Morgunblaðið - 18.08.2008, Blaðsíða 28
28 MÁNUDAGUR 18. ÁGÚST 2008 MORGUNBLAÐIÐ
TVÆR síðustu umferðir Heimsbikarkeppn-
innar í torfæruakstri voru eknar í Kangasala í
Finnlandi um helgina. Íslendingarnir sex sem
þátt tóku í keppnunum voru í banastuði báða
keppnisdagana og skipuðu sér í efstu sætin.
Í næstsíðustu umferð mótaraðarinnar, sem
ekin var á laugardaginn, sigraði Gunnar Gunn-
arsson á Trúðnum í Unlimited-flokki með
nokkrum yfirburðum en Miikka Kaskinen frá
Finnlandi, sem náði öðru sætinu, reyndi, en án
árangurs, að halda í við hann. Ole Graversen
frá Noregi varð þriðji, Ólafur Bragi Jónsson
fjórði og Sigurður Þór Jónsson varð í fimmta
sæti. Sigurður hefur reyndar kært atvik sem
varð í síðustu brautinni og ef kæra hans verður
tekin til greina færist hann upp í þriðja sæti og
hinir þá neðar.
Heimsbikarmeistari
Í lokaumferð mótaraðarinnar á sunnudaginn
gerðu Íslendingarnir enn betur. Gunnar Gunn-
arsson sigraði aftur, Ólafur Bragi Jónsson á
Refnum varð annar og Sigurður Þór Jónsson á
Tröllinu þriðji.
Gunnar Gunnarsson var að vonum ánægður
með árangur sinn enda tryggði hann sér heims-
bikartitilinn í þessum keppnum. „Þetta voru
mjög skemmtilegar keppnir en krefjandi.
Brautirnar voru erfiðar en þó gekk mér vel,
mig vantaði einungis 10 stig upp á að klára
keppnina í dag með fullt hús stiga,“ sagði Gunn-
ar sem átti þó í vandræðum með eldsneyt-
iskerfið í Trúðnum. Það var ekki fyrr en í fjórðu
braut sem Trúðsmönnum tókst að finna bil-
unina og gera við hana en þrýstijafnari í kerf-
inu hafði gefið upp öndina svo að Gunnar varð
að láta vélina snúast stöðugt í 5.500 snúningum
svo að ekki dræpist á bílnum.
Jafnframt því að tryggja sér heimsbikartit-
ilinn tók Gunnar afgerandi forystu í keppninni
um Norðurlandameistaratitilinn en Kangasala-
keppnirnar gáfu einnig stig í þeirri keppni.
Reyndar sögðu Norðmennirnir Roar Johansen
og Arne Johannesen að það þyrfti að setja
Gunnar í keppnisbann, hann væri svo góður.
Tók forystu í Norðurlanda-
meistarakeppninni
Ragnar Róbertsson sigraði í Modified Stand-
ard-flokki báða keppnisdagana. Sigur hans var
þó tæpur á laugardeginum því þá hafði hann
einungis 10 stiga forskot á Bjarka Reynisson á
Dýrinu í lokin. Má segja að það hafi orðið Ragn-
ari til happs að Bjarki hafði ekki kynnt sér
tímabrautina nógu vel þar sem hann fékk 60
refsistig.
Á sunnudeginum voru yfirburðir Ragnars af-
gerandi en hins vegar vegnaði Bjarka ekki eins
vel þá og endaði hann í 6. sæti. Með þessum
sigri innsiglaði Ragnar heimsbikartitilinn í
Modified Standard-flokki. Jafnframt tókst hon-
um að ná forystunni í Norðurlandameist-
arakeppninni en lokaumferðir þeirrar móta-
raðar verða eknar í Svíþjóð 20. og 21.
september. Það hefði verið freistandi fyrir
keppendurna að senda bílana beint til Svíþjóð-
ar en þar sem lokaumferð Ísandsmeistaramóts-
ins í Torfæruakstri verður ekin 6. september í
nágrenni Reykjavíkur gengur það ekki.
Síðustu umferðir Heimsbikarkeppninnar í torfæruakstri voru eknar í Kangasala í Finnlandi
Íslenskur sigur og titill í báðum flokkum
Allra manna bestur Gunnar Gunnarsson á Trúðnum sigraði í báðum umferðunum í Kangasala.
Sigur í tveimur Ragnar Róbertsson er Heimsbikarmeistari í Modified Standard-flokki eftir að
hann sigraði í báðum keppnunum í Finnlandi um helgina.
Ljósmyndir/JAK
Góður Bjarki Reynisson ók listavel og var í
toppbaráttunni í Modified Standard-flokki.
Í fimmta sæti? Sigurður Þór Jónsson á Tröllinu barðist um toppsætin og varð síður en svo
hress er Finnarnir dæmdu á hann refsingu sem hann taldi ekki samræmast keppnisreglunum.
Rebbi seigur Ólafur Bragi Jónsson á Refnum
keyrði meistaralega vel báða keppnisdagana
og uppskar samkvæmt því.