Morgunblaðið - 13.08.2008, Blaðsíða 13

MORGUNBLAÐIÐ MIÐVIKUDAGUR 13. ÁGÚST 2008 13
FRÉTTIR
NÝHERJI hf. sími 569 7700 www.nyherji.is
Fislétt, öflug og hagkvæm
Fljúgðu í gegnum námið
með ThinkPad
ThinkPad fartölva er frábær kostur
fyrir skólafólk. Hún er nett, létt og
ótrúlega öflug. Allt að 5 klukkustunda
rafhlöðuending, skarpur skjár og vef-
myndavél. Góð afköst á frábærum
kjörum.
ThinkPad fartölvur eru hugsaðar fyrir kröfuharða
notendur. Yfirburðatækni, gæði, lág bilanatíðni
og öryggi eru í fyrirrúmi. ThinkPad fartölvur hafa
unnið til 1200 verðlauna á heimsvísu fyrir hönnun
og virkni.
LENGRI
RAFHLÖÐUENDING
VÖKVAÞOLIÐ OG
UPPLÝST LYKLABORÐ
FALLVÖRN
GAGNABJÖRGUN
MEÐ EINUM TAKKA
INNBYGGÐ
VEFMYNDAVÉL
E
N
N
E
M
M
/S
ÍA
/N
M
34
93
3
Sölustaðir ThinkPad eru: Verslanir Nýherja í Reykjavík
og á Akureyri, verslanir Símans, Elko, TRS, Tölvun,
Omnis, Tengill, Netheimar, Martölvan, Ráðbarður og
Hrannarbúðin.
Eftir Björn Jóhann Björnsson
bjb@mbl.is
HALLDÓR Ásgrímsson, fram-
kvæmdastjóri Norrænu ráðherra-
nefndarinnar og fv. utanríkisráð-
herra, segist í samtali við
Morgunblaðið ekki kannast við að ís-
lensk stjórnvöld hafi samþykkt ósk
breskra stjórnvalda um stuðning við
innrásina í Írak 17. mars 2003, degi
áður en Bandaríkjamenn birtu lista
„hinna viljugu þjóða“, líkt og haldið
er fram í grein Vals Ingimundarson-
ar sagnfræðings í nýútkominni bók
um íslenska utanríkisstefnu, og
greint var frá í blaðinu í gær.
Halldór segist oft áður hafa gert
grein fyrir aðkomu sinni í málinu.
Bæði íslenskir fjölmiðlar og sér í lagi
stjórnarandstaðan hafi gert mikið úr
þessu máli.
„Ég tel að sá stuðningur, sem við
lögðum fram á þessum tíma, hafi
verið miklu minni en síðar var túlk-
að, og það hafi allt saman verið of-
túlkað í þeim tilgangi að koma höggi
á ríkisstjórnina. Ég hef algjörlega
gert grein fyrir því af minni hálfu og
hef engu við það að bæta.“
Halldór segist ekki hafa verið í
neinum samskiptum við breska
sendiráðið á Íslandi eða Breta um
þetta mál á þessum tíma. „Ég veit
um samskipti við Bandaríkjamenn
en veit ekki um nein samskipti við
Breta út af þessu máli,“ segir Hall-
dór. Ekkert hafi verið minnst á
þennan breska lista á ríkisstjórnar-
fundi 18. mars 2003, þegar beiðni
Bandaríkjamanna um stuðning var
tekin fyrir. „Ég stjórnaði þeim fundi
í fjarveru forsætisráðherra (Davíðs
Oddssonar – innsk. blm.) og það var
ekkert rætt um Breta þar. Ég hef
ekki séð þessa grein Vals og veit ekki
hvaða heimildir hann er með. Hann
hefur ekkert rætt við mig um þessa
bók,“ segir Halldór.
Um brotthvarf Bandaríkjamanna
frá Keflavíkurflugvelli segir Halldór
að þeir hafi hagað sér „afskaplega
undarlega“. Framkoma þeirra hafi
orðið til þess að hann myndi ekki
treysta framgöngu þeirra í varnar-
málum framvegis.
Alþekkt að leita aðstoðar
Fram kemur í bók Vals Ingimund-
arsonar að íslensk stjórnvöld hafi í
tvígang ráðið bandaríska hagsmuna-
verði, lobbýista, til að afla málstað
sínum fylgis í deilunni um orustuþot-
urnar á Íslandi. Spurður um þetta
segist Halldór ekki muna nein nöfn
en alþekkt sé að leitað hafi verið að-
stoðar í mikilvægum málum, t.d. í
hvalamálinu á sínum tíma. Hann
segist muna eftir einum manni sem
aðstoðað hafi íslenska sendiráðið í
Washington, hann hafi aldrei hitt
þann mann.
Ekki náðist í Davíð Oddsson í gær,
til að leita viðbragða við grein Vals
Ingimundarsonar.
