Morgunblaðið - 09.08.2008, Blaðsíða 6

6 LAUGARDAGUR 9. ÁGÚST 2008 MORGUNBLAÐIÐ
FRÉTTIR
Eftir Helga Bjarnason
helgi@mbl.is
Skagafjörður | Nýja háspennulínan
sem Landsnet áformar að leggja frá
Blönduvirkjun í gegnum Skagafjörð
til Akureyrar verður í upphafi að-
eins rekin á hálfum afköstum.
Fulltrúi í sveitarstjórn Skagafjarðar
telur að engin rök séu fyrir lagningu
svo mikillar línu nema nota eigi hana
til að flytja samanlagða orku
Blönduvirkjunar og nýrra virkjana í
Skagafirði til álvers á Bakka við
Húsavík.
Landsnet hf. hefur kynnt mats-
áætlun fyrir lagningu 220 kílóvolta
háspennulínu frá Blönduvirkjun til
Akureyrar. Hún fer í gegnum
Skagafjörð að hluta til fjarri núver-
andi byggðalínu. Sá kostur að leggja
hana um Efribyggð í Skagafirði og
þvert yfir fjörðinn í nágrenni Mæli-
fellsbæjanna mætir andstöðu land-
eigenda og ábúenda.
Möstur og línur verða byggð upp
miðað við 220 kV spennu. H.v. liggur
fyrir að línan verður í upphafi og um
ófyrirséðan tíma rekin með 130 kV
spennu. Það þýðir að ekki verður
fjárfest í dýrum tengivirkjum fyrir
220 kV spennu fyrr en þörf verður á
vegna aukinna orkuflutninga.
Árni Jón Elíasson, verkefnisstjóri
hjá Landsneti, segir að línan verði
hluti af meginorkuflutningskerfi
landsins og nauðsynlegt að styrkja
hana vegna aukinnar raforkunotk-
unar og hafa svigrúm til aukins
orkuflutnings í framtíðinni. Betra sé
að hafa stærri línur og færri til að
sem minnst land fari undir.
Til álvers á Bakka?
Bjarni Jónsson, fulltrúi Vinstri-
hreyfingarinnar – græns framboðs í
sveitarstjórn Skagafjarðar, telur að
ekkert komi fram í matsáætlun
Landsnets sem réttlæti svo mikla
háspennulínu, þar sé einungis getið
um uppbyggingu atvinnufyrirtækja í
Eyjafirði, öryggi og endurnýjun á
eldri línum. „Það liggja engin rök
fyrir því að leggja hér 220 kV há-
spennulínu með því stórfellda raski
sem því fylgir nema ef það væri til að
flytja samanlagða orku Blönduvirkj-
unar og hugsanlegra virkjana í Jök-
ulsám Skagafjarðar til stóriðju fyrir
norðan, og þá væntanlega á Bakka
við Húsavík,“ segir Bjarni. Hraðinn
sem sé á málinu styðji þetta. Hann
hafi t.d. fyrst frétt af þessum áform-
um þegar Landsnet auglýsti mats-
áætlun í fjölmiðlum. Sveitarstjórn
sem fari með skipulagsvaldið hafi
ekki gefist ráðrúm til að fjalla um
málið áður en farið var af stað.
Þá segir Bjarni að ef tilgangurinn
með framkvæmdinni væri eingöngu
sá að styrkja raforkutengingar væri
hægt að fara í miklu minni og viðráð-
anlegri framkvæmd og bjóða upp á
þann möguleika að leggja línuna í
jörð að hluta.
Árni Jón hjá Landsneti segir að
ekki sé alltaf vitað hvar orkan verði
framleidd og notuð í framtíðinni. Því
sé leitast við að byggja meginflutn-
ingskerfið upp með sveigjanleika.
„Sumir kostir eru fyrirséðir en aðrir
ekki. Álþynnuverksmiðjan á Ak-
ureyri ýtir á þessa framkvæmd nú.“
Línan verður
rekin á hálfum
afköstum
Morgunblaðið/Einar Falur
Háspenna Landsnet hyggst leggja
220 kV háspennulínu til Akureyrar.
