Morgunblaðið - 16.08.2008, Blaðsíða 39

MORGUNBLAÐIÐ LAUGARDAGUR 16. ÁGÚST 2008 39
AKRANESKIRKJA | Kvöldguðsþjónusta kl.
20.
AKUREYRARKIRKJA | Guðsþjónusta kl.
11. Sr. Svavar Alfreð Jónsson. Félagar úr
Kór Akureyrarkirkju syngja, organisti er
Sigrún Magna Þórsteinsdóttir. Söng- og
helgistund kl. 20.30. Sr. Jóna Lísa Þor-
steinsdóttir. Feðginin Hafdís Þorbjörns-
dóttir og Þorbjörn Haraldsson leiða söng
og annast undirleik.
ÁRBÆJARKIRKJA | Guðsþjónusta kl. 11.
Sr. Þór Hauksson þjónar fyrir altari. Kriszt-
ina K. Szklenár organisti. Kirkjukórinn
leiðir safnaðarsöng. Kaffi og meðlæti á
eftir.
ÁSKIRKJA | Messa kl. 11. Sóknarprestur
prédikar og þjónar fyrir altari ásamt Mar-
gréti Svavarsdóttur djákna. Kór Áskirkju
syngur, organisti Magnús Ragnarsson.
Molasopi eftir messu.
BORGARPRESTAKALL | Messa í Borgar-
kirkju kl. 14. Messa í Álftaneskirkju kl. 16.
Helgistund í Borgarneskirkju kl. 20.
BREIÐHOLTSKIRKJA | Messa kl. 11. Org-
anisti Julian Isaacs. Prestur Gísli Jón-
asson. Hressing í safnaðarheimilinu að
messu lokinni.
DIGRANESKIRKJA | Messa kl. 11. Prestur
sr. Gunnar Sigurjónsson. Organisti Reynir
Jónasson. Kór Digraneskirkju.
DÓMKIRKJAN | Messa kl. 11 sr. Þorvald-
ur Víðisson prédikar, sr. Hjálmar Jónsson
og sr. Anna Sigríður Pálsdóttir þjóna fyrir
altari. Sönghópur úr Dómkórnum syngur
en einnig syngur kór frá Eistlandi sem hér
er í heimsókn. Organisti er Marteinn Frið-
riksson. Fermingarbörn næsta vors eru
sérstaklega boðin í þessa messu ásamt
fjölskyldum. Eftir messu verður rætt um
fermingarfræðsluna.
FELLA- OG HÓLAKIRKJA | Helgistund kl.
20. Þetta er síðasta samvera sr. Guð-
mundar Karls Ágústssonar að sinni en
hann er að fara í ársleyfi frá kirkjunni. Sig-
ríður Rún Tryggvadóttir æskulýðsfulltrúi
kirkjunnar les ritningarlestra og Jóhanna
Freyja Björnsdóttir er meðhjálpari. Nem-
endur Ólafs Elíassonar sjá um tónlistina
en félagar úr kirkjukór kirkjunnar leiða al-
mennan safnaðarsöng.
FRÍKIRKJAN KEFAS | Almenn samkoma
kl. 20 þar sem Bryndís Svavarsdóttir pré-
dikar. Á samkomunni verður lofgjörð og
boðið til fyrirbæna. Að samkomu lokinni
verður kaffi og samfélag auk þess sem
verslun kirkjunnar verður opin.
FRÍKIRKJAN Reykjavík | Guðsþjónusta kl.
14. Börn borin til skírnar. Fermingarskól-
inn hefst með guðsþjónustunni og stend-
ur yfir alla næstu viku. Fermingarbörn og
foreldrar eru hvött til þátttöku. Tónlist
leiða tónlistarstjórarnir Anna Sigga og Carl
Möller ásamt Fríkirkjukórnum. Hjörtur
Magni Jóhannsson predikar og þjónar fyrir
altari.
GRAFARHOLTSSÓKN | Messa í Þórðar-
sveig 3 kl. 11. Prestur séra Sigríður Guð-
marsdóttir, organisti Hrönn Helgadóttir,
kór Grafarholtssóknar syngur.
GRAFARVOGSKIRKJA | Guðsþjónusta kl.
