Morgunblaðið - 15.06.2008, Blaðsíða 10

10 SUNNUDAGUR 15. JÚNÍ 2008 MORGUNBLAÐIÐ
V
esturbærinn hefur setið eftir í uppbyggingu
á aðstöðu og samgöngum í íþrótta- og æsku-
lýðsstarfi á höfuðborgarsvæðinu. Það veldur
álagi á fjölskyldur að íþrótta- og tómstunda-
starf er að miklu leyti skipulagt utan skóla-
tíma, eins og raunin er einnig í öðrum hverf-
um borgarinnar. Það gengur því misjafnlega
að samhæfa skólastarf og áhugamálin, auk
þess sem tíminn að loknum vinnudegi foreldra yngstu barnanna
fer gjarnan í „skutl“ og „reddingar“. Nú vinna einstaklingar og
uppeldisstofnanir í Vesturbænum að hugmyndum um hvernig
megi bæta úr þessu.
Mikilvægt er að létta þessu „aukaálagi“ af fjölskyldum, að
sögn Þórólfs Þórlindssonar, forstjóra Lýðheilsustöðvar. „Það
dregur úr aukaálagi ef fjölbreytni er í framboði á íþrótta- og
æskulýðsstarfi, því þá þurfa fjölskyldur ekki að leita út fyrir
hverfið. Best er að tengja það skólastarfinu, en til þess að þetta
gangi upp þarf að bæta úr aðstöðu, skipulagi og samgöngum inn-
an hverfisins. Stundum er talað um þetta sem einangraða þætti
og það skortir heildarhugsun, því allir þættir þurfa að vera fyrir
hendi ef árangur á að nást.“
Eigum að nýta okkur KR
„Þetta er spurning um samgöngur og síðan samstarf á milli
þeirra stofnana sem sinna fólki,“ segir Örn Bárður Jónsson sókn-
arprestur, en Neskirkja er ein af þeim uppeldisstofnunum í Vest-
urbænum sem vinna að viljayfirlýsingu, þar sem áhersla er lögð á
úrbætur í samgöngumálum, betri aðstöðu og meiri samþættingu
skóla-, íþrótta- og tómstundastarfs.
„Þetta byrjaði á stefnumótun innan KR, en í þeirri naflaskoð-
un skýrðist fljótlega að þarfir KR fara saman við þarfir Vest-
urbæjarins,“ segir Pétur Marteinsson, verkefnastjóri hjá KR.
„Þegar horft er til íþróttastarfs barna beinir það sjónum að vel-
ferð fjölskyldna sem standa við bakið á börnunum. Þess vegna
ráðfærðum við okkur við þá sem koma að uppeldi og heilbrigði
barna, s.s. Lýðheilsustöð, heilbrigðisráðuneytið og grunnskóla.“
„Það er orðið nauðsynlegt að efna til átaks og efla æskulýðs-
og íþróttastarf í Vesturbænum,“ segir Þórólfur Þórlindsson, for-
stjóri Lýðheilsustöðvar. „Ég held að það eigi að gerast í mjög
nánu samstarfi við KR. Við eigum að nýta okkur að vera með öfl-
ugt íþróttafélag í hverfinu.“
Stofnuð hafa verið samtökin Vinir Vesturbæjar til að fara yfir
hvað þarf að gera í borgarhlutanum og skipað hefur verið sér-
stakt fagráð til að greina þarfir fjölskyldna. Til skoðunar er að
byggja þjónustumiðstöð á KR-svæðinu til að mæta þörfum barna
og ungmenna og flétta saman íþrótta- og tómstundastarf við
skólastarf og aðra þjónustu. Efnt verður til íbúaþings 24. júní í
félagsheimili KR, þar sem verkefnið verður kynnt og kallað eftir
hugmyndum frá íbúum.
Sumir krakkar afskiptir
Þeir krakkar sem búa í næsta nágrenni við KR-svæðið stunda
helst íþróttir og kvartað er undan því að sumir krakkar í Vest-
urbænum séu afskiptir, svo sem norðan Hringbrautar eða í
Skerjafirði. Fram kemur í skoðanakönnunum að þeir stunda
íþróttir í miklu minna mæli eða jafnvel engar íþróttir. Það rímar
við niðurstöðu lokaverkefnis Stefáns Arnarsonar, íþrótta- og
æskulýðsfulltrúa KR. Hann talaði við 80 afreksmenn í yngri
landsliðum í körfubolta, handbolta, sundi og frjálsum íþróttum.
Þar kom fram að 85% þeirra áttu heima mjög nálægt eða frekar
nálægt íþróttahúsi þegar þeir byrjuðu að stunda íþróttir.
„Við viljum að sjálfsögðu bæta úr þessum aðstöðumun og þar
fara hagsmunir barnafjölskyldna og KR saman,“ segir Pétur
Marteinsson. „Við teljum afar mikilvægt að bjóða upp á heil-
brigðan lífsstíl fyrir alla Vesturbæinga. Rannsóknir sýna að börn
og unglingar sem stunda íþróttir standa betur í námi, félagslega
og andlega.“
Rýnihópakönnun í samstarfi við Íslensku auglýsingastofuna
leiddi í ljós að foreldrar kvörtuðu yfir „stressi“ og „álagi“ að
skutla sífellt börnum á milli staða eftir annasaman vinnudag. Og
skoðanakönnun, sem framkvæmd var af Capacent Gallup, leiddi
til sömu niðurstöðu.
„Þar kemur í ljós að foreldrar vilja meira samstarf milli skóla
og þeirra sem annast tómstundastarf og íþróttaiðkun, þannig að
vinnudegi barna ljúki klukkan fimm, ekkert síður en foreldra,“
segir Pétur. „Þetta er það sem minni sveitarfélög hafa þegar
hrint í framkvæmd. Mikið er kvartað undan skutli og tíma-
skorti.“
Í könnun Guðnýjar Hildar Magnúsdóttur á viðhorfum foreldra
7 til 12 ára krakka í frístundastarfi í Vesturbænum, sem kynnt
var í maí í fyrra, kemur fram að foreldrar óska eftir fjölbreyttara
framboði af íþróttum og meira framboði af tónlistarnámi, dansi
og listtengdu starfi. Helstu hindranir sem þeir nefna eru langar
vegalengdir í frístundastarf, að Hringbrautin sé farartálmi, tíma-
setningar séu slæmar og kostnaður mikill.
Engu að síður hefur Vesturbærinn það fram yfir önnur hverfi
borgarinnar að þar hafa aldrei verið biðlistar á frístundaheimilin.
Þar fer fram „meira samstarf“ við frjáls félög um tómstundir og
íþróttir en margir foreldrar gera sér grein fyrir, að sögn Guð-
rúnar Kaldal, forstöðumanns Frostaskjóls, sem sér um frí-
stundaheimilin. Til dæmis eru þau í samstarfi við KR um íþrótta-
skóla fyrir 1. og 2. bekk tvisvar í viku. Og einnig við
Þarfir fjölskyldna og
Til þess að efla æskulýðs- og íþróttastarf
í KR þarf að koma betur til móts við
barnafjölskyldur í Vesturbænum. Pétur
Blöndal kynnti sér hugmyndir um að
bæta samgöngur og aðbúnað og reisa
þjónustumiðstöð á KR-svæðinu til að
mæta þörfum fjölskyldna á svæðinu.
Holl hreyfing Krakkarnir léku á als oddi á sumarnámskeiði KR á fimmtudaginn var, en uppi eru hugmyndir um að bæta aðstöðuna.