Stuðningurinn minni
en túlkað var síðar
Halldór Ásgrímsson kannast ekki við samskipti við bresk
stjórnvöld vegna stuðnings Íslands við innrásina í Írak
Morgunblaðið/Kristinn
Samráðherrar Þó að mikið hafi mætt á Davíð Oddssyni og Halldóri Ásgrímssyni í Íraksmálinu á sínum tíma leyfðu
þeir sér að slá á létta strengi í þingsölum öðru hvoru. Hér hafa þeir átt sætaskipti sem ráðherrar.
INGIBJÖRG Sólrún Gísladóttir ut-
anríkisráðherra segir það ekki
skipta öllu máli fyrir Íraksmálið í
heild sinni hvort afstaða Íslands til
innrásar í Írak hafi verið tekin deg-
inum fyrr eða seinna þarna í mars-
mánuði árið 2003. Ljóst sé að málið
hafi átt sinn aðdraganda þar sem
viðræður milli íslenskra og banda-
rískra stjórnvalda höfðu farið fram
síðan í febrúar 2003. Hins vegar
skipti máli í þessu hvort menn hafi
sagt satt og rétt frá eða ekki.
„Það kemur mér í sjálfu sér ekk-
ert á óvart að það hafi verið litið
svo á að ákveðin tenging hafi verið
á milli stuðnings íslenskra stjórn-
valda við innrásina í Írak og síðan
viðræðna við Bandaríkjamenn um
varnarmál. Ég
geri ráð fyrir að
það hafi verið
látið að því
liggja af hálfu
Bandaríkja-
manna, að það
gæti liðkað til í
viðræðunum, og
hið sama hafi
gilt af hálfu ís-
lenskra stjórn-
valda að stuðningur gæti skapað
dálitla inneign. En hvar og hvenær
þessar ákvarðanir voru teknar veit
ég ekkert um,“ segir Ingibjörg,
spurð um viðbröð við upplýsingum
í grein Vals Ingimundarsonar
sagnfræðings.
Dagsetningar skipta ekki máli
Ingibjörg Sólrún
Gísladóttir
SUNNUDAGINN 16. mars 2003 fór
fram fundur á Azoreyjum um
Íraksdeiluna þar sem saman voru
komnir George W. Bush Banda-
ríkjaforseti, Tony Blair, þáv. for-
sætisráðherra Breta, og Jose
Maria Aznar, þáv. forsætisráðherra
Spánar. Að fundi loknum var Sam-
einuðu þjóðunum gefinn sólar-
hringsfrestur til að ákveða hvort
þær styddu stríð á hendur Saddam
Íraksforseta.
Á forsíðu Morgunblaðsins,
þriðjudaginn 18. mars, er haft eftir
þeim Davíð Oddssyni og Halldóri
Ásgrímssyni að þeir styðji yfirlýs-
ingar fyrrnefndra leiðtoga á Azo-
reyja-fundinum. Síðar þann dag
fer fundur ríkisstjórnar Íslands
fram, þar sem samþykkt er ósk
bandarískra stjórnvalda um að Ís-
land styðji aðgerðirnar í Írak. „Það
er augljóst að tíminn er að renna
út,“ sagði Davíð í Morgunblaðinu,
en rætt hefur verið við hann og
Halldór á mánudeginum þann 17.
mars. Haft var eftir Halldóri að
leiðtogarnir hefðu lýst yfir miklum
stuðningi við Atlantshafstengslin,
sem væru Íslendingum lífs-
nauðsynleg, „og við hljótum að
taka undir þá yfirlýsingu“.
Lýstu stuðningi við Bush og Blair
VEGNA upplýsinga Vals Ingi-
mundarsonar um stuðning Ís-
lands við Breta við innrásina í
Írak, er
fróðlegt að
rifja upp
mál Róberts
Marshall,
þáverandi
frétta-
manns
Stöðvar 2.
Hann sagði
upp störfum
vegna fréttar sinnar í lok jan-
úar 2005 um að Ísland hefði
verið komið á lista „hinna vilj-
ugu þjóða“ áður en ríkisstjórn-
arfundur fór fram 18. mars
2003. Byggði Róbert sinn
fréttaflutning á frétt CNN frá
þessum degi en tímasetning á
þeirri frétt hefði verið mislesin
og röng ályktun dregin af
tímasetningunni.
Í tilefni fréttarinnar sendi
forsætisráðherra, sem þá var
Halldór Ásgrímsson, frá sér yf-
irlýsingu þar sem hann lýsti
furðu sinni á fréttinni og að
stjórnendur Stöðvar 2 hlytu að
biðjast afsökunar.
Ef marka má upplýsingar
Vals Ingimundarsonar virðist
sem frétt Róberts hafi sem slík
verið nærri sanni, bara röngum
megin við Atlantshafið!
Róbert röngum
megin við hafið!
Róbert Marshall