11. Séra Bjarni Þór Bjarnason prédikar og
þjónar fyrir altari. Kór Grafarvogskirkju
syngjur. Organisti: Hákon Leifsson. Guðs-
þjónusta á Hjúkrunarheimilinu Eir kl.
15.30. Séra Vigfús Þór Árnason prédikar
og þjónar fyrir altari. Þorvaldur Halldórs-
son syngur og spilar.
GRENSÁSKIRKJA | Morgunmatur kl. 10,
bænastund kl. 10.15. Messa kl. 11.
Altarisganga. Samskot til Sambands ís-
lenskra kristniboðsfélaga. Messuhópur
þjónar. Kirkjukór Grensáskirkju leiðir
söng, organisti Árni Arinbjarnarson. Prest-
ur sr. Ólafur Jóhannsson. Molasopi eftir
messu.
GRUND dvalar- og hjúkrunarheimili |
Guðsþjónusta kl. 14. Sr. Sigurpáll Óskars-
son messar. Organisti Kjartan Ólafsson.
HAFNARFJARÐARKIRKJA | Morg-
unsöngur, lesmessa kl. 11. Prestur sr.
Gunnþór Þ. Ingason.
HALLGRÍMSKIRKJA | Messa kl. 11. Sr.
María Ágústsdóttir prédikar og þjónar fyrir
altari ásamt messuþjónum. Organisti er
Björn Steinar Sólbergsson og félagar úr
Mótettukór Hallgrímskirkju leiða sönginn.
Sögustund fyrir börnin í umsjá Magneu
Sverrisdóttur, djákna. Orgeltónleikar
Mattias Wager kl. 20.
HÁTEIGSKIRKJA | Messa kl. 11. Organisti
Douglas Brotchie. Prestur sr. Helga Soffía
Konráðsdóttir.
HJALLAKIRKJA | Messa kl. 11. Sr. Sigfús
Kristjánsson þjónar. Félagar úr kór kirkj-
unnar syngja og leiða safnaðarsöng. Org-
anisti Jón Ólafur Sigurðsson. Við minnum
á bæna- og kyrrðarstund á þriðjudag kl.
18. Sjá einnig á www.hjallakirkja.is
HJÁLPRÆÐISHERINN Reykjavík | Sam-
koma sunnudag kl. 20. Umsjón: Elsabet
Daníelsdóttir. Samkoma fyrir hermenn og
samherja fimmtudag 21. ágúst kl. 20.
Menningarnótt 23. ágúst: „Salvation Rid-
ers“ bjóða upp á kaffi og vöfflur í Fógeta-
garðinum frá kl. 16. Gospel- og lofgjörð-
arkvöld á Hernum frá kl. 21 í umsjá
Miriam Óskarsdóttur.
HÓLADÓMKIRKJA | Hátíðarguðsþjónusta
kl. 14. Dr. Einar Sigurbjörnsson prédikar.
Jón Aðalsteinn Baldvinsson vígslubiskup
þjónar fyrir altari ásamt sr. Ólafi Þ. Hall-
grímssyni og sr. Sigríði Gunnarsdóttur.
Organisti, Eyþór Ingi Jónsson. Hymnodia
syngur. Tekin í notkun ný eftirgerð af kant-
arakápu Jóns Arasonar. Hátíðarsamkoma
kl. 16.30. Hátíðarræðu flytur Páll Skúla-
son, fyrrverandi rektor Háskóla Íslands.
Skáld Hólahátíðar er Matthías Johann-
essen. Kórinn Hymnodia syngur undir
stjórn Eyþórs Inga Jónssonar.
ÍSLENSKA KRISTSKIRKJAN | Samkoma
kl. 20 með lofgjörð og fyrirbænum. Friðrik
Schram predikar. www.kristur.is
KAÞÓLSKA KIRKJAN
Péturskirkja, Akureyri | Messa kl. 11 og
laugardag kl. 18.
Kapúsínaklaustrið á Kollaleiru Reyðarf. |
Messa kl. 11.
Jósefskirkja, Hafnarfirði | Messa kl.
10.30 og virka daga kl. 18.30.
Karmelklaustur, Hafnarfirði | Messa kl.
8.30 og virka daga kl. 8.
Barbörukapella, Keflavík | Messa kl. 14.
