Morgunblaðið - 18.08.2008, Blaðsíða 12

FRÉTTASKÝRING
Eftir Örlyg Stein Sigurjónsson
orsi@mbl.is
Á BILINU 15-18 lögreglunemar í
starfi hjá lögreglunni á höfuðborg-
arsvæðinu munu hverfa til náms í
Lögregluskóla ríkisins í september
og þarf að manna þær stöður sem
losna til að halda í horfinu. Að
sögn Stefáns Eiríkssonar lög-
reglustjóra verður væntanlega
brugðist við þessu með því að aug-
lýsa eftir lögregluþjónum í störf.
33 lögreglunemar sem lokið hafa
8 mánaða starfsþjálfun og fyrri
hluta lögreglunáms koma á loka-
önn sína sem hefst í september og
verða þeir brautskráðir í desem-
ber. Jafnframt hafa sextán nýnem-
ar verið valdir inn í skólann til
hefja nám á fyrstu önn í sept-
ember. Að henni lokinni, í desem-
ber, fara þeir í starfsþjálfun. Í jan-
úar koma þá 32 nýnemar sem
ljúka fyrstu önn vorið 2009 og
hefja starfsþjálfun.
„Samkvæmt langtímaáætlun
okkar erum við því með 48 nema í
skólanum á hverjum tíma,“ segir
Arnar Guðmundsson, skólastjóri
Lögregluskólans.
Margir hæfir umsækjendur
Arnar segir það áberandi upp á
síðkastið hversu margir hæfir um-
sækjendur hafi sótt um nám í Lög-
regluskólanum. „Áður höfum við
upplifað að fólk hefur sent inn um-
sókn en fallið á inntökuprófi eða
ekki mætt,“ bendir hann á. Í nýút-
kominni ársskýrslu Lögregluskól-
ans kemur fram að vorið 2007 hafi
verið auglýst eftir nemum til að
hefja nám á fyrstu önn haustið
2007. Hæfir umsækjendur voru 76
og 61 mætti í inntökupróf. 42
mættu í viðtal hjá valnefnd skól-
ans og þar af voru 37 valdir til að
stunda námið. Hlutfall kvenna var
23%.
Lögregluþjónar sem útskrifast
frá Lögregluskólanum fara lang-
flestir til vinnu hjá lögregluemb-
ættum að loknu námi að sögn Arn-
ars. „Langstærstur hluti nema er
hingað kominn til að fara til vinnu
hjá lögreglunni,“ segir hann.
Svið innan lögreglunnar eru jafn
mörg og þau eru fjölbreytt og
spurður um áhuga nýnema á sér-
stökum starfssviðum segir Arnar
að áhugi fólks beinist í ýmsar átt-
ir. „Sumir hafa áhuga á lög-
reglurannsóknum og aðrir horfa til
sérsveitarinnar, enda sækja marg-
ir um þegar hún auglýsir eftir
fólki. Enn aðrir hafa áhuga á að
taka að sér fíkniefnaleitarhund en
allajafna erum við með nema sem
hafa áhuga á því að takast á við al-
menn lögreglustörf og þróa sig
áfram.“
Umferðarfræði og refsiréttur
Meðal námsgreina hjá Lög-
regluskólanum eru lögreglulög,
réttarfar, refsiréttur, lög-
reglurannsóknir, umferðarfræði,
siðfræði, tölvufræði, líkamsþjálfun,
lögregluæfingar og björg-
unarsund. Þá eru ónefndar verk-
legar æfingar.
Skólinn leggur meðal annars
áherslu á tengsl við erlendar lög-
reglumenntastofnanir en einnig er
lagt upp úr tengslum við innlendar
stofnanir, bæði mennta- og rík-
isstofnanir.
Í fyrra var lokið við átak í
stjórnarmenntun sem byrjað var á
árið 2003 með samkomulagi við
Landssamband lögreglumanna,
dómsmálaráðuneytið og ríkislög-
reglustjóra. Námið var sérsniðið
stjórnunarnám fyrir yfirmenn í
lögreglunni og þá sem sækjast eft-
ir æðstu stöðum. Samkomulag var
gert við Endurmenntunarstofnun
HÍ vegna aðstoðar við gerð nám-
skrár og fleira.
Ýmis sérnámskeið voru einnig
haldin á vegum framhaldsdeildar.
Má þar nefna námskeið um yf-
irheyrslur í hljóð og mynd, rann-
sóknarlögreglumannanámskeið,
námskeið sem nefndist Útlend-
ingar og persónueftirlit á landa-
mærum og námskeið í umsjón og
þjálfun lögregluhunda.
Morgunblaðið/Sverrir
 33 lögregluþjónsefni hefja lokaönn sína í september og 16 til viðbótar byrja í grunnnámi í Lögreglu-
skóla ríkisins  Meðal námsgreina eru lögreglulög, réttarfar, refsiréttur og lögreglurannsóknir
Í HNOTSKURN
»Lögregluskóli ríkisins ersjálfstæð lögreglustofnun
sem starfar á grundvelli lög-
reglulaga og reglugerðar um
Lögregluskóla ríkisins.
»Meginstarfsemi skólans erskipað í þrjár deildir,
rekstrardeild, grunnnáms-
deild og framhaldsdeild.
» Í árslok 2007 var tekinninn viðbótarhópur í skól-
ann og voru því 45 lög-
regluþjónar brautskráðir í
apríl sl. og 33 verða braustkr-
áðir í desember.
