Morgunblaðið - 20.08.2008, Blaðsíða 8
8 MIÐVIKUDAGUR 20. ÁGÚST 2008 MORGUNBLAÐIÐ
FRÉTTIR
FRÉTTASKÝRING
Eftir Hjálmar Stefán Brynjólfsson
hsb@mbl.is
Akureyri | Nokkur skriður hefur kom-
ist á tvö af þeim skipulagsmálum sem
brenna á Akureyringum þessi miss-
erin: Undirhlíðina og Spítalaveginn.
Það má segja að nú styttist í að öðru
málinu ljúki að fullu: Undirhlíð-
arreitnum.
Bæjarstjórn Akureyrar heimilaði í
byrjun júlí að SS Byggir myndi
byggja 57 íbúðir í tveimur krosslaga
háhýsum á deiliskipulagsreitnum
Undirhlíð / Miðholt. Um 400 íbúar á
Akureyri skrifuðu nafn sitt á undir-
skriftalista til að mótmæla byggingu
háhýsanna.
Málið er nú hjá Skipulagsstofnun
sem mun taka afstöðu til efnis eða
forms deiliskipulagsins. Þar á bæ var
hins vegar ekki hægt að afgreiða mál-
ið í fyrstu tilraun, þar sem frekari
upplýsingar vantaði um fimm atriði,
þ.á m. um skuggamyndun blokkanna,
byggingu bílageymslu og hvaða
ábyrgð lóðarhafi beri á hugsanlegum
breytingum á vatnsborði vegna
grundunar húsanna. Slíkar beiðnir
um frekari upplýsingar vegna deili-
skipulags eru ekki fátíðar að sögn
starfsmanns Skipulagsstofnunar.
Skipulagsnefnd bæjarins hefur sent
svör við umræddum atriðum, og er
niðurstöðu að vænta frá Skipulags-
stofnun innan tveggja vikna.
Spítalavegurinn
Tillaga að endurskoðuðu deili-
skipulagi við Spítalaveg, Steinatröð
og Tónatröð var auglýst frá 14. maí til
25. júní 2008. Átta athugasemdir bár-
ust við tillöguna, auk þess sem íbúar
svæðisins sendu áskorun til skipu-
lagsnefndar og bæjarstjórnar.
Í áskoruninni er bent á að ekki hafi
verið tekið tillit til sögu og menning-
arverðmæta í tillögunni, en hug-
myndir ertu uppi um að reisa ný hús í
aldargömlu hverfi. Íbúarnir lögðust
einnig gegn byggingu Tónatraðar en
hvetja þess í stað til að gert verði úti-
vistarsvæði í hverfinu í tengslum við
Lystigarðinn. Skorað var á bæj-
arstjórn að draga skipulagstillöguna
til baka og vinna nýtt skipulag í sam-
vinnu við íbúana.
Í syðsta hluta Tónatraðar er hugs-
anlegt að byggingarreitur nái yfir
friðaðan garð. Í umsögn Minjavernd-
ar um deiliskipulagið er bent á að
breyta því þannig að garðinum verði
ekki raskað, að öðrum kosti þarf
framkvæmdaaðili að greiða fyrir
rannsóknir á minjunum.
Niðurstaða Skipulagsnefndar um
málið er sú að tillagan verði endur-
skoðuð. Að sögn Péturs Bolla Jó-
hannessonar, skipulagsstjóra Ak-
ureyrar, verður endurskoðun lokið
um mánaðamótin september – októ-
ber og tillagan auglýst aftur.
Umdeild mál á skrið
Niðurstöðu Skipulagsstofnunar vegna Undirhlíðarreits að
vænta innan tveggja vikna Endurskoða Spítalavegstillögu
ÍBÚAR Holta- og Hlíðahverfis gerðu á sínum tíma athugasemdir við það að
framkvæmdirnar við Undirhlíð gætu valdið breytingum á vatnsborði
vegna grundunar háhýsanna. Skipulagsstofnun hefur óskað eftir nánari
útskýringum á því hvað ábyrgð lóðarhafi ber. Skipulagsnefnd bæjarins út-
skýrði það svo að lóðarhafinn væri ábyrgur fyrir „hugsanlegu tjóni sem
rekja má til breytinga á vatnsborði á meðan á framkvæmdum stendur“.
