Morgunblaðið - 21.07.2008, Blaðsíða 2
2 MÁNUDAGUR 21. JÚLÍ 2008 MORGUNBLAÐIÐ
íþróttir
Íþróttir Morgunblaðsins Hádegismóum 2, 110 Reykjavík, sími 5691100, netfang sport@mbl. is
Útgefandi Árvakur hf. Umsjón Sigurður Elvar Þórólfsson, seth@mbl. is , Víðir Sigurðsson, vs@mbl. is
Auglýsingar sími 5691111 netfang augl@mbl. is Bréfsími 5691110 Prentun Landsprent ehf.
„ÞETTA var eiginlega endurtekn-
ing á fyrra markinu sem ég skoraði
gegn KR um daginn, aukaspyrna frá
hægri og boltanum fleytt áfram til
mín,“ sagði Helgi Sigurðsson sókn-
armaður Vals við Morgunblaðið eft-
ir leikinn gegn Keflavík á laugar-
daginn en hann jafnaði þá metin,
1:1, á 79. mínútu.
Þetta var sjötta mark Helga í
deildinni í sumar eftir rólega byrjun.
„Já, þetta er allt að koma og maður
er farinn að brosa aðeins meira en
áður. Við sýndum mikinn karakter
með því að jafna leikinn og þar með
erum við ennþá inni í baráttunni í
efri hlutanum. Með þessum úrslitum
hleyptum við heldur ekki Keflvík-
ingum lengra fram úr okkur. Við
höfum bætt okkar leik jafnt og þétt,
unnum þrjá á undan þessum og er-
um á ágætu róli, og aðalmálið er að
vera á réttum stað þegar mótinu
lýkur í haust.“
Valsmenn voru án Birkis Más
Sævarssonar og Pálmi Rafn Pálma-
son spilaði sinn síðasta leik. „Já, það
eru ýmsar breytingar hjá okkur og
auðvitað hefur það mikið að segja.
Þó við séum með stóran og góðan
hóp er aldrei gott að missa lykil-
menn, hvað þá tvo í einu, en við er-
um búnir að fá Henrik Eggerts, sem
sýndi að hann er góður leikmaður,
og vonandi fáum við einn til tvo í við-
bót til að styrkja hópinn. Það er al-
veg ljóst að við gefum titilinn ekki
eftir baráttulaust. Við erum með
nógu gott lið þó þessir tveir séu
farnir, það eru tíu leikir eftir og við
erum í ágætum málum. Vissulega er
talsvert leikjaálag eins og er, við
vorum að koma úr erfiðum Evrópu-
leik og við erum nokkrir á efri árum
í boltanum, sem þýðir kapphlaup við
klukkuna til að ná sér eftir hvern
leik. En það eru sterkir karakterar í
liðinu og við eigum eftir að fleyta
okkur ofar á töflunni, ég er handviss
um það,“ sagði Helgi.
Viðtöl við Kristján Guðmunds-
son þjálfara Keflavíkur, Guðjón
Árna Antoníusson fyrirliða Kefla-
víkur og Willum Þór Þórsson þjálf-
ara Vals eru á íþróttavef mbl.is, und-
ir „Landsbankadeildin.“ vs@mbl.is
„Málið er að vera á réttum stað í haust“
0:1 23. Eftir langt innkast frá vinstri hrökk boltinn út á miðjavítateigslínu Vals. Guðjón Árni Antoníusson skallaði boltann
niður og til hægri á Hólmar Örn Rúnarsson sem tók hann viðstöðulaust
og lyfti honum skemmtilega yfir Kjartan markvörð og í markhornið
fjær.
1:1 79. Rasmus Hansen sendi fyrir mark Keflavíkur frá hægri.Pálmi Rafn Pálmason fleytti boltanum áfram með höfðinu og á
markteigslínu; aðeins til vinstri var Helgi Sigurðsson mættur og renndi
boltanum í netið.
Valur 1
Keflavík 1
Vodafonevöllurinn að Hlíðarenda, úrvals-
deild karla, Landsbankadeildin, laugardag-
inn 19. júlí 2008.
Mark Vals: Helgi Sigurðsson 79.
Mark Keflavíkur: Hólmar Rúnarsson 23.
Markskot: Valur 11 (5) – Keflavík 13 (9).
Horn: Valur 6 – Keflavík 8.
Rangstöður: Valur 4 – Keflavík 2.
