Morgunblaðið - 06.08.2008, Blaðsíða 28

Við mættum, svei mér
þá, alveg reisa fleiri
styttur hér á landi … 32
»
reykjavíkreykjavík
Eftir Ásgeir Ingvarsson
asgeiri@mbl.is
UNDIRBÚNINGUR fyrir hátíð-
argöngu Hinsegin daga stendur nú
hvað hæst. Heimili Önnu Jonnu Ár-
mannsdóttur hefur til dæmis verið
breytt í lítið smíðaverkstæði þar
sem meðlimir í félaginu Trans-
Ísland vinna hörðum höndum.
„Við viljum vekja athygli á bæði
sýnileika og ósýnileika transgender-
fólks,“ segir Anna Jonna og segir að
hópurinn verði hress og skrautlegur
í göngunni. „Fólk er stundum að
velta sér mikið upp úr hver er trans-
gender og hver ekki en okkur langar
að ýta aðeins við fólki og hvetja til
umhugsunar.“
Anna segir sýnileikann sem gang-
an skapar skipta miklu máli fyrir
transgender-fólk sem bæði þarf að
takast á við ýmsa vankanta í laga-
umhverfinu og mæta rang-
hugmyndum og jafnvel fordómum
almennings. Kolbrún Edda Sig-
urhansdóttir hefur svipaða sögu að
segja en hún er einn af forsprökkum
hóps samkynhneigðra foreldra sem
verða í ár í fyrsta skipti með skipu-
lagt atriði í göngunni.
„Gangan hefur breytt miklu fyrir
samkynhneigða og sést það hvað
best í fjöldanum sem á hverju ári
kemur til að samfagna okkur,“ segir
Kolla sem vill ekki ljóstra of miklu
upp um atriðið sem hópurinn mun
bjóða upp á. „Þetta verður í skrúð-
göngustíl, þrískipt atriði þar sem já-
kvæðni og fjölbreytileiki eru í aðal-
hlutverki,“ segir hún og áætlar að
um 60 manns muni taka þátt.
Gunnar Már Ófeigsson er einn
forsprakka hóps samkynhneigðra
heyrnarlausra. Hópurinn hefur tek-
ið þátt í göngunni frá upphafi en nú
verður sett enn meiri orka í atriðið
og í fyrsta skipti farið niður Lauga-
veg á skrautlegum vagni. „Hópurinn
verður í litum regnbogans, hver með
sinn lit til að túlka einstaklingsfrelsi
þeirra sem eru bæði samkyn-
hneigðir og heyrnarlausir,“ segir
Gunnar Már.
Gangan næstum klár
Morgunblaðið/Valdís Thor
Athygli „Við viljum vekja athygli á bæði sýnileika og ósýnileika trans-
gender-fólks,“ segir Anna Jonna sem sést hér undirbúa gönguna.
Fjölbreyttir hópar taka þátt í hátíðargöngunni um helgina
transiceland@gmail.com
 Á bloggsíðu
Kristjáns B.
Jónassonar
(krist-
janb.blog.is),
formanns fé-
lags bókaútgef-
anda, birtist
mikið lof um óútkomna bók.
„Þetta var nútímalegasta íslenska
skáldsaga sem ég hef lesið um
langa hríð. Mér fannst aftur eins
og íslenskar bókmenntir væru í
sambandi við samtímann og næðu
að gera honum betri skil en
pistlahöfundar, vísindamenn og
bloggarar. Þar sem þetta er ekki
auglýsing um væntanlega jólabók,
heldur einfalt fagnaðarandvarp
[...], treysti ég mér eiginlega ekki
til að segja hvaða höfundur þetta
var.“ Kristján gefur þó nokkuð ít-
arlegar upplýsingar um téðan
höfund, sem á nokkrar skáldsögur
og ljóðabækur að baki og er lýst
svo af Kristjáni í lokin: „Ég hélt
að hann væri að breytast í tamið
lukkudýr yngstu skáldakynslóð-
arinnar en nú slítur hann taum-
ana og rásar fram eins og óður
kappreiðahestur.“ En hvert er
skáldið? Lýsing Kristjáns á blogg-
inu gæti eiginlega varla átt við
neinn annan en Steinar Braga,
sem er einmitt að gefa út skáld-
söguna Konur í haust, eins og
sagt var frá í fimmtudagsblaðinu.
Loksins alvöru-
skáldskapur á leiðinni
 Rangt var
farið með stað-
reyndir á þess-
um stað í
blaðinu á föstu-
daginn í
tengslum við
tónleikaferð
Bjarkar, hinn
svokallaða Volta-túr. Sagt var að
með tónleikunum á Spáni í næstu
viku lyki rúmlega sjö mánaða tón-
leikaferðalagi Bjarkar. Hið rétta er
að tónleikaferðin hófst í apríl 2007
og því hefur ferðin staðið yfir í 17
mánuði en á þeim tíma hefur Björk
og hljómsveit hennar komið fram á
um 80 tónleikum.