Hluti af meginorkuflutningskerfinu
Eftir Halldór Armand Ásgeirsson
haa@mbl.is
„DOLLARINN styrktist og krónan veiktist en
heimsmarkaðsverðið lækkaði. Þannig að gengið
og heimsmarkaðsverðið vógu hvort annað í raun
upp. Þess vegna hélst verðið óbreytt hjá okkur,“
segir Már Erlingsson, innkaupastjóri hjá Skelj-
ungi, um eldsneytisverðið í gær.
N1 hækkaði eldsneytisverð sitt skyndilega í
gærmorgun og verð hjá Olís hækkaði í kjölfarið.
Skeljungur hélt sínu verði hins vegar óbreyttu.
Bensínið hækkaði um tvær krónur og dísilolía um
eina krónu á lítrann hjá N1 og Olís. Fyrirtækin
lækkuðu svo verðið aftur síðdegis og kostaði þá
lítri af bensíni í sjálfsafgreiðslu 166,70 krónur og
dísilolíulítrinn 183,60 krónur.
Heimsmarkaðsverð á hráolíu lækkaði umtals-
vert í gær og lýstu margir af því tilefni yfir
óánægju sinni með hækkun eldsneytisverðs.
Þannig lækkaði verð á Brent Norðursjávarolíu um
4 dali á tunnuna og var verðið 113,86 dalir síðdegis
í gær.
Í New York lækkaði verðið um 3,84 dali á tunn-
una og fór um tíma niður fyrir 116 dali. Gengi
bandaríkjadals styrktist aftur á móti um 3,19%
gagnvart íslensku krónunni í gær. Ekki náðist í
Magnús Ásgeirsson, innkaupastjóra hjá N1, um
ástæður hækkananna í gær og Samúel Guð-
mundsson, framkvæmdastjóri vörustýringasviðs
hjá Olís, vildi ekki tjá sig um málið.
Ósáttir bifreiðaeigendur
Félag íslenskra bifreiðaeigenda segir, að greini-
lega standi ekki á N1 að hækka verð á eldsneyti
um leið og gengi krónunnar lækki.
Fyrirtækið sé hins vegar mun svifaseinna þegar
heimsmarkaðsverð á olíu lækki og/eða gengi krón-
unnar hækki. Á vef félagsins er bent á að kostn-
aðarverð á hvern lítra af bensíni og dísilolíu sé nú
svipað eldsneytisverði snemma í liðnum maí en
eldsneytisverð sé nú töluvert hærra.
Óánægja með hækkun eldsneytisverðs
 Heimsmarkaðsverð á olíu lækkaði umtalsvert í gær en krónan veiktist um leið
 N1 og Olís hækkuðu eldsneytisverð sitt en Skeljungur hélt sínu óbreyttu
Morgunblaðið/Jim Smart
Bensín Heldur áfram að sveiflast.
SAMTÖKIN Hugarafl, félag fólks sem notar geðheilbrigðisþjónustu, stóðu
fyrir táknrænum mótmælum fyrir utan kínverska sendiráðið í gær.
Fólkið var með grímu fyrir andlitinu til að vekja athygli á því að kínversk
yfirvöld hafa meinað geðfötluðum að sækja Ólympíuleikana í Peking.
Herdís Benediktsdóttir, félagi í Hugarafli, segist vera forviða yfir því að
kínversk yfirvöld segi geðfatlaða ekki velkomna á Ólympíuleikana. Hún
kveðst jafnframt vera sár út í forseta Íslands, sem verður viðstaddur leikana,
fyrir að vekja ekki máls á þessu grófa mannréttindabroti með afgerandi
hætti. Setningarathöfn leikanna fór fram á hádegi á íslenskum tíma í gærdag
og þeir standa yfir til 24. ágúst. haa@mbl.is
Morgunblaðið/Kristinn
Mótmæltu hróplegum
mannréttindabrotum
Flóahreppur | Um 215 athugasemd-
ir bárust hreppsnefnd Flóahrepps
vegna nýs aðalskipulags fyrrum
Villingaholtshrepps sem auglýst
var fyrr á árinu. Flestar at-
hugasemdirnar fela í sér mótmæli
vegna Urriðafossvirkjunar í Þjórsá
sem gert er ráð fyrir í skipulaginu.