Skilyrði: Sól, gola og fínn völlur.
Lið Vals: (4-4-2) Kjartan Sturluson – Einar
Marteinsson (Baldur I. Aðalsteinsson 46.),
Atli Sveinn Þórarinsson, Barry Smith
(Henrik Eggerts 46.), René Carlsen – Ras-
mus Hansen, Pálmi Rafn Pálmason, Sigur-
björn Hreiðarsson, Bjarni Ólafur Eiríksson
– Guðmundur Benediktsson (Baldur Bett
62.), Helgi Sigurðsson.
Gul spjöld: Pálmi Rafn 70. (brot), Eggerts
89. (brot).
Rauð spjöld: Baldur I. Aðalsteinsson 81.
(brot).
Lið Keflavíkur: (4-4-2) Ómar Jóhannsson –
Guðjón Antoníusson, Kenneth Gustafsson
(Guðmundur Mete 75.), Hallgrímur Jónas-
son, Nicolai Jörgensen – Símun Samuelsen,
Einar Orri Einarsson, Hólmar Örn Rún-
arsson, Patrik Redo – Þórarinn Kristjáns-
son (Hörður Sveinsson 61.), Magnús Þor-
steinsson (Hans Mathiesen 72.)
Gul spjöld: Engin.
Rauð spjöld: Engin.
Dómari: Garðar Örn Hinriksson, Stokks-
eyri, 4.
Aðstoðardómarar: Ólafur Ingvar Guð-
finnsson og Einar K. Guðmundsson.
Áhorfendur: 1.353.
„MIÐAÐ við
fyrri hálfleikinn
hefðum við átt að
vera 2:0 yfir, við
fengum 4-5 góð
færi og víta-
spyrnu að auki.
En í seinni hálf-
leik lögðu Vals-
menn allt í þetta
til að fá jöfn-
unarmarkið,
bættu í sóknina og sóttu mikið. Þeir
gerðu okkur mjög erfitt fyrir og ég
held að þegar upp var staðið hafi
jafnteflið verið sanngjarnt,“ sagði
Símun Samuelsen, færeyski lands-
liðsmaðurinn í liði Keflavíkur, við
Morgunblaðið eftir jafnteflisleikinn
að Hlíðarenda á laugardaginn.
„Við buðum dálítið hættunni
heim með því að brjóta klaufalega
af okkur fyrir utan vítateiginn og
þar gáfum við þeim hættuleg færi
úr aukaspyrnum. En undir lokin
hefðum við með smá-heppni getað
skorað og sigrað. Valsmenn voru
meira með boltann en við lágum
aftar eins og oft í sumar og reynd-
um að sækja hratt.“
Símun kvaðst mjög ánægður með
að vera á toppnum með Keflavík en
það væri jafnframt pressa á liðinu
fyrir vikið. „Við verðum efstir eftir
umferðina en höldum áfram að ein-
beita okkur að þeim markmiðum
sem við settum okkur. Það verður
að koma í ljós hvort okkur tekst
það. Við eigum enn tíu leiki eftir,
þar af marga erfiða útileiki. Mótið
vinnst ekki á tólf leikjum en við er-
um í skemmtilegri stöðu,“ sagði
Símun Samuelsen. vs@mbl.is
„Jafnteflið
var mjög
sanngjarnt“
Símun
Samuelsen
Valur
M
Kjartan Sturluson
Atli Sveinn Þórarinsson
Sigurbjörn Hreiðarsson
Helgi Sigurðsson
Pálmi Rafn Pálmason
Rasmus Hansen
Henrik Eggerts
Keflavík
M
Ómar Jóhannsson
Guðjón Árni Antoníusson
Nicolai Jörgensen
Kenneth Gustafsson
Magnús S. Þorsteinsson
Einar Orri Einarsson
Hallgrímur Jónasson
Hólmar Örn Rúnarsson Eftir Víði Sigurðsson
vs@mbl.is
En það er ljóst að staða Keflvíkinga í
dag er engin tilviljun og hún er verð-
skulduð. Þeir eru með samstillta liðs-
heild og vel spilandi einstaklinga sem
geisla af sjálfstrausti, þora að vera
með boltann og reyna að sækja hratt
við öll tækifæri, en eru jafnframt
skynsamir og yfirvegaðir.
