Morgunblaðið - 14.08.2008, Blaðsíða 16
16 FIMMTUDAGUR 14. ÁGÚST 2008 MORGUNBLAÐIÐ
ERLENT
LOFORÐ Kínastjórnar um frelsi er-
lendra fjölmiðla meðan á Ólympíu-
leikunum stendur virðast orðin tóm
ef marka má handtöku á breskum
blaðamanni sem var á vettvangi þeg-
ar námsmenn efndu til kröfugöngu
þar sem hrópuð voru slagorð til
stuðnings auknu sjálfræði Tíbeta.
„Tíbetar eru að láta lífið fyrir
frelsið,“ sagði á borða við innganginn
í almenningsgarði sem er vel innan
við kílómetra frá „Fuglshreiðrinu“,
Ólympíuleikvanginum í borginni.
Blaðamaðurinn sem um ræðir
heitir John Ray og starfar hjá sjón-
varpsstöðinni ITV, en hann var snú-
inn niður og dreginn eftir jörðinni í
átt að lögreglubifreið.
Lögðu hald á upptökubúnaðinn
Lagt var hald á upptökubúnað
Ray og teknar af honum ljósmyndir.
Honum var síðan gefið að sök að hafa
reynt að breiða úr samanbrotnum
fána Tíbeta á fundinum. Mótmælin,
sem erlendir námsmenn, flestir
bandarískir, stóðu fyrir, eru ekkert
einsdæmi. Fram kemur á vef breska
dagblaðsins The Guardian að erlend-
ir gestir hafi staðið fyrir kröfugöng-
um af ýmsu tagi á götum Peking síð-
ustu daga. baldura@mbl.is
Kveða niður andófið
Breskur blaðamaður fluttur í varðhald í Peking eftir að hafa
fylgst með námsmönnum sem berjast fyrir sjálfræði Tíbeta
Reuters
Harka Öryggisverðir í Pekingborg
draga einn mótmælendanna á brott.
Reuters
Þungavopn Lest rússneskra herbíla með Grad-flugskeyti á leið inn í miðborg Tskhinvali, höfuðstað Suður-Ossetíu, á þriðjudag.
Eftir Kristján Jónsson
kjon@mbl.is
GEORGE W. Bush Bandaríkjafor-
seti segir að Rússar verði að virða
landamæri og fullveldi Georgíu, ella
muni samskipti þeirra við Vestur-
veldin bíða mikið tjón. Forsetinn
lýsti í gær áhyggjum af vopnahlés-
brotum Rússa og sama gerði Condo-
leezza Rice utanríkisráðherra. Hún
fór í gær af stað til Georgíu til að
sýna landsmönnum þar „óbilandi
stuðning Bandaríkjamanna við lýð-
ræðislega stjórn Georgíu“, eins og
Bush orðaði það.
Enn streymir fjöldi rússneskra
hermanna og vígtóla inn í Suður-
Ossetíu, þvert á skilmála vopnahlés-
ins. Segja Rússar markmiðið vera
friðargæslu, sama eigi við um hlut-
verk skriðdrekasveitar sem tók í
gær borgina Gori í miðri Georgíu.
Er skriðdrekahermennirnir héldu
frá S-Ossetíu um þorp í Georgíu og
skipuðu þeir íbúunum að setja hvít
flögg út í glugga, ella yrðu þeir
skotnir. Rússar hafa hernumið hluta
þjóðvegarins milli Gori og Tíblisi og
stöðva georgíska embættismenn
sem reyna að komast til Gori.
Erlendir fréttamenn í Gori sáu
reykjarbólstra stíga upp frá stöðum
skammt frá borginni og heyrðu skot-
hríð. Skelfingu lostið fólk í Gori og
nágrannabyggðum sagði vopnaða
sjálfboðaliða frá Suður-Ossetíu og
Tsjetsjeníu, sem hefðu komið með
rússneska hernum, ganga berserks-
gang. Sögðu heimildarmenn að þeir
rændu og rupluðu, brenndu hús,
nauðguðu og hefðu á brott með sér
ungar konur og karla.
Interfax-fréttastofan rússneska
hafði í gær eftir Sergei Lavrov utan-
ríkisráðherra að Bandaríkin yrðu að
velja á milli Georgíu og Rússlands.
„Leiðtogar Georgíu eru gæluverk-
efni Bandaríkjamanna,“ sagði Lavr-
ov. „Að því kemur að nauðsynlegt
verður að velja á milli þess að styðja
þetta sýndarverkefni og raunveru-
legs bandalags, þar sem þörf er á
raunverulegu samstarfi,“ sagði
Lavrov utanríkisráðherra.
Rússar hunsa vopnahlé
Hertóku Gori og vígamenn Osseta og
Tsjetsjena sagðir ganga berserksgang
Reuters
Heimilislaus Kona frá Suður-Ossetíu með tvö börn sín í tjaldbúðum fyrir
flóttafólk í borginni Alagir í sunnanverðu Rússlandi í gær.