Kristskirkja, Landakoti | Messa kl. 10.30
og á ensku kl. 18. Virka daga er messa kl.
18. Mánudaga, miðvikudaga og föstu-
daga er messa á latínu kl. 8.10. Laugar-
daga er barnamessa kl. 14 að trúfræðslu
lokinni.
Stykkishólmur | Messa kl. 10 og virka
daga kl. 18.30.
Ísafjörður | Messa kl. 11.
Flateyri | Messa 2. og 3. sunnudag í mán-
uði kl. 16.
Suðureyri | Messa 1. og 4. sunnudag í
mánuði kl. 16.
Maríukirkja við Raufarsel, Rvk | Messa
kl. 11 og virka daga kl. 18.30. Laug-
ardaga er messa á
ensku kl. 18.30.
Riftún í Ölfusi | Messa kl. 16, miðviku-
daga kl. 20.
KEFLAVÍKURKIRKJA | Fjölskylduguðs-
þjónusta kl. 11. Fermingarbörn flytja helgi-
leik og taka virkan þátt í guðsþjónustunni.
Prestar og æskulýðsfulltrúar kirkjunnar
þjóna. Organisti er Arnór Vilbergsson.
KELDNAKIRKJA Rangárvöllum | Guðs-
þjónusta kl. 14. Kór Álftaneskirkju heim-
sækir söfnuðinn og syngur við guðsþjón-
ustuna.
KÓPAVOGSKIRKJA | Guðsþjónusta kl. 11.
Sr. Ægir Fr. Sigurgeirsson predikar og
þjónar fyrir altari. Félagar úr kór Kópavogs-
kirkju syngja og leiða safnaðarsöng. Org-
anisti Guðmundur Ómar Óskarsson. Kaffi-
sopi eftir messu.
LANDSPÍTALI | Guðsþjónusta kl. 10.30 á
Hringbraut, 3. hæð. Prestur Ingileif Malm-
berg, organisti Helgi Bragason.
LANGHOLTSKIRKJA | Messa kl. 11. Prest-
ur sr. Jón Helgi Þórarinsson. Organisti
Ólafur W. Finnsson. Einsöngur. Kaffisopi
eftir messu. Skráning í kórastarf næsta
vetrar er hafið. Sjá www.langholtskirkj.is.
LAUGARNESKIRKJA | Helgistund kl. 20.
Umsjón hafa hjónin Laufey Hrönn Þor-
steinsdóttir og Ísleifur Árni Jakobsson.
Nánari upplýsingar eru á www.laug-
arneskirkja.is
LINDASÓKN í Kópavogi | Sameiginlegt
helgihald söfnuðanna í Kópavogi. Messa
kl. 11 í Digraneskirkju. Sr. Gunnar Sigur-
jónsson þjónar.
NESKIRKJA | Messa kl. 11. Félagar úr Kór
Neskirkju leiða safnaðarsöng. Organisti
Steingrímur Þórhallsson. Sr. Sigurður Árni
Þórðarson prédikar og þjónar fyrir altari.
Kaffi og spjall á Torginu eftir messu.
Prestbakkakirkja Hrútafirði | Predikunar-
guðsþjónusta kl. 20.30. Prestur sr. Guðni
Þór Ólafsson, organisti Elinborg Sigur-
geirsdóttir.
SALT kristið samfélag | Háaleitisbraut 58-
60, 3. hæð. Samkoma kl. 17. ,,Hvað ert
þú að gera hér?“ Ræðumaður: Hermann
Bjarnason.
SELFOSSKIRKJA | Messa kl. 11 sr. Guð-
björg Jóhannesdóttir þjónar, kór kirkjunn-
ar leiðir söng undir stjórn Jörg Sonder-
mann organista. Léttur hádegisverður efir
messu.
SELJAKIRKJA | Guðsþjónusta með altaris-
göngu kl. 20. Sr. Bolli Pétur Bollason pré-
dikar. Kór Seljakirkju leiðir sönginn.
Organisti Jón Bjarnason.
SELTJARNARNESKIRKJA | Kyrrðarstund
kl. 11. Ritningarlestur, altarisganga og
bæn. Prestur er Sigurður Grétar Helga-
son.
