Morgunblaðið - 06.08.2008, Blaðsíða 8

8 MIÐVIKUDAGUR 6. ÁGÚST 2008 MORGUNBLAÐIÐ
FRÉTTIR
MARGIR sem ekki voru vissir um hvort þeir
væru komnir í ökuhæft ástand eftir áfengis-
neyslu um verslunarmannahelgina sóttust eftir
því að blása í áfengismæli hjá lögreglunni á
mánudaginn. Á lögreglustöðina á Akureyri
komu um 100 manns að eigin ósk til að blása og
voru flestir orðnir allsgáðir. Í Þorlákshöfn, þar
sem myndin var tekin, var lögreglan með við-
búnað vegna komu Herjólfs og blésu 120 manns
að eigin ósk. Níu féllu á prófinu og snertu ekki
bílinn á meðan áfengisleifarnar voru að brotna
niður í líkamanum.
Morgunblaðið/Ólafur
Vildu fá að blása hjá lögreglunni
FRÉTTASKÝRING
Eftir Örlyg Stein Sigurjónsson
orsi@mbl.is
ÞAÐ leikur varla nokkur vafi á því
að umferð og hegðun ökumanna um
nýliðna verslunarmannahelgi, að
ekki sé talað um ökuhraða, var í
mun betra horfi en í fyrra, þrátt
fyrir einhverjar undantekningar.
Lögregluþjónar í stærri umdæmum
á landsbyggðinni vitna flestir á
sama veg; að ástandið hafi skánað
mjög, vegfarendum til hagsbóta.
Reyndar var það svo að örlítið fleiri
voru kærðir í Borgarnesi og Dölum
fyrir hraðakstursbrot um helgina
en á sama tíma í fyrra. Eigi að síð-
ur segir Theodór Þórðarson yfirlög-
regluþjónn að umferðin hafi gengið
betur fyrir sig með því að óhöpp
voru færri, eða þrjú talsins og öll
minniháttar. Rúmlega 40 ökumenn
voru teknir fyrir of hraðan akstur
en 36 í fyrra. „Umferðin var mjög
þétt í upphafi helgarinnar en
dreifðist betur þegar fólk var á
heimleið á mánudeginum,“ bendir
hann á.
Starfsbróðir hans á Blönduósi,
Kristján Þorbjörnsson yfirlögreglu-
þjónn, segist merkja töluverðar
breytingar á umferð um verslunar-
mannahelgina. „Fyrir nokkrum ár-
um var þetta mesta umferðarhelgi
ársins, en nú sker hún sig ekki mik-
ið úr,“ segir hann. „Umferðin um
verslunarmannahelgina er jafnvel
minni en fyrstu helgina í júlí, sem
er orðin gífurlega stór.“ Kristján
segir að sú breyting hafi líka orðið
að umferð dreifst nú yfir allan
sólarhringinn, hvort heldur er um
helgar eða virka daga. Umferðar-
hegðun ökumanna var mjög góð að
sögn Kristjáns, hraðakstur og
framúrakstur lítt áberandi. „Með
gsm-væðingunni er fólk farið að
hringja umsvifalaust í lögregluna ef
því misbýður ökulag einhvers,“ seg-
ir hann. Innan við 100 ökumenn
voru kærðir fyrir hraðakstur um
helgina sem er lítið miðað við það
sem áður var þegar álíka fjöldi var
stundum stöðvaður á einni einustu
vakt hjá Blönduóslögreglunni.
Lögreglan í Árnessýslu fékk eng-
in útköll vegna alvarlegra slysa á
vegum um helgina og telst það stór-
bætt ástand miðað við verslunar-
mannahelgina í fyrra þegar tvö al-
varleg slys urðu, þar af annað
banaslys. Þorgrímur Óli Sigurðsson
yfirlögregluþjónn segir að svo virð-
ist sem ökumenn hafi dregið veru-
lega úr hraða og framúrakstri.
