Morgunblaðið - 26.05.2008, Blaðsíða 4

4 MÁNUDAGUR 26. MAÍ 2008 MORGUNBLAÐIÐ
FRÉTTIR
Heimsferðir bjóða frábært tilboð á síðustu sætunum til Trieste á
Ítalíu þann 1. júní í 1 eða 2 vikur. Gríptu þetta frábæra tækifæri og
leggðu Ítalíu að fótum þér. Einnig getur þú farið yfir til Króatíu eða
Slóveníu og notið lífsins. Þú kaupir flug og gistingu, flug og bíl
eða flugsæti eingöngu allt eftir því hvað þú hefur í huga í fríinu.
Skógarhlíð 18 • sími 595 1000 • www.heimsferdir.is
Ítalía
1. júní
frá kr. 29.990
Allra síðustu sætin
Verð kr. 29.990
Netverð á mann. Flugsæti með sköttum, m.v. sértilboð 1. júní í 1 eða 2 vikur. Ath.
takmarkaður fjöldi flugsæta á þessu verði.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Mjög fáir hefðu sætt sig við þetta og félagið hefði
bent á að verðið væri allt of hátt miðað við mark-
aðsverð. Auk þess væri mikið mýrlendi þarna og
það boðið á háu verði. Félagið hefði boðið 3 til 3,5
milljónir á hektara en því verið hafnað.
Ef miðað er við fjögurra milljóna króna með-
alverð yrði heildargreiðsla fyrir lóðirnar 130 um
520 milljónir
Spenna bogann hátt
Sveinn Guðmundsson, lögfræðingur Lands-
sambands sumarhúsaeigenda, segir að sumir
landeigendur hafi spennt bogann ansi hátt. Í því
sambandi nefnir hann að í Dagverðarnesi hafi
hektarinn verið seldur á allt að 40 milljónum eða
lóð á fjórðungi úr hektara fyrir 10 milljónir. Það
væri ekki í nokkru samræmi við verðmæti og
verðþróun á landsvísu en þetta smitaði út frá sér
og uppsett verð í Eyrarskógi væri dæmi um það.
Eyrarskógur hefði sérstöðu að því leyti að þar
væri bóndi í verðstríði við sumarhúsaeigendur en
yfirleitt væru það fjárfestar, sem keyptu sum-
EIGENDUR sumarbústaðalóða í Eyrarskógi í
Svínadal og eigendur sumarhúsanna á lóðunum
hafa deilt harkalega um uppsett verð fyrir lóð-
irnar og eru deilurnar komnar á það stig að aðilar
talast ekki lengur við. Lóðirnar eru um 130 og
eru leigðar til 25 ára en í flestum tilfellum eiga
menn mörg ár eftir af leigutímanum.
Sverrir D. Hauksson, formaður Hagsmuna-
félags Sumarhúsaeigenda í Eyrarskógi og Hrísa-
brekku, skammt frá Vatnaskógi, segir að fyrir
meira en ári hafi félagar séð hvað væri að gerast í
sambærilegum málum í Skorradal og haft sam-
band við hjónin á Eyri í þeim tilgangi að semja
um kaup á sumarbústaðalandinu. Þau hefðu þá
verið byrjuð að vinna í því að fá nýtt deiliskipulag
á landið. Í kjölfarið hefðu þau sett málið í hendur
fasteignasala og beint bústaðaeigendum til ákveð-
ins forsvarsmanns. Hverjum og einum hefði verið
boðið að gera tilboð í landið og verðið verið frá
um 7 til um 10 milljóna á hektara. Lóðirnar væru
yfirleitt um 0,4 til 0,7 hektarar og meðalverðið því
um 4 milljónir króna fyrir sumarbústaðalandið.
arbústaðalönd, þar sem leiga væri gjarnan að
renna út með það í huga að geta þvingað fólk til
þess að kaupa á háu verði. Hafa bæri í huga að
um tvenns konar eignarrétt væri að ræða, eign-
arrétt landeiganda og eignarrétt fólks á fast-
eignum. Ekki væri hægt að horfa framhjá því
sem fólk hefði gert á leigulandi og í raun ætti að
virða það frekar til lækkunar á landinu en hækk-
unar. Margir bændur hefðu enda boðið fólki að
kaupa sumarbústaðalandið á sanngjörnu verði.
Við Þingvallavatn hefðu lóðir farið á 2 milljónir
við vatnið. Í Grafningnum í landi Króks hefðu lóð-
irnar farið á eina milljón. Við Gufuá í Borgarfirði
hefði hver lóð farið á hálfa til eina milljón.
Fyrir Alþingi liggur tillaga um ný lög sem taka
til þessara mála. Sveinn bendir á að þau eigi að
tryggja fólki með leigusamning ákveðna réttar-
stöðu eins og til dæmis bætur fyrir fasteignir á
leigulóð. Í Dagverðarnesi hafi leigan til dæmis
hækkað fjórfalt í vor, en þar, eins og í Eyr-
arskógi, eigi margir mörg ár eftir af leigusamn-
ingi sínum.
Harkalega deilt um verð á
sumarbústaðalóðum í Svínadal
Farið fram á um 7 til 10 milljónir á hektara en bústaðaeigendur bjóða mun minna
HANN gat varla borið upp á betri dag, dag
barnsins, sem haldinn var hátíðlegur í gær. Hin
mesta blíða var víðast um land, þ.m.t. í Reykja-
vík þar sem börnum og fullorðnum var boðið í
sund í tilefni dagsins. Laugardalslaugin varð
fljótt þéttskipuð börnum og foreldrum.