SKÁLHOLTSDÓMKIRKJA | Messa kl. 14.
Sr. Sigurður Sigurðarson, vígslubiskup,
annast prestsþjónustuna. Nemendur úr
kórstjóra- og organistanámskeiði í Skál-
holti annast tónlistarflutning og leiða
messusöng.
STOKKSEYRARKIRKJA | Messa kl. 11.
STRANDARKIRKJA | Maríudagur. Messa
kl. 14, fyrirlestur og tónleikar. Pétur Pét-
ursson prófessor predikar, séra Sigurður
Árni Þórðarson og Hulda María Mikaels-
dóttir djákni þjóna fyrir altari. Eftir messu
flytur Ásdís Egilsdóttir dósent erindi sem
hún nefnir Drottning dýrðar. Björg Þór-
hallsdóttir sópransöngkona og Elísabet
Waage hörpuleikari sjá um tónlistarflutn-
inginn.
TORFASTAÐAKIRKJA | Biskupstungum.
Guðsþjónusta kl. 14. „Hestamanna-
messa“. Prestur sr. Egill Hallgrímsson.
Organisti Glúmur Gylfason. Hestamenn
eru sérstaklega hvattir til að koma ríðandi
til kirkju. Léttar veitingar í boði Hesta-
mannafélagsins Loga að messu lokinni.
VEGURINN kirkja fyrir þig | Samkoma kl.
19. Jón Sigurjónsson predikar. Lofgjörð,
fyrirbæn og samfélag í kaffisal á eftir.
www.vegurinn.is
VÍDALÍNSKIRKJA | Messa kl. 11. Sr Frið-
rik J. Hjartar og Nanna Guðrún Zoëga
djákni þjóna. Helguð verður fjórða alt-
arismyndin sem sett hefur verið upp í
kirkjunni í verkefninu „Breytileg altaris-
tafla“. Kórfélagar úr Kór Vídalínskirkju
leiða safnaðarsönginn undir stjórn org-
anistans, Jóhanns Baldvinssonar. Mola-
sopi að lokinni messu. Minnt er á að
bæna- og kyrrðarstundir eru á fimmtudög-
um kl. 22. Bænarefnum má koma til
presta og djákna kirkjunnar, sjá
www.gardasokn.is
ÞINGEYRAKIRKJA Húnavatnsprófasts-
dæmi | Messa kl. 14. Predikunarguðs-
þjónusta. Organisti Elinborg Sigurgeirs-
dóttir. Prestur sr. Guðni Þór Ólafsson,
Melstað.
ÞINGVALLAKIRKJA | Messa kl. 14. Organ-
isti Guðmundur Vilhjálmsson. Prestur sr.
Kristján Valur Ingólfsson.
Kirkja Óháða safnaðarins við Háteigsveg.
Orð dagsins:
Miskunnsami
samverjinn.
(Lúk. 10)
Elsku Fjóla.
Við viljum með
fáum orðum fá að
minnast þín og þakka
þér fyrir samveruna.
Það var ekki hægt að hugsa sér
betri frænku en þig og þín verður
sárt saknað.
Elsku Hinni, Baddý, Halli & fjöl-
skylda og auðvitað amma Fedda,
Dóra og Bjarni Þór við biðjum góðan
Guð að styrkja ykkur á þessum erf-
iðu tímum.
Einnig langar okkur deila með
ykkur nokkrum línum sem eiga von-
andi eftir að styrkja ykkur í sorginni
Ég aldrei hef lofað að brautin sé bein,
né blómstígar gullskrýddir alla leið heim.
Ég get ekki lofað þér gleði án sorgar,
á göngu til himinsins helgu borgar.
En eg hefi lofað þér aðstoð og styrk,
og alltaf þér birtu þó leiðin sér myrk.
Mitt ljúfasta barn ég lofað þér hef,
að leiða þig sjálfur hvert einasta skref.
(Staðf. Hjálmar Jónsson.)
Við sjáumst svo, elsku Fjóla.
Kveðja,
Jóhannes Karl, Jófríður María,
Ísak Bergmann, Jóel Þór og
Daniel Ingi.
Fjóla Veronika
Bjarnadóttir
✝ Fjóla VeronikaBjarnadóttir
fæddist á Akranesi
5. október 1944.