„Okkur fannst umferðin ganga bet-
ur en í fyrra og ökuhraði er ekki
mikill.“ 23 voru kærðir fyrir hrað-
akstur um helgina.
Á Akureyri er svipaða sögu að
segja. Þrátt fyrir 70 skráð umferð-
arlagabrot um helgina, þar af 47
vegna hraðaksturs, gekk umferðin
vel að sögn Hermanns Karlssonar
varðstjóra sem segir allt annan blæ
á umferðinni eftir að sektarákvæði
voru hert í fyrra. Ekkert alvarlegt
slys varð í umdæminu um helgina.
Í umdæmi lögreglunnar á Eski-
firði voru þá 49 kærðir fyrir hrað-
akstur en um verslunarmannahelg-
ina í fyrra voru þeir 90 talsins að
sögn Þórs Þórðarsonar varðstjóra.
Umferðin mjög að skána
 Allt annar blær á umferðinni, segir lögregluvarðstjóri á Akureyri eftir verslunar-
mannahelgina  Fólk farið að nota farsímana miskunnarlaust gegn ökuföntum
Ýmsir þættir eru nefndir sem virð-
ast hafa bætt umferðarmenn-
inguna, dregið úr hraða og ýtt
undir betra viðmót ökumanna.
Hærri sektir, eftirlitsmyndavélar,
áróður og sýnileg löggæsla er
nefnt af lögreglunni sjálfri. Einnig
nefnir hún hið háa eldsneytisverð
sem eina skýringu á bættu akst-
urslagi. Algengar sektir fyrir hrað-
akstursbrot eru á bilinu 30-70
þúsund krónur.
Lögreglan nefnir að ungir öku-
menn hafi ekki síður tekið til sín
boðskapinn um bætta umferðar-
hegðun. Ofsaakstur á sportbílum
telst ekki áberandi um þessar
mundir.
Á öllu er undantekningar, nýlega
var bifhjól mælt á 245 km hraða á
Þingvöllum og þá segja vegfar-
endur sumir farir sínar ekki sléttar
á þjóðvegum um verslunarmanna-
helgina og vitna um svívirðilegan
framúrakstur annarra. Lögreglan
segir að farsímavæðingin hafi
hinsvegar slegið nokkuð á svona
hegðun. Fólk sé ekki lengi að
hringja í lögregluna þegar því mis-
býður hegðun af þessu tagi.
Sektir og orkuverð slá á hraðann
GEIR H. Haarde
forsætisráðherra
mun fara í tvær
opinberar heim-
sóknir á erlenda
grund nú síðsum-
ars.
Fyrst verður
förinni heitið til
Albaníu, dagana
26.-27. ágúst
næstkomandi. Því næst mun for-
sætisráðherra sækja nágranna-
landið Grikkland heim dagana 28.
og 29. ágúst. Formleg dagskrá ráð-
herra í heimsóknunum tveimur er
enn ekki orðin ljós. unas@mbl.is
Geir fer til
Albaníu og
Grikklands
Geir H. Haarde
RYÐSVEPPUR hefur látið töluvert
á sér kræla í víðitrjám að undan-
förnu. Að sögn Halldórs Sverris-
sonar, sérfræðings í plöntusjúk-
dómum hjá Skógrækt ríkisins, er
hann snemma á ferðinni þar sem
voraði í fyrra fallinu. Hann segir
sveppinn útbreiddari nú en áður.
Halldór segir að lítið sé hægt að
gera þegar sveppurinn hefur náð
sér á strik. Til eru fyrirbyggjandi
efni sem verja víðinn fyrir sveppn-
um en úða þurfi trén með þeim um
það leyti sem ryðið kemur fram.
Ryðið er víðinum sjaldnast lífs-
hættulegt og segir Halldór það að-
allega útlitslýti. skulias@mbl.is
Ryðsveppur
snemma í því
Skæður Ryðsveppurinn herjar
meðal annars á gljávíði og ösp.
