínútur til að töfrarnir ættu sér stað. Sum-
ir draga þennan stutta tíma, sex mínútur, í
efa og segja nánari rannsóknir með stærra
úrtaki nauðsynlegar til að staðhæfa um
þetta. Aðrir leggja líka áherslu á að stuttur
lúr komi aldrei í staðinn fyrir góðan næt-
ursvefn. Samfelldur og góður nætursvefn
sé undirstaða velllíðunar og góðrar heilsu.
Stuttur lúr
frískar upp
heilann
Þitt atkvæði skiptir máli
Taktu afstöðu!!!
Munið að atkvæðagreiðslu lýkur á hádegi 10. mars
Boðinn