Hún andaðist á
Sjúkrahúsi Akra-
ness 10. ágúst síð-
astliðinn og fór út-
för hennar fram frá
Akraneskirkju 16.
ágúst.
Fjóla var ráðinn
starfsmaður við mötu-
neyti Fjölbrautaskóla
Vesturlands í upphafi
haustannar árið 2003.
Hún ávann sér fljótt
vinsældir og virðingu
nemenda og starfs-
manna skólans. Það er
stundum sagt að ung-
lingar séu matvandir
og jafnvel einstaka
fullorðinn líka. Þeir
sem nutu brauðsins
hennar Fjólu og mat-
arins sem hún reiddi
fram í mötuneytinu voru aldrei mat-
vandir. Hið einstaka meðlæti sem
fylgdi sá til þess. Fallegt bros, glað-
værð, jákvæð framkoma og hlýja
einkenndu veru hennar hér.
Starfstími Fjólu við Fjölbrauta-
skólann var alltof stuttur. Hún lét af
störfum í lok vorannar 2005, var þá
farin að kenna þeirra veikinda sem
hún nú hefur látið í minni pokann
fyrir. Nemendur og starfsmenn
Fjölbrautaskóla Vesturlands minn-
ast Fjólu með virðingu. Fyrir hönd
okkar sendi ég fjölskyldu Fjólu inni-
legar samúðarkveðjur.
Hörður Ó. Helgason,
skólameistari.
Kveðja frá Sinawik
Í dag kveðjum við elskulega sam-
ferðakonu og vinkonu okkar Fjólu
sem fallin er frá eftir langa en hetju-
lega baráttu. Fjóla var ein af Sina-
wiksystrum á Akranesi. Hún var ein
af þessum manneskjum sem hægt er
að segja um að hafi notalega nær-
veru. Glaðlyndi hennar og mikil
hlýja gerðu það að verkum að manni
leið vel í návist hennar. Glæsileiki
hennar var eftirtektarverður. Hún
var alltaf vel til höfð og klædd í glað-
lega liti og alltaf var hún flottust og
fínust í hópnum, jafnvel eftir að veik-
indin höfðu gert henni erfitt fyrir í
mörg ár. Margt var brallað á þessum
áratugum sem við áttum saman og
margar góðar minningar um ferða-
lög, fundi, afmæli og aðra viðburði og
aldrei lét Fjóla á sér standa að taka
þátt. Þessar minningar gleymast
ekki og ylja okkur nú þegar komið er
að kveðjustund.
Ég kveð þig, hugann heillar minning blíð,
hjartans þakkir fyrir liðna tíð,
lifðu sæl á ljóssins friðar strönd,
leiði sjálfur Drottinn þig við hönd.
(Guðrún Jóhannsdóttir.)
Hinna okkar og allri fjölskyldunni
sendum við okkar innilegustu sam-
úðarkveðjur og biðjum góðan Guð að
styrkja þau í þeirra miklu sorg.
F.h. Sinawiksystra á Akranesi,
Sigurbjörg Ragnarsdóttir.
Þegar ég var lítil fannst mér
mamma bestu vinkonu minnar heita
sérlega fallegu nafni. Hún hét Fjóla,
samt hét hún líka Verónika – það var
mjög sérstakt – mér komu í hug
blóm, eitthvað fínlegt. Og það var
ekkert tímabundið, Fjóla var alla tíð
falleg og björt. Hún vann líka við að
gera konurnar í bænum fínar. Á mik-
ilvægum könnunarferðum okkar
Baddýjar um bæinn var fastur póst-
ur að koma við á hárgreiðslustofunni
hjá Fjólu og á rakarastofunni hjá
Hinna. Við hnusuðum af lagningar-
vökvum, röðuðum rúllum, fengum
kók í gleri, fengum að hringja – alltaf
eitthvert bardús – svo var okkur sagt
að passa okkur á leiðinni heim. Það
var líka fastur póstur og enn við lýði
síðast í vor á leið heim úr bæjum er-
lendis.
