Morgunblaðið - 09.08.2008, Blaðsíða 55
MORGUNBLAÐIÐ LAUGARDAGUR 9. ÁGÚST 2008 55
HÁLFUR annar áratugur er liðinn
síðan lagahöfundurinn Ingvi Þór
Kormáksson hóf farsælt samstarf
við textahöfundinn enska, John
Soul. Saman stofnuðu þeir JJ Soul
Band og árið 1994 kom út frum-
burður sveitarinnar, Hungry for
News. Síðar sendi sveitin frá sér
tvær breiðskífur til viðbótar, City
Life og Reach for the Sky. Og nú
hefur fjórða plata flokksins litið
dagsins ljós, Bright Lights.
Tónlist JJ Soul Band er blús- og
sálarskotið popp; það er bræðings-
kennt, fönkað á stundum og stöku
sinnum latínskotið. Textar Johns
Soul eru vitanlega allir á móðurmáli
hans og til allrar hamingju í öðrum
gæðaflokki en hjákátlegar tilraunir
hérlendra til textagerðar á ensku.
Soul yrkir með ágætum og er tíð-
rætt um válynd veður sem skella
jafnt á mannsins holdi sem anda.
Þótt Soul teljist seint til stórsöngv-
ara er túlkun hans tilfinningarík og
sannfærandi; röddin er í senn hlý og
hrjúf og nándin er sterk. Laglín-
urnar eru að vísu ekki alltaf upp á
marga fiska en á móti kemur að
hvergi vottar fyrir tilgerð eða óhófi í
fraseringum.
Ingvi Þór Kormáksson er lunkinn
lagahöfundur og í hópi laganna tólf á
Bright Lights má finna nokkrar
ljómandi fínar smíðar. „Getting
Colder By The Year“ er vel heppnað
dægurlag og minnir um margt á am-
erískar poppperlur áttunda áratug-
arins, þar sem ólíkir listamenn á
borð við Tom Waits og Billy Joel
koma ósjálfrátt upp í hugann.
„Front Page News“ er sömuleiðis
fínt lag og sömu ættar, þar sem
saxófónleikur Stefáns S. Stefáns-
sonar litar hljóðmyndina farsællega.
Þá er titillagið hrynheitt og gott, auk
þess sem heildarmynd plötunnar má
vel við hinu latínskotna „Jazz and
Tarantella.“
Í JJ Soul Band er valinn maður í
hverju rúmi; bassaleikarinn Stefán
Ingólfsson og trymbillinn Stein-
grímur Óli Sigurðarson mynda
prýðilegt hrynpar og þeir Agnar
Már Magnússon á hljómborð og
Eðvarð Lárusson gítarleikari hafa
lengi verið í fremstu röð íslenskra
hljóðfæraleikara. Þeir hafa til að
bera slíkt músíkalitet að aldrei er
fallið í fúlan pytt ofleiks og algengr-
ar íþróttamennsku þeirra sem búa
yfir mikilli tæknikunnáttu. Nálgunin
einkennist góðu heilli einatt af list-
rænu næmi og smekkvísi.
Þótt menn séu farsællega svolítið
á bremsunni í tækniæfingum, má
segja að heildarútkomuna skorti ein-
hvern neista; þetta „óáþreifanlega“
sem breytir góðu í frábært. Skýr-
ingin kann að liggja í annars vönd-
uðum lagasmíðunum, þar sem sterk-
grípandi laglínum er ábótavant.
Þannig líður platan ljúflega í gegn,
án þess að nokkuð slæmt eða sér-
staklega hrífandi eigi sér stað.
Bright Lights er þó umfram allt
heilsteypt og góð plata, þar sem fag-
mennskan og tilgerðarleysið ræður
för.
Af fag-
mennsku
og tilgerð-
arleysi
TÓNLIST
Geisladiskur
JJ Soul Band – Bright Lights
bbbmn
Orri Harðarson
BANDARÍSKI leikarinn Brad Pitt hefur nú bæst í
hóp þeirra leikara sem leikstjórinn Quentin Tar-
antino hyggst stýra í sínu næsta verkefni, kvik-
myndinni Inglorious Bastards. Sögusviðið er seinni
heimsstyrjöldin og á Pitt að fara með hlutverk liðs-
foringjans Aldos Raines, forsprakka andspyrnu-
hreyfingar Bandaríkjamanna af gyðingaættum
sem hafa þann tilgang einan að salla niður nasista í
Frakklandi.
Auk Pitts hafa Leonardo DiCaprio, Simon Pegg
og Natassja Kinski verið orðuð við myndina. Kinski
er sögð eiga að leika þýska leikkonu en Pegg bresk-
an liðsforingja. Leikstjórinn og Íslandsvinurinn Eli
Roth leikur hermann í myndinni. Einn framleið-
enda myndarinnar, Lawrence Bender, segir sam-
starf Pitts og Tarantinos eiga eftir að skila ein-
stökum árangri og virkilega eftirminnilegri
kvikmynd. Maraþon sé framundan eigi myndin að
ná á næstu Cannes-hátíð, eins og stefnt er að, en
sögur eru uppi um að henni verði skipt í tvo hluta
eins og Kill Bill hér um árið. Pitt mun hafa fengið
handritið í hendur í júlí sl. Fyrirtækin Weinstein og
Universal framleiða myndina og tökur eiga að hefj-
ast í Þýskalandi 13 október nk.
Aðrar fréttir af Pitt eru þær að hann eigi að leika
í dramatískri hnefaleikamynd, The Fighter, og að
tökur eigi að hefjast síðla þessa árs eða í upphafi
þess næsta. Pitt hefur beitt hnefunum í nokkrum
kvikmyndum til þessa, m.a. Fight Club og Snatch,
og ætti því að falla auðveldlega í hlutverk hnefa-
leikakappa. Svo er bara að sjá hvort samstarf við
Tarantino veitir ferli Natössju Kinski álíka inn-
spýtingu og John Travolta fékk með því að leika í
Pulp Fiction. Köttaður Ætli Pitt sýni kroppinn í myndinni?
Brad Pitt og Natassja
Kinski í mynd Tarantinos
Fréttir
í tölvupósti