Íbúar Spítalavegar vilja fæstir að byggt verði í nýrri götu, Tónatröð,
neðan við sjúkrahúsið. Ný hús passi ekki inn í hverfið og götumyndina.
Einnig koma fram athugasemdir vegna nálægðar götunnar við sjúkra-
húsið. Jafnframt færi betur á að hafa einstefnu niður götuna frekar en upp.
Um hvað snúast deilurnar?
Morgunblaðið/Hjálmar S. Brynjólfsson
Spítalavegur Samkvæmt tillögunni er gert ráð fyrir nýjum húsum og nýrri götu, Tónatröð, neðan við Sjúkrahúsið
á Akureyri. Íbúar á Spítalavegi gerðu 8 athugasemdir við tillöguna og skoruðu á bæjarstjórn að hætta við.
Morgunblaðið/Hjálmar S. Brynjólfsson
Undirhlíð Um 400 Akureyringar
mótmæltu fyrirhuguðum háhýsum.
Eftir Skúla Á. Sigurðsson
skulias@mbl.is
VERÐLAUN Sigurðar Þórarins-
sonar, æðstu verðlaun Alþjóða-
eldfjallafræðisambandsins, verða
veitt á ráðstefnu sambandsins sem
stendur nú yfir í Háskóla Íslands.
Steven Sparks, prófessor við há-
skólann í Bristol, þiggur þau að
þessu sinni. Sparks hefur unnið að
eldfjallarannsóknum víða um heim
og er eftirsóttur fyrirlesari og af-
kastamikill höfundur fræðigreina.
Hefur hann meðal annars unnið sér
til frægðar að hafa rannsakað
Heimaeyjargosið 1973 og kannað
gjósku úr Öskjugosi ársins 1875.
Í fyrsta sinn á Íslandi
„Að þessi ráðstefna sé haldin hér
er ákveðin viðurkenning á stöðu
þessara fræða hér á Íslandi,“ segir
Magnús Tumi Guðmundsson, pró-
fessor í jarðeðlisfræði við Háskóla
Íslands. Hann situr í undirbúnings-
nefnd ráðstefnunnar en í frétta-
tilkynningu frá henni segir að um sé
að ræða einn stærsta vísindaviðburð
á Íslandi um langt skeið.
Magnús Tumi segir íslenska vís-
indamenn standa mjög framarlega á
sviði eldfjallafræði og telur það
koma til af því hve nálæg og raun-
veruleg þessi náttúruöfl eru hér á
landi. Segja megi að landið sé ein
risavaxin tilraunastofa á þessu sviði.
Ráðstefna Alþjóða-eldfjallafræði-
sambandsins er nú haldin í fyrsta
sinn á Íslandi og stendur hún frá 18.
til 22. ágúst. Hana sækja um 900
þátttakendur frá fimmtíu löndum en
um 700 erindi eru á dagskránni.
Heiður og hvatning
Sigurður Þórarinsson var pró-
fessor í landafræði og jarðfræði við
Háskóla Íslands og var mikill frum-
kvöðull á sviði eldfjallafræða. Verð-
launin eru veitt vísindamönnum sem
skara fram úr og hafa lagt sitt af
mörkum til framþróunar fræði-
greinarinnar. Þau voru fyrst veitt
árið 1987 og verður Steven Sparks
sjöundi handhafi þeirra.
„Þegar ég var ungur doktorsnemi
hitti ég hann nokkrum sinnum með-
an ég var [á Íslandi] við vettvangs-
störf,“ segir Steven Sparks sem tel-
ur Sigurð einn merkasta eldfjalla-
fræðing liðinnar aldar. Honum
þykir sér mikill heiður sýndur með
heiðursverðlaununum, ekki aðeins
vegna þess að þau séu ein þau
æðstu á sviði eldfjallafræða heldur
einnig því hann veitir þeim viðtöku í
heimalandi Sigurðar. Verðlaunin
segir hann vera sér hvatning í starfi
sínu.
Sparks hélt fyrirlestur í gær um
það sem hann kallar hina tæknilegu
hlið eldgosa. Á föstudaginn tekur
hann við verðlaununum og heldur
við það tilefni meginfyrirlestur sinn
á ráðstefnunni. Fjallar hann þar um
nýlegar rannsóknir sínar á sviði
innri virkni eldfjalla.
Landið ein
risavaxin til-
raunastofa
Æðsta viðurkenning í eldfjallafræðum veitt
Morgunblaðið/G.Rúnar
Gneistaflug Sparks hefur starfað
og haldið fyrirlestra um víða veröld.
