Morgunblaðið - 18.04.2008, Blaðsíða 21

|föstudagur|18. 4. 2008| mbl.is
daglegtlíf
Ég fór fyrst og fremst íLéttsveitina til að syngja.Ég söng heilmikið semkrakki og unglingur og
hef verið í félagsskap þar sem mikið
hefur verið sungið. Ég hafði lítið
sungið eftir að ég átti börnin og
löngunin til að fara í kór dró mig út í
þetta,“ segir sú elsta í hópnum,
frænkan Ingibjörg Margrét Gunn-
laugsdóttir, sem hefur verið lengst í
kórnum eða frá því haustið 2000.
„Ég valdi Léttsveitina vegna laga-
valsins hjá þeim en ekki síður vegna
orku Jóhönnu Þórhallsdóttur stjórn-
anda sem höfðaði til mín. Ég var
ekki í þörf fyrir félagsskap, heldur
fór ég fyrst og fremst til að fá útrás
fyrir söngþörfina. Aftur á móti hef
ég eignast margar góðar vinkonur í
kórnum.“
Grátandi upp að altarinu
Frænka hennar Elísabet söng
með henni í barnakirkjukór þegar
þær voru litlar. Ingibjörg Margrét
hefur áfram orðið: „Við sungum hjá
séra Árelíusi og ég söng meira að
segja einsöng frá átta til tíu ára ald-
urs í þeim góða kirkjukór. Ég fór
grátandi upp að altarinu í fyrsta
skiptið sem ég átti að syngja ein-
söng, ég kveið svo fyrir,“ segir hún
og skellihlær að minningunni.
Sú yngsta í hópnum, nafna hennar
Ingibjörg og systir Elísabetar, seg-
ist aftur á móti ekki hafa sungið
mikið fyrr en hún gekk til liðs við
Léttsveitina. „Íþróttir áttu hug
minn allan áður og mestur frítíminn
fór í þær. Ég söng þó eitthvað í
framhaldsskóla og tók tónlistar-
áfanga í Kennaraháskólanum þar
sem við stofnuðum kór. Mér hefur
alltaf fundist mjög gaman að
syngja.“
Þær frænkur eru hógværar og
segja að engar tónlistarstjörnur sé
að finna í stórfjölskyldunni. „En það
er mikil og almenn sönggleði.“
Elísabet segist fyrst hafa heyrt í
Léttsveitinni þegar hún sá hana og
heyrði í fertugsafmæli Ingibjargar
Margrétar frænku sinnar. „Ég heill-
aðist algjörlega og vildi strax ganga
í kórinn en þurfti að vera á biðlista í
heilt ár. Við Ingibjörg systir skellt-
um okkur í kórskóla hjá Kvennakór
Reykjavíkur á meðan en 2002 fékk
ég loksins að vera með og Ingibjörg
kom ári síðar til liðs við okkur.“
Stutt er á milli frænknanna Ingi-
bjargar Margrétar og Elísabetar í
aldri og áttu þær mikið saman að
sælda á uppvaxtarárunum en Ingi-
björgu yngri kalla þær skottuna.
„Það er rosalega gaman að vera all-
ar þrjár saman í kór og það styrkir
mikið tengslin á milli okkar enda
förum við á hverjum þriðjudegi sam-
an á söngæfingar auk þriðja hvers
fimmtudags.“
Tuktar okkur stundum til
Þær eru afskaplega ánægðar með
kórstjórann Jóhönnu. „Auðvitað
þarf að halda uppi aga þar sem
koma saman hundrað konur, en
gleðin er alltaf í fyrirrúmi. Jóhanna
leggur áherslu á að við höfum gam-
an af því sem við erum að gera og ef
einhverjir hnökrar koma upp tökum
við líka á því með gleði. Þótt hún
tukti okkur stundum til er það bara
nauðsynlegt og hollt fyrir okkur. Við
erum að glíma við verk eftir Atla
Heimi sem heitir Kvennarapp og
það er heilmikið hjakk á meðan við
erum að ná því en það er frábært
þegar það smellur saman.“ Þær
segja Aðalheiði Þorsteinsdóttur pí-
anóleikara einnig eiga stóran þátt í
því hvernig Léttsveitin er. „Samspil
þeirra Jóhönnu skiptir miklu máli og
það hvernig þær vinna saman á æf-
ingum.“
Þær segja Léttsveitina vera sér-
stakt samfélag ótal ólíkra kvenna
sem koma úr öllum þjóðfélags-
hópum. „Margar okkar koma úr
umönnunarstéttum og eru þar af
leiðandi í störfum þar sem þær
þurfa að gefa mikið af sér. Þess
vegna er svo gott að vera í kór þar
sem söngurinn gefur okkur mikið til
baka. Það er alveg sérstök stemning
að finna samhljóminn þegar við
syngjum saman,“ segir Ingibjörg
Margrét. „Þetta eru svo frábærar
konur og dásamlegur félagsskapur.