… og tíu betur
Eftir Arnar Eggert Thoroddsen
arnart@mbl.is
ÞAÐ er Ben Frost, innanbúðarmaður hjá hinu
gróskuríka, framsækna og alíslenska merki
Bedroom Community, sem á veg og vanda að
komu Kanding Ray hingað sem er listamanns-
nafn Frakkans Davids Letellier.
Í einmuna blíðu utan við kaffihús á Laugaveg-
inum tjáir David mér að þetta sé fyrsta heimsókn
hans hingað til lands og eftir tónleikana ætli
hann og unnusta hans að fara í tveggja vikna
ferðalag um landið. Letellier er því í góðum mál-
um og haldist veðurfarið eitthvað á hann eftir að
sjá yndislegt, en kannski ekki alveg „rétt“, Ís-
land.
„Ég kynntist Ben þegar við lékum saman á
tónlistarhátíð í Svíþjóð,“ segir Letellier. „Ein
löng kvöldstund innsiglaði svo kæra vináttu og í
framhaldinu hjálpaði ég honum að setja upp tón-
leika í Berlín þar sem ég bý. Hann gerði síðan
slíkt hið sama fyrir mig.“
Tilraunakenndur eða hvað?
Letellier hefur nú búið í Berlín í sjö ár og segir
það einkar gott fyrir mann í hans stöðu. Efna-
hagslega sé það skynsamlegt en svo er jarðveg-
urinn fyrir sköpun og listræna starfsemi einkar
frjór og aðlaðandi. Allt er opið og lítið mál að
koma hinu og þessu á koppinn. En Letellier byrj-
aði hins vegar búsetu þar sem starfsmaður á
arkitektastofu.
„Þá var tónlistin til hliðar. Svo hjálpaði ég til
við að setja upp innsetningu þar sem tónlist kom
við sögu. Ég var hvattur til að gefa þá tónlist út
og það varð að fyrstu plötu minni, Stabil, sem út
kom hjá Raster Norton árið 2006. Sú útgáfa ein-
beitir sér að mestu að tilraunakenndri tónlist og
mín myndi teljast fullpoppuð fyrir það merki.
Þess vegna hefur verið tekist nokkuð á um tón-
listina sem er mjög jákvætt. Það er gott að
standa dálítið út úr „katalóknum“ þeirra. Ég er
að blanda saman ólíkum straumum og er að
stunda hálfgerðan poppuppskurð (eða „pop-
surgery“ eins og hann orðar það). Þar sem Ras-
ter Norton er mest í hreinni tilraunamennsku
(og Letellier notar í þessu samhengi skemmti-
lega þversagnakennda lýsingu: „straight experi-
mentalism“) er ég því, furðulegt nokk, nokkurs
konar „avant-garde“-ás merkisins!“ Letellier
vinnur ennþá við arkitektúr og þess vegna er
freistandi að spyrja aðeins hvort arkitektúrinn
stýri aðkomu hans að tónlist að einhverju leyti.
Sneiðir hjá nördisma
„Ég er mjög oft spurður að þessu,“ segir hann
og brosir. „Og fólk verður vanalega fyrir von-
brigðum með svörin! En jú, í báðum tilfellum er
maður að byggja eitthvað. Arkitektúr snýst mik-
ið um praktísk mál og tæknileg og pólitík og
samfélagslegir þættir tvinnast þar inn í. Maður
verður að knýja sína listrænu sýn í gegnum
þessa hluti. Tónlistin er að mestu laus við þetta,
þú getur valið að taka ekki tillit til ofangreindra
þátta og komist upp með það. En ég get ekki
sagt að arkitektónísk hugsun stýri mér í tónlist-
inni, hún byggist í raun algerlega á tilfinningum.
Og til að þær komi sem skýrast í gegn forðast ég
að vera of tæknilegur. Ég vinn þetta allt fremur
einfalt og sneiði vísvitandi hjá nördisma sem oft
fylgir svona starfsemi. Mín trú er sú að ef maður
dvelur of mikið við þetta tæknilega þá bjóði mað-
ur þeirri hættu heim að tónlistin verði flöt, köld
og ópersónuleg – eitthvað sem ég stend alls ekki
fyrir.“
Poppuppskurður
Franski raftónlistarmaðurinn Kanding Ray spilar á mánaðarlegu kvöldi íslenska
útgáfufyrirtækisins Bedroom Community á Kaffibarnum í kvöld
Morgunblaðið/Frikki
David Letellier „Ég blanda saman ólíkum straumum og stunda hálfgerðan poppuppskurð.“
Tónleikarnir hefjast kl. 22 í kvöld. Fyrir þann
tíma, og eftir tónleika, munu félagar úr Bedroom
Community sjá um að leika tónlist af hljóm-
plötum. Aðgangur er ókeypis.