Morgunblaðið - 11.03.2008, Blaðsíða 11

Nafn í fæðingu Tónlistar- og ráð-
stefnuhúsið í Reykjavík fær form-
lega nafn með vorinu.
Eftir Silju Björk Huldudóttur
silja@mbl.is
„ÞETTA er miklu meiri þátttaka en
við bjuggumst við. Okkur þykir mjög
vænt um hvað áhuginn var mikill, því
það er til merkis um að hér sé nokk-
uð á ferðinni sem skipti fólk máli,“
segir Þórhallur Vilhjálmsson, mark-
aðs- og kynningarstjóri Eignar-
haldsfélagsins Portus hf., en félagið
leitaði nýverið til almennings um til-
lögur að nafni á tónlistar- og ráð-
stefnuhúsið í Reykjavík. Skilafrestur
hugmynda var til 1. mars sl. og bár-
ust, að sögn Þórhalls, alls 4.156 til-
lögur um nafn á bygginguna frá tæp-
lega 1.200 einstaklingum. Sá sem
sendi flestar tillögur í samkeppnina
sendi alls inn 108 tillögur að nafni.
Þórhallur segir þó nokkuð um það að
þátttakendur hafi sent bréf með til-
lögum sínum þar sem færð voru ít-
arleg rök fyrir nafninu.
Mikil breidd er í tillögunum, að
sögn Þórhalls, en skilyrði var að
nafnið félli vel að íslenskri tungu,
væri þjált á erlendum tungumálum,
lýsandi fyrir starfsemi hússins og
undirstrikaði að húsið væri hús
fólksins í landinu. Þórhallur segir
ekkert eitt nafn hafa borið höfuð og
herðar yfir önnur, þótt eitthvað hafi
verið um að fleiri en einn einstak-
lingur hafi sent inn sama nafnið. Það
nafn sem oftast hafi komið fyrir hafi
komið frá um sextíu aðilum.
Vinnuhópur fer nú yfir tillögurnar
og ráðgert er að kynna bestu tillög-
urnar, verðlauna höfunda þeirra og
tilkynna um endanlegt nafn hússins
eigi síðar en upp úr miðjum apríl.
„Þannig að nafnið er í fæðingu. Við
óskuðum eftir tillögum […] og viljum
verðlauna bestu tillöguna, en það er
ekki þar með sagt að það verði end-
anlega nafnið á húsinu þó það sé ekki
ólíklegt,“ segir Þórhallur og að mjög
þurfi að vanda val á nafni hússins.
Ánægðir
með góðar
viðtökur
Ríflega fjögur þúsund
tillögur bárust um
nafn á tónlistarhúsið
MORGUNBLAÐIÐ ÞRIÐJUDAGUR 11. MARS 2008 11
FRÉTTIR
ÞAU voru stolt af verki sínu, Valgerður, Sigurbjörg,
Páll og Birkir frá Skagaströnd, þegar þau sýndu frétta-
ritara afkvæmi sitt. Þar sem byggingarefnið er for-
gengilegt þótti þeim vissara að fá mynd af sér með
karlinum áður en hlákan eða aðrir krakkar yrðu hon-
um að fjörtjóni.
Morgunblaðið/Ólafur Bernódusson
Stoltir byggingasmiðir á Skagaströnd
Eftir Sunnu Ósk Logadóttur
sunna@mbl.is
MEÐ endurskipulagningu á vinnu
starfsfólks slysa- og bráðadeilda
Landspítalans er vonast til að hægt
verði að stytta biðtíma eftir þjónust-
unni um 50-75%. Sett hefur verið á
laggirnar sérstakt móttökuteymi sem
samanstendur af lækni, hjúkr-
unarfræðingi og öðru sérhæfðu
starfsfólki, sem hafa það hlutverk að
taka á móti sjúklingum og koma mál-
um þeirra sem fyrst í farveg inni á
sjúkrahúsinu. Í mörgum tilvikum
getur teymið gengið frá málum án
þess að aðrir þurfi þar að koma að.
