Morgunblaðið - 18.08.2008, Blaðsíða 16
|mánudagur|18. 8. 2008| mbl.is
Heimagerðar og hressandi snyrtivörur
R
étt eins og farfuglarnir boða vorið eru lítil kríli og
stærri krakkar með skólatöskur ótvírætt merki
um að sumri sé farið að halla. Eftir ævintýri sum-
arsins eru margir spenntir að hitta skólafélagana
en alltaf er einn og einn sem gengur um með stein
í maganum yfir því að skólinn sé að byrja.
Sigrún Ágústsdóttir, námsráðgjafi í Réttarholtsskóla, telur
mikilvægt fyrir foreldra að fylgjast með slíkum kvíða hjá börn-
um sínum og taka mark á áhyggjum þeirra. „Foreldrar mega
ekki gera lítið úr kvíða barnsins heldur reyna eftir fremsta
megni að fá það til að tjá sig um þessar áhyggjur og gera svo
eitthvað í því,“ segir hún.
Hins vegar sé það lykilatriði hvort barnið sé að fara í nýjan
skóla eða aftur í þann gamla. „Það er bara eðlilegur hlutur að
kvíða fyrir því að fara í nýjan skóla. Þá er t.d. hægt að heim-
sækja skólann áður en hann byrjar, kannski fá að hitta umsjón-
arkennarann og skapa svolítið traust. Ef börnin kvíða hins veg-
ar fyrir að fara aftur í gamla skólann sinn er mjög áríðandi að
komast að því hvað veldur.“
Sigrún segir ýmsar ástæður geta legið að baki slíkum kvíða.
„Oft er það eitthvað félagslegt, kannski einelti eða einmana-
leiki. Eins getur kvíðinn verið tengdur námserfiðleikum eða t.d.
samskiptum við kennara. Þetta þarf að fá upp á yfirborðið og
vera svo í samstarfi við skólann – jafnvel áður en hann byrjar –
um að takast á við vandamálið í sameiningu.“
Hún bendir foreldrum á að hafa samband við umsjónarkenn-
ara, skólastjórnendur og/eða námsráðgjafa til að fá hjálp með
vandamálið. „Oft getur verið gott að barnið komi með foreldr-
unum í skólann til að ræða um kvíðavaldinn – ef þau geta sett
fingur á hann en það er ekki alltaf. Stundum eiga umsjón-
arkennararnir auðveldara með að átta sig á því hvað er að.“
Langalgengast er þó að kvíðinn sé vegna félagslegra þátta,
að sögn Sigrúnar. „Ef þetta er ekki almennur kvíði fyrir öllu
mögulegu í tilverunni heldur kvíði sem eingöngu er tengdur
skóla myndi ég telja líklegast að eitthvað væri að félagslega –
að barnið verði fyrir aðkasti eða sé útilokað úr hópnum. Þá er
gífurlega mikilvægt að taka á því því eftir því sem svoleiðis
hlutir fá að þróast lengur – því erfiðara er að koma þeim í gott
horf aftur.“
Blendnar tilfinningar í byrjun
Á hverju hausti er þó alltaf stór hópur barna sem hvorki eru
að skipta um skóla né fara í þann gamla. Sumir eru að mæta á
skólavöllinn í allra fyrsta sinn og þá þarf maður ekki að vera
nein skræfa til að vera svolítið banginn. „Þau hlakka auðvitað
til en eru alveg örugglega líka hrædd. Fæst þeirra eru kannski
fær um að tjá sig um slíkar tilfinningar, heldur verða bara pirr-
uð og erfiðari en venjulega.“
Eldri systkin í skólanum geta verið töluverður styrkur fyrir
nýbakaða námshesta sem og vinir og kunningjar úr hverfinu og
af leikskóla sem eru að fara í sama skóla. „Það gæti t.d. verið
hugmynd að leyfa þeim að hittast rétt áður en skólinn byrjar
þannig að þau hafi það ekki á tilfinningunni að þau verði þarna
alein. Oft þarf ekki mikið til að skapa hjá þeim öryggi fyrir
skólagönguna.“
Kvíðnir
krakkar í
skólabyrjun
Þessa vikuna má búast við því að barna-
fjölskyldur verði önnum kafnar við und-
irbúning fyrir skólann sem er rétt handan
við hornið. Fyrir marga er þetta tími eft-
irvæntingar en það er ekki víst að allir
krakkar hlakki til …
Morgunblaðið/Golli
Námsráðgjafinn Sigrún Ágústsdóttir segir mikilvægt að for-
eldrar taki skólakvíða barna sinna alvarlega.
Náttúruleg lausn fyrir bauga
Þetta er indversk uppskrift sem ætti
að sýna árangur eftir 7-10 daga.