Þeir voru nær sigrinum en Vals-
menn á laugardaginn þó niðurstaðan
hafi samt kannski verið nokkuð
sanngjörn. Keflvíkingurinn Þórarinn
Kristjánsson nýtti ekki vítaspyrnu
eftir 12 mínútna leik, Kjartan Sturlu-
son varði frá honum, en Barry Smith
hafði þá fellt Magnús S. Þorsteins-
son klaufalega. Hólmar Örn Rún-
arsson skoraði síðan glæsimark en
með góðum síðari hálfleik náðu Vals-
menn að jafna metin, 1:1, með marki
Helga Sigurðssonar á 79. mínútu.
Strax á eftir fékk Valsmaðurinn
Baldur I. Aðalsteinsson rauða
spjaldið fyrir að brjóta á Hans Mat-
hiesen og manni fleiri voru Keflvík-
ingar hársbreidd frá því að tryggja
sér sigurinn í lokin. Hans skaut í
þverslá og Einar Orri Einarsson í
stöng en fleiri urðu mörkin ekki.
Samstilltir Keflvíkingar
Keflavíkurliðið er líklegt til að
halda sér í toppbaráttunni til loka
með þessu áframhaldi. Aftasti hluti
liðsins er orðinn afar samstilltur,
með Kenneth Gustafsson og Hall-
grím Jónasson firnasterka sem mið-
verði og Ómar Jóhannsson í mark-
inu. Hólmar Örn Rúnarsson er
mótorinn á miðsvæðinu og kant- og
sóknarmennirnir eru allir hættu-
legir. Það er sérstaklega gaman að
sjá Magnús S. Þorsteinsson vera á
uppleið á ný, hraðan og ógnandi í
framlínunni. Guðmundur Steinars-
son var ekki með vegna meiðsla en
breiddin hjá Keflavík er það góð að
fjarvera hans skipti ekki sköpum.
Með þessu hrósi í garð Keflvíkinga
er ekki á nokkurn hátt dregið úr
styrk Valsmanna, sem þeir sýndu
framan af og svo í seinni hálfleikn-
um. Willum Þórsson kom Keflavík-
urvörninni í vandræði með því að
setja kantmennina Henrik Eggerts
og Baldur I. Aðalsteinsson inná í
byrjun síðari hálfleiks og náði með
því talsverðum sóknarþunga í seinni
hálfleiknum. En það er ljóst að skarð
Birkis Más Sævarssonar, besta
sóknarbakvarðar deildarinnar, verð-
ur vandfyllt og ógnunin upp hægri
kantinn er ekki sú sama hjá Valslið-
inu og hún var með hann innanborðs.
Eins verður ekki auðvelt að leysa
Pálma Rafn Pálmason af hólmi.
Marksæknir miðjumenn eins og
hann eru ekki á hverju strái og brott-
hvarf hans gæti reynst Valsmönnum
þungt í skauti. En á móti kemur að
Henrik Eggerts, sem lék sinn fyrsta
leik með Val, lofar góðu og gæti gefið
liðinu aðrar víddir í sóknarleikinn.
Í heildina séð eiga bæði Valur og
Keflavík hrós skilið fyrir góðan fót-
boltaleik á laugardaginn, sem stóð
fyllilega undir nafni sem toppleikur á
íslenskan mælikvarða.
Morgunblaðið/Brynjar Gauti
Háloftabardagi Keflvíkingurinn Hörður Sveinsson stekkur hærra en Atli Sveinn Þórarinsson fyrirliði Valsmanna í þessu návígi við mark Hlíðarendaliðsins.
Keflavík stóðst prófið
Keflvíkingar halda sínu striki og eru áfram efstir eftir 1:1 jafntefli við Val
Góður leikur beggja liða Geta Valsmenn fyllt skarð Pálma Rafns?
ÞEGAR ég sá Keflvíkinga leggja Ís-
landsmeistara Vals, 5:3, í fyrstu um-
ferð úrvalsdeildarinnar í vor grunaði
mig ekki að þeir yrðu áfram jafn öfl-
ugir allt sumarið og þeir sýndu þá. En
staðreyndin er sú að eftir tólf umferð-
ir eru þeir enn á toppnum og á laugar-
dag stóðust Suðurnesjapiltarnir
ákveðna prófraun þegar þeir gerðu
jafntefli, 1:1, við Val að Hlíðarenda.
Bein textalýsing frá leiknum
mbl.is | Landsbankadeildin