„Samkvæmt erlendum rannsóknum
er með þessu fyrirkomulagi hægt að
afgreiða um 35% sjúklinga sem koma
inn nánast viðstöðulaust svo við not-
um fótboltamál,“ segir Ófeigur Þor-
geirsson, yfirlæknir á slysa- og
bráðadeild í Fossvogi.
Ekki verður bætt við starfsfólki
vegna þessa heldur er ætlunin að
nýta þann mannskap sem fyrir er
betur og á skilvirkari hátt, að sögn
Ófeigs „Við gerum þetta í ljósi þess
að bið eftir þjónustu er of löng,“ segir
hann.
Meðalbiðtíminn er á bilinu 65-70
mínútur en á háannatíma getur hann
farið upp í 4-5 klukkustundir. Er það
ekki óalgengt.
Teymisvinnan var prófuð á síðasta
ári og lofar góðu, að sögn Ófeigs.
Sýndi sig að biðtími styttist um 50-
75% á þeim tíma sem teymið var að
störfum, þ.e. milli kl. 12 og 18 á dag-
inn.
Í kjölfar prófunarinnar ákvað
stjórn spítalans að veita heimild til að
breyta slysa- og bráðadeildinni svo að
hægt væri að koma upp aðstöðu fyrir
starfsemi móttökuteymisins. Teymið
er nú starfandi á milli kl. 12 og 20 alla
virka daga en í framtíðinni er ætlunin
að slíkt teymi verði lengur að störfum
á degi hverjum og einnig um helgar.
„Við erum nú að taka fyrstu skrefin í
þessu og æfa mannskapinn,“ segir
Ófeigur. „Við gerum ráð fyrir að við
verðum komin á fulla keyrslu með
þetta fyrirkomulag næsta haust.“
Aðgengi vandamál víða
Lækna vantar enn til starfa á
deildinni í kjölfar uppsagna ung-
lækna nýverið. Ófeigur segir mót-
tökuteymin m.a. til komin til að mæta
því vandamáli.
Rúmlega 60 þúsund komur eru á
slysa- og bráðadeild á hverju ári.
„Það er klárlega aðgengisvandamál
að heilbrigðiskerfinu öllu,“ segir
Ófeigur spurður hvort einhverjir
þeirra sjúklinga sem leita til slysa- og
bráðadeilda ættu frekar að snúa sér
til heilsugæslunnar. „Það er erfitt að
fá tíma hjá læknum og ekki verið að
mæta þörfinni. Það þýðir það að okk-
ar deild er neyðarúrræði, hún er ör-
yggisventillinn í samfélaginu. Ef fólk
kemst ekki að annars staðar leitar
það til okkar.“
Annar vandi deildarinnar snýr að
útskriftum sjúklinga á aðrar deildir
spítalans. Keðjuverkun fer af stað
þegar sjúklingar sem liggja á legu-
deildum fá ekki pláss á hjúkr-
unarheimilum. Það þýðir að ekki er
pláss fyrir bráðveika sjúklinga á
deildunum og því myndast tappi, m.a.
á slysa- og bráðadeild. Verið er að
taka á þessum vanda m.a. með upp-
setningu svokallaðrar skamm-
verueiningar innan deildarinnar.
 Bið eftir þjónustu slysa- og bráðadeildar að meðaltali um klukkustund en á álagstímum er algengt
að fólk bíði í 4-5 tíma  Móttökuteymi eiga að greiða götu sjúklinga sem fyrst eftir komu á deildina
Ætla að stytta biðina um 50-75%
Morgunblaðið/G.Rúnar
Á vaktinni Ófeigur Tryggvi Þor-
geirsson, yfirlæknir á slysadeild.
FYRIRTÆKIÐ Nýtt upphaf vinnur
nú að því í samstarfi við Ástráð, for-
varnarstarf læknanema, og fleiri að-
ila að dreifa smokkum til forvarn-
arfulltrúa grunn- og framhaldsskóla.
Í verkefninu er gert ráð fyrir að for-
varnarfulltrúar fái smokka handa
öllum nemendum níundu og tíundu
bekkja grunnskólanna og fram-
haldsskólanna til að nota í forvarnar-
og fræðsluskyni.