Safi úr ½ agúrku Eða safi úr 1 tómati
½ tsk túrmerikduft
1 tsk sítrónusafi
4 msk fínmalað maísmjöl (cornmeal)
Til að ná safanum úr agúrkunni
eða tómatinum er gott að nota safa-
pressu. Ef nota á matvinnsluvél þarf
að flysja grænmetið og fjarlægja fræ-
in, mauka svo í vélinni og sigta. Bætið
túrmerikduftinu og sítrónusafa í
grænmetissafann. Hrærið maísmjöl-
inu í safann í litlum skömmtum. Ef
blandan er orðin að þykku mauki þarf
ekki að bæta við meira maísmjöli.
Smyrjið blöndunni varlega á baugana
með bómull eða baugfingri. Skolið
varlega af eftir um þrjár mínútur en
gætið þess að nudda ekki svæðið.
Háreyðing með hunangi og sykri
Ágætis lausn til háreyðingar. Heldur svæðinu hár-
lausu í allt að sex vikur og er líklega ódýrari en
vaxmeðferð á snyrtistofu. Hendið afganginum eftir
notkun.
Safi úr ½ sítrónu
2 msk hunang
1 bolli sykur
Slatti af bómullarræmum (1,5 cm á breidd og 10
cm á lengd)
1 frostpinnaspýta
Setjið sítrónusafa, hunang og sykur í pott og hit-
ið þar til sykurinn er uppleystur og fljótandi. Kæl-
ið blönduna í 10 mínútur eða þar til hún hefur náð
þægilegu hitastigi. Notið spýtuna til að bera blönd-
una á svæði sem á að meðhöndla. Athugið að bera
hana á í sömu átt og hárið vex. Leggið bómull-
arræmu yfir svæðið og nuddið hana þar til hún
hitnar. Togið ræmuna ákveðið í gagnstæða átt við
hárvöxtinn til að fjarlægja blönduna (og vonandi
hárin) af svæðinu. Ef hárvöxturinn er lítill ætti
þetta ekki að vera sárt en ef hárvöxturinn á svæð-
inu er þéttur er þetta sennilega sársaukafullt.
Endurtakið ferlið þar sem óæskilegan hárvöxt má
finna en notið nýja bómullarræmu í hvert skipti.
Það er skynsamlegt að prófa blönduna á litlu svæði
til að sjá hvort húðin þolir hana. Notist ekki á við-
kvæma, sára eða sprungna húð.
Andlitsmaski með
kakói og kaffi
Þessi andlitsmaski hentar vel fyrir venjulega eða
feita húð, því mjólkin er mild og kaffið styrkj-
andi.
4 msk fínmalað kaffi
4 msk kakóduft
8 msk nýmjólk eða rjómi
Blandið saman kaffi og kakói. Bætið mjólkinni
við þar til blandan líkist helst búðingi. Dreifið á
andlit og háls en setjið ekki nálægt augum eða
munni. Bíðið í 15 mínútur og skolið svo af með
heitu vatni.
Það er bæði skemmtilegt og ódýrt að búa til sínar eigin snyrtivörur. Á heimasíðunni makeyourowncosmetics.com
má finna eftirtaldar uppskriftir auk fjölda annarra sumarlegra og sniðugra lausna fyrir húð og hár. liljath@mbl.is
Sigrún segir það fara vax-
andi að leikskólar og grunn-
skólar innan sama hverfis
hafi samstarf sín á milli um
að búa litlu krílin undir
skólagönguna. „Oft eru þau
því aðeins búin að koma í
heimsókn í skólann. Engu að
síður er mjög mikilvægt að
foreldrarnir styðji litlu börn-
in afskaplega vel þegar þau
eru að byrja. Þeir geta til
dæmis labbað með barninu
að skólanum nokkrum sinn-
um áður en það byrjar og
jafnvel leikið þar svolítið fyr-
ir utan í leiktækjum og á
svæðinu. Ef barnið er mjög
kvíðið er um að gera að fá að
fara í heimsókn í skólann
nokkrum dögum áður og
hitta kennarann til að draga
úr óvissunni.“
Hún hvetur foreldra til að
fylgja litlu skólahetjunum
fyrstu skrefin, „jafnvel þótt
þau vilji ekki að mamma eða
pabbi leiði þau alveg að
skóladyrunum. Eins að gefa
sér tíma til að sækja þau í
lok skóladagsins. Þá er mik-
ilvægt að vera í góðu sam-
bandi við kennarana og skól-
ann því það getur skipt
gríðarmiklu máli fyrir líðan
barnsins og skólagönguna.“
Undirbúningur fyrir þau allra yngstu
daglegtlíf