Langflestir á leið í lögreglustörf
Morgunblaðið/Júlíus
Lögregluþjónar Svið lögreglunnar eru mörg og fjölbreytt. Sumir útskrif-
aðir hafa áhuga á lögreglurannsóknum en aðrir horfa til sérsveitarinnar.
12 MÁNUDAGUR 18. ÁGÚST 2008 MORGUNBLAÐIÐ
FRÉTTIR
Þegar kemur að inntökuprófum í lögregluskólanum þurfa nemendur að
standast m.a. íslenskupróf og þrekpróf. Merkjanlegt er að sögn Arnars
Guðmundssonar, skólastjóra Lögregluskólans, að dregið hefur úr ís-
lenskufalli meðal umsækjenda.
Í ársskýrslu kemur fram að fall á inntökuprófi meðal karla er 23% og
47% meðal kvenna.
Færri falla á íslenskunni
Vestmannaeyjar | Við lok lundaveiði-
tímabilsins í Vestmannaeyjum kom í
ljós það sem menn óttuðust, að við-
komubrestur í stofninum undanfarin
þrjú ár er farinn að koma fram í
miklu minni veiði. Samkvæmt tölum
sem Morgunblaðið hefur aflað er
veiðin ekki nema brot af því sem ger-
ist í venjulegu árferði. Í byrjun tíma-
bils virtist sem varp ætlaði að heppn-
ast en nú eru að koma fram mikil
afföll í pysju þannig að árið gæti orðið
það fjórða í röð þar sem aðeins lítill
hluti lundapysjunnar kemst upp.
Veiði var takmörkuð á síðasta ári og
enn frekar í sumar en nú telja kunn-
ugir að jafnvel verði gripið til algjörs
veiðibanns næsta sumar.
Sést varla fugl
Pétur Steingrímsson, sem hefur
áralanga reynslu í lundaveiði, var
staddur í Bjarnarey þegar Morg-
unblaðið ræddi við hann. Hann sagð-
ist varla sjá fugl en hann hafði þó
frétt af talsverðu flugi tveim dögum
áður. „En núna er þetta eins og seint
að hausti, aðeins örfáa lunda að sjá,“
sagði Pétur. „Ekki urðum við varir
við mikinn lunda á sjónum en sáum
þó einn og einn á leiðinni. Ekki var
hann með æti í goggnum og þegar við
komum að eynni sáum við varla fugl á
flugi.“
Pétur og fleiri sem rætt var við
sögðu að ástandið væri „hræðilegt“
og engu hefði skipt þótt veður hefði
verið hagstætt til veiða, lundinn gaf
sig einfaldlega ekki. Í Bjarnarey
máttu lundakarlar „þakka fyrir að fá í
soðið“, yfirleitt hefur veiðin þar verið
á milli 90 og 100 kippur en 100 fuglar
eru í hverri kippu. Mesta veiði sem
vitað er um í Bjarnarey á síðari árum
er 140 kippur.
Veiðin innan við
tíu kippur í Álsey
Sömu sögu er að segja úr Álsey þar
sem veiðin er innan við tíu kippur. Al-
geng veiði þar hefur verið í kringum
100 kippur en mest hefur hún orðið
250 kippur. Í Elliðaey er veiðin aðeins
átta kippur á móti 80 til 100 sem El-
liðaeyingar telja eðlilegt. Tölur úr
öðrum úteyjum væru sambærilegar,
fimm kippur í Suðurey og ein til tvær
í Brandinum.
Það var ekki sama ördeyðan í Ysta-
kletti sem er hluti af Heimaey. Ysti-
klettur hefur í mörg ár verið fengsæl-
asti lundaveiðistaðurinn í
Vestmannaeyjum. Þar náðu menn 40
kippum í ár en algeng veiði hefur ver-
ið á milli 150 og 170 kippur og svo
hafa þeir komist yfir 200 kippur í
metárum.
Pétur og fleiri sem rætt var við
segja ástandið „grafalvarlegt“ því nú
vantar orðið árganga í lundastofninn
sem bera eiga uppi veiðina á næstu
árum. Óttast þeir að með þessu
áframhaldi verði lundaveiðar bann-
aðar í Vestmannaeyjum sem yrðu
mikil viðbrigði því lundaveiði er
merkur þáttur í bæjarsálinni og hluti
af sérstæðri menningu Eyjamanna.
Veiðin aðeins brot af því sem verið hefur
Viðkomubrestur undanfarin þrjú ár
farinn að koma fram í minni veiði
Morgunblaðið/Sigurgeir
Hrun Lundaveiðitímabilinu er lokið og ljóst að hrun hefur orðið í stofninum.
Í HNOTSKURN
»Að fengnu áliti veiði-manna og vísindamanna
sem vakta lundann var ákveð-
ið að hefja veiðar 10. júlí í ár
í stað 1. júlí eins venja hefur
verið og átti hún að standa til
15. þ.m.
»Bæjaráð Vestmannaeyjaákvað í ljósi alvarlegra
ábendinga, bæði frá veiði-
mönnum og vísindamönnum,
að stoppa veiðar 10. ágúst.
»Fól bæjarráð bæjarstjóraað óska eftir því við yf-
irvöld að sérstök áhersla
verði lögð á rannsókn á lunda
næstu árin til að tryggja
sjálfbærar veiðar á tegund-
inni.