Í HNOTSKURN
» Ráðstefna Alþjóða-eldfjallafræðisambandsins
er haldin á fjögurra ára fresti
og var síðast haldin í Chile.
» Auk verðlauna SigurðarÞórarinssonar veitir sam-
bandið hin svokölluðu George
Walker-verðlaun, Krafft-
verðlaunapeninginn og Wa-
ger-heiðurspeninginn fyrir
ýmiss konar framlag til eld-
fjallafræða.
SÍÐDEGIS í gær tókst að ná stál-
bátnum Hafdísi NK-50, sem er 17
brúttótonn að stærð, upp úr smá-
bátahöfninni í Neskaupstað. Bát-
urinn sökk aðfaranótt sunnudags
og tók flotbryggjuna með sér.
Um ástæðu þess að báturinn sökk
segir Gísli Gíslason, hafnarstjóri í
Neskaupstað: „Ég hef heyrt að það
hafi verið tæringargat á honum,
báturinn þarf eflaust að fara í
slipp.“
Hífður upp
úr höfninni
SJÓNVARPSSTÖÐIN ÍNN og Sím-
inn hafa gert samning um dreifingu
dagskrár ÍNN á ADSL-kerfi Sím-
ans á rás 20 eins og hjá Digital Ís-
land.
Þannig mun ÍNN nást um allt
land á rás 20 frá og með næstu
viku, óháð því hvort kerfið not-
endur eru með.
ÍNN næst
um allt land
Eftir Skúla Á. Sigurðsson
skulias@mbl.is
ÁKVÖRÐUN um örlög sögufrægs
húss Benedikts Gröndal á horni
Vesturgötu og Norðurstígs hefur
enn ekki verið tekin í borgarráði.
Mál hússins hefur ítrekað komið til
umræðu innan stjórnkerfisins og
ýmsar tillögur viðraðar. Lagt var til
að flytja húsið á Árbæjarsafn, í
Grjótaþorpið eða á annan stað í mið-
bænum. Einnig kom fram tillaga um
að húsið fengi að standa á sínum
stað.
Tillaga um að flytja húsið í Grjóta-
þorpið var samþykkt í skipulagsráði
en borgarráð frestaði málinu og vís-
aði erindinu aftur til skipulagsráðs.
„Situr bara fast“
Að sögn Margrétar Þormar arki-
tekts hjá skipulags- og byggingar-
sviði Reykjavíkurborgar rataði mál-
ið aftur til skipulagsráðs vegna
óánægjuradda íbúa í Grjótaþorpinu.
Mörgum íbúum þorpsins hafi þó lit-
ist mjög vel á hugmyndina. „Málið
var skoðað hérna [í skipulagsráði] og
svo situr það bara fast,“ segir Mar-
grét en engin hreyfing hefur orðið
um nokkurra mánaða skeið.
Svo gæti farið að húsið yrði flutt á
Árbæjarsafn en Margrét segir að
húsinu verði að bjarga. „Hugmyndin
var að bjarga því þannig að það væri
lifandi starfsemi í því,“ segir Mar-
grét. Því markmiði verður augljós-
lega ekki náð fari húsið á safnið.
Gæti orðið fræðimannaíbúð
Borgarminjavörður, Sögufélagið
og Hið íslenska náttúrufræðifélag
hafa lýst yfir stuðningi við að húsið
verði flutt í Grjótaþorpið. Síðast-
nefnda félagið telur að gefa beri
gaum náttúrufræðilegri sögu húss-
ins. Það geti gegnt hlutverki fræði-
mannaíbúðar eða fundaraðstöðu fyr-
ir félagasamtök á sviði náttúrufræða.
Gröndalshús var byggt árið 1882
en Benedikt Gröndal var fyrsti for-
maður Hins íslenska náttúrufræði-
félags. Í húsi hans var um skeið
fyrsta náttúrugripasafn félagsins og
þjóðarinnar.
Gröndalshús strand hjá borginni
Afgreitt í skipulagsráði en borgarráð frestaði málinu og vísaði til skipulagsráðs
Ólíkar hugmyndir uppi um örlög hússins Óánægja meðal íbúa Grjótaþorpsins
Morgunblaðið/Golli
Gröndalshús Ekki eru allir á eitt sáttir um hvar húsið skuli standa.