Innan hópsins er fjöldi nefnda og við
lærum heilmikið af því starfi. Við
höfum líka gefið út tvær mat-
reiðslubækur með uppáhalds-
réttunum okkar og einn geisladisk.“
Nafna hennar, skottan Ingibjörg,
bætir við að það sé gott að eiga sitt
eigið áhugamál. „Þegar maður er
kominn með börn og fjölskyldu er
svo gott að geta labbað út og slakað
á með hinum konunum á söng-
æfingu. Ef við erum þreyttar endur-
nærumst við í söngnum enda finnur
maður orkuna frá öllum þessum
konum þegar maður gengur í sal-
inn.“
Í bleika útrás til Berlínar
Léttsveitin fer í tónleikaferðir til
útlanda annað hvert ár en innan-
lands hitt árið. „Við höfum til dæmis
sungið á Kúbu, Ítalíu og Norð-
urlöndunum. Silja Hauksdóttir gerði
heimildarmynd um Ítalíuferðina
okkar sem var sýnd í sjónvarpinu og
hún gefur góða mynd af þessu
systrasamfélagi. Það er svakalega
gaman hjá okkur í tónleikaferðum
og við verðum eins og stelpur í sum-
arbúðum. Núna í apríl förum við í
bleika útrás til Berlínar og ætlum að
syngja í Admirals Palast, menning-
arhúsinu sem Helgi Björns á þar
ásamt fleirum. Maríus Sverrisson
ætlar að syngja með okkur og við
ætlum líka að halda árshátíðina okk-
ar í þessari Berlínarferð,“ segja þær
með tilhlökkun. „En við ætlum að
prufukeyra útrásina okkar á tvenn-
um vortónleikum í næstu viku í Bú-
staðakirkju og þá ætlar Magga
Stína að syngja einsöng með okkur í
nokkrum Megasarlögum.“
khk@mbl.is
Hundrað kvenna hljómur
Morgunblaðið/Kristinn Ingvarsson
Söngglaðar F.v.: Elísabet, Ingibjörg systir hennar og Ingibjörg frænka við málverk frá Kúbuferðinni.
Söngurinn hljómar Líf og fjör á tónleikum í Langholtskirkju 2004.
Fjölmargar systur,
frænkur og mæðgur
má finna í Léttsveit
Reykjavíkur, sem er
hundrað kvenna kór.
Kristín Heiða Krist-
insdóttir hitti tvær
systur og föðursystur
þeirra, sem allar njóta
þess ríkulega að syngja
í stórum hópi kvenna.
„Auðvitað þarf að halda
uppi aga þar sem koma
saman hundrað konur, en
gleðin er alltaf í fyrirrúmi.
Jóhanna leggur áherslu á
að við höfum gaman af því
sem við erum að gera.“
Vortónleikar Léttsveitarinnar
verða 22. og 24. apríl kl. 20.00 í
Bústaðakirkju.
BÆTIEFNI í pilluformi lengja ekki
lífið – heldur jafnvel þvert á móti.
Þetta eru niðurstöður danskra vís-
indamanna sem fóru í gegnum fyrri
rannsóknir á efninu. Forskning.no
greinir frá.
Vísindamennirnir segja að A- og
E-vítamín og betakarótín geti leitt til
ótímabærs dauða þar sem þau trufli
náttúrulegt varnarkerfi líkamans en
niðurstöður þeirra fyrir C-vítamín
og selen voru óskýrar. Niðurstöður
þeirra eru að líta eigi á bætiefni sem
lyfjavöru sem þurfi að ganga í gegn-
um strangar prófanir áður en hún er
markaðssett.
Þeir fundu engar vísbendingar um
að þessi bætiefni lengdu líf fólks sem
annars var heilsuhraust en undir-
strikuðu að rannsóknin næði ekki til
sjúklinga sem hafa sérstaka þörf fyr-
ir bætiefni, né til bætiefna sem eru í
ávöxtum og grænmeti frá náttúr-
unnar hendi.
Vítamíntöflurnar óhollar?
Morgunblaðið/Sverrir
Bætiefni Áhöld eru um hvort vítamín í töfluformi séu holl eður ei.
C O N C E P T S T O R E
Laugavegi 7 • 101 Reykjavík
Sími 561 6262 • www.kisan.is