Hrafnhildur Ósk Sigurðardóttir,
eigandi Nýs upphafs sem m.a. rekur
netsíðuna smokkur.is, segir að um sé
að ræða um 37.000 nemendur og að
gert sé ráð fyrir að allt að 50.000
smokkum verði dreift í tengslum við
verkefnið. Hún segir það síðan vera
alfarið í höndum forvarnaraðila
hvers skóla fyrir sig að ákveða
hvernig smokkarnir verði nýttir í
forvarnarstarfinu og að því sé alls
ekki sjálfgefið að þeim verði dreift til
nemenda.
Hrafnhildur gerir þó ráð fyrir því
að viðbrögð við verkefninu verði
bæði jákvæð og neikvæð þar sem
kynlífsfræðsla sé alltaf viðkvæm.
Tilgangurinn með verkefninu sé hins
vegar sá að útvega forvarnaraðilum
tæki til forvarnarkennslu, sem þeim
sé í sjálfsvald sett hvernig þeir nýti.
Ætla að gefa
um 50.000
smokka
Eftir Rúnar Pálmason
runarp@mbl.is
FJÁRMÁL lögreglustjóraembætt-
isins á Suðurnesjum eru í „vinnu-
ferli“ og verða engar ákvarðanir um
aðgerðir teknar fyrr en niðurstaða
úr þeirri vinnu liggur fyrir, sam-
kvæmt tilkynningu frá dómsmála-
ráðuneytinu sem gefin var út eftir
fund dómsmálaráðherra og lög-
reglustjórans í gærmorgun. Á fund-
inum lögðu fulltrúar embættisins
fram upplýsingar vegna rekstrar-
áætlunar ársins 2008.
Stjórn Lögreglufélags Suðurnesja
fundaði í gær með formanni og
framkvæmdastjóra Landssambands
lögreglumanna. Jón Halldór Sig-
urðsson, formaður Lögreglufélags
Suðurnesja, sagði að lögreglumenn
hefðu áhyggjur af ástandinu en biðu
átekta og vildu sjá hvað kæmi út úr
fundum ráðuneytisins með forsvars-
mönnum lögreglustjóraembættisins.
Jón Halldór sagði að kæmi til veru-
legs niðurskurðar væri vandséð
hvernig hægt væri að reka embætt-
ið. „Við lýsum yfir áhyggjum af álagi
og öryggi okkar félagsmanna,“ sagði
hann. Nú þegar vantaði rúmlega 15
lögreglumenn í liðið en búist hefði
verið við að fleiri yrðu ráðnir í vor
þegar næst verður útskrifað úr Lög-
regluskólanum.
Fjölgun íbúa og farþega
Jón Halldór benti á að sveitar-
félögin í umdæminu hefðu stækkað
og farþegum um Leifsstöð fjölgað
verulega. Í því ljósi hefðu menn bú-
ist við að fjárheimildir yrðu auknar,
frekar en að útlit væri fyrir að skera
þyrfti niður þar sem fjárframlög
væru ekki aukin. Þá tók hann fram
að félagið stæði þétt við bakið á
stjórnendum embættisins.
Steinar Adolfsson, framkvæmda-
stjóri landssambandsins, sagði það
verulegt áhyggjuefni ef lögreglu-
stjórinn á Suðurnesjum yrði að
grípa til uppsagna til þess að halda
rekstrinum innan fjárheimilda.
Steinar sagði að víðar heyrðust
raddir um rekstur hjá lögregluemb-
ættum, t.d. hefði lögreglan á höf-
uðborgarsvæðinu þurft að skera nið-
ur. Niðurskurður bitnaði
óhjákvæmilega á lögreglumönnum
enda væru laun yfirleitt á bilinu 80-
85% af útgjöldum embættanna. Hjá
landssambandinu hefðu menn velt
því fyrir sér hvort tekjugrunnur lög-
regluembættanna væri hugsanlega
rangur.
Fjármál lögreglunnar á
Suðurnesjum í vinnuferli
Lögreglufélagið á Suðurnesjum fundar með Landssambandi lögreglumanna
Morgunblaðið/Sverrir
Eftirlit Löggæslumenn að störfum.