Morgunblaðið/Kristinn Ingvarsson
Frítt í sund á
degi barnsins
JÓN Þ. Eggertsson, bóndi á
Eyri, segir að hann vilji selja allt
sumarbústaðahverfið og hafi
boðið sumarbústaðaeigendum
landið fyrir rúmu ári. Hann hafi
fengið fasteignasala til að meta
lóðirnar en fólkið hafi ekki verið
sátt við verðið. Enginn hafi verið
neyddur til þess að kaupa og all-
ir gætu haldið sínum leigusamn-
ingum sem væru til 25 ára.
Að sögn Jóns er verð lóðanna í
samræmi við það sem tíðkast í
nágrenninu en þó mun lægra en
í Skorradalnum. Þær hafi verið
metnar eftir landgæðum og þær
dýrustu væru upp með ánni.
Gagntilboð hefði hljóðað upp á
350 krónur fyrir fermetrann og
það væri kannski í lagi ef allt
130 lóða hverfið væri selt í einu.
Verðið hjá sér væri 600 kr. á
fermetrann og það væri það
lægsta sem hann vissi um. Í
fyrra hefði hann reyndar heyrt
að fermetrinn við Kerið í Gríms-
nesi hefði verið seldur á um 550
til 600 kr.
Sambæri-
legt verð
KRISTINN H. Gunnarsson alþing-
ismaður stóð ekki að stuðningsyfir-
lýsingu miðstjórnar Frjálslynda
flokksins við Magnús Þór Hafsteins-
son, varabæjarfulltrúa á Akranesi.
Magnús segir að með þessari afstöðu
komi Kristinn í bakið á samherjum
sínum.
Kristinn sagðist í samtali við
Morgunblaðið ekki styðja Magnús
Þór. „Ég styð ekki málflutning hans
og tel ekki ástæðu til að styðja sér-
staklega framgöngu hans á Akra-
nesi, þar sem þar hefur tekist svo til
að hann hefur misst meirihlutaað-
stöðuna úr höndum sér,“ sagði Krist-
inn.
Magnús Þór Hafsteinsson sagði
að með þessu væri Kristinn að koma
í bakið á honum, sínum eigin þing-
flokki og formanni flokksins. „For-
maður flokksins var allan tímann
upplýstur um gang mála á Akranesi,
um þá greinargerð sem ég skrifaði.
Ég sendi hana til formannsins um
leið og ég hafði skrifað hana. For-
maðurinn las hana yfir og lagði
blessun sína yfir það sem þar stóð,
þannig að ég lít nú eiginlega svo á að
ef Kristinn H. Gunnarsson er að veit-
ast að mér í þessu máli er hann jafn-
framt að veitast að sínum eigin þing-
flokki, hann er að veitast að
miðstjórn flokksins og hann er að
veitast að formanni flokksins,“ sagði
Magnús.
Kemur í bakið
á samherjum
Magnús Þór
Hafsteinsson
Kristinn H.
Gunnarsson
ÁTTA ökumenn voru kærðir í um-
dæmi lögreglunnar á Suðurnesjum
fyrir of hraðan akstur í gær og þar af
mældist einn á 148 km hraða á
Reykjanesbraut.
Nokkrar annir voru hjá lögregl-
unni á höfuðborgarsvæðinu og á
Suðurnesjum um helgina vegna
fjörugs næturlífs. Tilkynnt var um
tvær líkamsárásir í Reykjanesbæ. Í
nokkrum tilfellum þurfti lögreglan
að ganga á milli manna til að upp-
ræta slagsmál og kvartað var undan
hávaða í veislum í heimahúsum.
Tveir gistu fangageymslu í
Reykjanesbæ aðfaranótt sunnudags,
annar vegna ölvunar en hinn vegna
vörslu fíkniefna. Í Reykjavík voru
margir á ferðinni undir morgun á
sunnudag og átta gistu fanga-
geymslur.
Tekinn
á 148 km
hraða
Fjörugt næturlíf
SAMFYLKINGIN nýtur mests
fylgis í borginni og er með tæplega
tíu prósentustiga fylgi umfram Sjálf-
stæðisflokkinn, ef marka má niður-
stöður skoðanakönnun Fréttablaðs-
ins, sem kynntar voru í gær.
Samfylkingin nýtur 43,4% fylgis
sem er ívið meira fylgi en flokkurinn
fékk í skoðanakönnun blaðsins sem
gerð var í janúar skömmu eftir að
núverandi meirihluti tók við og fengi
sjö borgarfulltrúa. Sjálfstæðisflokk-
urinn fengi 33,8%, sem er ívið minna
fylgi en í síðustu könnun og sex
borgarfulltrúa. VG fengi 14,1% og
tvo fulltrúa, Framsóknarflokkurinn
fengi 3,9% og Frjálslyndi flokkurinn
4,2%. Þá kom fram að tæp 28% borg-
arbúa styðja núverandi meirihluta.
Þá vilja flestir eða 40,2% að Hanna
Birna Kristjánsdóttir verði borgar-
stjóri þegar embættið flyst yfir til
Sjálfstæðisflokksins, 15,2% nefndu
Gísla Martein Baldursson, 10,8%
Vilhjálm Þ. Vilhjálmsson, 5,5% Júl-
íus Vífil Ingvarsson, 3,9% Kjartan
Magnússon, 3% Þorbjörgu Helgu
Vigfúsdóttur og 0,3% Jórunni Ósk
Frímannsdóttur.
Könnunin náði til 600 Reykvíkinga
og tóku tæp 60% afstöðu.
Samfylk-
ingin með
mest fylgi