Athugasemdirnar voru lagðar
fram á vinnufundi hreppsnefndar
síðastliðinn mánudag. Aðalsteinn
Sveinsson, oddviti hreppsnefndar,
segir að athugasemdir og ábend-
ingar hafi borist um ýmislegt annað
en virkjunina, meðal annars um
lagningu vega, skógrækt og þétt-
býlissvæði. Stór hluti mótmælanna
var hins vegar vegna fyrirhugaðrar
virkjunar og mikill hluti þeirra að
stofni til samhljóða bréf.
Aðalsteinn segir að farið verði
yfir allar athugasemdirnar á næstu
dögum og vikum og þeim svarað.
Málið verður tekið fyrir á næsta
fundi hreppsnefndar sem verður
28. ágúst. Aðalsteinn segir ekki víst
að þá verði hægt að afgreiða málið.
Mikil vinna sé í því að fara yfir at-
hugasemdirnar og hugsanlega
þurfi að leita eftir álitum sérfræð-
inga um einstök atriði.
Skipulag sem gerir ráð fyrir
þremur virkjunum í neðri hluta
Þjórsár hefur verið afgreitt í öðr-
um sveitarstjórnum sem hlut eiga
að máli, síðast í Skeiða- og Gnúp-
verjahreppi. helgi@mbl.is
215 athuga-
semdir vegna
skipulags
ARNÓR Sigur-
jónsson hefur
störf sem fulltrúi
íslenskra stjórn-
valda hjá yfir-
herstjórn NATO
í Mons í Belgíu.
Honum er ætlað
að sinna verk-
efnum fyrir utan-
ríkisráðuneytið
og Varnar-
málastofnun Íslands.
Þegar Bandaríkjaher hvarf af
landi brott árið 2006 létu stjórnvöld
bóka að Ísland myndi senda fulltrúa
til Belgíu enda bæru Íslendingar nú
ábyrgð á eigin vörnum. haa@mbl.is
Arnór fulltrúi
í yfirstjórn
Arnór
Sigurjónsson
INGIBJÖRG Sólrún Gísladóttir ut-
anríkisráðherra heldur í dagsferð til
Vestfjarða nk. mánudag. Þar mun
hún funda með m.a. Fjórðungs-
sambandi Vestfirðinga og fram-
kvæmdastjórum sveitarfélaga.
Heimsóknin er í beinu framhaldi
af ferð ráðherrans til Grænlands
fyrr í sumar, þar sem rædd voru mál-
efni norðurslóða og þeir möguleikar
sem felast í auknum samskiptum og
þjónustu við Austur-Grænland.
Ráðherra
heldur vestur Hvers vegna þarf að leggja nýjaháspennulínu frá Blöndustöð til
Akureyrar?
Tilgangurinn er að styrkja megin-
flutningsleiðir raforku á Norðurlandi,
að því er fram kemur í matsáætlun
Landsnets sem kynnt hefur verið.
Verkefnið er jafnframt fyrsti áfang-
inn í að styrkja og tvöfalda byggða-
línu hringinn um landið. Þá kemur
fram í matsáætluninni að yfirstand-
andi uppbygging iðnaðar í Eyjafirði
(álþynnuverksmiðja) kalli á hraða
byggingu línunnar.
Hvers vegna er ekki gert ráð fyrir
að hún fylgi núverandi byggða-
línu í Skagafirði?
Eftir að Blöndustöð kom er styttra
að fara beina stefnu á Vatnsskarð en
að leggja hana fyrst niður í Langadal.
Tveir kostir eru til skoðunar um
Skagafjörð, ný línuleið ofan bæja í
Efribyggð og eftir Héraðsvötnum í
nágrenni núverandi byggðalínu. Eftir
að komið er í Norðurárdal mun fyr-
irhuguð háspennulína að mestu
liggja við hlið núverandi byggðalínu
til Akureyrar.
S&S