Við ólumst upp á sama blettinum,
teppið heima hjá Baddý var alveg
eins og teppið heima hjá mér, bara
öðruvísi á litinn, við lögðum undir
okkur eldhúsborð á víxl, heimasím-
ana, ísskápa. Við urðum unglingar
fyrir framan langa spegilinn heima
hjá Baddý, við máttum ganga í allt
sem okkur fannst þurfa, ég man ekki
eftir að við værum skammaðar.
Fjóla gerði sér hins vegar oft upp
undrun og hneykslan, það var
skemmtilegt, þegar við gleymdum
okkur í leik birtist hún og sagði: Ji,
ertu ekki búin að hringja heim –
mamma þín er orðin sturluð að vita
ekki hvar þú ert! Við skellihlógum,
án þess að átta okkur á að undir
skemmtiatriðinu leyndist eðlisávísun
hennar sjálfrar, þörfin fyrir að vita
af sínu fólki á öruggum stað.
Kannski vandist hún því aldrei að
Halli og Baddý færu milli landa, þau
voru samt aldrei skömmuð fyrir það.
Mamma vissi annars alveg hvar ég
var þótt ég léti ekki vita, Fjóla ýkti
bara til gamans, það var henni líkt,
hún dramatíseraði oft – en aldrei þó
veikindi sín þegar þar kom. Þá dró
hún úr. Hún var blómstrandi og
Fjóluleg lengur en nokkrum öðrum
hefði tekist í þeim aðstæðum, hún
var indæl og björt kona, besta vin-
kona mömmu minnar og mamma
bestu vinkonu minnar í hvítasta hús-
inu í götunni þegar heimurinn var
ennþá heill. Og hennar er saknað.
Sigurbjörg Þrastardóttir.
Hún Fjóla er farin. Eftir langa og
harða baráttu við illvígan sjúkdóm
hefur hún kvatt okkur. Ég er viss um
að Guð hefur þurft konu eins og
Fjólu til að hjálpa sér í efra, konu
sem kenndi okkur sem unnum með
henni í eldhúsinu í FVA að það er
miklu betra að brosa, hlæja, gera
grín að sjálfum sér og njóta hverrar
stundar til hins ýtrasta.
Það var alltaf gott þegar Fjóla
mætti til vinnu, þá sagði hún HÆ,
brosandi út að eyrum, það skipti ekki
máli hvort hún væri að glíma við
sjúkdóminn með aðgerðum eða öðru.
Fjóla vann í nokkur ár með okkur í
FVA og sá um kvöldmat fyrir um 20
krakka. Hún gerði það með þvílíkri
natni sem gerði það að verkum að
Fjóla eignaðist marga aðdáendur í
þessum kvöldmatarhópum.
Það kom fyrir að Fjóla gerði meira
fyrir „krakkana sína“ en um hafði
verið talað og þegar maður spurði af
hverju þetta væri svona þá sagði hún
og brosti: Æi, Egill, er þetta ekki allt
í lagi?
Fjóla var heimsfræg í FVA fyrir
skúffukökurnar sem hún bakaði, ég
vildi fá ákveðinn fjölda sneiða úr
kökunni en hún vildi fá færri, ég
sagði að við yrðum að fá fyrir kostn-
aði, þá brosti hún og sagði að krakk-
arnir yrðu að fá stórar sneiðar, þau
væru að læra. Hvað er hægt að segja
við konu sem hugsaði alltaf svona vel
um aðra, hún bræddi mig alveg.
Alltaf þegar maður hitti Fjólu,
hvort sem það var í vinnu eða á götu,
þá leit hún út eins og kvikmynda-
leikkona, ekki gat maður ímyndað
sér að þarna væri kona sem að ætti í
baráttu við erfið veikindi; ef hún var
spurð hvernig hún hefði það, þá
brosti hún bara og sagði: „allt fínt“.
Við sem unnum með henni og allir
aðrir sem kynnntust henni getum
lært heilmargt á því, hvernig hún tók
á sínum veikindum og kom fram við
aðra, alltaf brosandi. Geymum mynd
af Fjólu brosandi, hlæjandi í huga
okkar og munum að njóta lífsins eins
og hún gerði.
Kæri Hinni og fjölskylda, megi
guð vera með ykkur.
Fyrir hönd starfsfólksins í eldhúsi
FVA,
Guðmundur Egill.
MESSUR Á MORGUN