Í HNOTSKURN
»Hjálpargögn verða send tilGeorgíu með bandarískum
herflugvélum og herskipum.
Bandaríkin munu þó varla
taka að sér hernaðarleg verk-
efni þótt Saakashvili forseti
gefi í skyn að þeir muni
tryggja flugumferð í Tíblisi.
PILLAN, getn-
aðarvörnin sem
milljónir kvenna
hafa reitt sig á,
getur haft áhrif á
makaval þeirra.
Þessu er haldið
fram í niðurstöð-
um nýrrar bresk-
ar rannsóknar
vísindamanna við Liverpool-háskóla,
þar sem þetta orsakasamband er
rakið til þeirra áhrifa sem pillan hef-
ur á hormónastarfsemi kvenna, með
þeim afleiðingum að þær laðast að
öðrum manngerðum en ella.
Fjórðungur kvenna á aldrinum 16
til 50 ára notar pilluna að staðaldri
og ef rétt reynist gæti ofangreint or-
sakasamband verið orsakavaldur í
skilnuðum, þegar konur hætta að
fella hug til sambýlismanna sinna.
Eins órómantískt og það kann að
hljóma er talið að konur laðist að
mönnum sem hafi erfðafræðilega
frábrugðið ónæmiskerfi, í gegnum
lyktarskynið, enda auki það líkur á
heilbrigðum afkvæmum í samband-
inu. Pillan kann að raska þessu.
baldura@mbl.is
Hefur pill-
an áhrif á
makaval?
Ný rannsókn bendir
til orsakasambands
DAVID Camer-
on, leiðtogi
breskra íhalds-
manna, reynir nú
að lágmarka þann
skaða sem hlotist
hefur af umdeild-
um ráðleggingum
einnar helstu
hugveitu hans,
Policy Exchange.
Í ráðleggingunum, sem settar eru
fram í nýrri skýrslu, felst að flokkn-
um beri að halda sig frá Liverpool,
Sunderland og Bolton á Norður-
Englandi, þar sem hinum fátæku
þéttbýlisstöðum sé ekki viðbjarg-
andi.
Hyggilegra sé að aðstoða íbúana
við leit að betra lífi sunnar í landinu.
Breska dagblaðið The Times gerði
þetta að umtalsefni í gær, en þar
sagði að skýrslan kynni að þýða að
þrotlaus vinna flokksins í fornum
vígjum Verkamannaflokksins væri
nú í uppnámi. baldura@mbl.is
Haldi sig frá
Liverpool
David Cameron
Hver var afstaða Kínverja?
Kínastjórn sagði aðgerðir mót-
mælendanna „ólöglegar“.
Hvað óttast stjórnin?
Stjórnvöld óttast að andstæð-
ingar hennar noti leikana til að
berjast fyrir réttindum sínum.
Einskorðað við Peking?
Andófið gegn stjórninni er ekki
einskorðað við höfuðborgina Pek-
ing. Sérstaklega er fylgst með
Uighur-mönnum, minnihlutahópi
múslíma, sem gert hefur árásir í
Xinjiang-héraði síðustu daga.
Þar af féllu þrír í hnífstunguárás í
héraðinu á þriðjudag.
Hvaða aðferðum er beitt?
150.000 manna lið hers og lög-
reglu gætir öryggis í Peking.
S&S
LÍTIL stúlka, sem kom í heiminn á
Indlandi fyrir þremur vikum, er
munaðarlaus í kjölfar lagaflækja
sem komu upp í kjölfar skilnaðar
japönsku hjónanna Ikufumi og
Yuki Yamada sem ætluðu að ætt-
leiða hana. Þau höfðu greitt ind-
verskri konu fyrir að ganga með
barnið, sem getið var með gjafa-
eggi og sæði úr Ikufume.
Báðar konurnar neita nú að taka
stúlkuna að sér, en Ikufume hefur
lýst yfir vilja sínum til þess og móð-
ir hans hefur annast stúlkuna á
spítala í borginni Jaipur. Indversk
lög banna hins vegar að karlmaður
ættleiði stúlkubarn. Ikufume má
ekki fara með stúlkuna úr landi
nema hann hafi ættleitt hana því
hún hefur indversk ríkisfang.
Málið hefur vakið lagalegar og
siðferðislegar spurningar. Algengt
er á Indlandi að konur taki að sér
að ganga með börn fyrir erlend
hjón gegn gjaldi. Engin lög gilda
hins vegar um börn sem fæðast
undir þessum kringumstæðum. Því
geta börn þurft að gjalda þess þeg-
ar deilur koma upp um forræði og
ríkisfang. sigrunhlin@mbl.is
AP
Amma? Móðir Ikufumi Yamada ásamt litlu stúlkunni sem er líffræðileg dótt-
ir hans. Mæðginin vilja fara með hana til Japans en réttur þeirra er óljós.
Enginn fær forræðið