Morgunblaðið/Ásdís
Dalvík | „Undirbúningurinn gengur
hreint rosalega vel,“ segir Júlíus
Júlíusson, framkvæmdastjóri Fiski-
dagsins mikla. Hann nefnir því til
rökstuðnings að undirbúningurinn
hafi hafist fyrr en venjulega, sem
hafi komið sér vel í ár því fólk sé
þegar farið að streyma í bæinn.
Þó ekki í tugþúsundavís eins og
líklegt má telja að verði á Fiskideg-
inum sjálfum, en Júlíus segir að um
þrjú hundruð gestir séu komnir í
bæinn: „Fyrstu gestirnir komu fyrir
tveimur vikum til að tryggja sér
bestu stæðin. Sumir þeirra hafa
reyndar verið hér í undirbúningi en
aðrir dvelja einfaldlega í góðu yfir-
læti.“
Júlíus segir fleiri gesti koma fyrr
en áður, sem er í ljósi reynslunnar
líklega merki um góða mætingu á
Fiskidaginn sem fer fram á laug-
ardaginn. Því kemur það sér vel fyr-
ir skipuleggjendur að búið er að
stækka tjaldstæðin frá því sem var.
Dagskrá Fiskidagshátíðarinnar
hefst reyndar í kvöld með fjöl-
skyldugöngu að kofanum þar sem
sagt er að Davíð Stefánsson hafi ort
ljóðið um Dísu og Dalakofann. Einn-
ig verður sýnd heimildarmynd um
Fiskidaginn sem listamaðurinn Örn
Ingi gerði en öllum íbúum bæjar-
félagsins hefur verið gefið eintak af
myndinni: „Hún hefur fengið afar
skemmtileg viðbrögð. Fólk pepp-
aðist mikið upp við að sjá hana og
það eru allir komnir í gírinn.“
Dalvíkingar klárir fyrir Fiskidaginn
Morgunblaðið/Hjálmar S. Brynjólfsson
Í startholunum Mikið fjölmenni var á hátíðinni í fyrra, en búast má við öðr-
um eins fjölda í ár, því fólk er þegar tekið að streyma til Dalvíkurbyggðar.
 Fólk tekið að streyma til Dalvíkur
 Stærra tjaldstæði en í fyrra
Hvað er Fiskidagurinn mikli?
Fiskidagurinn mikli er árleg fjöl-
skylduhátíð sem er haldin fyrsta
laugardaginn eftir verslunar-
mannahelgi í Dalvíkurbyggð. Þá er
haldin fiskiveisla fyrir gesti og
gangandi en í fyrra er talið að um
35 þúsund manns hafi sporðrennt
um 11 tonnum af fiski.
Er eitthvað meira í boði?
Heilmikil dagskrá fer fram á und-
an Fiskideginum sjálfum. Á föstu-
dag verður vináttukeðja mynduð
kl. 18 og 5 þúsund friðardúfu-
blöðrum sleppt. Fiskisúpukvöldið
fer fram um kvöldið sama dag. Þá
bjóða heimamenn fólki að koma í
heimahús að smakka fiskisúpu.
S&S
OLÍUFÉLÖGIN lækkuðu verð á
bensíni og dísilolíu í gær. Hjá Olíu-
verzlun Íslands, Olís, lækkaði verð-
ið um 2 kr. og kostaði bensín í gær
167,70 kr. og dísil 185,60 kr. í sjálfs-
afgreiðslu. Hjá Skeljungi lækkaði
verðið um tvær krónur, bensín í
167,70 kr., og dísil í 185,60 kr. Hjá
N1 lækkaði verðið um tvær krónur,
þar kostaði bensín 167,70 kr. og dís-
il 188,60 kr. Hjá Atlantsolíu lækk-
aði bensínið um sömu krónutölu,
niður í 166,20 kr. og dísilolían líka, í
184,10 kr.
Eldsneytið
lækkar